സംസ്ഥാനത്തെ 190 ആശുപത്രികൾക്ക് നാഷണൽ ക്വാളിറ്റി അഷുറൻസ് സ്റ്റാൻഡേർഡ് (എൻ.ക്യു.എ.എസ്.) അംഗീകാരം ലഭിച്ചതായി ആരോഗ്യ വകുപ്പ് മന്ത്രി വീണാ ജോർജ് അറിയിച്ചു. പാലക്കാട് കിഴക്കഞ്ചേരി കുടുംബാരോഗ്യ കേന്ദ്രം 92.41 ശതമാനം സ്കോർ നേടി ഏറ്റവും പുതിയതായി അംഗീകാരം നേടി. എൻ.ക്യു.എ.എസ്. അംഗീകാരം ലഭിക്കുന്ന ആശുപത്രികൾക്ക് വാർഷിക ഇൻസെന്റീവ് ലഭിക്കുമെന്നും മന്ത്രി വ്യക്തമാക്കി.
