obituary
മുതിർന്ന മാധ്യമപ്രവർത്തകൻ എസ്. ജയശങ്കർ അന്തരിച്ചു
മുതിർന്ന മാധ്യമപ്രവർത്തകനും KUWJ മുൻ ജനറൽ സെക്രട്ടറിയുമായിരുന്ന എസ്. ജയശങ്കർ അന്തരിച്ചു. അദ്ദേഹത്തിന് 75 വയസ്സായിരുന്നു. അദ്ദേഹത്തിന്റെ സംസ്കാരം ഇന്ന് വൈകുന്നേരം 4 മണിക്ക് തൈക്കാട് ശാന്തികവാടത്തിൽ നടക്കും.
മാധ്യമപ്രവർത്തകൻ സനൽ പോറ്റി അന്തരിച്ചു
മാധ്യമപ്രവർത്തകനും അവതാരകനുമായിരുന്ന സനൽ പോറ്റി വൃക്ക രോഗത്തെ തുടർന്ന് ചികിത്സയിലിരിക്കെ 55-ാം വയസ്സിൽ അന്തരിച്ചു. വിവിധ ചാനലുകളിൽ അവതാരകനായും പ്രൊഡ്യൂസറായും പ്രവർത്തിച്ചിട്ടുണ്ട്. കളമശ്ശേരി എസ് സി എം എസ് കോളേജ് പബ്ലിക് റിലേഷൻസ് മാനേജരായി ജോലി ചെയ്തുവരികയായിരുന്നു.
കാനത്തിൽ ജമീലയുടെ നിര്യാണത്തിൽ മുഖ്യമന്ത്രിയുടെ അനുശോചനം
കൊയിലാണ്ടി എംഎൽഎ കാനത്തിൽ ജമീലയുടെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു. യാഥാസ്ഥിതിക കുടുംബത്തിൽ നിന്ന് കമ്യൂണിസ്റ്റ് പാരമ്പര്യത്തിലേക്ക് വന്ന കാനത്തിൽ ജമീല, തദ്ദേശസ്ഥാപനങ്ങളിൽ പ്രവർത്തിച്ച് ഭരണമികവ് തെളിയിച്ച നേതാവായിരുന്നു. അവരുടെ അകാല വിയോഗത്തിൽ കുടുംബാംഗങ്ങളുടെ ദുഃഖത്തിൽ പങ്കുചേരുന്നതായി മുഖ്യമന്ത്രി അറിയിച്ചു.
കാനത്തിൽ ജമീലയുടെ വിയോഗം; അനുസ്മരിച്ച് പി കെ ശ്രീമതി
കൊയിലാണ്ടി എംഎൽഎ കാനത്തിൽ ജമീലയുടെ നിര്യാണത്തിൽ അനുശോചനം രേഖപ്പെടുത്തി സിപിഐഎം നേതാവ് പി.കെ. ശ്രീമതി. ജമീലയുടെ വിയോഗം പ്രസ്ഥാനത്തിന് വലിയ നഷ്ടമാണെന്നും എല്ലാവർക്കും പ്രിയങ്കരിയായ നല്ലൊരു നേതാവിനെയാണ് നഷ്ടമായതെന്നും ശ്രീമതി അനുസ്മരിച്ചു. ലളിതമായ പെരുമാറ്റത്തിലൂടെയും വിനയത്തോടെയുമുള്ള പ്രവർത്തനങ്ങളിലൂടെയും ജമീല ജനഹൃദയങ്ങളിൽ സ്ഥാനം നേടിയിരുന്നു.
ബോളിവുഡ് ഇതിഹാസം ധർമേന്ദ്ര അന്തരിച്ചു
ബോളിവുഡ് ഇതിഹാസം ധർമേന്ദ്ര (89) അന്തരിച്ചു. മുംബൈയിലെ വസതിയിലായിരുന്നു അന്ത്യം. ആറ് പതിറ്റാണ്ടോളം ബോളിവുഡിനെ ത്രസിപ്പിച്ച അദ്ദേഹത്തിന്റെ വിയോഗം സിനിമാ ലോകത്തിന് തീരാ നഷ്ടമാണ്.
കാർട്ടൂണിസ്റ്റ് ചെല്ലൻ അന്തരിച്ചു
മലയാള കാർട്ടൂൺ രംഗത്ത് തന്റേതായ വ്യക്തിമുദ്ര പതിപ്പിച്ച കാർട്ടൂണിസ്റ്റ് ചെല്ലൻ (ടി.പി.ഫിലിപ്പ്) അന്തരിച്ചു. ലോലൻ എന്ന കഥാപാത്രത്തിലൂടെ ഒരു കാലത്ത് കേരളത്തിലെ കാമ്പസുകളിൽ ചിരിയുടെ അലകൾ തീർത്ത അദ്ദേഹത്തിന് 77 വയസ്സായിരുന്നു. സംസ്കാര ചടങ്ങുകൾ തിങ്കളാഴ്ച വൈകീട്ട് 3 മണിക്ക് വടവാതൂരിൽ നടക്കും.
നടൻ സതീഷ് ഷാ അന്തരിച്ചു
പ്രശസ്ത ബോളിവുഡ് നടൻ സതീഷ് ഷാ 74-ാം വയസ്സിൽ അന്തരിച്ചു. വൃക്ക സംബന്ധമായ അസുഖത്തെ തുടർന്നായിരുന്നു അന്ത്യം. സാരാഭായ് vs സാരാഭായ് എന്ന പരമ്പരയിലെ അഭിനയത്തിലൂടെയാണ് അദ്ദേഹം ശ്രദ്ധിക്കപ്പെട്ടത്.
പരസ്യചിത്ര സംവിധായകൻ പീയൂഷ് പാണ്ഡെ അന്തരിച്ചു
പ്രമുഖ പരസ്യ ചിത്ര സംവിധായകനും ഓഗിൽവി ഇന്ത്യയുടെ എക്സിക്യൂട്ടീവ് ചെയർമാനുമായ പീയൂഷ് പാണ്ഡെ അന്തരിച്ചു. കാഡ്ബറി, ഏഷ്യൻ പെയിന്റ്സ്, ഫെവികോൾ തുടങ്ങിയ പ്രമുഖ കമ്പനികളുടെ ജനപ്രിയ പരസ്യങ്ങൾക്ക് പിന്നിൽ പ്രവർത്തിച്ചത് അദ്ദേഹമായിരുന്നു. കഴിഞ്ഞ നാല് പതിറ്റാണ്ടുകളായി പരസ്യരംഗത്ത് സജീവമായിരുന്നു.
പ്രശസ്ത സ്റ്റണ്ട് മാസ്റ്റർ മലേഷ്യ ഭാസ്കർ അന്തരിച്ചു
പ്രശസ്ത സ്റ്റണ്ട് മാസ്റ്ററും നിർമ്മാതാവുമായ മലേഷ്യ ഭാസ്കർ ഹൃദയാഘാതത്തെ തുടർന്ന് അന്തരിച്ചു. മലയാളം, തമിഴ്, തെലുങ്ക്, കന്നഡ സിനിമാ മേഖലകളിൽ സജീവമായിരുന്ന അദ്ദേഹം നിരവധി ശ്രദ്ധേയമായ സിനിമകളിൽ സംഘട്ടന രംഗങ്ങൾ ഒരുക്കിയിട്ടുണ്ട്. അദ്ദേഹത്തിന്റെ സംസ്കാര ചടങ്ങുകൾ മലേഷ്യയിൽ നടക്കും.
രമേശ് ചെന്നിത്തലയുടെ മാതാവ് എൻ. ദേവകിയമ്മ അന്തരിച്ചു
മുൻ പ്രതിപക്ഷ നേതാവും കോൺഗ്രസ് വർക്കിങ് കമ്മിറ്റി അംഗവുമായ രമേശ് ചെന്നിത്തലയുടെ മാതാവ് എൻ. ദേവകിയമ്മ (91) അന്തരിച്ചു. ചെന്നിത്തല തൃപ്പരുന്തുറ കോട്ടൂർ കിഴക്കേതിൽ ആയിരുന്നു താമസം. സംസ്കാരം നാളെ ഉച്ചയ്ക്ക് 12.00 മണിക്ക് ചെന്നിത്തല കുടുംബവീട്ടിൽ നടക്കും.
ജി. ശങ്കരക്കുറുപ്പിന്റെ മകൾ രാധ അന്തരിച്ചു
മഹാകവി ജി. ശങ്കരക്കുറുപ്പിന്റെ മകളും പ്രൊഫസർ എം. അച്യുതന്റെ പത്നിയുമായ രാധ (86) അന്തരിച്ചു. കൊച്ചി നഗരസഭ മുൻ ഡെപ്യൂട്ടി മേയർ ഭദ്രയുടെ ഫ്ലാറ്റിൽ വെച്ചായിരുന്നു അന്ത്യം. സംസ്കാരം വെള്ളിയാഴ്ച രവിപുരത്ത് നടക്കും.
മുതിർന്ന മാധ്യമപ്രവർത്തകൻ ടി.ജെ.എസ്. ജോർജ്ജ് അന്തരിച്ചു
മുതിർന്ന മാധ്യമപ്രവർത്തകനും എഴുത്തുകാരനുമായ ടി.ജെ.എസ്. ജോർജ്ജ് 97-ാം വയസ്സിൽ അന്തരിച്ചു. ഹൃദയാഘാതത്തെ തുടർന്ന് ബെംഗളൂരുവിലായിരുന്നു അന്ത്യം. രാജ്യം പത്മഭൂഷൺ നൽകി ആദരിച്ച അദ്ദേഹത്തിന്റെ നിര്യാണം മാധ്യമരംഗത്തിന് വലിയ നഷ്ടമാണ്.