Malappuram
മലപ്പുറം തിരൂരിൽ പൊലീസുകാരെ ഇടിച്ചു തെറിപ്പിച്ച് രക്ഷപ്പെടാൻ ശ്രമിച്ച വാഹനം പിടികൂടി; മൂന്ന് പേർ അറസ്റ്റിൽ
മലപ്പുറം തിരൂരിൽ പൊലീസുകാരെ ഇടിച്ചു തെറിപ്പിച്ച് രക്ഷപ്പെടാൻ ശ്രമിച്ച വാഹനം പൊലീസ് പിന്തുടർന്ന് പിടികൂടി. അനധികൃതമായി മാലിന്യം കൊണ്ടു പോവുകയായിരുന്ന സംഘമാണ് പൊലീസിനെ അക്രമിച്ച് കടന്നു കളയാൻ ശ്രമിച്ചത്. സംഭവത്തിൽ മൂന്നുപേരെ അറസ്റ്റ് ചെയ്തു.
മലപ്പുറം തേഞ്ഞിപ്പലത്ത് മദ്യപാനത്തിനിടെ തർക്കം; മധ്യവയസ്കൻ കൊല്ലപ്പെട്ട കേസിൽ 2 പേർ അറസ്റ്റിൽ
മലപ്പുറം തേഞ്ഞിപ്പലത്ത് മദ്യപാനത്തിനിടെയുണ്ടായ തർക്കത്തിൽ മധ്യവയസ്കനെ കൊലപ്പെടുത്തിയ കേസിൽ രണ്ട് സുഹൃത്തുക്കൾ അറസ്റ്റിലായി. ശ്വാസം മുട്ടിച്ചും ചവിട്ടിയും ആണ് കൊലപാതകം നടത്തിയത്. അരീപ്പാറക്കടുത്ത് മുല്ലശ്ശേരി മങ്ങാട്ടയി പറമ്പിൽ താമസിക്കുന്ന കളത്തും കണ്ടി രജീഷാണ് മരിച്ചത്.
മലപ്പുറത്ത് ഒരാൾക്ക് കൂടി അമീബിക് മസ്തിഷ്കജ്വരം; പ്രതിരോധ പ്രവർത്തനങ്ങൾ ഊർജ്ജിതമാക്കി ആരോഗ്യവകുപ്പ്
മലപ്പുറത്ത് ഒരാൾക്ക് കൂടി അമീബിക് മസ്തിഷ്കജ്വരം സ്ഥിരീകരിച്ചു. തിരൂർ വെട്ടം സ്വദേശിയായ എഴുപത്തിഎട്ടുകാരനാണ് രോഗം സ്ഥിരീകരിച്ചത്. രോഗം സ്ഥിരീകരിച്ചതിനെ തുടർന്ന് പ്രദേശത്തെ കിണറുകളും കുളങ്ങളും ജലാശയങ്ങളും ക്ലോറിനൈസ് ചെയ്യുമെന്ന് അധികൃതർ അറിയിച്ചു.
അധ്യാപികയെ വഞ്ചിച്ച് ലക്ഷങ്ങൾ തട്ടിയ കേസിൽ പൂർവ വിദ്യാർത്ഥി അറസ്റ്റിൽ
മലപ്പുറത്ത് അധ്യാപികയെ കബളിപ്പിച്ച് 27.5 ലക്ഷം രൂപയും 21 പവൻ സ്വർണവും തട്ടിയെടുത്ത കേസിൽ പൂർവ വിദ്യാർത്ഥി അറസ്റ്റിലായി. സ്വർണ ബിസിനസ് ആരംഭിക്കാനാണെന്ന് പറഞ്ഞാണ് ഇയാൾ അധ്യാപികയെ സമീപിച്ചത്. തുടർന്ന് പല തവണകളായി പണം ആവശ്യപ്പെട്ട് തട്ടിപ്പ് നടത്തുകയായിരുന്നു.
മലപ്പുറം തിരൂരിൽ സ്വകാര്യ ബസ്സപകടം: എട്ടാം ക്ലാസ് വിദ്യാർത്ഥിയുടെ വിരൽ നഷ്ടമായി
മലപ്പുറം ജില്ലയിലെ തിരൂരിൽ സ്വകാര്യ ബസ്സുകൾക്കിടയിൽപ്പെട്ട് എട്ടാം ക്ലാസ് വിദ്യാർത്ഥിയുടെ വിരൽ അറ്റുപോയി. നിറമരുതൂർ ഗവൺമെൻ്റ് ഹയർ സെക്കൻഡറി സ്കൂൾ വിദ്യാർത്ഥിയായ ഷഹനാസിനാണ് അപകടത്തിൽ വിരൽ നഷ്ടമായത്. പരുക്കേറ്റ കുട്ടിയെ വിവിധ ആശുപത്രികളിൽ എത്തിച്ചെങ്കിലും വിരൽ തുന്നിച്ചേർക്കാൻ സാധിച്ചില്ല.
മലപ്പുറത്ത് കൺസ്യൂമർഫെഡ് മദ്യശാലയിൽ വിജിലൻസ് മിന്നൽ പരിശോധന; കണക്കിൽപ്പെടാത്ത പണം പിടിച്ചെടുത്തു
മലപ്പുറത്ത് കൺസ്യൂമർഫെഡിന്റെ മദ്യശാലയിൽ വിജിലൻസ് മിന്നൽ പരിശോധന നടത്തി. മുണ്ടുപറമ്പിലെ മദ്യവിൽപനശാലയിൽ നിന്ന് കണക്കിൽപ്പെടാത്ത 43,430 രൂപ പിടിച്ചെടുത്തു. മദ്യ കമ്പനികളുടെ ഏജന്റുമാരിൽ നിന്ന് കൈക്കൂലി വാങ്ങുന്നതായി വിജിലൻസിന് രഹസ്യ വിവരം ലഭിച്ചിരുന്നു.
അർദ്ധരാത്രിയിലെ മണ്ണെടുപ്പ് ചോദ്യം ചെയ്ത നാട്ടുകാർക്ക് പരിഹാസ മറുപടിയുമായി പൊലീസ്
മലപ്പുറം തുവ്വൂരിൽ അർദ്ധരാത്രിയിലെ മണ്ണെടുത്തുള്ള നിർമ്മാണ പ്രവർത്തനം ചോദ്യം ചെയ്ത നാട്ടുകാർക്ക് പരിഹാസ മറുപടിയുമായി പൊലീസ്. ഉറക്കം നഷ്ടപ്പെടുന്നുവെന്ന പരാതിയുമായെത്തിയ നാട്ടുകാരോട് ഇന്ന് രാത്രി ഉറങ്ങേണ്ടതില്ലെന്ന് പൊലീസ് പരിഹസിച്ചു. സംഭവത്തിൽ എസ്.ഐക്കെതിരെ നാട്ടുകാർ എസ്.പിക്ക് പരാതി നൽകി.
മലപ്പുറത്ത് സ്വകാര്യ ബസ്സുകൾ കൂട്ടിയിടിച്ച് അപകടം; യാത്രക്കാരിക്ക് ഗുരുതര പരിക്ക്, ഡ്രൈവർ അറസ്റ്റിൽ
മലപ്പുറം തിരുവാലിയിൽ സ്വകാര്യ ബസ്സുകൾ തമ്മിൽ കൂട്ടിയിടിച്ച് യാത്രക്കാരിക്ക് ഗുരുതര പരിക്ക്. സമയം തെറ്റിച്ചതിനെ ചൊല്ലിയുള്ള തർക്കമാണ് അപകടത്തിന് കാരണം. സംഭവത്തിൽ ഡ്രൈവർ ഫൈസലിനെതിരെ നരഹത്യാശ്രമത്തിന് കേസെടുത്തു.
സംസ്ഥാനത്ത് വീണ്ടും അമീബിക് മസ്തിഷ്കജ്വരം; മലപ്പുറത്ത് 13 കാരന് രോഗം സ്ഥിരീകരിച്ചു
സംസ്ഥാനത്ത് വീണ്ടും അമീബിക് മസ്തിഷ്കജ്വരം സ്ഥിരീകരിച്ചു. മലപ്പുറം കാരക്കോട് സ്വദേശിയായ 13 കാരനാണ് രോഗം സ്ഥിരീകരിച്ചത്. കുട്ടി തീവ്ര പരിചരണ വിഭാഗത്തിൽ ചികിത്സയിൽ തുടരുകയാണ്.
മലപ്പുറത്ത് മദ്യലഹരിയിൽ ജ്യേഷ്ഠൻ അനുജനെ കുത്തിക്കൊന്നു; പ്രതി അറസ്റ്റിൽ
മലപ്പുറം വഴിക്കടവിൽ മദ്യലഹരിയിലുണ്ടായ തർക്കത്തെ തുടർന്ന് ജ്യേഷ്ഠൻ അനുജനെ കുത്തിക്കൊന്നു. വർഗീസ് (53) ആണ് കൊല്ലപ്പെട്ടത്, ജ്യേഷ്ഠൻ രാജുവിനെ (57) പൊലീസ് അറസ്റ്റ് ചെയ്തു. ഇരുവരും തമ്മിൽ സാമ്പത്തിക ഇടപാടുകളുണ്ടായിരുന്നുവെന്നും, ഇതിനെച്ചൊല്ലിയുള്ള തർക്കമാണ് കൊലപാതകത്തിൽ കലാശിച്ചതെന്നും പൊലീസ് സംശയിക്കുന്നു.
വികസന സദസ്സിൽ മലക്കം മറിഞ്ഞ് മുസ്ലീം ലീഗ്; നിലപാട് മാറ്റി ജില്ലാ കമ്മിറ്റി
സംസ്ഥാന സർക്കാരിന്റെ വികസന സദസ്സിൽ പങ്കെടുക്കുന്നതുമായി ബന്ധപ്പെട്ട് മുസ്ലീം ലീഗ് മലപ്പുറം ജില്ലാ കമ്മിറ്റി നിലപാട് മാറ്റി. യുഡിഎഫ് സംസ്ഥാന നേതൃത്വത്തിന്റെ ഭാഗമാണ് തങ്ങളെന്നും വികസന സദസ്സിൽ പാർട്ടി പങ്കെടുക്കില്ലെന്നും അറിയിച്ചു. വിവാദങ്ങൾ ഉയർന്നുവന്ന സാഹചര്യത്തിലാണ് പുതിയ വിശദീകരണവുമായി ജില്ലാ കമ്മിറ്റി രംഗത്ത് വന്നിരിക്കുന്നത്.
മലപ്പുറം എടവണ്ണയിൽ വൻ ആയുധവേട്ട; വീട്ടുടമ അറസ്റ്റിൽ
മലപ്പുറം എടവണ്ണയിൽ നടത്തിയ ആയുധവേട്ടയിൽ ഇരുപത് എയർ ഗണ്ണുകളും മൂന്ന് റൈഫിളുകളും വെടിയുണ്ടകളും കണ്ടെടുത്തു. രഹസ്യ വിവരത്തെ തുടർന്ന് പൊലീസ് നടത്തിയ പരിശോധനയിൽ വീട്ടുടമസ്ഥൻ ഉണ്ണിക്കമ്മദിനെ അറസ്റ്റ് ചെയ്തു. ഇയാൾക്ക് ആയുധങ്ങൾ സൂക്ഷിക്കാനുള്ള ലൈസൻസ് ഉണ്ടായിരുന്നില്ല.