ഹേമ കമ്മിറ്റി റിപ്പോർട്ടിനെ തുടർന്ന് സിനിമാ മേഖലയിലെ ലൈംഗിക ചൂഷണങ്ങളെക്കുറിച്ചുള്ള ചർച്ചകൾക്കിടെ യൂത്ത് കോൺഗ്രസ് നേതാവും നടിയുമായ സ്നേഹ ആർ വി വിവാദ പരാമർശം നടത്തി. ലൈംഗികാരോപണം ഉന്നയിക്കുന്ന സ്ത്രീകൾ എന്തുകൊണ്ട് സംഭവം നടന്ന സമയത്ത് തന്നെ പരാതി നൽകിയില്ലെന്ന് അവർ ചോദിച്ചു. ഇത്തരം വെളിപ്പെടുത്തലുകൾ സിനിമാ മേഖലയെ മോശമായി കാണാൻ കാരണമാകുന്നുവെന്നും സ്നേഹ അഭിപ്രായപ്പെട്ടു.