MUDA
സിദ്ധരാമയ്യക്കെതിരെ ഇഡി നടപടി; 300 കോടി രൂപയുടെ സ്വത്ത് കണ്ടുകെട്ടി
മൈസൂരു നഗര വികസന അതോറിറ്റിയുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ കർണാടക മുഖ്യമന്ത്രി സിദ്ധരാമയ്യക്കെതിരെ എൻഫോഴ്സ്മെന്റ് ഡയറക്ടറേറ്റ് നടപടി സ്വീകരിച്ചു. 300 കോടി രൂപ വിലമതിക്കുന്ന 140-ലധികം സ്ഥാവര സ്വത്തുക്കൾ കണ്ടുകെട്ടി. സിദ്ധരാമയ്യയുടെ ഭാര്യയുടെ പേരിലുള്ള സ്ഥലങ്ങൾക്ക് നഷ്ടപരിഹാരം നേടിയെടുത്തതായാണ് ആരോപണം.
മുഡ ഭൂമിയിടപാട് കേസ്: സിദ്ധരാമയ്യയുടെ ഹർജി ഹൈക്കോടതി തള്ളി
മൈസൂരു നഗരവികസന അതോറിറ്റി ഭൂമിയിടപാട് കേസിൽ കർണാടക മുഖ്യമന്ത്രി സിദ്ധരാമയ്യയെ വിചാരണ ചെയ്യാനുള്ള ഗവർണറുടെ തീരുമാനത്തിനെതിരായ ഹർജി ഹൈക്കോടതി തള്ളി. വിഷയത്തിൽ ഗവർണർക്ക് സ്വതന്ത്രമായി തീരുമാനമെടുക്കാമെന്ന് കോടതി വ്യക്തമാക്കി. സിദ്ധരാമയ്യയുടെ ഭാര്യക്ക് 'മുഡ' മൈസൂരുവിൽ 14 പാർപ്പിടസ്ഥലങ്ങൾ അനുവദിച്ചതിൽ അഴിമതിയുണ്ടെന്നാണ് ആരോപണം.
മുഡ ഭൂമി കുംഭകോണം: സിദ്ധരാമയ്യയ്ക്കെതിരെ ഗവർണർ രാഷ്ട്രപതിക്ക് റിപ്പോർട്ട് നൽകി
കർണാടക മുഖ്യമന്ത്രി സിദ്ധരാമയ്യയുടെ ഭാര്യ പാർവതി മൈസൂരു വികസന അതോറിറ്റിയുടെ ഭൂമി അനധികൃതമായി കയ്യടക്കിയെന്ന കേസിൽ ഗവർണർ രാഷ്ട്രപതിക്കും കേന്ദ്ര ആഭ്യന്തര മന്ത്രാലയത്തിനും റിപ്പോർട്ട് നൽകി. മൂന്ന് സാമൂഹ്യപ്രവർത്തകരുടെ ഹർജിയുടെ അടിസ്ഥാനത്തിൽ ഗവർണർ പ്രോസിക്യൂഷന് അനുമതി നൽകിയിരുന്നു. ഇതിനെതിരെ സിദ്ധരാമയ്യ നൽകിയ ഹർജി ഹൈക്കോടതിയുടെ പരിഗണനയിലാണ്.