Legislation
സിനിമാ മേഖലയിൽ നിയമനിർമാണം; കോൺക്ലേവ് ഉടൻ; 26 എഫ്ഐആർ രജിസ്റ്റർ ചെയ്തു
സിനിമാ മേഖലയിലെ നിയമ നിർമാണത്തിനുള്ള നടപടികൾ ആരംഭിച്ചതായി സർക്കാർ ഹൈക്കോടതിയിൽ അറിയിച്ചു. സിനിമ കോൺക്ലേവ് ഉടൻ നടത്തുമെന്നും 300 ഡെലീഗറ്റുകൾ പങ്കെടുക്കുമെന്നും സർക്കാർ വ്യക്തമാക്കി. ഹേമ കമ്മിറ്റി റിപ്പോർട്ടിലെ ഗുരുതര മൊഴികളുടെ അടിസ്ഥാനത്തിൽ 26 എഫ്ഐആർ രജിസ്റ്റർ ചെയ്തതായും അറിയിച്ചു.
വഖഫ് ബിൽ സംയുക്ത പാർലമെന്ററി സമിതിക്ക് വിട്ടു
വഖഫ് നിയമ ഭേദഗതി ബിൽ പരിശോധനയ്ക്കായി സംയുക്ത പാർലമെന്ററി സമിതിക്ക് വിട്ടു. പ്രതിപക്ഷത്തിന്റെ ആവശ്യത്തെ തുടർന്നാണ് തീരുമാനം. ബിൽ പിൻവലിക്കുകയോ സ്റ്റാൻഡിങ് കമ്മിറ്റിക്ക് വിടുകയോ വേണമെന്നായിരുന്നു പ്രതിപക്ഷത്തിന്റെ ആവശ്യം. എന്നാൽ, സർക്കാർ ബിൽ സംയുക്ത സമിതിക്ക് വിടണമെന്ന് ശുപാർശ ചെയ്തു.
വഖഫ് ഭേദഗതി ബിൽ ലോക്‌സഭയിൽ അവതരിപ്പിച്ചു; പ്രതിപക്ഷ പ്രതിഷേധങ്ങൾക്കിടെ സമിതിക്ക് വിട്ടു
വഖഫ് ഭേദഗതി ബിൽ ലോക്‌സഭയിൽ അവതരിപ്പിച്ചതിനെതിരെ പ്രതിപക്ഷത്തിന്റെ കടുത്ത പ്രതിഷേധങ്ങൾക്കിടയിലാണ് സർക്കാർ ഈ നടപടി സ്വീകരിച്ചത്. ബില്ലിൽ 40 ഭേദഗതികളാണ് വരുത്തിയിരിക്കുന്നത്. വനിതകളേയും കുട്ടികളേയും സഹായിക്കാനാണ് ഭേദഗതി വരുത്തുന്നതെന്നാണ് സർക്കാരിന്റെ വിശദീകരണം.
