Nilambur
നിലമ്പൂരിൽ ആദിവാസി യുവാക്കളുടെ ആത്മഹത്യാ ഭീഷണി; തഹസിൽദാറുടെ ഉറപ്പിൽ സമരം ഒത്തുതീർന്നു
നിലമ്പൂർ ഡിഎഫ്ഒ ഓഫീസിലെ മരത്തിന് മുകളിൽ കയറി ആത്മഹത്യ ഭീഷണി മുഴക്കിയ ആദിവാസി യുവാക്കൾ താഴെയിറങ്ങി. പത്ത് ദിവസത്തിനകം ഭൂമി പ്രശ്നത്തിന് പരിഹാരം കാണാമെന്ന തഹസിൽദാറുടെ ഉറപ്പിലാണ് യുവാക്കൾ താഴെ ഇറങ്ങിയത്. 2019 ലെ പ്രളയത്തിൽ വീടും ഭൂമിയും നഷ്ടമായ നിരവധി കുടുംബങ്ങൾക്ക് ഇപ്പോഴും പകരം ഭൂമി നൽകിയിട്ടില്ല.
മലപ്പുറം നിലമ്പൂരിൽ പനി ബാധിച്ച് ചികിത്സയിലായിരുന്ന ആദിവാസി യുവതി മരിച്ചു. ചോലനായ്ക്കർ വിഭാഗത്തിലെ സുസ്മിത (20) ആണ് മരിച്ചത്. വാഹനസൗകര്യം കുറവായതിനാൽ ആശുപത്രിയിലെത്തിക്കാൻ വൈകിയത് മരണകാരണമായി.
നിലമ്പൂരിലെ ആദിവാസി കുടുംബത്തിന്റെ ദുരിതത്തിൽ മനുഷ്യാവകാശ കമ്മീഷൻ ഇടപെടുന്നു
മലപ്പുറം നിലമ്പൂരില് 21 അംഗ ആദിവാസി കുടുംബം സ്ഥലപരിമിതിയുള്ള വീട്ടില് കഴിയുന്നതിനെക്കുറിച്ച് ട്വന്റിഫോര് റിപ്പോര്ട്ട് ചെയ്തതിനെത്തുടര്ന്ന് മനുഷ്യാവകാശ കമ്മീഷന് വിഷയത്തില് ഇടപെട്ടു. അടിയന്തരമായി ഇടപെടണമെന്ന് ജില്ലാ കളക്ടറോട് കമ്മീഷന് ആവശ്യപ്പെട്ടു. 15 ദിവസത്തിനുള്ളില് ഐടിഡിപി പ്രൊജക്ട് ഓഫിസര് റിപ്പോര്ട്ട് സമര്പ്പിക്കണമെന്നും കമ്മീഷന് അറിയിച്ചു.
നിലമ്പൂരിൽ വനംവകുപ്പ് ഉദ്യോഗസ്ഥർ മർദിച്ചെന്ന് പരാതി; അഞ്ച് വർഷം മുൻപത്തെ സംഭവമെന്ന് ബൈജു ആൻഡ്രൂസ്
നിലമ്പൂരിൽ അഞ്ച് വർഷം മുൻപ് വനംവകുപ്പ് ഉദ്യോഗസ്ഥരുടെ ക്രൂരമർദനമേറ്റെന്ന് പൊതുപ്രവർത്തകൻ ബൈജു ആൻഡ്രൂസ് വെളിപ്പെടുത്തി. കുന്നംകുളത്തെ കസ്റ്റഡി മർദന വിവരം പുറത്തുവന്നപ്പോഴാണ് തനിക്ക് ഇതിനെക്കുറിച്ച് തുറന്നുപറയണമെന്ന് തോന്നിയതെന്നും അദ്ദേഹം പറഞ്ഞു. ഇതുമായി ബന്ധപ്പെട്ട് മുഖ്യമന്ത്രിയ്ക്കും വനം മന്ത്രിക്കും പരാതി നൽകുമെന്നും ബൈജു വ്യക്തമാക്കി.
നിലമ്പൂർ മാരിയമ്മൻ ക്ഷേത്രത്തിലെ കവർച്ച: പ്രതി പിടിയിൽ
നിലമ്പൂർ മാരിയമ്മൻ ക്ഷേത്രത്തിലെ ഭണ്ഡാരം കുത്തിത്തുറന്ന് പണം മോഷ്ടിച്ച കേസിൽ ഒരാളെ പോലീസ് അറസ്റ്റ് ചെയ്തു. ബാലുശ്ശേരി സ്വദേശിയായ സതീശനാണ് അറസ്റ്റിലായത്. ക്ഷേത്രത്തിലെ സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ പിടികൂടിയത്.
നിലമ്പൂരിൽ അൻവർ ഘടകമായിരുന്നു; സി.പി.ഐ.എം നിലപാട് തിരുത്തി
നിലമ്പൂർ ഉപതിരഞ്ഞെടുപ്പിൽ പി.വി. അൻവർ ഒരു ഘടകമായിരുന്നുവെന്ന് സി.പി.ഐ.എം തിരുത്തി. പി.വി. അൻവർ പാർട്ടി വോട്ടുകൾ പിടിച്ചുവെന്ന് സി.പി.ഐ.എം വിലയിരുത്തി. ആർ.എസ്.എസ് സഹകരണ പരാമർശത്തിൽ മുഖ്യമന്ത്രിയോ പാർട്ടി കമ്മിറ്റികളോ തന്നെ വിമർശിച്ചിട്ടില്ലെന്നും എം.വി. ഗോവിന്ദൻ പറഞ്ഞു.
സാധാരണക്കാരുടെ പ്രശ്നപരിഹാരത്തിന് ഏതറ്റം വരെയും പോകും; ആര്യാടൻ ഷൗക്കത്ത്
ഒരു ജനപ്രതിനിധി എന്ന നിലയിൽ സാധാരണക്കാരുടെ പ്രശ്നങ്ങൾക്ക് പരിഹാരം കാണാൻ ഏതറ്റം വരെയും പോകുമെന്ന് ആര്യാടൻ ഷൗക്കത്ത്. നിലമ്പൂരിലെ പ്രശ്നങ്ങളിൽ അടിയന്തരമായി ഇടപെടണമെന്ന് ആവശ്യപ്പെട്ട് മുഖ്യമന്ത്രിയെയും മറ്റ് മന്ത്രിമാരെയും സമീപിക്കുമെന്നും അദ്ദേഹം അറിയിച്ചു. ഇടതു ഭരണത്തിൽ ജനങ്ങൾ അനുഭവിക്കുന്ന പ്രശ്നങ്ങൾക്കെതിരെയുള്ള വിജയമാണിതെന്നും അദ്ദേഹം കൂട്ടിച്ചേർത്തു.
ആര്യാടൻ ഷൗക്കത്തും സംഘവും വാണിയമ്പുഴയിൽ കുടുങ്ങി; പിന്നീട് രക്ഷപ്പെടുത്തി
നിലമ്പൂർ വാണിയമ്പുഴയിൽ കാട്ടാനയുടെ ആക്രമണത്തിൽ കൊല്ലപ്പെട്ട ആദിവാസിയുടെ മൃതദേഹം എത്തിച്ച് മടങ്ങവെ ആര്യാടൻ ഷൗക്കത്തും സംഘവും കുടുങ്ങി. ഡിങ്കി ബോട്ടിന്റെ എൻജിൻ തകരാറിലായതിനെ തുടർന്നാണ് ഇവർ കാട്ടിൽ കുടുങ്ങിയത്. രണ്ട് മണിക്കൂറിന് ശേഷം എൻജിൻ തകരാർ പരിഹരിച്ച് ഇവരെ രക്ഷപ്പെടുത്തി.
നിലമ്പൂരിൽ ഭരണവിരുദ്ധ വികാരമില്ലെന്ന് സിപിഐഎം; സർവേ നടത്താൻ സർക്കാർ
നിലമ്പൂർ ഉപതിരഞ്ഞെടുപ്പിൽ ഭരണവിരുദ്ധ വികാരം പ്രതിഫലിച്ചില്ലെന്ന് സിപിഐഎം സംസ്ഥാന സെക്രട്ടറിയേറ്റ് വിലയിരുത്തി. തിരഞ്ഞെടുപ്പിൽ നല്ല രാഷ്ട്രീയ പോരാട്ടം കാഴ്ചവയ്ക്കാൻ സാധിച്ചുവെന്നും പാർട്ടി അനുഭാവികളുടെ വോട്ടുകളിൽ ചിലത് പി.വി. അൻവറിന് ലഭിച്ചുവെന്നും വിലയിരുത്തി. സർക്കാരിന്റെ പ്രതിച്ഛായ പഠിക്കാൻ പിആർഡിയെ ചുമതലപ്പെടുത്തിയിട്ടുണ്ട്.
നിലമ്പൂരിൽ കാട്ടാന ആക്രമണം; രക്ഷാപ്രവർത്തനത്തിന് എത്തിയ ഫയർഫോഴ്സ് ഉദ്യോഗസ്ഥർ ഒഴുക്കിൽ കുടുങ്ങി
മലപ്പുറം നിലമ്പൂരിൽ കാട്ടാനയുടെ ആക്രമണത്തിൽ ഒരാൾ കൊല്ലപ്പെട്ടു. ചാലിയാറ്റിലെ ഒഴുക്കിൽപ്പെട്ട് മൃതദേഹം തിരിച്ചെത്തിക്കാൻ പോയ ഫയർഫോഴ്സ് ഉദ്യോഗസ്ഥർ തുരുത്തിൽ കുടുങ്ങി. എൻഡിആർഎഫ് സംഘം രക്ഷാപ്രവർത്തനത്തിന് എത്തിച്ചേർന്നു.
നിലമ്പൂരിൽ ആര്യാടൻ ഷൗക്കത്ത് ജയിച്ചു; വാക്കുപാലിച്ച് സിപിഐ നേതാവ് ലീഗിൽ ചേർന്നു
നിലമ്പൂരിൽ ആര്യാടൻ ഷൗക്കത്ത് വിജയിച്ചതിനെ തുടർന്ന് സിപിഐ നേതാവ് മുസ്ലിം ലീഗിൽ ചേർന്നു. മലപ്പുറം തുവൂർ ടൗൺ ബ്രാഞ്ച് അസിസ്റ്റന്റ് സെക്രട്ടറി ഗഫൂറാണ് പാർട്ടി വിട്ടത്. തിരഞ്ഞെടുപ്പ് ഫലം വന്നതിന് പിന്നാലെയാണ് വാക്ക് പാലിക്കാൻ തയാറാണെന്ന് അറിയിച്ചത്.
നിലമ്പൂരിൽ ചാണ്ടി ഉമ്മന്റെ ഇടപെടൽ ശ്രദ്ധേയമായി; യുവനേതാക്കൾക്കിടയിൽ ഭിന്നതയില്ലെന്ന് ചാണ്ടി ഉമ്മൻ
നിലമ്പൂർ ഉപതിരഞ്ഞെടുപ്പിൽ കോൺഗ്രസ് യുവനേതാക്കളുടെ ഐക്യം പ്രകടമാണെന്നും, തിരഞ്ഞെടുപ്പിൽ ഓരോ വിഷയങ്ങളും ഉയർത്തിക്കൊണ്ടുവരുന്നത് സ്വാഭാവികമാണെന്നും ചാണ്ടി ഉമ്മൻ പറഞ്ഞു. നിലമ്പൂരിൽ 3000-ത്തോളം വീടുകൾ സന്ദർശിച്ചെന്നും റീലുകളേക്കാൾ പ്രധാനo പ്രവൃത്തിയാണെന്നും അദ്ദേഹം കൂട്ടിച്ചേർത്തു. എടക്കര പഞ്ചായത്തിൽ യുഡിഎഫിന് ലീഡ് നേടാനായത് അദ്ദേഹത്തിന്റെ കഠിനാധ്വാനം കൊണ്ടാണെന്നും വിലയിരുത്തലുണ്ട്.