Marine Biology
അറബിക്കടലിൽ പുതിയ ഇനം നീരാളി കൂന്തളിനെ കണ്ടെത്തി
കേന്ദ്ര സമുദ്രമത്സ്യ ഗവേഷണ സ്ഥാപനത്തിലെ (സിഎംഎഫ്ആർഐ) ശാസ്ത്ര സംഘം അറബിക്കടലിൽ പുതിയൊരു ആഴക്കടൽ നീരാളി കൂന്തളിനെ കണ്ടെത്തി. ടനിൻജിയ ജനുസ്സിൽപ്പെട്ട ഈ കൂന്തളിനെ കണ്ടെത്തുന്നത് ആഗോളതലത്തിൽത്തന്നെ അപൂർവമായ ഒരു സംഭവമാണ്. സിഎംഎഫ്ആർഐ മുൻ ഡയറക്ടർ ഡോ. ഇ. ജി. സൈലാസിനുള്ള ആദരസൂചകമായി ഈ പുതിയ കൂന്തളിന് ടനിൻജിയ സൈലാസി എന്ന് പേര് നൽകി.
കൂന്തലിന്റെ ജനിതക രഹസ്യങ്ങൾ വെളിപ്പെടുത്തി സിഎംഎഫ്ആർഐ
കൂന്തലിന്റെ ജനിതക ഘടന മനുഷ്യരുടേതുമായി സാമ്യമുള്ളതാണെന്ന് സിഎംഎഫ്ആർഐ കണ്ടെത്തി. ഈ കണ്ടെത്തൽ ന്യൂറോ സയൻസ് പോലുള്ള മേഖലകളിൽ വഴിത്തിരിവാകും. കടൽജീവികളുടെ പരിണാമത്തെക്കുറിച്ചുള്ള പഠനങ്ങൾക്ക് ഈ കണ്ടെത്തൽ മുതൽക്കൂട്ടാകും.
കുസാറ്റിൽ അന്താരാഷ്ട്ര അക്വാകൾച്ചർ ശിൽപ്പശാല; ജനുവരി 16 മുതൽ
കുസാറ്റിലെ നാഷണൽ സെൻ്റർ ഫോർ അക്വാട്ടിക് അനിമൽ ഹെൽത്ത് ജനുവരി 16 മുതൽ 18 വരെ അന്താരാഷ്ട്ര ശിൽപ്പശാല സംഘടിപ്പിക്കുന്നു. അക്വാകൾച്ചർ മെഡിസിൻ, ജല ജീവികളുടെ ആരോഗ്യസംരക്ഷണം തുടങ്ങിയ വിഷയങ്ങൾ ചർച്ച ചെയ്യും. ഒക്ടോബർ 10 മുതൽ രജിസ്ട്രേഷൻ ആരംഭിക്കും.