Pakistan
സിന്ധു നദിയിലെ വെള്ളം തടഞ്ഞാൽ യുദ്ധം; ഇന്ത്യയെ പാഠം പഠിപ്പിക്കുമെന്ന് പാക് പ്രധാനമന്ത്രി
സിന്ധു നദിയിലെ വെള്ളം തടയുന്നത് യുദ്ധമായി കണക്കാക്കുമെന്നും ഇന്ത്യയെ പാഠം പഠിപ്പിക്കുമെന്നും പാക് പ്രധാനമന്ത്രി ഷഹബാസ് ഷരീഫ് പറഞ്ഞു. ഇസ്ലാമാബാദിൽ നടന്ന ഒരു ചടങ്ങിലാണ് ഷരീഫ് വിവാദ പരാമർശം നടത്തിയത്. പാകിസ്താന് അർഹമായ ഒരു തുള്ളി വെള്ളം പോലും ഇന്ത്യ തട്ടിയെടുക്കാൻ അനുവദിക്കില്ലെന്നും ഷരീഫ് വ്യക്തമാക്കി.
ക്രിക്കറ്റ് ഓഫ് ലെജൻഡ്സ് ടൂർണമെന്റിൽ നിന്ന് പാകിസ്ഥാൻ പിന്മാറി
ക്രിക്കറ്റ് ഓഫ് ലെജൻഡ്സ് ടൂർണമെന്റിൽ നിന്ന് പാകിസ്ഥാൻ പിന്മാറി. ഇന്ത്യാ - പാകിസ്ഥാൻ സെമിഫൈനൽ കളിക്കാൻ വിസമ്മതിച്ചതാണ് കാരണം. പിസിബിയുടെ 79-ാമത് ബോർഡ് ഓഫ് ഗവർണേഴ്സ് യോഗത്തിലാണ് തീരുമാനം എടുത്തത്.
പാകിസ്താനുമായി എണ്ണപ്പാട വികസനത്തിന് കരാർ ഒപ്പിട്ട് ട്രംപ്; ഇന്ത്യക്ക് എണ്ണ വിൽക്കുന്ന കാലം വരുമെന്ന് പ്രഖ്യാപനം
പാകിസ്താനുമായി എണ്ണപ്പാടങ്ങളുടെ വികസനത്തിന് സുപ്രധാന കരാർ ഒപ്പിട്ടെന്ന് യുഎസ് പ്രസിഡന്റ് ഡൊണാൾഡ് ട്രംപ് അറിയിച്ചു. ഈ സഹകരണത്തിലൂടെ പാകിസ്താൻ ഇന്ത്യക്ക് എണ്ണ വിൽക്കുന്ന സാഹചര്യം ഉണ്ടാകുമെന്നും ട്രംപ് പ്രസ്താവിച്ചു. ഇന്ത്യക്ക് മേൽ 25 ശതമാനം താരിഫ് ചുമത്തിയതിന് പിന്നാലെയാണ് ഈ പ്രഖ്യാപനം.
വേൾഡ് ചാമ്പ്യൻഷിപ്പ് സെമി: പാകിസ്താനെതിരെ കളിക്കാനില്ലെന്ന് ഇന്ത്യ
വേൾഡ് ചാമ്പ്യൻഷിപ്പ് ഓഫ് ലെജൻഡ്സ് (WCL) 2025 സെമിഫൈനലിൽ പാകിസ്താൻ ചാമ്പ്യൻസിനെതിരെ കളിക്കേണ്ടതില്ലെന്ന് ഇന്ത്യ ചാമ്പ്യൻസ് തീരുമാനിച്ചു. ഇന്ത്യയിൽ നടന്ന പഹൽഗാം ഭീകരാക്രമണത്തിൽ പ്രതിഷേധിച്ചാണ് ഈ തീരുമാനം. സുരേഷ് റെയ്ന, ശിഖർ ധവാൻ തുടങ്ങിയ മുൻ ക്രിക്കറ്റ് താരങ്ങൾ പാകിസ്താനെതിരെ കളിക്കാൻ വിസമ്മതിച്ചിരുന്നു.
ട്രംപിന്റെ മധ്യസ്ഥ വാദം തള്ളി കേന്ദ്രസർക്കാർ; പാക് ഭീഷണിയ്ക്ക് മുന്നിൽ മുട്ടുമടക്കില്ലെന്ന് ജയശങ്കർ
ഇന്ത്യാ-പാക് സംഘർഷത്തിൽ അമേരിക്കൻ പ്രസിഡന്റ് ഡൊണാൾഡ് ട്രംപിന്റെ മധ്യസ്ഥതാ വാദം കേന്ദ്രസർക്കാർ പാർലമെന്റിൽ തള്ളി. പ്രധാനമന്ത്രിയും ട്രംപും തമ്മിൽ ഒരു സംഭാഷണവും നടന്നിട്ടില്ലെന്നും പാകിസ്താനെ ആഗോളതലത്തിൽ തുറന്നുകാട്ടിയെന്നും ജയശങ്കർ പറഞ്ഞു. ഭീകരവാദത്തിനെതിരെ ശക്തമായ പോരാട്ടമാണ് ലക്ഷ്യമെന്നും പാകിസ്താന്റെ ആണവ ഭീഷണിക്ക് മുന്നിൽ മുട്ടുമടക്കില്ലെന്നും മന്ത്രി കൂട്ടിച്ചേർത്തു.
ബലൂചിസ്ഥാനിൽ ദുരഭിമാനക്കൊല: ഗോത്ര നേതാവ് ഉൾപ്പെടെ 13 പേർ അറസ്റ്റിൽ
പാകിസ്ഥാനിലെ ബലൂചിസ്ഥാനിൽ ദുരഭിമാനക്കൊലപാതകവുമായി ബന്ധപ്പെട്ട് ഒരു ഗോത്ര നേതാവ് ഉൾപ്പെടെ 13 പേരെ അറസ്റ്റ് ചെയ്തു. അവിഹിതബന്ധം ആരോപിച്ചാണ് ദമ്പതികളെ കൊലപ്പെടുത്തിയത്. ഈ സംഭവത്തിൽ മതപണ്ഡിതരും പൊതുസമൂഹവും പ്രതിഷേധവുമായി രംഗത്തെത്തിയിട്ടുണ്ട്.
പാകിസ്ഥാനെതിരെ ബംഗ്ലാദേശിന് തകർപ്പൻ ജയം; പരമ്പരയിൽ മുന്നിൽ
മീർപൂരിൽ നടന്ന ആദ്യ ടി20 മത്സരത്തിൽ പാകിസ്ഥാനെ ബംഗ്ലാദേശ് ഏഴ് വിക്കറ്റിന് പരാജയപ്പെടുത്തി. ബംഗ്ലാദേശ് 15.3 ഓവറിൽ മൂന്ന് വിക്കറ്റ് നഷ്ടത്തിൽ 112 റൺസെടുത്തു. 39 പന്തിൽ 56 റൺസെടുത്ത പർവേസ് ഹുസൈൻ ഇമോനാണ് കളിയിലെ താരം.
ഇന്ത്യ ആവശ്യപ്പെട്ടാൽ ഭീകരരെ കൈമാറും; നിലപാട് വ്യക്തമാക്കി പാക് മുൻ വിദേശകാര്യ മന്ത്രി
ഇന്ത്യ സംശയമുന്നയിക്കുന്ന ഭീകരരെ കൈമാറുന്നതിൽ പാകിസ്താന് എതിർപ്പില്ലെന്ന് പാകിസ്താൻ മുൻ വിദേശകാര്യ മന്ത്രി ബിലാവൽ ഭൂട്ടോ. ലഷ്കർ ഇ തൊയ്ബ തലവൻ ഹാഫിസ് സെയ്ദിനെയും ജെയ്ഷെ മുഹമ്മദ് സ്ഥാപകൻ മസൂദ് അസറിനെയും ഇന്ത്യക്ക് കൈമാറുന്നതുമായി ബന്ധപ്പെട്ട ചോദ്യത്തിന് മറുപടി പറയുകയായിരുന്നു അദ്ദേഹം. മസൂദ് അസർ അഫ്ഗാനിസ്ഥാനിൽ ആണെങ്കിൽ തങ്ങൾക്കൊന്നും ചെയ്യാനാവില്ലെന്നും ബിലാവൽ കൂട്ടിച്ചേർത്തു.
പാക് ചാരവൃത്തി: നാവികസേനാ ആസ്ഥാനത്തെ ക്ലർക്ക് അറസ്റ്റിൽ
പാകിസ്താന് വേണ്ടി ചാരപ്പണി നടത്തിയതിന് നാവികസേനാ ആസ്ഥാനത്തെ ക്ലർക്ക് അറസ്റ്റിൽ. ഹരിയാന സ്വദേശി വിശാൽ യാദവിനെ രാജസ്ഥാൻ പൊലീസാണ് അറസ്റ്റ് ചെയ്തത്. ഇയാൾ വർഷങ്ങളായി പാക് ചാരസംഘടനയായ ഐഎസ്ഐക്ക് വേണ്ടി പ്രവർത്തിക്കുകയായിരുന്നു.
അഭിനന്ദനെ പിടികൂടിയ പാക് സൈനികൻ ഭീകരാക്രമണത്തിൽ കൊല്ലപ്പെട്ടു
അഭിനന്ദൻ വർധമാനെ പിടികൂടിയ പാക് സൈനികൻ തെഹ്രിക് താലിബാൻ ഭീകരരുമായുള്ള ഏറ്റുമുട്ടലിൽ കൊല്ലപ്പെട്ടു. ഖൈബർ പഖ്തൂൺഖ്വ മേഖലയിൽ നടന്ന ആക്രമണത്തിൽ മറ്റ് രണ്ട് സൈനികർക്കും ജീവൻ നഷ്ടമായി. 2019-ലെ ബാലാക്കോട്ട് വ്യോമാക്രമണത്തിന് പിന്നാലെയാണ് അഭിനന്ദൻ പാക് സൈന്യത്തിന്റെ പിടിയിലായത്.
സമാധാനത്തിനുള്ള നോബൽ സമ്മാനത്തിന് ട്രംപിനെ ശിപാർശ ചെയ്ത് പാകിസ്താൻ
ഇന്ത്യ-പാക് സംഘർഷത്തിൽ ട്രംപിന്റെ നയതന്ത്ര ഇടപെടൽ നിർണായകമായിരുന്നു. വലിയ യുദ്ധത്തിലേക്ക് പോകേണ്ടിയിരുന്ന സ്ഥിതി ട്രംപിന്റെ ഇടപെടലിലൂടെ അവസാനിച്ചു എന്ന് പാകിസ്താൻ പറയുന്നു. പാക് സൈനിക മേധാവി അസിം മുനീറിന് ട്രംപ് വിരുന്നൊരുക്കിയത് വലിയ ചർച്ചയായിരുന്നു.
പാക് സൈനിക മേധാവി ട്രംപിനെ കണ്ടതിൽ ഇന്ത്യക്ക് അതൃപ്തി; അടിയന്തര യോഗം വിളിക്കണമെന്ന് കോൺഗ്രസ്
പാകിസ്താൻ സൈനിക മേധാവി അമേരിക്കൻ പ്രസിഡന്റായി കൂടിക്കാഴ്ച നടത്തിയതിൽ കോൺഗ്രസ് പ്രതിഷേധം അറിയിച്ചു. വിഷയത്തിൽ അടിയന്തര സർവകക്ഷിയോഗം വിളിക്കണമെന്ന് കോൺഗ്രസ് ആവശ്യപ്പെട്ടു. പ്രധാനമന്ത്രിയുടെ ത്രിരാഷ്ട്ര പര്യടനത്തിനു ശേഷം സർവ്വകക്ഷി യോഗം വിളിക്കണമെന്നാണ് കോൺഗ്രസ് ആവശ്യപ്പെട്ടിരിക്കുന്നത്. കശ്മീർ വിഷയത്തിൽ അമേരിക്കയുടെ മധ്യസ്ഥത ഇന്ത്യ തള്ളി കളഞ്ഞെന്നും കോൺഗ്രസ് കൂട്ടിച്ചേർത്തു.