obituary
കാർട്ടൂണിസ്റ്റ് ചെല്ലൻ അന്തരിച്ചു
മലയാള കാർട്ടൂൺ രംഗത്ത് തന്റേതായ വ്യക്തിമുദ്ര പതിപ്പിച്ച കാർട്ടൂണിസ്റ്റ് ചെല്ലൻ (ടി.പി.ഫിലിപ്പ്) അന്തരിച്ചു. ലോലൻ എന്ന കഥാപാത്രത്തിലൂടെ ഒരു കാലത്ത് കേരളത്തിലെ കാമ്പസുകളിൽ ചിരിയുടെ അലകൾ തീർത്ത അദ്ദേഹത്തിന് 77 വയസ്സായിരുന്നു. സംസ്കാര ചടങ്ങുകൾ തിങ്കളാഴ്ച വൈകീട്ട് 3 മണിക്ക് വടവാതൂരിൽ നടക്കും.
നടൻ സതീഷ് ഷാ അന്തരിച്ചു
പ്രശസ്ത ബോളിവുഡ് നടൻ സതീഷ് ഷാ 74-ാം വയസ്സിൽ അന്തരിച്ചു. വൃക്ക സംബന്ധമായ അസുഖത്തെ തുടർന്നായിരുന്നു അന്ത്യം. സാരാഭായ് vs സാരാഭായ് എന്ന പരമ്പരയിലെ അഭിനയത്തിലൂടെയാണ് അദ്ദേഹം ശ്രദ്ധിക്കപ്പെട്ടത്.
പരസ്യചിത്ര സംവിധായകൻ പീയൂഷ് പാണ്ഡെ അന്തരിച്ചു
പ്രമുഖ പരസ്യ ചിത്ര സംവിധായകനും ഓഗിൽവി ഇന്ത്യയുടെ എക്സിക്യൂട്ടീവ് ചെയർമാനുമായ പീയൂഷ് പാണ്ഡെ അന്തരിച്ചു. കാഡ്ബറി, ഏഷ്യൻ പെയിന്റ്സ്, ഫെവികോൾ തുടങ്ങിയ പ്രമുഖ കമ്പനികളുടെ ജനപ്രിയ പരസ്യങ്ങൾക്ക് പിന്നിൽ പ്രവർത്തിച്ചത് അദ്ദേഹമായിരുന്നു. കഴിഞ്ഞ നാല് പതിറ്റാണ്ടുകളായി പരസ്യരംഗത്ത് സജീവമായിരുന്നു.
പ്രശസ്ത സ്റ്റണ്ട് മാസ്റ്റർ മലേഷ്യ ഭാസ്കർ അന്തരിച്ചു
പ്രശസ്ത സ്റ്റണ്ട് മാസ്റ്ററും നിർമ്മാതാവുമായ മലേഷ്യ ഭാസ്കർ ഹൃദയാഘാതത്തെ തുടർന്ന് അന്തരിച്ചു. മലയാളം, തമിഴ്, തെലുങ്ക്, കന്നഡ സിനിമാ മേഖലകളിൽ സജീവമായിരുന്ന അദ്ദേഹം നിരവധി ശ്രദ്ധേയമായ സിനിമകളിൽ സംഘട്ടന രംഗങ്ങൾ ഒരുക്കിയിട്ടുണ്ട്. അദ്ദേഹത്തിന്റെ സംസ്കാര ചടങ്ങുകൾ മലേഷ്യയിൽ നടക്കും.
രമേശ് ചെന്നിത്തലയുടെ മാതാവ് എൻ. ദേവകിയമ്മ അന്തരിച്ചു
മുൻ പ്രതിപക്ഷ നേതാവും കോൺഗ്രസ് വർക്കിങ് കമ്മിറ്റി അംഗവുമായ രമേശ് ചെന്നിത്തലയുടെ മാതാവ് എൻ. ദേവകിയമ്മ (91) അന്തരിച്ചു. ചെന്നിത്തല തൃപ്പരുന്തുറ കോട്ടൂർ കിഴക്കേതിൽ ആയിരുന്നു താമസം. സംസ്കാരം നാളെ ഉച്ചയ്ക്ക് 12.00 മണിക്ക് ചെന്നിത്തല കുടുംബവീട്ടിൽ നടക്കും.
ജി. ശങ്കരക്കുറുപ്പിന്റെ മകൾ രാധ അന്തരിച്ചു
മഹാകവി ജി. ശങ്കരക്കുറുപ്പിന്റെ മകളും പ്രൊഫസർ എം. അച്യുതന്റെ പത്നിയുമായ രാധ (86) അന്തരിച്ചു. കൊച്ചി നഗരസഭ മുൻ ഡെപ്യൂട്ടി മേയർ ഭദ്രയുടെ ഫ്ലാറ്റിൽ വെച്ചായിരുന്നു അന്ത്യം. സംസ്കാരം വെള്ളിയാഴ്ച രവിപുരത്ത് നടക്കും.
മുതിർന്ന മാധ്യമപ്രവർത്തകൻ ടി.ജെ.എസ്. ജോർജ്ജ് അന്തരിച്ചു
മുതിർന്ന മാധ്യമപ്രവർത്തകനും എഴുത്തുകാരനുമായ ടി.ജെ.എസ്. ജോർജ്ജ് 97-ാം വയസ്സിൽ അന്തരിച്ചു. ഹൃദയാഘാതത്തെ തുടർന്ന് ബെംഗളൂരുവിലായിരുന്നു അന്ത്യം. രാജ്യം പത്മഭൂഷൺ നൽകി ആദരിച്ച അദ്ദേഹത്തിന്റെ നിര്യാണം മാധ്യമരംഗത്തിന് വലിയ നഷ്ടമാണ്.
സൗദി അറേബ്യയുടെ ഗ്രാന്റ് മുഫ്തി ഷെയ്ഖ് അബ്ദുൾ അസീസ് ആലുഷെയ്ഖ് അന്തരിച്ചു
സൗദി അറേബ്യയുടെ ഗ്രാന്റ് മുഫ്തി ഷെയ്ഖ് അബ്ദുൾ അസീസ് ആലുഷെയ്ഖ് 82-ാം വയസ്സിൽ അന്തരിച്ചു. സൗദി റോയൽ കോർട്ട് ആണ് മരണ വിവരം അറിയിച്ചത്. സൽമാൻ രാജാവും കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാനും അനുശോചനം അറിയിച്ചു.
ഹാസ്യനടൻ റോബോ ശങ്കർ അന്തരിച്ചു
പ്രമുഖ തമിഴ് ഹാസ്യനടൻ റോബോ ശങ്കർ (46) അന്തരിച്ചു. മഞ്ഞപ്പിത്തം ബാധിച്ച് ചെന്നൈയിലെ സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. അദ്ദേഹത്തിന്റെ ആകസ്മികമായ വിയോഗം സിനിമാലോകത്തെ ദുഃഖത്തിലാഴ്ത്തി.
ബിജെപി ദേശീയ കൗൺസിൽ അംഗം ചേറ്റൂർ ബാലകൃഷ്ണൻ അന്തരിച്ചു
ബി.ജെ.പി ദേശീയ കൗൺസിൽ അംഗം ചേറ്റൂർ ബാലകൃഷ്ണൻ (80) അന്തരിച്ചു. കോഴിക്കോട് ഓമശ്ശേരിയിലെ വീട്ടിൽ വാർധക്യ സഹജമായ അസുഖങ്ങളെ തുടർന്ന് വിശ്രമത്തിലായിരുന്നു അദ്ദേഹം. ഇന്ന് വൈകീട്ട് 5 മണിക്ക് വീട്ടുവളപ്പിൽ സംസ്കാരം നടക്കും.
ഡോ. ഷേർലി വാസുവിന്റെ സംസ്കാരം കോഴിക്കോട് നടന്നു
പ്രശസ്ത ഫോറൻസിക് വിദഗ്ധ ഡോ. ഷേർലി വാസുവിന്റെ സംസ്കാരം കോഴിക്കോട് നടന്നു. മാവൂർ റോഡ് സ്മൃതിപഥം ശ്മശാനത്തിൽ വൈകുന്നേരം 5 മണിയോടെ ചടങ്ങുകൾ പൂർത്തിയായി. കേരളത്തിലെ ശ്രദ്ധേയമായ പല കേസുകളിലും പോസ്റ്റ്മോർട്ടം നടത്തിയത് ഡോക്ടർ ഷേർലി വാസുവായിരുന്നു.
ആദ്യ വനിതാ ഫൊറൻസിക് വിദഗ്ധ ഡോ. ഷേർളി വാസു അന്തരിച്ചു
കേരളത്തിലെ ആദ്യ വനിതാ ഫൊറൻസിക് വിദഗ്ധ ഡോ. ഷേർളി വാസു (68) അന്തരിച്ചു. കോഴിക്കോട് മെഡിക്കൽ കോളജിൽ വെച്ചായിരുന്നു അന്ത്യം. സംസ്ഥാനത്ത് കോളിളക്കം സൃഷ്ടിച്ച പല കേസുകളിലും നിർണായകമായ കണ്ടെത്തലുകൾ നടത്തിയ ഫോറൻസിക് സർജൻമാരിൽ പ്രമുഖയായിരുന്നു.