Mobile Smuggling

കണ്ണൂർ സെൻട്രൽ ജയിലിൽ ഏറുതൊഴിൽ; മൊബൈലും കഞ്ചാവും എറിഞ്ഞു നൽകുന്ന സംഘം

കണ്ണൂർ സെൻട്രൽ ജയിലിൽ തടവുകാർക്ക് മൊബൈൽ ഫോൺ, കഞ്ചാവ്, പുകയില ഉത്പന്നങ്ങൾ എന്നിവ എത്തിക്കുന്ന ഒരു സംഘം പ്രവർത്തിക്കുന്നുണ്ടെന്ന പരാതികൾ ഉയർന്നിരുന്നു. കഴിഞ്ഞ ദിവസം മൊബൈൽ ഫോൺ എറിഞ്ഞു കൊടുക്കുന്നതിനിടെ പനങ്കാവ് സ്വദേശിയായ അക്ഷയ് പിടിയിലായതോടെയാണ് ഈ തൊഴിലിനെക്കുറിച്ച് പുറംലോകം അറിയുന്നത്. ജയിലിനുള്ളിൽ ബീഡി, കഞ്ചാവ് തുടങ്ങിയവയുടെ വില്പന തടവുകാർക്കിടയിൽ നടക്കുന്നുണ്ടെന്നും ഇതിനെതിരെ തടവുകാർ ജയിൽ അധികൃതർക്ക് പരാതി നൽകിയിരുന്നുവെങ്കിലും നടപടിയുണ്ടായില്ലെന്നും പറയപ്പെടുന്നു.