Manjeri Medical College

ശമ്പളമില്ലെന്ന് പരാതിപ്പെട്ട ജീവനക്കാർക്കെതിരെ കേസ്: മന്ത്രി വീണാ ജോർജിനെ തടഞ്ഞതിനാണ് നടപടി

ആരോഗ്യ മന്ത്രി വീണാ ജോർജിനോട് ശമ്പളം ലഭിക്കാത്തതിനെക്കുറിച്ച് പരാതി പറഞ്ഞ മഞ്ചേരി മെഡിക്കൽ കോളജിലെ താൽക്കാലിക ജീവനക്കാർക്കെതിരെ പൊലീസ് കേസെടുത്തു. ജീവനക്കാർ കൂട്ടം ചേർന്ന് ബഹളം വെക്കുകയും സംഘർഷമുണ്ടാക്കാൻ ശ്രമിക്കുകയും ചെയ്തു എന്ന് പ്രിൻസിപ്പൽ ഡോ. കെ.കെ അനിൽ രാജ് നൽകിയ പരാതിയിലാണ് കേസ്. മാസങ്ങളായി ശമ്പളം ലഭിക്കാത്തതിനാൽ ദുരിതത്തിലായിരുന്ന ജീവനക്കാർ മന്ത്രിയോട് നേരിട്ട് തങ്ങളുടെ വിഷയം അവതരിപ്പിക്കാൻ ശ്രമിച്ചതാണ് ഇതിന് പിന്നിലെ കാരണം.