Nimishapriya

നിമിഷപ്രിയയുടെ മോചനം: പ്രധാനമന്ത്രിക്ക് കത്തയച്ച് കെ.വി. തോമസ്

യെമനിൽ വധശിക്ഷയ്ക്ക് വിധിക്കപ്പെട്ട് ജയിലിൽ കഴിയുന്ന നിമിഷപ്രിയയുടെ മോചനത്തിനായി അടിയന്തര നയതന്ത്ര ഇടപെടൽ ആവശ്യപ്പെട്ട് പ്രധാനമന്ത്രിക്ക് കെ.വി. തോമസ് കത്തയച്ചു. ജൂലൈ 16-ന് വധശിക്ഷ നടപ്പാക്കുമെന്ന റിപ്പോർട്ടുകളെ തുടർന്നാണ് കെ.വി. തോമസ് പ്രധാനമന്ത്രിക്ക് കത്തയച്ചത്. നയതന്ത്ര ഇടപെടൽ ശക്തമാക്കുന്നതിനൊപ്പം, കേസിൽ മധ്യസ്ഥരെ കണ്ടെത്തി ചർച്ചകൾക്ക് ഒരുക്കുകയും, ദയാധനം നൽകുന്നതിന് ആവശ്യമായ ഔദ്യോഗിക സഹായം നൽകണമെന്നും കെ.വി. തോമസ് പ്രധാനമന്ത്രിയോട് അഭ്യർത്ഥിച്ചു.