National News
ഇന്ന് വൈകിട്ട് 5 മണിക്ക് പ്രധാനമന്ത്രി രാജ്യത്തെ അഭിസംബോധന ചെയ്യും
പ്രധാനമന്ത്രി നരേന്ദ്ര മോദി ഇന്ന് വൈകിട്ട് 5 മണിക്ക് രാജ്യത്തെ അഭിസംബോധന ചെയ്യും. ജിഎസ്ടി ഇളവുകൾ നാളെ മുതൽ പ്രാബല്യത്തിൽ വരുന്ന സാഹചര്യത്തിലാണ് ഈ പ്രഖ്യാപനം. ഏത് വിഷയത്തെക്കുറിച്ചാണ് പ്രധാനമന്ത്രി സംസാരിക്കുന്നതെന്ന് ഔദ്യോഗികമായി അറിയിച്ചിട്ടില്ല.
79-ാം സ്വാതന്ത്ര്യദിനം: സംസ്ഥാനത്ത് വിപുലമായ ആഘോഷങ്ങൾ, മുഖ്യമന്ത്രിയുടെ സന്ദേശം ശ്രദ്ധേയമായി
79-ാം സ്വാതന്ത്ര്യദിനത്തിൽ മുഖ്യമന്ത്രി പിണറായി വിജയൻ തിരുവനന്തപുരം സെൻട്രൽ സ്റ്റേഡിയത്തിൽ ദേശീയപതാക ഉയർത്തി. രാജ്യത്തിന്റെ ഐക്യം തകർക്കാൻ ശ്രമിക്കുന്ന വർഗീയ ശക്തികളെ ചെറുക്കണമെന്ന് അദ്ദേഹം ആഹ്വാനം ചെയ്തു. ചെങ്കോട്ടയിൽ പ്രധാനമന്ത്രി നരേന്ദ്ര മോദി ദേശീയ പതാക ഉയർത്തി രാജ്യത്തെ അഭിസംബോധന ചെയ്തു, ഭീകരതയ്ക്കെതിരെ ശക്തമായ നിലപാട് സ്വീകരിക്കുമെന്ന് അദ്ദേഹം വ്യക്തമാക്കി.
വിഭജന ഭീതി ദിനം: അനുസ്മരണങ്ങളുമായി നരേന്ദ്ര മോദി
വിഭജന ഭീതി ദിനത്തിൽ പ്രധാനമന്ത്രി നരേന്ദ്ര മോദി ജനങ്ങളുടെ ദുരിതങ്ങളെ അനുസ്മരിച്ചു. ഈ ദിനം രാജ്യത്തിന്റെ ഐക്യം ശക്തിപ്പെടുത്താനുള്ള ഓർമ്മപ്പെടുത്തലാണെന്നും അദ്ദേഹം അഭിപ്രായപ്പെട്ടു. 2022 മുതൽക്കാണ് ഈ ദിനം ആചരിച്ചു തുടങ്ങിയത്.
കമൽ ഹാസൻ രാജ്യസഭാംഗമായി സത്യപ്രതിജ്ഞ ചെയ്തു
നടൻ കമൽ ഹാസൻ രാജ്യസഭാംഗമായി സത്യപ്രതിജ്ഞ ചെയ്തു. തമിഴിലാണ് സത്യപ്രതിജ്ഞ ചൊല്ലിയത്. പാർലമെന്റിലേക്കുള്ള യാത്ര തനിക്ക് ഏറെ അഭിമാനകരമാണെന്ന് കമൽഹാസൻ പറഞ്ഞു.
മുംബൈ ട്രെയിൻ സ്ഫോടന കേസ്: ഹൈക്കോടതി വിധി സുപ്രീം കോടതി സ്റ്റേ ചെയ്തു
2006-ലെ മുംബൈ ട്രെയിൻ സ്ഫോടനക്കേസിൽ പ്രതികളെ വെറുതെ വിട്ട ഹൈക്കോടതി വിധിക്കെതിരെ സുപ്രീം കോടതിയുടെ സ്റ്റേ. പ്രതികളെ ജയിലിലേക്ക് അയക്കേണ്ടതില്ലെന്നും കോടതി അറിയിച്ചു. മഹാരാഷ്ട്ര സർക്കാർ സമർപ്പിച്ച ഹർജിയിലാണ് സുപ്രീം കോടതിയുടെ നടപടി.
രാജ്യത്ത് 2027-ൽ സെൻസസ്; വിജ്ഞാപനം പുറത്തിറക്കി
രാജ്യത്ത് 16 വർഷത്തെ ഇടവേളയ്ക്ക് ശേഷം സെൻസസ് നടത്താൻ കേന്ദ്ര സർക്കാർ വിജ്ഞാപനം പുറത്തിറക്കി. 2027 മാർച്ചിൽ സെൻസസ് ആരംഭിക്കും. ആദ്യഘട്ടത്തിൽ വീടുകളുടെ വിവരങ്ങളും രണ്ടാംഘട്ടത്തിൽ വീട്ടിലെ അംഗങ്ങളുടെ വിവരങ്ങളും ശേഖരിക്കും.
ഇന്ന് രാത്രി 8 മണിക്ക് പ്രധാനമന്ത്രി രാജ്യത്തെ അഭിസംബോധന ചെയ്യും
പ്രധാനമന്ത്രി നരേന്ദ്ര മോദി ഇന്ന് രാത്രി 8 മണിക്ക് രാജ്യത്തെ അഭിസംബോധന ചെയ്യും. ഓപ്പറേഷൻ സിന്ദൂറിന് ശേഷം ആദ്യമായിട്ടാണ് പ്രധാനമന്ത്രി രാജ്യത്തെ അഭിസംബോധന ചെയ്യുന്നത്. വെടിനിർത്തൽ വിഷയത്തിൽ പ്രതിപക്ഷം സംശയങ്ങൾ ഉന്നയിക്കുന്നു.