Munnar
ഇടുക്കി മൂന്നാറിൽ വീണ്ടും പടയപ്പ; ആശങ്കയിൽ നാട്ടുകാർ
ഇടുക്കി മൂന്നാറിൽ വീണ്ടും പടയപ്പയുടെ സാന്നിധ്യം സ്ഥിരീകരിച്ചു. കഴിഞ്ഞ രണ്ട് ദിവസമായി ജനവാസ മേഖലയിൽ തുടരുന്ന കാട്ടാന കൃഷി നശിപ്പിച്ചു. ആശങ്ക വേണ്ടെന്നും ആന മടങ്ങിപ്പോകാൻ സാധ്യതയുണ്ടെന്നും ആർ.ആർ.ടി. സംഘം അറിയിച്ചു.
മൂന്നാറിൽ വീണ്ടും ഓൺലൈൻ ടാക്സി തടഞ്ഞു; വിദേശ വനിതകളെ കൊണ്ടുപോകാൻ അനുവദിക്കില്ലെന്ന് ആക്ഷേപം
മൂന്നാറിൽ വീണ്ടും ഓൺലൈൻ ടാക്സി തടഞ്ഞ സംഭവം ഉണ്ടായി. ഇസ്രായേലി വിദേശികളുമായി കൊച്ചിയിലേക്ക് പോവുകയായിരുന്ന ടാക്സിയാണ് മൂന്നാറിലെ ടാക്സി ഡ്രൈവർമാർ തടഞ്ഞത്. പിന്നീട് പോലീസ് ഇടപെട്ടാണ് വിദേശ വനിതകൾക്ക് യാത്ര തുടരാൻ അവസരം നൽകിയത്.
മൂന്നാറിൽ വിനോദസഞ്ചാരിയെ ഭീഷണിപ്പെടുത്തിയ ഡ്രൈവർമാരുടെ ലൈസൻസ് സസ്പെൻഡ് ചെയ്തു
മൂന്നാറിൽ വിനോദസഞ്ചാരിയെ ഭീഷണിപ്പെടുത്തിയ ടാക്സി ഡ്രൈവർമാരുടെ ലൈസൻസ് മോട്ടോർ വാഹന വകുപ്പ് സസ്പെൻഡ് ചെയ്തു. മുംബൈ സ്വദേശിനിയായ യുവതിക്ക് ടാക്സി ഡ്രൈവർമാരിൽ നിന്നും നേരിടേണ്ടിവന്ന ദുരനുഭവം സാമൂഹിക മാധ്യമങ്ങളിൽ പങ്കുവെച്ചതിനെ തുടർന്നാണ് നടപടി. ടാക്സി ഡ്രൈവർമാരായ വിനായകൻ, വിജയകുമാർ, അനീഷ് കുമാർ എന്നിവരുടെ ലൈസൻസുകളാണ് സസ്പെൻഡ് ചെയ്തത്.
മൂന്നാറിൽ വിനോദസഞ്ചാരിയെ തടഞ്ഞ സംഭവം; ടാക്സി ഡ്രൈവർമാരുടെ ലൈസൻസ് സസ്പെൻഡ് ചെയ്യും
മൂന്നാറിൽ മുംബൈയിൽ നിന്നെത്തിയ വിനോദ സഞ്ചാരിയായ യുവതിയെ ടാക്സി ഡ്രൈവർമാർ തടഞ്ഞുവച്ച് ഭീഷണിപ്പെടുത്തി. സംഭവത്തിൽ അറസ്റ്റിലായ ഡ്രൈവർമാരുടെ ലൈസൻസ് സസ്പെൻഡ് ചെയ്യാൻ ശുപാർശ നൽകി. അറസ്റ്റിലായ മൂന്ന് ഡ്രൈവർമാരെയും സ്റ്റേഷൻ ജാമ്യത്തിൽ വിട്ടയച്ചിരുന്നു.
മൂന്നാറിൽ വിനോദസഞ്ചാരിക്ക് ദുരനുഭവം: രണ്ട് പൊലീസുകാർക്ക് സസ്പെൻഷൻ
മൂന്നാറിൽ വിനോദസഞ്ചാരത്തിനെത്തിയ മുംബൈ സ്വദേശിനിക്ക് ടാക്സി ഡ്രൈവർമാരിൽ നിന്ന് മോശം അനുഭവം നേരിട്ടതിനെ തുടർന്ന് രണ്ട് പൊലീസുകാരെ സസ്പെൻഡ് ചെയ്തു. യൂബർ ടാക്സി വിളിച്ച ജാൻവിയെ ടാക്സി ഡ്രൈവർമാർ തടഞ്ഞെന്നും, ഇതിന് പിന്നാലെ പൊലീസുകാർ ടാക്സി യൂണിയന് അനുകൂലമായി നിലകൊണ്ടെന്നും പരാതിയുണ്ട്. ജോലിയിൽ കൃത്യവിലോപം കണ്ടെത്തിയതിനെ തുടർന്നാണ് ജില്ലാ പൊലീസ് മേധാവിയുടെ നടപടി.
മൂന്നാറിൽ വീണ്ടും പടയപ്പ; അതിരപ്പള്ളിയിലും കാട്ടാനക്കൂട്ടം, ആശങ്കയിൽ ജനം
മൂന്നാറിലെ കുണ്ടള എസ്റ്റേറ്റിൽ പടയപ്പ എന്ന കാട്ടാന ഇറങ്ങി കൃഷി നശിപ്പിച്ചു. തൃശ്ശൂർ അതിരപ്പള്ളിയിൽ നാലോളം കാട്ടാനകൾ ജനവാസ മേഖലയിൽ പ്രവേശിച്ചു. രണ്ട് സ്ഥലങ്ങളിലും ജനങ്ങൾ ഭീതിയിലാണ്, അടിയന്തര സഹായം തേടുന്നു.
ഇടുക്കി മൂന്നാറിൽ മാവോയിസ്റ്റ് പിടിയിൽ; ഝാർഖണ്ഡിൽ മൂന്ന് പൊലീസുകാരെ കൊലപ്പെടുത്തിയ കേസിലെ പ്രതി
ഇടുക്കി മൂന്നാറിൽ ഝാർഖണ്ഡ് സ്വദേശിയായ മാവോയിസ്റ്റ് പിടിയിലായി. ഝാർഖണ്ഡിൽ ബോംബ് സ്ഫോടനത്തിൽ മൂന്ന് പൊലീസുകാരെ കൊലപ്പെടുത്തിയ കേസിലെ പ്രതിയാണ് ഇയാൾ. എൻ ഐ എ കൊച്ചി, റാഞ്ചി യൂണിറ്റുകളും, മൂന്നാർ പോലീസും ചേർന്നാണ് ഇയാളെ പിടികൂടിയത്.
മൂന്നാറിൽ ടിക്കറ്റ് നൽകാതെ പണം വാങ്ങിയ കണ്ടക്ടർ പിടിയിൽ
മൂന്നാർ കെഎസ്ആർടിസി ഡിപ്പോയിലെ ഡ്രൈവർ കം കണ്ടക്ടർ പ്രിൻസ് ചാക്കോയെ വിജിലൻസ് അറസ്റ്റ് ചെയ്തു. വിനോദയാത്രയ്ക്ക് എത്തിയ യാത്രക്കാർക്ക് ടിക്കറ്റ് നൽകാതെ പണം വാങ്ങിയതിനാണ് അറസ്റ്റ്. തിരുവനന്തപുരത്തുനിന്നുള്ള വിജിലൻസ് സംഘമാണ് പ്രിൻസ് ചാക്കോയെ പിടികൂടിയത്.
മൂന്നാറിൽ സിനിമാ ചിത്രീകരണത്തിനിടെ അപകടം; നടൻ ജോജു ജോർജിന് പരിക്ക്
മൂന്നാറിൽ സിനിമാ ചിത്രീകരണത്തിനിടെ നടൻ ജോജു ജോർജ് ഉൾപ്പെടെയുള്ളവർക്ക് പരിക്കേറ്റു. ഷാജി കൈലാസ് സംവിധാനം ചെയ്യുന്ന പുതിയ സിനിമയുടെ ചിത്രീകരണത്തിനിടെയായിരുന്നു അപകടം. പരിക്കേറ്റവരെ മൂന്നാർ ടാറ്റ ആശുപത്രിയിൽ പ്രവേശിപ്പിച്ചു.
മൂന്നാറിൽ കെഎസ്ആർടിസി ഡബിൾ ഡെക്കർ ബസ് അപകടത്തിൽപ്പെട്ടു; യാത്രക്കാർക്ക് നിസ്സാര പരിക്ക്
മൂന്നാറിൽ വിനോദസഞ്ചാരികളുമായി പോയ കെഎസ്ആർടിസി ഡബിൾ ഡെക്കർ ബസ് അപകടത്തിൽപ്പെട്ടു. എതിർ ദിശയിൽ വന്ന കാറിനെ ഇടിക്കാതിരിക്കാൻ വെട്ടിച്ചതിനെ തുടർന്ന് ബസ് കാത്തിരിപ്പ് കേന്ദ്രത്തിലേക്ക് ഇടിച്ചു കയറുകയായിരുന്നു. യാത്രക്കാർക്ക് നിസ്സാര പരിക്കുകളുണ്ട്.
കോതമംഗലത്തും മൂന്നാറിലും കാട്ടാന ശല്യം രൂക്ഷം; കൃഷി നശിപ്പിച്ച് ഗതാഗതവും തടസ്സപ്പെടുത്തി
കോതമംഗലം കോട്ടപ്പടിയിൽ കാട്ടാന ശല്യം രൂക്ഷമായി. മുറിവാലൻ കൊമ്പൻ വ്യാപകമായി കൃഷി നശിപ്പിച്ചു. മൂന്നാറിൽ ഒറ്റയാൻ റോഡിലിറങ്ങി ഗതാഗത തടസ്സമുണ്ടാക്കി.
മണ്ണിടിച്ചിൽ ഭീഷണി: മൂന്നാർ ഗ്യാപ്പ് റോഡിൽ രാത്രിയാത്ര നിരോധിച്ചു
മണ്ണിടിച്ചിൽ സാധ്യത കണക്കിലെടുത്ത് മൂന്നാർ ഗ്യാപ്പ് റോഡിൽ രാത്രികാല യാത്ര നിരോധിച്ചു. വടക്കൻ ജില്ലകളിൽ അതിശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. വയനാട്, കണ്ണൂർ, കാസർഗോഡ് ജില്ലകളിൽ ഓറഞ്ച് അലർട്ട് പ്രഖ്യാപിച്ചു.