MDMA
കോഴിക്കോട് അരക്കോടിയുടെ ലഹരിമരുന്നുമായി യുവാക്കൾ പിടിയിൽ
കോഴിക്കോട് നർക്കോട്ടിക് സെൽ നടത്തിയ പരിശോധനയിൽ അരക്കോടി രൂപ വിലമതിക്കുന്ന രാസലഹരി വസ്തുക്കളുമായി രണ്ട് യുവാക്കളെ പിടികൂടി. വാട്ടർ ഹീറ്ററിനുള്ളിൽ ഒളിപ്പിച്ച് കടത്താൻ ശ്രമിച്ച 250 ഗ്രാം എംഡിഎംഎ, 90 എക്സ്റ്റസി ഗുളികകൾ, 99 എൽഎസ്ഡി സ്റ്റാമ്പുകൾ എന്നിവ കണ്ടെടുത്തു. എജുക്കേഷൻ കൺസൾട്ടൻസിയുടെ മറവിൽ ലഹരി ഇടപാടുകൾ നടത്തിയിരുന്ന ഇവരെ ഡാൻസാഫ് സംഘം പിന്തുടർന്ന് പിടികൂടുകയായിരുന്നു.
നെടുമങ്ങാട് 8 ഗ്രാം എംഡിഎംഎയുമായി യുവാവ് പിടിയിൽ
നെടുമങ്ങാട് ചുള്ളിമാനൂർ സ്വദേശി അഫ്സലിനെ 8 ഗ്രാം എംഡിഎംഎയുമായി എക്സൈസ് സംഘം അറസ്റ്റ് ചെയ്തു. ഇയാളെ എക്സൈസ് സംഘം രഹസ്യമായി നിരീക്ഷിച്ചു വരികയായിരുന്നു. തിരഞ്ഞെടുപ്പ് അടുത്തുവരുന്നതിനാൽ ലഹരിമരുന്ന് ഉപയോഗത്തിനെതിരെ ശക്തമായ പരിശോധന നടത്തുമെന്നും എക്സൈസ് അറിയിച്ചു.
കോഴിക്കോട് നഗരത്തിൽ എംഡിഎംഎ വേട്ട; കരുവന്തുരുത്തി സ്വദേശി പിടിയിൽ
കോഴിക്കോട് നഗരത്തിൽ ഡാൻസാഫ് സംഘവും പൊലീസും ചേർന്ന് നടത്തിയ എംഡിഎംഎ വേട്ടയിൽ കരുവന്തുരുത്തി സ്വദേശി റംഷാദ് പിടിയിലായി. 257 ഗ്രാം എംഡിഎംഎയാണ് ഇയാളിൽ നിന്ന് പിടിച്ചെടുത്തത്. ബംഗളൂരുവിൽ നിന്നാണ് ഇയാൾ രാസലഹരി എത്തിച്ചത്.
കൊച്ചിയിൽ രാസലഹരി വേട്ട; 70 ഗ്രാം എംഡിഎംഎയുമായി നാല് യുവാക്കൾ പിടിയിൽ
കൊച്ചിയിൽ എക്സൈസ് നടത്തിയ പരിശോധനയിൽ രാസലഹരിയുമായി നാല് യുവാക്കൾ പിടിയിലായി. കോഴിക്കോട് സ്വദേശികളായ ഇവർ ബംഗളൂരുവിൽ നിന്നാണ് മയക്കുമരുന്ന് എത്തിക്കുന്നത്. ഇവരിൽ നിന്നും 70 ഗ്രാം എംഡിഎംഎയും രണ്ട് ഗ്രാം കഞ്ചാവും കണ്ടെടുത്തു.
ബാലുശ്ശേരിയിൽ മയക്കുമരുന്നുമായി യുവാവ് പിടിയിൽ; 78 ഗ്രാം എംഡിഎംഎ പിടിച്ചെടുത്തു
കോഴിക്കോട് ബാലുശ്ശേരിയിൽ 78 ഗ്രാം എംഡിഎംഎയുമായി യുവാവിനെ പോലീസ് അറസ്റ്റ് ചെയ്തു. ബാലുശ്ശേരി ബ്ലോക്ക് റോഡിൽ വാഹന പരിശോധനയ്ക്കിടെയാണ് മയക്കുമരുന്ന് പിടികൂടിയത്. ഉത്തര കേരളത്തിലെ മയക്കുമരുന്ന് ലോബിയുടെ പ്രധാന കണ്ണിയാണ് അറസ്റ്റിലായ മുഹമ്മദ് ജവാദ് എന്ന് പോലീസ് അറിയിച്ചു.
പൊന്നാനിയിൽ എംഡിഎംഎ മൊത്തവിതരണക്കാരൻ പിടിയിൽ
മലപ്പുറം പൊന്നാനിയിൽ എംഡിഎംഎ മൊത്തവിതരണക്കാരൻ പിടിയിൽ. ചാവക്കാട് സ്വദേശി ഷാമിലാണ് പോലീസിന്റെ പിടിയിലായത്. തൃശ്ശൂർ, മലപ്പുറം ജില്ലകളിൽ ഇയാൾ മയക്കുമരുന്ന് വിതരണം ചെയ്തിരുന്നു.
കോഴിക്കോട് നഗരത്തിൽ ലഹരി വേട്ട; 40 ഗ്രാം എംഡിഎംഎയുമായി മൂന്ന് യുവാക്കൾ പിടിയിൽ
കോഴിക്കോട് നഗരത്തിൽ വീണ്ടും ലഹരി വേട്ടയിൽ മൂന്ന് യുവാക്കൾ പിടിയിലായി. 40 ഗ്രാം എംഡിഎംഎയുമായി കോഴിക്കോട് അടിവാരം സ്വദേശി സാബിത്ത് ടി ആർ, ഈങ്ങാപുഴ സ്വദേശി ജാസിൽ സലിം, മലപ്പുറം സ്വദേശി സതീദ് എന്നിവരെയാണ് ഡാൻസാഫ് സംഘവും മെഡിക്കൽ കോളേജ് പൊലീസും ചേർന്ന് പിടികൂടിയത്. സംഭവത്തിൽ കൂടുതൽ അന്വേഷണങ്ങൾ നടക്കുകയാണ്.
പൊറോട്ട കച്ചവടത്തിനിടയിലും എംഡിഎംഎ വില്പന; ഒരാൾ പിടിയിൽ
കോഴിക്കോട് ഫ്രാൻസിസ് റോഡിൽ പൊറോട്ട വില്പനയുടെ മറവിൽ എംഡിഎംഎ കച്ചവടം നടത്തിയ ആളെ ടൗൺ പൊലീസ് അറസ്റ്റ് ചെയ്തു. രഹസ്യവിവരത്തെ തുടർന്ന് നടത്തിയ പരിശോധനയിൽ 30 ഗ്രാം എംഡിഎംഎ കണ്ടെടുത്തു. പിടികൂടിയ മയക്കുമരുന്നിന് ഒരു ലക്ഷത്തിലധികം രൂപ വിലമതിക്കും.
ആലപ്പുഴയിൽ എംഡിഎംഎയുമായി അമ്മയും മകനും പിടിയിൽ
ആലപ്പുഴ പറവൂരിൽ എംഡിഎംഎയുമായി അമ്മയും മകനും പിടിയിലായി. കലൂർ സ്വദേശികളായ സൗരവ് ജിത്ത്, അമ്മ സത്യ മോൾ എന്നിവരെയാണ് ഡാൻസാഫ് അറസ്റ്റ് ചെയ്തത്. ഇവരെ നർക്കോട്ടിക് സെൽ മാസങ്ങളായി നിരീക്ഷിച്ചു വരികയായിരുന്നു. 15 ചെറിയ കവറുകളിലായാണ് എംഡിഎംഎ സൂക്ഷിച്ചിരുന്നത്.
പാലക്കാട് വൻ ലഹരിവേട്ട; മൂന്ന് പേർ പിടിയിൽ, 206 ഗ്രാം എംഡിഎംഎ പിടിച്ചെടുത്തു
പാലക്കാട് ഷൊർണ്ണൂരിൽ ജില്ലാ ലഹരി വിരുദ്ധ സ്ക്വാഡും പൊലീസും ചേർന്ന് നടത്തിയ പരിശോധനയിൽ മൂന്ന് പേർ അറസ്റ്റിലായി. യുവാക്കളിൽ നിന്ന് 206 ഗ്രാം എംഡിഎംഎയും 20,71,970 രൂപയും കണ്ടെടുത്തു. ഷൊർണ്ണൂർ ഡിവൈഎസ്പി മനോജ് കുമാറിൻ്റെ നേതൃത്വത്തിലുള്ള പൊലീസ് സംഘമാണ് ഓപ്പറേഷന് നേതൃത്വം നൽകിയത്.
കൊല്ലത്ത് വൻ ലഹരിവേട്ട; 300 ഗ്രാം എംഡിഎംഎയുമായി രണ്ട് പേർ പിടിയിൽ
കൊല്ലത്ത് 300 ഗ്രാം എംഡിഎംഎയുമായി രണ്ടുപേരെ പോലീസ് അറസ്റ്റ് ചെയ്തു. കണ്ണനല്ലൂർ സ്വദേശികളായ സാബിറ റൂഫ്, നജ്മൽ എന്നിവരെയാണ് കൊട്ടിയം മൈലപ്പൂരിൽ വെച്ച് അറസ്റ്റ് ചെയ്തത്. ചാത്തന്നൂർ എ.സി.പി.യുടെ നേതൃത്വത്തിലുള്ള സംഘമാണ് പരിശോധന നടത്തിയത്.
കാസർഗോഡ് 11.91 ഗ്രാം എംഡിഎംഎയുമായി ഒരാൾ പിടിയിൽ
കാസർഗോഡ് ജില്ലയിൽ 11.91 ഗ്രാം എംഡിഎംഎയുമായി ഒരാൾ പിടിയിലായി. രഹസ്യ വിവരത്തെ തുടർന്ന് നടത്തിയ പരിശോധനയിലാണ് വീട്ടിൽ സൂക്ഷിച്ചിരുന്ന എംഡിഎംഎ പൊലീസ് കണ്ടെത്തിയത്. അണങ്കൂർ സ്വദേശി മുഹമ്മദ് റിയാസ് എ എ (36) ആണ് അറസ്റ്റിലായത്.