Palakkad
പാലക്കാട് കാവശ്ശേരിയിൽ തിരഞ്ഞെടുപ്പ് പ്രചാരണത്തിനിടെ സ്ഥാനാർത്ഥിക്ക് പാമ്പുകടിയേറ്റു
പാലക്കാട് കാവശ്ശേരിയിൽ തിരഞ്ഞെടുപ്പ് പ്രചാരണത്തിനിടെ യുഡിഎഫ് സ്ഥാനാർത്ഥിക്ക് പാമ്പുകടിയേറ്റു. കാവശേരി പഞ്ചായത്ത് ഒന്നാം വാർഡ് യുഡിഎഫ് സ്ഥാനാർത്ഥി അനില അജീഷിനാണ് കടിയേറ്റത്. നിലവിൽ ഇവർ പാലക്കാട് ജില്ലാ ആശുപത്രിയിൽ നിരീക്ഷണത്തിലാണ്.
ബിഎൽഒമാരുടെ ജോലി സമ്മർദ്ദം; കൂടുതൽ ശബ്ദ സന്ദേശങ്ങൾ പുറത്ത്
പാലക്കാട് സ്വദേശിയായ ബിഎൽഒയുടെ ശബ്ദ സന്ദേശം പുറത്ത് വന്നു. കണ്ണൂരിൽ ബിഎൽഒ ആത്മഹത്യ ചെയ്തതുപോലെ താൻ ചെയ്യാതിരുന്നത് അതിശയമെന്ന് ഉദ്യോഗസ്ഥയുടെ സന്ദേശം. മാനസികമായി തകർന്നു, ലോ പെർഫോമൻസ് എന്ന് കാണിച്ച് വിലയിരുത്തലുകൾ നടത്തിയെന്നും സന്ദേശത്തിൽ പറയുന്നു.
ചിറ്റൂർ താലൂക്ക് ആശുപത്രിയിൽ ചികിത്സാ പിഴവെന്ന് പരാതി; നവജാത ശിശു മരിച്ചു
പാലക്കാട് ചിറ്റൂർ താലൂക്ക് ആശുപത്രിയിൽ ചികിത്സാ പിഴവുണ്ടായെന്ന് പരാതി. മതിയായ ചികിത്സ ലഭിക്കാതെ നവജാത ശിശു മരിച്ചെന്നാണ് കുടുംബത്തിൻ്റെ ആരോപണം. പ്രസവത്തിൽ കുഞ്ഞിൻ്റെ ഇടത് കൈക്ക് പരിക്കേറ്റെന്നും മതിയായ സൗകര്യങ്ങളില്ലാതെ സ്വകാര്യ ആശുപത്രിയിലേക്ക് മാറ്റിയെന്നും പരാതിയിൽ പറയുന്നു. സംഭവത്തിൽ ഡിഎംഒ തലത്തിൽ അന്വേഷണം ആരംഭിച്ചു.
പാലക്കാട്: പട്ടികവർഗ്ഗ വിദ്യാർത്ഥികളുടെ അപേക്ഷകൾ കുറ്റിക്കാട്ടിൽ കണ്ടെത്തി; അന്വേഷണം ആരംഭിച്ചു
പാലക്കാട് വിദ്യാഭ്യാസ ധനസഹായത്തിനായി പട്ടികവർഗ്ഗ വിദ്യാർത്ഥികൾ നൽകിയ അപേക്ഷകൾ പുഴയരികിലെ കുറ്റിക്കാട്ടിൽ നിന്ന് കണ്ടെത്തി. കൊല്ലങ്കോട് ട്രൈബൽ ഓഫീസിൽ നൽകിയ 15 ഓളം അപേക്ഷകളാണ് യാക്കര പാലത്തിനു സമീപം തള്ളിയത്. സംഭവത്തിൽ രക്ഷിതാക്കൾ ജില്ലാ കളക്ടർക്കും പട്ടികവർഗ്ഗ ഓഫീസർക്കും പരാതി നൽകി, അന്വേഷണം ആരംഭിച്ചു.
രാഹുൽ മാങ്കൂട്ടത്തിലിന്റെ ഓഫീസിലേക്ക് ബിജെപി മാർച്ച്; അറസ്റ്റ് ചെയ്യണമെന്ന് ആവശ്യം
രാഹുൽ മാങ്കൂട്ടത്തിലിന്റെ പാലക്കാട്ടെ ഓഫീസിലേക്ക് ബിജെപി മാർച്ച് നടത്തി. രാഹുൽ മാങ്കൂട്ടത്തിൽ ഗുരുതരമായ കുറ്റകൃത്യങ്ങൾ നടത്തിയെന്ന് ബിജെപി ആരോപിച്ചു. പെൺകുട്ടിയെ ഭീഷണിപ്പെടുത്തിയെന്നും ഇതിനെതിരെ പോലീസ് കേസെടുക്കുന്നില്ലെന്നും ബിജെപി കുറ്റപ്പെടുത്തി.
യുഡിഎഫ് സ്ഥാനാർത്ഥിയെ ഭീഷണിപ്പെടുത്തിയെന്ന ആരോപണം നിഷേധിച്ച് ബിജെപി ജില്ലാ അധ്യക്ഷൻ
പാലക്കാട് നഗരസഭയിലെ 50-ാം വാർഡിൽ യുഡിഎഫ് സ്ഥാനാർത്ഥിയെ ഭീഷണിപ്പെടുത്താൻ ശ്രമിച്ചെന്ന ആരോപണം ബിജെപി ജില്ലാ അധ്യക്ഷൻ പ്രശാന്ത് ശിവൻ നിഷേധിച്ചു. കോൺഗ്രസിൻ്റെ ആഭ്യന്തര പ്രശ്നങ്ങൾ മറയ്ക്കാൻ ശ്രമിക്കുന്നതിന്റെ ഭാഗമാണ് ഈ ആരോപണമെന്നും അദ്ദേഹം കൂട്ടിച്ചേർത്തു. തെളിവുകൾ പുറത്തുവിടാൻ അദ്ദേഹം കോൺഗ്രസ് എം.പി.യെ വെല്ലുവിളിച്ചു.
പാലക്കാട് നഗരസഭയിൽ കോൺഗ്രസ് സ്ഥാനാർത്ഥിയെ പിൻവലിക്കാൻ ബിജെപി ശ്രമിക്കുന്നുവെന്ന് ആരോപണം
പാലക്കാട് നഗരസഭയിലെ 50-ാം വാർഡിൽ കോൺഗ്രസ് സ്ഥാനാർത്ഥിയെ പിൻവലിപ്പിക്കാൻ ബിജെപി ശ്രമിക്കുന്നുവെന്ന് ആരോപണം. യുഡിഎഫ് സ്ഥാനാർത്ഥി രമേശ് കെയുടെ വീട്ടിലേക്ക് പണവുമായി ബിജെപി നേതാക്കൾ എത്തിയെന്നാണ് പരാതി. സംഭവത്തിൽ പാലക്കാട് നോർത്ത് പൊലീസ് അന്വേഷണം ആരംഭിച്ചു.
പാലക്കാട് സി.പി.ഐ.എം ഓഫീസിൽ തൂങ്ങിമരണം
പാലക്കാട് തിരഞ്ഞെടുപ്പ് കമ്മിറ്റി ഓഫീസിൽ സി.പി.ഐ.എം പ്രവർത്തകനെ തൂങ്ങിമരിച്ച നിലയിൽ കണ്ടെത്തി. പടലിക്കാട് സ്വദേശി ശിവൻ (40) ആണ് മരിച്ചത്. സംഭവത്തിൽ പോലീസ് അന്വേഷണം ആരംഭിച്ചു.
രാഹുൽ മാങ്കൂട്ടത്തിലിനൊപ്പം പത്രിക നൽകി യുഡിഎഫ് സ്ഥാനാർത്ഥികൾ
പാലക്കാട് പിരായിരി പഞ്ചായത്തിലെ യുഡിഎഫ് സ്ഥാനാർത്ഥികൾ രാഹുൽ മാങ്കൂട്ടത്തിൽ എംഎൽഎയോടൊപ്പം എത്തി നാമനിർദേശ പത്രിക സമർപ്പിച്ചു. യുഡിഎഫിൻ്റെ മതേതര ശക്തികേന്ദ്രമായി പിരായിരി തുടരുമെന്ന് രാഹുൽ മാങ്കൂട്ടത്തിൽ അഭിപ്രായപ്പെട്ടു. നേരത്തെ ലൈംഗിക അതിക്രമ കേസിനെ തുടർന്ന് രാഹുൽ മാങ്കൂട്ടത്തിലിനെ കോൺഗ്രസ് സസ്പെൻഡ് ചെയ്തിരുന്നു.
അപേക്ഷ തള്ളിയ ഡെപ്യൂട്ടി കളക്ടർക്ക് പിഴയിട്ട് ഹൈക്കോടതി
നെൽവയൽ ഡാറ്റാ ബാങ്കിൽ നിന്ന് ഭൂമി ഒഴിവാക്കാനുള്ള അപേക്ഷ നിരസിച്ച ഡെപ്യൂട്ടി കളക്ടർക്ക് ഹൈക്കോടതി പതിനായിരം രൂപ പിഴ വിധിച്ചു. കോട്ടയം ഡെപ്യൂട്ടി കളക്ടറായ എസ്. ശ്രീജിത്തിനാണ് പിഴ ചുമത്തിയത്. പാലക്കാട് ഡെപ്യൂട്ടി കളക്ടറായിരിക്കെ എടുത്ത നടപടിക്കെതിരെയാണ് വിധി.
തിരഞ്ഞെടുപ്പിൽ മത്സരിക്കുന്നതിനാൽ ഭീഷണിയെന്ന് ബിജെപി സ്ഥാനാർഥി; പരാതി നൽകി
പാലക്കാട് തരൂർ പഞ്ചായത്തിലെ നാലാം വാർഡ് സ്ഥാനാർഥി രാജലക്ഷ്മിക്ക് തിരഞ്ഞെടുപ്പിൽ മത്സരിക്കുന്നതുമായി ബന്ധപ്പെട്ട് ഭീഷണിയുണ്ടെന്ന് പരാതി. സി.പി.ഐ.എം പ്രവർത്തകർ ഭീഷണിപ്പെടുത്തിയെന്നാണ് ആരോപണം. ഭർത്താവിനെയും തന്നെയും കൊന്നുകളയുമെന്ന് ഭീഷണിപ്പെടുത്തിയതായി പരാതിയിൽ പറയുന്നു. യുവതി നൽകിയ പരാതിയിൽ പൊലീസ് അന്വേഷണം ആരംഭിച്ചു.
പാലക്കാട് നഗരസഭയിൽ ബിജെപി മൂന്നാമതും അധികാരത്തിൽ വരും: എൻ. ശിവരാജൻ
പാലക്കാട് നഗരസഭയിൽ ബിജെപി മൂന്നാമതും അധികാരത്തിൽ വരുമെന്ന് എൻ. ശിവരാജൻ. സ്ഥാനാർത്ഥി നിർണയത്തെച്ചൊല്ലി തർക്കം രൂക്ഷമായിരിക്കുകയാണ്. സി. കൃഷ്ണകുമാർ പക്ഷം തയ്യാറാക്കിയ പട്ടികക്കെതിരെ സംസ്ഥാന നേതൃത്വം രംഗത്തെത്തി.