Munambam
മുനമ്പം ഭൂസമരം താൽക്കാലികമായി അവസാനിപ്പിച്ചു; പ്രതിഷേധം തുടരുമെന്ന് മറുവിഭാഗം
ഹൈക്കോടതിയുടെ അനുമതിയെ തുടർന്ന് മുനമ്പത്തെ ഭൂസംരക്ഷണ സമിതി സമരം അവസാനിപ്പിച്ചു. എന്നാൽ റവന്യൂ അവകാശങ്ങൾ പൂർണ്ണമായി ലഭിക്കാത്തതിനാൽ സമരം തുടരുമെന്ന് മറുവിഭാഗം അറിയിച്ചു. മന്ത്രിമാരായ കെ രാജനും പി രാജീവും സമരപ്പന്തലിലെത്തി പിന്തുണ അറിയിച്ചു. 414 ദിവസങ്ങൾ നീണ്ട സമരത്തിനാണ് താൽക്കാലിക വിരാമമായത്.
മുനമ്പം ഭൂസമരസമിതി പിളർന്നു; ഒരു വിഭാഗം സമരപ്പന്തൽ വിട്ടിറങ്ങി
മുനമ്പം ഭൂസമരസമിതിയിൽ ഭിന്നത രൂക്ഷമായതിനെ തുടർന്ന് സമിതി പിളർന്നു. സമരം അവസാനിപ്പിക്കാനുള്ള നീക്കത്തിൽ പ്രതിഷേധിച്ച് ഒരു വിഭാഗം സമരപ്പന്തൽ വിട്ടിറങ്ങി റോഡരികിൽ പുതിയ സമരപ്പന്തൽ കെട്ടി. റവന്യു അവകാശങ്ങൾ പൂർണ്ണമായി ലഭിക്കുന്നതുവരെ സമരം തുടരുമെന്ന് പ്രതിഷേധക്കാർ അറിയിച്ചു.
മുനമ്പത്തെ ജനങ്ങൾ അനാഥരാകില്ല; റവന്യൂ അവകാശങ്ങൾ പുനഃസ്ഥാപിക്കും വരെ സർക്കാർ കൂടെയുണ്ടാകും: മന്ത്രി കെ. രാജൻ
റവന്യൂ അവകാശങ്ങൾ പുനഃസ്ഥാപിക്കുന്നതുവരെ മുനമ്പത്തെ ജനങ്ങളെ സർക്കാർ കൈവിടില്ലെന്ന് മന്ത്രി കെ. രാജൻ. രാഷ്ട്രീയ ലക്ഷ്യത്തോടെയുള്ള സമരങ്ങൾ ഉണ്ടാകരുതെന്നും മന്ത്രി ആവശ്യപ്പെട്ടു. 600 ഓളം വരുന്ന കുടുംബങ്ങൾക്ക് ഒപ്പമാണ് സർക്കാരെന്നും അദ്ദേഹം കൂട്ടിച്ചേർത്തു.
മുനമ്പം ഭൂസമരം ഇന്ന് അവസാനിക്കും
നാനൂറിലേറെ ദിവസം നീണ്ട മുനമ്പം ഭൂസമരം ഇന്ന് അവസാനിക്കും. താൽക്കാലികാടിസ്ഥാനത്തിൽ ഭൂനികുതി സ്വീകരിക്കാൻ ഹൈക്കോടതി ഉത്തരവിട്ടതോടെയാണ് സമരം അവസാനിപ്പിക്കുന്നത്. മന്ത്രിമാരായ പി രാജീവും കെ രാജനും ഇന്ന് സമരപ്പന്തലിൽ എത്തും.
മുനമ്പം സമരം നാളെ അവസാനിപ്പിക്കാനിരിക്കെ ഭിന്നത; പുതിയ സമരപ്പന്തലൊരുക്കി ഒരുവിഭാഗം
ഭൂ അവകാശങ്ങൾ പുനഃസ്ഥാപിക്കണമെന്നാവശ്യപ്പെട്ട് 413 ദിവസമായി തുടരുന്ന മുനമ്പം സമരത്തിൽ ഭിന്നത. സമരസമിതിയിലെ ഒരു വിഭാഗം, സമരം അവസാനിപ്പിക്കാനുള്ള തീരുമാനം ചില അംഗങ്ങൾ മാത്രം ചേർന്നാണ് എടുത്തതെന്ന് ആരോപിക്കുന്നു. നാളെ പുതിയ സമരപ്പന്തൽ കെട്ടി സമരം തുടങ്ങുമെന്നും ഇവർ പ്രഖ്യാപിച്ചു.
മുനമ്പത്ത് ഭൂമി സംരക്ഷണ സമിതിയുടെ സമരം താൽക്കാലികമായി അവസാനിപ്പിക്കും
മുനമ്പത്ത് ഭൂമിയുടെ റവന്യൂ അവകാശങ്ങൾക്കായുള്ള സമരം താൽക്കാലികമായി അവസാനിപ്പിക്കാൻ തീരുമാനം. സംസ്ഥാന സർക്കാർ നികുതി സ്വീകരിക്കാൻ നിർദ്ദേശം നൽകി. 413 ദിവസമായി തുടരുന്ന സമരത്തിനാണ് താൽക്കാലിക വിരാമമാകുന്നത്.
മുനമ്പം തർക്കഭൂമി: കരം ഒടുക്കാൻ അനുമതി നൽകി ഹൈക്കോടതി
മുനമ്പം തർക്കഭൂമിയിലെ കൈവശക്കാർക്ക് കരം ഒടുക്കാൻ ഹൈക്കോടതി അനുമതി നൽകി. കേസിലെ അന്തിമ വിധി വരുന്നത് വരെ താൽക്കാലികമായി ഭൂനികുതി സ്വീകരിക്കാൻ കോടതി നിർദ്ദേശിച്ചു. ഭൂസംരക്ഷണ സമിതിയുടെ ഹർജി പരിഗണിച്ചാണ് ഉത്തരവ്.
മുനമ്പം ഭൂമി പ്രശ്നം: സർക്കാരിൽ സമ്മർദ്ദം ചെലുത്താൻ സുന്നി സംഘടനകൾ
മുനമ്പം ഭൂമി പ്രശ്നത്തിൽ സർക്കാരിൽ സമ്മർദ്ദം ചെലുത്താൻ സുന്നി സംഘടനകൾ തീരുമാനിച്ചു. ഇതിന്റെ ഭാഗമായി നാളെ മന്ത്രി വി. അബ്ദുറഹിമാനുമായി കൂടിക്കാഴ്ച നടത്തും. ഹൈക്കോടതി വിധിയിൽ വഖഫ് ബോർഡിനോട് അപ്പീൽ നൽകാൻ ആവശ്യപ്പെടാനും ന്യൂനപക്ഷ സമ്മേളനത്തിൽ വിഷയം ഉന്നയിക്കാനും തീരുമാനിച്ചിട്ടുണ്ട്.
മുനമ്പം ഭൂസമരം ഒരു വർഷം; റവന്യൂ അവകാശങ്ങൾക്കായി പോരാട്ടം തുടരുന്നു
മുനമ്പത്തെ 600 കുടുംബങ്ങളുടെ റവന്യൂ അവകാശങ്ങൾക്കായുള്ള ഭൂസമരം ഒരു വർഷം പിന്നിടുന്നു. വഖഫ് ബോർഡും മുനമ്പം നിവാസികളും തമ്മിലുള്ള തർക്കമാണ് സമരത്തിന് കാരണം. മുനമ്പം നിവാസികൾ നൽകിയ ഹർജികൾ ഇന്ന് വഖഫ് ട്രൈബ്യൂണൽ പരിഗണിക്കും.
മുനമ്പം വഖഫ് ഭൂമി: ജനങ്ങളെ പുനരധിവസിപ്പിക്കുന്നത് സാധ്യമല്ലെന്ന് കമ്മീഷൻ റിപ്പോർട്ട്
മുനമ്പം വഖഫ് ഭൂമി തർക്കത്തിൽ സംസ്ഥാന സർക്കാർ നിയോഗിച്ച ജുഡീഷ്യൽ കമ്മീഷൻ റിപ്പോർട്ട് സമർപ്പിച്ചു. മുനമ്പത്തെ ജനങ്ങളെ പുനരധിവസിപ്പിക്കുന്നത് സാധ്യമല്ലെന്നും അവരെ അവിടെത്തന്നെ നിലനിർത്തണമെന്നും റിപ്പോർട്ടിൽ പറയുന്നു. ഈ മാസം 31-ന് മുമ്പ് മുഖ്യമന്ത്രിക്ക് റിപ്പോർട്ട് സമർപ്പിക്കും.
മുനമ്പം ഭൂമി കേസ്: വഖഫ് ബോർഡിന്റെ ഹർജി ഇന്ന് ഹൈക്കോടതിയിൽ
മുനമ്പം ഭൂമി കേസിൽ വഖഫ് ബോർഡ് നൽകിയ ഹർജി ഇന്ന് ഹൈക്കോടതി പരിഗണിക്കും. പറവൂർ സബ് കോടതി രേഖകൾ വിളിച്ചുവരുത്തണമെന്നാണ് ഹർജിയിലെ ആവശ്യം. കേസിൽ കക്ഷി ചേരാൻ മുനമ്പം സ്വദേശി അപേക്ഷ നൽകി.
മുനമ്പം വഖഫ് കേസ്: വാദം കേൾക്കൽ മെയ് 27ലേക്ക് മാറ്റി
മുനമ്പം വഖഫ് ഭൂമി കേസിൽ കോഴിക്കോട് വഖഫ് ട്രൈബ്യൂണലിന്റെ വാദം കേൾക്കൽ മെയ് 27ലേക്ക് നീട്ടി. ഹൈക്കോടതി വിധി പറയുന്നത് മെയ് 26 വരെ സ്റ്റേ ചെയ്തതിനാലാണ് വാദം നീട്ടിയത്. ട്രൈബ്യൂണൽ ജഡ്ജിയുടെ സ്ഥലം മാറ്റവും ഇതിന് കാരണമായി.