Malayali Priests
ഒഡിഷയിൽ മലയാളി വൈദികർക്ക് ക്രൂര മർദ്ദനം; ആസൂത്രിത ആക്രമണമെന്ന് സിസ്റ്റർ എലൈസ
ഒഡിഷയിലെ ജലേശ്വറിൽ മലയാളി വൈദികർക്കെതിരെ ബജ്റംഗ്ദൾ പ്രവർത്തകർ ആസൂത്രിത ആക്രമണം നടത്തിയെന്ന് സിസ്റ്റർ എലൈസ. ഒരു മതവിശ്വാസിയുടെ ചരമവാർഷിക ചടങ്ങിൽ പങ്കെടുത്ത് മടങ്ങുകയായിരുന്ന വൈദികരെയും കന്യാസ്ത്രീകളെയും എഴുപതോളം ബജ്റംഗ്ദൾ പ്രവർത്തകർ ആക്രമിക്കുകയായിരുന്നു. വൈദികനെ ക്രൂരമായി മർദ്ദിക്കുകയും വസ്ത്രം വലിച്ചു കീറുകയും ചെയ്തു.
ഒഡീഷയിൽ മലയാളി വൈദികരെ ബജ്റംഗ്ദൾ പ്രവർത്തകർ മർദ്ദിച്ച സംഭവത്തിൽ കെ.സി. വേണുഗോപാൽ എം.പി. രൂക്ഷ വിമർശനം ഉന്നയിച്ചു. ഛത്തീസ്ഗഢിലെ സംഭവം കെട്ടടങ്ങും മുൻപേ ഉണ്ടായ ഈ അതിക്രമം, സംഘപരിവാറിൻ്റെ ഗൂഢപദ്ധതിയുടെ ഭാഗമാണെന്ന് അദ്ദേഹം ആരോപിച്ചു. നിയമം കൈയിലെടുക്കാൻ സംഘപരിവാറിന് ആരാണ് അധികാരം നൽകിയതെന്നും വേണുഗോപാൽ ചോദിച്ചു.
ഒഡീഷയിൽ മലയാളി വൈദികർക്ക് നേരെ ബജ്റംഗ്ദൾ അതിക്രമം; മതപരിവർത്തന ആരോപണം
ഒഡീഷയിൽ മലയാളി വൈദികർക്ക് നേരെ ബജ്റംഗ്ദൾ പ്രവർത്തകർ അതിക്രമം നടത്തി. മതപരിവർത്തനം ആരോപിച്ചായിരുന്നു ആക്രമണം. ജലേശ്വറിൽ നടന്ന സംഭവത്തിൽ വൈദികരെയും കന്യാസ്ത്രീകളെയും കയ്യേറ്റം ചെയ്തു. സംഭവത്തിൽ പോലീസ് അന്വേഷണം ആരംഭിച്ചു.