Medical College
ബിന്ദുവിന്റെ വീട് നവീകരിക്കും; സഹായവുമായി എൻ.എസ്.എസ്
കോട്ടയം മെഡിക്കൽ കോളേജിൽ കെട്ടിടം വീണ് മരിച്ച ബിന്ദുവിൻ്റെ വീട് നാഷണൽ സർവീസ് സ്കീം നവീകരിക്കും. ബിന്ദുവിൻ്റെ ഭർത്താവ് വിശ്രുതനെയും അമ്മ സീതമ്മയെയും മന്ത്രി ഡോ. ആർ. ബിന്ദു ഫോണിൽ വിളിച്ചാണ് വിവരം അറിയിച്ചത്. മകൾ നവമിയുടെ ചികിത്സയും മകൻ നവനീതിൻ്റെ തുടർപഠനവും സർക്കാർ ഏറ്റെടുത്തിട്ടുണ്ട്.
കോട്ടയം മെഡിക്കൽ കോളജ്: മന്ത്രിതല തീരുമാനത്തിന് പുല്ലുവില കൽപ്പിച്ച് ഉദ്യോഗസ്ഥർ
കോട്ടയം മെഡിക്കൽ കോളജിലെ പുതിയ കെട്ടിടത്തിലേക്ക് പ്രവർത്തനം മാറ്റാനുള്ള മന്ത്രിതല തീരുമാനം നടപ്പിലാക്കാൻ വൈകുന്നു. ഉദ്ഘാടനത്തിന് കാത്തുനിൽക്കാതെ രോഗികളെ മാറ്റാനായിരുന്നു തീരുമാനം. എന്നാൽ, ഉദ്യോഗസ്ഥ വീഴ്ചകൾ കാരണം ഇത് വൈകുകയാണ്.
കോട്ടയം മെഡിക്കൽ കോളജിലെ മെൻസ് ഹോസ്റ്റൽ അപകടാവസ്ഥയിൽ; അറ്റകുറ്റപ്പണി വൈകുന്നു
കോട്ടയം മെഡിക്കൽ കോളജിലെ മെൻസ് ഹോസ്റ്റൽ അപകടാവസ്ഥയിൽ തുടരുന്നു. പി.ജി ഡോക്ടർമാർ താമസിക്കുന്ന കെട്ടിടത്തിന്റെ പല ഭാഗങ്ങളിലും കേടുപാടുകൾ സംഭവിച്ചിട്ടുണ്ട്. വിദ്യാർത്ഥികൾക്ക് പുതിയ കെട്ടിടത്തിലേക്ക് മാറണമെന്ന ആവശ്യം ശക്തമായിട്ടുണ്ട്. അടിയന്തരമായി പഞ്ചായത്ത് ഈ കെട്ടിടത്തിന്റെ ഫിറ്റ്നസ് പരിശോധിക്കണമെന്ന് ചാണ്ടി ഉമ്മൻ ആവശ്യപ്പെട്ടു.
കോട്ടയം മെഡിക്കൽ കോളേജ് അപകടം: ഒരാഴ്ചയ്ക്കകം റിപ്പോർട്ട് നൽകാൻ കളക്ടർ
കോട്ടയം മെഡിക്കൽ കോളേജിൽ കെട്ടിടം തകർന്നുണ്ടായ അപകടത്തെക്കുറിച്ച് ഒരാഴ്ചയ്ക്കകം റിപ്പോർട്ട് സമർപ്പിക്കാൻ ജില്ലാ കളക്ടർക്ക് നിർദ്ദേശം. ആശുപത്രി സൂപ്രണ്ട് ഉൾപ്പെടെയുള്ള ജീവനക്കാരിൽ നിന്ന് കളക്ടർ വിവരങ്ങൾ ശേഖരിക്കും. സംഭവത്തിൽ സംസ്ഥാന വ്യാപകമായി പ്രതിഷേധം കനക്കുന്നതിനിടെയാണ് കളക്ടറുടെ റിപ്പോർട്ട് തേടിയുള്ള തീരുമാനം.
കോട്ടയം മെഡിക്കൽ കോളേജ് അപകടം: മന്ത്രിമാർക്കെതിരെ യൂത്ത് കോൺഗ്രസ്
കോട്ടയം മെഡിക്കൽ കോളേജിൽ കെട്ടിടം തകർന്ന് സ്ത്രീ മരിച്ച സംഭവത്തിൽ യൂത്ത് കോൺഗ്രസ് മനുഷ്യാവകാശ കമ്മീഷന് പരാതി നൽകി. മന്ത്രിമാരുടെയും സൂപ്രണ്ടിന്റെയും ഭാഗത്തുനിന്നുണ്ടായ വീഴ്ചയാണ് രക്ഷാപ്രവർത്തനം വൈകാൻ കാരണമെന്ന് യൂത്ത് കോൺഗ്രസ് ആരോപിച്ചു. സംസ്ഥാനത്തെ മെഡിക്കൽ കോളേജുകളിലെ ദുരവസ്ഥയിൽ ഹൈക്കോടതിയിൽ പൊതുതാൽപര്യ ഹർജി ഫയൽ ചെയ്തു.
കോട്ടയം മെഡിക്കൽ കോളേജ് അപകടം; മന്ത്രി കസേരയിലിരിക്കാൻ വീണ ജോർജ് അർഹയല്ലെന്ന് ചാണ്ടി ഉമ്മൻ
കോട്ടയം മെഡിക്കൽ കോളേജിലെ പുതിയ ബ്ലോക്കിന്റെ ഉദ്ഘാടനം വൈകിപ്പിച്ചത് മനഃപൂർവമാണെന്ന് ചാണ്ടി ഉമ്മൻ എംഎൽഎ ആരോപിച്ചു. ബിന്ദുവിന്റെ കുടുംബത്തിന് 25 ലക്ഷം രൂപ ധനസഹായം നൽകണമെന്നും, നവമിയുടെ ചികിത്സാചെലവ് സർക്കാർ ഏറ്റെടുക്കണമെന്നും അദ്ദേഹം ആവശ്യപ്പെട്ടു. സംഭവത്തിൽ ജുഡീഷ്യൽ അന്വേഷണം വേണമെന്നും ചാണ്ടി ഉമ്മൻ ആവശ്യപ്പെട്ടു.
മെഡിക്കൽ കോളജ് അപകടം; പ്രതികരണങ്ങളെ തെറ്റായി വ്യാഖ്യാനിച്ചെന്ന് മന്ത്രി വി.എൻ. വാസവൻ
കോട്ടയം മെഡിക്കൽ കോളജ് അപകടത്തിൽ താനും ആരോഗ്യമന്ത്രിയും നടത്തിയ പ്രതികരണങ്ങളെ തെറ്റായി വ്യാഖ്യാനിച്ചെന്ന് മന്ത്രി വി.എൻ. വാസവൻ. അപകടത്തിൽ മരിച്ച ബിന്ദുവിന്റെ കുടുംബത്തിന് ധനസഹായം നൽകുമെന്നും മന്ത്രി അറിയിച്ചു. കുടുംബത്തിലെ ഒരാൾക്ക് ജോലി നൽകുന്നതുൾപ്പെടെയുള്ള കാര്യങ്ങൾ മന്ത്രിസഭായോഗത്തിൽ ചർച്ച ചെയ്യുമെന്നും അദ്ദേഹം കൂട്ടിച്ചേർത്തു.
കോട്ടയം മെഡിക്കൽ കോളേജ് കെട്ടിടം അപകടം: തിരച്ചിൽ വൈകിയതിന്റെ ഉത്തരവാദിത്തം ഏറ്റെടുത്ത് സൂപ്രണ്ട്
കോട്ടയം മെഡിക്കൽ കോളേജ് കെട്ടിടം തകർന്ന സംഭവത്തിൽ പ്രതികരണവുമായി സൂപ്രണ്ട്. തിരച്ചിൽ വൈകിയതിന്റെ പൂർണ്ണ ഉത്തരവാദിത്തം താൻ ഏറ്റെടുക്കുന്നതായി അദ്ദേഹം പറഞ്ഞു. പകരം സംവിധാനം ഒരുക്കാതെ കെട്ടിടം അടച്ചിടാൻ സാധിക്കുമായിരുന്നില്ലെന്നും സൂപ്രണ്ട് വ്യക്തമാക്കി.
കോട്ടയം മെഡിക്കൽ കോളേജിൽ വാർഡുകൾ മാറ്റി; പഴയ കെട്ടിടം വേണ്ടെന്ന് ആരോഗ്യവകുപ്പ് നിർദ്ദേശം
കോട്ടയം മെഡിക്കൽ കോളജിലെ 12, 13, 15 വാർഡുകൾ പുതിയ സർജിക്കൽ ബ്ലോക്കിലേക്ക് മാറ്റി. ആരോഗ്യവകുപ്പ് നേരത്തെ തകർന്ന കെട്ടിടത്തിൽ പ്രവർത്തനം പാടില്ലെന്ന് നിർദ്ദേശം നൽകിയിരുന്നു. അപകടത്തെക്കുറിച്ച് അന്വേഷിച്ച് റിപ്പോർട്ട് നൽകാൻ ജില്ലാ കളക്ടറെ ചുമതലപ്പെടുത്തി.
കോട്ടയം മെഡിക്കൽ കോളേജ് ദുരന്തം; സർക്കാരിന് വീഴ്ച പറ്റിയെന്ന് സണ്ണി ജോസഫ്
കോട്ടയം മെഡിക്കൽ കോളേജ് കെട്ടിടം തകർന്ന സംഭവം സർക്കാരിന്റെ അനാസ്ഥയാണെന്ന് കെ.പി.സി.സി പ്രസിഡന്റ് സണ്ണി ജോസഫ് എം.എൽ.എ ആരോപിച്ചു. ആരോഗ്യമന്ത്രി രാജി വെക്കണമെന്നും അദ്ദേഹം ആവശ്യപ്പെട്ടു. ജൂലൈ 4-ന് കോൺഗ്രസ് പ്രതിഷേധ പ്രകടനം നടത്തും.
കോട്ടയം മെഡിക്കൽ കോളേജിൽ ബിജെപി പ്രതിഷേധം സംഘടിപ്പിച്ചു. രക്ഷാപ്രവർത്തനത്തിൽ വീഴ്ച സംഭവിച്ചുവെന്ന് ആരോപിച്ചാണ് പ്രതിഷേധം. ബലക്ഷയമുള്ള കെട്ടിടങ്ങളിൽ നിന്ന് ആളുകളെ ഉടൻ ഒഴിപ്പിക്കണമെന്ന് പ്രതിഷേധക്കാർ ആവശ്യപ്പെട്ടു.
കോട്ടയം മെഡിക്കൽ കോളേജ് അപകടം; രക്ഷാപ്രവർത്തനം വൈകിയെന്ന് ചാണ്ടി ഉമ്മൻ
കോട്ടയം മെഡിക്കൽ കോളേജ് കെട്ടിടം തകർന്നുവീണ സംഭവത്തിൽ പ്രതിഷേധവുമായി ചാണ്ടി ഉമ്മൻ എംഎൽഎ. അപകട സ്ഥലത്ത് രക്ഷാപ്രവർത്തനം വൈകിയെന്ന് അദ്ദേഹം ആരോപിച്ചു. ആളൊഴിഞ്ഞ കെട്ടിടമെന്ന് പറഞ്ഞ് അധികൃതർ തെറ്റിദ്ധരിപ്പിക്കാൻ ശ്രമിക്കുന്നുവെന്നും ചാണ്ടി ഉമ്മൻ കുറ്റപ്പെടുത്തി. മകൾക്ക് കൂട്ടിരിക്കാനെത്തിയ തലയോലപ്പറമ്പ് സ്വദേശി ബിന്ദുവാണ് അപകടത്തിൽ മരിച്ചത്.