Nehru
നെഹ്റുവിൻ്റെ പാരമ്പര്യം ഇല്ലാതാക്കാൻ ബിജെപി ശ്രമിക്കുന്നു; സോണിയ ഗാന്ധി
ജവഹർലാൽ നെഹ്റുവിൻ്റെ പാരമ്പര്യത്തെ ഇല്ലാതാക്കാൻ ശ്രമിക്കുന്ന ബിജെപിക്കെതിരെ വിമർശനവുമായി സോണിയ ഗാന്ധി. രാഷ്ട്ര നിർമ്മാണത്തിനും സ്വാതന്ത്ര്യ സമരത്തിനും നെഹ്റു നൽകിയ സംഭാവനകളെ ഇകഴ്ത്തി കാണിക്കാൻ ശ്രമിക്കുന്നുവെന്നും സോണിയ ഗാന്ധി ആരോപിച്ചു. നെഹ്റുവിനെതിരായ നീക്കത്തിന് പിന്നിൽ ഗാന്ധി വധത്തെ മഹത്വവൽക്കരിച്ചവരാണെന്നും അവർ കൂട്ടിച്ചേർത്തു.
ബാബറി മസ്ജിദ് വിഷയത്തിൽ നെഹ്റുവിനെതിരെ ആരോപണവുമായി രാജ്നാഥ് സിംഗ്; കോൺഗ്രസ് തള്ളി
ബാബറി മസ്ജിദ് പൊതുപണം ഉപയോഗിച്ച് നിര്മ്മിക്കാന് നെഹ്റു ശ്രമിച്ചെന്നും എന്നാല് സര്ദാര് വല്ലഭായ് പട്ടേല് അതിനെ എതിര്ത്തുവെന്നുമുള്ള രാജ്നാഥ് സിംഗിന്റെ പ്രസ്താവനയെ കോണ്ഗ്രസ് തള്ളി. നെഹ്റു മതപരമായ കാര്യങ്ങളില് സര്ക്കാരിന്റെ പണം ഉപയോഗിക്കുന്നതിനെ എതിര്ത്തിരുന്നുവെന്ന് കോൺഗ്രസ് എംപി മാണിക്യം ടാഗോർ പറഞ്ഞു. രാജ്നാഥ് സിംഗിന്റെ ആരോപണങ്ങള് ചരിത്രകാരനായ ഇര്ഫാന് ഹബീബും തള്ളിക്കളഞ്ഞു.
നെഹ്റു അംബേദ്കറെ വെറുത്തുവെന്ന് തമിഴ്നാട് ഗവർണർ
ഡോ. ബി.ആർ. അംബേദ്കറെ ജവഹർലാൽ നെഹ്റു വെറുത്തിരുന്നുവെന്ന് തമിഴ്നാട് ഗവർണർ ആർ.എൻ. രവി ആരോപിച്ചു. നെഹ്റുവിന് അംബേദ്കറുടെ പ്രതിഭയെ ഭയമായിരുന്നുവെന്നും അദ്ദേഹത്തെ ലോക്സഭയിൽ പ്രവേശിപ്പിക്കാൻ വിസമ്മതിച്ചുവെന്നും ഗവർണർ കൂട്ടിച്ചേർത്തു. തമിഴ്നാട് സർക്കാരിനെതിരെയും ഗവർണർ രൂക്ഷവിമർശനം ഉന്നയിച്ചു.
ഗാന്ധി വധത്തിൽ നെഹ്റുവിന് പങ്കെന്ന് ബിജെപി എംഎൽഎയുടെ ആരോപണം
മഹാത്മാഗാന്ധിയുടെ വധത്തിൽ നെഹ്റുവിന് പങ്കുണ്ടെന്ന് കർണാടക ബിജെപി എംഎൽഎ ബസനഗൗഡ പാട്ടിൽ യത്നാൽ ആരോപിച്ചു. ഗാന്ധിജിയുടെ ശരീരത്തിൽ പതിച്ച മൂന്ന് വെടിയുണ്ടകളിൽ ഒന്ന് മാത്രമാണ് ഗോഡ്സെയുടെ തോക്കിൽ നിന്നുള്ളതെന്നും ബാക്കി രണ്ടെണ്ണം എവിടെ നിന്നാണെന്ന് ദുരൂഹമാണെന്നും അദ്ദേഹം പറഞ്ഞു. നെഹ്റുവിന് ഇന്ത്യയുടെ ഏകാധിപതിയാകണമെന്ന ആഗ്രഹമുണ്ടായിരുന്നെന്നും യത്നാൽ ആരോപിച്ചു.