Muslim League
പി.വി അൻവറുമായി സഹകരിക്കാൻ തയ്യാറെന്ന് മുസ്ലിം ലീഗ്; യൂത്ത് ലീഗിന് അതൃപ്തി
തദ്ദേശ സ്വയം ഭരണ തെരഞ്ഞെടുപ്പിൽ പി.വി അൻവറുമായി സഹകരിക്കാൻ തയ്യാറാണെന്ന് മുസ്ലിം ലീഗ് അറിയിച്ചു. പ്രാദേശികമായ സാഹചര്യങ്ങൾ വിലയിരുത്തിയാണ് തീരുമാനമെടുക്കുകയെന്ന് പി.എം.എ സലാം വ്യക്തമാക്കി. മൂന്ന് ടേം വ്യവസ്ഥയിൽ ഇളവ് വരുത്തിയതിനെതിരെ യൂത്ത് ലീഗ് രംഗത്ത് വന്നിട്ടുണ്ട്.
പള്ളുരുത്തി ഹിജാബ് വിവാദം: ലീഗ് ഭീകരതയെ മതവൽക്കരിക്കുന്നുവെന്ന് ജോർജ് കുര്യൻ
പള്ളുരുത്തി ഹിജാബ് വിവാദത്തിൽ ലീഗിനെതിരെ വിമർശനവുമായി കേന്ദ്രമന്ത്രി ജോർജ് കുര്യൻ. ലീഗിന്റെ രണ്ട് നേതാക്കൾ പ്രശ്നം സൃഷ്ടിക്കാൻ ശ്രമിക്കുന്നു. ഭീകരതയെ ലീഗ് മതവൽക്കരിക്കുന്നുവെന്നും അദ്ദേഹം ആരോപിച്ചു.
മുസ്ലിം ലീഗിനും കോൺഗ്രസിനുമെതിരെ വിമർശനവുമായി ഡോ.പി.സരിൻ
സിപിഐഎം നേതാവ് ഡോ. പി. സരിൻ, ശിരോവസ്ത്ര വിലക്കുമായി ബന്ധപ്പെട്ട് മുസ്ലിം ലീഗിനെയും കോൺഗ്രസിനെയും വിമർശിച്ചു. ഹിജാബ് വിഷയത്തിൽ മുസ്ലിം ലീഗിന്റെ നിലപാട് കേരളത്തിനോ മുസ്ലിം സമുദായത്തിനോ ഗുണകരമല്ലെന്ന് സരിൻ ഫേസ്ബുക്കിൽ കുറിച്ചു. ലീഗ് എന്ന രാഷ്ട്രീയ പാർട്ടിയിൽ നിന്ന് ആ വിദ്യാർത്ഥിനിക്കും കുടുംബത്തിനും പിന്തുണ ലഭിച്ചിരുന്നെങ്കിൽ പഠനം ഉപേക്ഷിക്കേണ്ടി വരില്ലായിരുന്നുവെന്നും അദ്ദേഹം അഭിപ്രായപ്പെട്ടു.
മുസ്ലീം ലീഗിനെതിരെ രൂക്ഷ വിമർശനവുമായി വെള്ളാപ്പള്ളി നടേശൻ
മുസ്ലിം ലീഗിനെതിരെ രൂക്ഷ വിമർശനവുമായി എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. അവസരവാദ രാഷ്ട്രീയത്തിന്റെ വക്താക്കളാണ് ലീഗ് എന്നും, അവർ എപ്പോൾ വേണമെങ്കിലും മുന്നണി മാറിയേക്കാമെന്നും അദ്ദേഹം കുറ്റപ്പെടുത്തി. വർഗീയതയുടെ ഏണിയിലൂടെ ഉപമുഖ്യമന്ത്രി പദത്തിൽ എത്താനാണ് ലീഗിന്റെ ശ്രമമെന്നും അദ്ദേഹം ആരോപിച്ചു.
തദ്ദേശ തെരഞ്ഞെടുപ്പിൽ മുസ്ലീം ലീഗ് മൂന്ന് ടേം വ്യവസ്ഥ തുടരും
തദ്ദേശ തെരഞ്ഞെടുപ്പിൽ മുസ്ലീം ലീഗ് മൂന്ന് ടേം വ്യവസ്ഥയും ഒരു കുടുംബത്തിൽ നിന്ന് ഒന്നിലധികം പേർക്ക് സീറ്റ് നൽകില്ലെന്ന നിബന്ധനയും തുടരും. ഇതുമായി ബന്ധപ്പെട്ട സർക്കുലർ സംസ്ഥാന നേതൃത്വം ജില്ലാ കമ്മിറ്റികൾക്ക് അയച്ചു. കഴിഞ്ഞ തദ്ദേശ തിരഞ്ഞെടുപ്പിൽ ടേം വ്യവസ്ഥ നടപ്പാക്കിയത് ഗുണം ചെയ്തുവെന്ന് പി.എം.എ സലാം അഭിപ്രായപ്പെട്ടു.
കെ.എം. ഷാജിക്കെതിരെ വിമർശനവുമായി ഹമീദ് ഫൈസി അമ്പലക്കടവ്
മുസ്ലിം ലീഗ് നേതാവ് കെ.എം. ഷാജിക്കെതിരെ എസ്.വൈ.എസ് നേതാവ് ഹമീദ് ഫൈസി അമ്പലക്കടവ് രംഗത്ത്. കെ.എം. ഷാജിയുടെ പ്രസ്താവന മതവിശ്വാസികളെ വേദനിപ്പിക്കുന്നതാണെന്ന് അദ്ദേഹം അഭിപ്രായപ്പെട്ടു. സുന്നികൾക്കെതിരെ ഷാജി നടത്തുന്ന ആദ്യത്തെ പ്രതികരണമല്ല ഇതെന്നും ഹമീദ് ഫൈസി കുറ്റപ്പെടുത്തി.
മുസ്ലിം ലീഗിനെതിരെ വിവാദ പ്രസ്താവനയുമായി സി.പി.ഐ.എം നേതാവ് പി. സരിൻ
സി.പി.ഐ.എം നേതാവ് ഡോക്ടർ പി. സരിൻ മുസ്ലിം ലീഗിനെതിരെ വിവാദ പ്രസ്താവന നടത്തി. ലീഗ് രാഷ്ട്രീയത്തെ മതത്തിന്റെ അടിസ്ഥാനത്തിൽ ചുരുക്കുന്നുവെന്ന് അദ്ദേഹം ആരോപിച്ചു. ലീഗിന് നൽകുന്ന ഓരോ വോട്ടും ആർ.എസ്.എസിന് നൽകുന്ന വോട്ടിന് തുല്യമാണെന്നും സരിൻ പറഞ്ഞു.
കളമശ്ശേരിയിൽ മുസ്ലിം ലീഗ് യോഗത്തിൽ കയ്യാങ്കളി; എറണാകുളത്ത് ഭിന്നത രൂക്ഷം
കളമശ്ശേരിയിലെ മുസ്ലിം ലീഗ് ഓഫീസിൽ നടന്ന യോഗത്തിൽ പ്രവർത്തകർ തമ്മിൽ ഉന്തും തള്ളുമുണ്ടായി. എറണാകുളം ജില്ലയിലെ ലീഗിന്റെ ആഭ്യന്തര പ്രശ്നങ്ങളാണ് ഇതിലേക്ക് നയിച്ചത്. ഗസ്സ ഐക്യദാർഢ്യ സദസ്സിൻ്റെ പ്രചരണാർത്ഥം നടത്തിയ യോഗത്തിനിടെയാണ് ഈ തർക്കം ഉടലെടുത്തത്.
വികസന സദസ്സിൽ മലക്കം മറിഞ്ഞ് മുസ്ലീം ലീഗ്; നിലപാട് മാറ്റി ജില്ലാ കമ്മിറ്റി
സംസ്ഥാന സർക്കാരിന്റെ വികസന സദസ്സിൽ പങ്കെടുക്കുന്നതുമായി ബന്ധപ്പെട്ട് മുസ്ലീം ലീഗ് മലപ്പുറം ജില്ലാ കമ്മിറ്റി നിലപാട് മാറ്റി. യുഡിഎഫ് സംസ്ഥാന നേതൃത്വത്തിന്റെ ഭാഗമാണ് തങ്ങളെന്നും വികസന സദസ്സിൽ പാർട്ടി പങ്കെടുക്കില്ലെന്നും അറിയിച്ചു. വിവാദങ്ങൾ ഉയർന്നുവന്ന സാഹചര്യത്തിലാണ് പുതിയ വിശദീകരണവുമായി ജില്ലാ കമ്മിറ്റി രംഗത്ത് വന്നിരിക്കുന്നത്.
രാജ്യവ്യാപക വോട്ടർപട്ടിക പരിഷ്കരണത്തെ എതിർക്കുമെന്ന് മുസ്ലിം ലീഗ്
രാജ്യവ്യാപക വോട്ടർപട്ടിക പരിഷ്കരണത്തെ എതിർക്കുമെന്ന് മുസ്ലിം ലീഗ് അറിയിച്ചു. ഇന്ത്യ സഖ്യം യോഗം ചേർന്ന് ചർച്ച ചെയ്ത ശേഷം തുടർ പ്രക്ഷോഭം തീരുമാനിക്കും. തെറ്റുകൾ തിരുത്തുന്നതിന് പകരം മൊത്തം തകർക്കാനുള്ള ശ്രമമാണ് നടക്കുന്നതെന്ന് ഇ.ടി. മുഹമ്മദ് ബഷീർ അഭിപ്രായപ്പെട്ടു.
പ്രിയങ്ക ഗാന്ധി മറ്റന്നാൾ മുതൽ വയനാട്ടിൽ; ലീഗ് ആസ്ഥാനവും സന്ദർശിക്കും
പ്രിയങ്ക ഗാന്ധി മറ്റന്നാൾ മുതൽ വയനാട് മണ്ഡലത്തിൽ പര്യടനം നടത്തും. ഏകദേശം ഒരാഴ്ചയോളം അവർ മണ്ഡലത്തിൽ ഉണ്ടാകും. ഇതിനോടനുബന്ധിച്ച് പ്രിയങ്ക ഗാന്ധി എംപി മുസ്ലിം ലീഗ് ദേശീയ ആസ്ഥാനവും സന്ദർശിക്കും.
പാർട്ടി ലെവി അടക്കാത്തവർക്ക് സീറ്റില്ല; തദ്ദേശ തിരഞ്ഞെടുപ്പിൽ കർശന നിലപാടുമായി മുസ്ലിം ലീഗ്
പാർട്ടി ലെവി കുടിശ്ശിക വരുത്തിയവർക്കും ബാഫഖി തങ്ങൾ സെൻ്റർ നിർമ്മാണത്തിന് ഓണറേറിയം നൽകാത്ത ജനപ്രതിനിധികൾക്കും തദ്ദേശ തിരഞ്ഞെടുപ്പിൽ സീറ്റ് നൽകേണ്ടതില്ലെന്ന് മുസ്ലിം ലീഗ്. കുടിശ്ശികയുള്ള ലെവി ഈ മാസം 20-നകം അടച്ചുതീർക്കണമെന്നും പാർട്ടി അറിയിച്ചു. പാർട്ടി മുഖപത്രത്തിന്റെ വരിക്കാരാവാത്ത ജനപ്രതിനിധികളുടെ വിവരങ്ങൾ നേതൃത്വത്തിന് കൈമാറാൻ തീരുമാനിച്ചിട്ടുണ്ട്.