National Highway
മലപ്പുറത്ത് ദേശീയപാത വീണ്ടും ഇടിഞ്ഞുതാഴ്ന്നു; ഗതാഗതം തടസ്സപ്പെട്ടു
മലപ്പുറം തലപ്പാറയിൽ ദേശീയപാത വീണ്ടും ഇടിഞ്ഞുതാഴ്ന്നു. വലിയപറമ്പിൽ അഴുക്കുചാൽ കടന്നുപോകുന്ന ഭാഗത്താണ് റോഡ് തകർന്നത്. ഗതാഗതം പൂർണ്ണമായി നിരോധിച്ചു, സർവീസ് റോഡിലൂടെ വാഹനങ്ങൾ പോകുന്നു. മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടി സ്ഥലം സന്ദർശിച്ചു.
ദേശീയപാത നിർമാണത്തിലെ ക്രമക്കേടിൽ സിബിഐ അന്വേഷണം വേണമെന്ന് വി.ഡി. സതീശൻ
ദേശീയപാത നിർമാണത്തിലെ ക്രമക്കേടിൽ സിബിഐ അന്വേഷണം ആവശ്യപ്പെട്ട് പ്രതിപക്ഷ നേതാവ് വി.ഡി. സതീശൻ. സംസ്ഥാന സർക്കാർ മൗനം പാലിക്കുന്നതിനെയും അദ്ദേഹം വിമർശിച്ചു. നിർമ്മാണ കമ്പനികളുമായി ബന്ധപ്പെട്ടവരെക്കുറിച്ചും അവർക്ക് സഹായം ചെയ്തുകൊടുത്തവരെക്കുറിച്ചും അന്വേഷിക്കണമെന്നും അദ്ദേഹം ആവശ്യപ്പെട്ടു.
കേരളത്തിലെത്തിയിട്ടും തകർന്ന റോഡുകൾ സന്ദർശിക്കാതെ NHAI ചെയർമാൻ; വിവാദം കനക്കുന്നു
ദേശീയപാത അതോറിറ്റി ചെയർമാൻ കേരളത്തിലെത്തിയിട്ടും തകർന്ന ദേശീയ പാതകൾ സന്ദർശിക്കാത്തതിൽ വിവാദം. കൊല്ലം, തിരുവനന്തപുരം ജില്ലകളിൽ സന്ദർശനം നടത്തിയ ശേഷം അദ്ദേഹം മടങ്ങി. നിർമ്മാണത്തിലെ അപാകതകളും ആശങ്കകളും അറിയിക്കാൻ മുഖ്യമന്ത്രിയും പൊതുമരാമത്ത് മന്ത്രിയും കേന്ദ്രമന്ത്രി നിതിൻ ഗഡ്കരിയെ കാണും.
കൂരിയാട് ദേശീയപാത തകർച്ച: പ്രൊജക്ട് ഡയറക്ടർക്ക് സസ്പെൻഷൻ, സൈറ്റ് എഞ്ചിനീയറെ പിരിച്ചുവിട്ടു
മലപ്പുറം കൂരിയാട് ദേശീയപാത തകർന്ന സംഭവത്തിൽ എൻഎച്ച്എഐ പ്രൊജക്ട് ഡയറക്ടറെ സസ്പെൻഡ് ചെയ്തു. സൈറ്റ് എഞ്ചിനീയറെ പിരിച്ചുവിട്ടെന്നും റിപ്പോർട്ടുണ്ട്. കരാറുകാരൻ സ്വന്തം ചെലവിൽ പാലം നിർമ്മിക്കണമെന്നും അതോറിറ്റി അറിയിച്ചു.
വടകര ദേശീയപാതയിൽ ഗർത്തം; കൂരിയാട് നാഷണൽ ഹൈവേയിൽ പബ്ലിക് അക്കൗണ്ട്സ് കമ്മിറ്റി സന്ദർശനം
വടകര ദേശീയപാത സർവീസ് റോഡിൽ ഗർത്തം രൂപപ്പെട്ടതിനെ തുടർന്ന് ഗതാഗത തടസ്സം ഉണ്ടായി. കൂരിയാട് ദേശീയപാത തകർന്ന സംഭവം പബ്ലിക് അക്കൗണ്ട്സ് കമ്മിറ്റി സന്ദർശിച്ചു. റോഡിന്റെ രൂപകല്പനയിലെ പിഴവുകളാണ് അപകടകാരണമെന്നും കെ.സി. വേണുഗോപാൽ എം.പി. അഭിപ്രായപ്പെട്ടു.
കണ്ണൂർ കുപ്പത്ത് വീണ്ടും മണ്ണിടിച്ചിൽ; ഗതാഗതം തടസ്സപ്പെട്ടു
കണ്ണൂർ കുപ്പത്ത് ദേശീയപാത നിർമ്മാണത്തിനിടെ വീണ്ടും മണ്ണിടിച്ചിൽ. മണ്ണിടിച്ചിൽ തടയുന്നതിന് ദേശീയപാത അതോറിറ്റി നടത്തിയ ശ്രമങ്ങൾ ഇതുവരെ വിജയം കണ്ടിട്ടില്ല. ഗതാഗതം തടസ്സപ്പെട്ടു. പ്രശ്നപരിഹാരത്തിന് നൽകിയ അവസാന തീയതി അവസാനിച്ചതിനാൽ പ്രതിഷേധം ശക്തമാക്കാൻ നാട്ടുകാർ.
കണ്ണൂർ കുപ്പത്ത് വീണ്ടും മണ്ണിടിച്ചിൽ; ദേശീയപാത അതോറിറ്റി അലംഭാവമെന്ന് ആക്ഷേപം
കണ്ണൂർ കുപ്പത്ത് ദേശീയപാത നിർമ്മാണത്തിനിടെ വീണ്ടും മണ്ണിടിച്ചിൽ ഉണ്ടായി. കുന്നിടിച്ച് നിർമ്മാണം നടക്കുന്ന സ്ഥലത്താണ് കല്ലും മണ്ണും ഇടിഞ്ഞ് ദേശീയപാതയിലേക്ക് വീണത്. അശാസ്ത്രീയമായ രീതിയിലാണ് പാതയുടെ നിർമ്മാണം നടക്കുന്നതെന്ന് നാട്ടുകാർ ആരോപിക്കുന്നു.
ആലത്തൂർ ദേശീയപാത തകർച്ച: നിർമ്മാണ കമ്പനിക്കെതിരെ വിമർശനവുമായി കെ. രാധാകൃഷ്ണൻ എം.പി
പാലക്കാട് ആലത്തൂർ സ്വാതി ജംഗ്ഷനിലെ ദേശീയപാത ഇടിഞ്ഞു താഴ്ന്ന സംഭവത്തിൽ ദേശീയപാത നിർമാണ കമ്പനിക്കെതിരെ വിമർശനവുമായി കെ രാധാകൃഷ്ണൻ എംപി. ബദൽ സൗകര്യങ്ങൾ ഒരുക്കാതെയാണ് ദേശീയപാതയിലെ അറ്റകുറ്റപ്പണികൾ നടത്തിയതെന്നും അദ്ദേഹം കുറ്റപ്പെടുത്തി. റോഡ് തകർന്ന സംഭവം ഗൗരവമായി കാണുന്നെന്നും ഉന്നതതല യോഗം വിളിക്കുമെന്നും എംപി അറിയിച്ചു.
കൂരിയാട് ദേശീയപാതയിലെ തകർന്ന ഭാഗത്തേക്ക് സന്ദർശകർക്ക് വിലക്ക്; ദുരന്ത ടൂറിസം വേണ്ടെന്ന് കളക്ടർ
മലപ്പുറം കൂരിയാട് ദേശീയപാതയിലെ തകർന്ന ഭാഗത്തേക്കുള്ള പ്രവേശനം താൽക്കാലികമായി അടച്ചു. ഈ സ്ഥലത്തെ ദുരന്ത ടൂറിസമായി കാണരുതെന്ന് മലപ്പുറം കളക്ടർ അഭ്യർഥിച്ചു. ഗതാഗതക്കുരുക്ക് ഒഴിവാക്കുന്നതിനായി തകരാത്ത ഭാഗത്തുള്ള സർവീസ് റോഡ് ഉടൻ തുറന്നു കൊടുക്കുമെന്നും തീരുമാനമായി.
ദേശീയപാതയിലെ തകർച്ചയിൽ പ്രതികരണവുമായി മന്ത്രി പി.എ. മുഹമ്മദ് റിയാസ്
ദേശീയപാതയുടെ തകർച്ചയിൽ പ്രതികരിക്കാൻ വൈകിയിട്ടില്ലെന്ന് മന്ത്രി പി.എ. മുഹമ്മദ് റിയാസ് പറഞ്ഞു. ദേശീയപാത അതോറിറ്റിയുമായി ചേർന്ന് പ്രശ്നങ്ങൾ പരിഹരിക്കാൻ സർക്കാർ മുൻകൈയെടുക്കുന്നുണ്ടെന്നും മന്ത്രി വ്യക്തമാക്കി. യുഡിഎഫ് സർക്കാരിന്റെ കെടുകാര്യസ്ഥത കാരണമാണ് നാഷണൽ ഹൈവേ അതോറിറ്റി ഓഫ് ഇന്ത്യയുടെ ഓഫീസ് പൂട്ടിപ്പോയതെന്നും മന്ത്രി കുറ്റപ്പെടുത്തി.
ദേശീയപാതയിലെ പ്രശ്നങ്ങൾ സർക്കാരിന്റെ വീഴ്ചയെന്ന് വരുത്താൻ ശ്രമം: മുഖ്യമന്ത്രി
ദേശീയപാത നിർമ്മാണത്തിലെ പ്രശ്നങ്ങൾ സർക്കാരിന്റെ വീഴ്ചയാണെന്ന് വരുത്തിത്തീർക്കാൻ ചിലർ ശ്രമിക്കുന്നുണ്ടെന്ന് മുഖ്യമന്ത്രി പിണറായി വിജയൻ. യുഡിഎഫും ബിജെപിയുമാണ് ഇതിന് പിന്നിലെന്നും ഇത് പരിഹാസ്യമാണെന്നും അദ്ദേഹം കൂട്ടിച്ചേർത്തു. എൽഡിഎഫ് സർക്കാർ അധികാരത്തിൽ വന്നപ്പോൾ നാഷണൽ ഹൈവേ അതോറിറ്റി സംസ്ഥാനം വിട്ടുപോയിരുന്നുവെന്നും മുഖ്യമന്ത്രി ഓർമ്മിപ്പിച്ചു.
ദേശീയപാത 66: എൽഡിഎഫ് സർക്കാരിന്റെ നേട്ടങ്ങൾ എണ്ണിപ്പറഞ്ഞ് മുഖ്യമന്ത്രി
സംസ്ഥാന സർക്കാരിന്റെ നാലാം വാർഷികത്തിൽ ദേശീയപാത 66 വികസനം എടുത്തുപറഞ്ഞ് മുഖ്യമന്ത്രി പിണറായി വിജയൻ. ഉപേക്ഷിക്കപ്പെട്ട പദ്ധതിയിൽ സംസ്ഥാന സർക്കാർ ക്രിയാത്മക ഇടപെടൽ നടത്തിയെന്നും അദ്ദേഹം പറഞ്ഞു. ഏഴ് സ്ട്രെച്ചുകളിൽ പ്രവർത്തി പൂർത്തിയാക്കിയെന്നും ഭൂമി ഏറ്റെടുക്കലിന് 5580 കോടി രൂപ സംസ്ഥാനം നൽകിയെന്നും പ്രോഗ്രസ് റിപ്പോർട്ടിൽ പറയുന്നു.