P.S. Prasanth
ദേവസ്വം ബോർഡ് പ്രസിഡന്റ് സ്ഥാനത്ത് നിന്ന് സംതൃപ്തിയോടെ പടിയിറങ്ങുന്നു: പി.എസ്. പ്രശാന്ത്
ദേവസ്വം ബോർഡ് പ്രസിഡന്റ് സ്ഥാനത്തുനിന്നും പൂർണ്ണ സംതൃപ്തിയോടെയാണ് താൻ പടിയിറങ്ങുന്നതെന്ന് പി.എസ്. പ്രശാന്ത് ട്വന്റിഫോറിനോട് പറഞ്ഞു. ശബരിമലയിൽ കൂടുതൽ സൗകര്യങ്ങൾ ഒരുക്കാൻ ദേവസ്വം ബോർഡ് ശ്രമിച്ചിട്ടുണ്ടെന്നും അദ്ദേഹം കൂട്ടിച്ചേർത്തു. ശബരിമലയുടെ പേരിൽ താനൊരു രൂപ പോലും സമ്പാദിച്ചിട്ടില്ലെന്നും പാർട്ടിക്ക് തന്നിൽ പൂർണ്ണ വിശ്വാസമുണ്ടെന്നും അദ്ദേഹം വ്യക്തമാക്കി.
പി.എസ്. പ്രശാന്തിന്റെ കാലാവധി നീട്ടില്ല; ദേവസ്വം ബോർഡ് അധ്യക്ഷ സ്ഥാനത്ത് പുതിയൊരാൾ
തിരുവിതാംകൂർ ദേവസ്വം ബോർഡ് പ്രസിഡന്റ് പി.എസ്. പ്രശാന്തിന്റെ കാലാവധി നീട്ടേണ്ടതില്ലെന്ന് സർക്കാർ തീരുമാനിച്ചു. ശബരിമല സ്വർണക്കൊള്ളയുമായി ബന്ധപ്പെട്ട് ഹൈക്കോടതി നടത്തിയ നിരീക്ഷണങ്ങളാണ് ഇതിലേക്ക് നയിച്ചത്. നാളെ ചേരുന്ന സിപിഐഎം സംസ്ഥാന സെക്രട്ടേറിയറ്റിൽ അന്തിമ തീരുമാനമുണ്ടാകും.
സ്വർണ വിവാദം: വി.ഡി. സതീശനെതിരെ ആഞ്ഞടിച്ച് പി.എസ്. പ്രശാന്ത്
സ്വർണ മോഷണ വിവാദത്തിൽ പ്രതികരണവുമായി തിരുവിതാംകൂർ ദേവസ്വം ബോർഡ് പ്രസിഡന്റ് പി.എസ്. പ്രശാന്ത് രംഗത്ത്. തനിക്കെതിരായ ആരോപണങ്ങൾക്ക് പിന്നിൽ ഗൂഢാലോചന നടന്നിട്ടുണ്ടെന്നും ശബരിമലയെ സുവർണാവസരമായി കണ്ടുകൊണ്ട് പ്രതിപക്ഷ നേതാവ് രാഷ്ട്രീയം കളിക്കുകയാണെന്നും അദ്ദേഹം ആരോപിച്ചു. അന്വേഷണ റിപ്പോർട്ട് വരുന്നതുവരെ പ്രതിപക്ഷം ക്ഷമയോടെ കാത്തിരിക്കണമെന്നും പി.എസ്. പ്രശാന്ത് ആവശ്യപ്പെട്ടു.
അയ്യപ്പ സംഗമം ലക്ഷ്യം കണ്ടെന്ന് ദേവസ്വം ബോർഡ്; വിമർശകർക്ക് മറുപടിയുമായി പി.എസ്. പ്രശാന്ത്
ആഗോള അയ്യപ്പ സംഗമത്തിൽ ദേവസ്വം ബോർഡ് ലക്ഷ്യമിട്ട കാര്യങ്ങൾ പൂർത്തീകരിക്കാൻ കഴിഞ്ഞെന്ന് പ്രസിഡന്റ് പി.എസ്. പ്രശാന്ത് പറഞ്ഞു. സംഗമത്തിൽ 4126 പേർ പങ്കെടുത്തു. ശബരിമലയുടെ മാസ്റ്റർ പ്ലാൻ എങ്ങനെ ഭക്തജനങ്ങൾക്ക് മുന്നിൽ അവതരിപ്പിക്കാമെന്നതിനെക്കുറിച്ച് ചർച്ചകൾ നടന്നു, പദ്ധതി നാല് വർഷത്തിനുള്ളിൽ നടപ്പിലാക്കും.
ആഗോള അയ്യപ്പ സംഗമം ചരിത്രസംഭവമാകും: പി.എസ്. പ്രശാന്ത്
ആഗോള അയ്യപ്പ സംഗമം ചരിത്ര സംഭവമാകുമെന്ന് തിരുവിതാംകൂർ ദേവസ്വം ബോർഡ് പ്രസിഡന്റ് പി.എസ്. പ്രശാന്ത് അഭിപ്രായപ്പെട്ടു. സംഗമത്തിൽ എല്ലാ ഭക്തരെയും തുല്യമായി പരിഗണിക്കും. വിഐപി പരിഗണനകൾ ഒഴിവാക്കി, അടിസ്ഥാന സൗകര്യ വികസനം ലക്ഷ്യമിട്ടുള്ള പരിപാടിയാണിതെന്നും അദ്ദേഹം കൂട്ടിച്ചേർത്തു.