LDF
എൽഡിഎഫിൽ വേണ്ടത്ര ചർച്ചയില്ല; സി.പി.ഐ ജില്ലാ സമ്മേളനത്തിൽ വിമർശനം
എൽഡിഎഫിൽ വേണ്ടത്ര ചർച്ചകൾ നടക്കുന്നില്ലെന്ന് സി.പി.ഐ തിരുവനന്തപുരം ജില്ലാ സമ്മേളനത്തിലെ പ്രവർത്തന റിപ്പോർട്ടിൽ വിമർശനം. മുന്നണിയിൽ ഫലപ്രദമായ ചർച്ചകളോ കൂടിയാലോചനകളോ നടക്കുന്നില്ലെന്നും റിപ്പോർട്ടിൽ പറയുന്നു. സി.പി.ഐ ഇടതുമുന്നണി വിടണമെന്ന് തിരുവനന്തപുരം ജില്ലാ സമ്മേളനത്തിന്റെ പൊതുചർച്ചയിൽ ആവശ്യം ഉയർന്നു.
വിഎസ് അച്യുതാനന്ദന്റെ വേർപാട് തീരാനഷ്ടം: ടിപി രാമകൃഷ്ണൻ
വി.എസ്. അച്യുതാനന്ദന്റെ വേർപാട് കനത്ത നഷ്ടമാണെന്ന് എൽഡിഎഫ് കൺവീനർ ടി.പി. രാമകൃഷ്ണൻ അഭിപ്രായപ്പെട്ടു. അദ്ദേഹത്തിന്റെ ഓർമകൾക്ക് മുന്നിൽ, അദ്ദേഹം നയിച്ച കമ്മ്യൂണിസ്റ്റ് പ്രസ്ഥാനത്തെയും ഇടതുപക്ഷ ജനാധിപത്യ മുന്നണിയെയും ശക്തിപ്പെടുത്താനുള്ള ഉത്തരവാദിത്തം ഓരോരുത്തർക്കുമുണ്ട് എന്നും അദ്ദേഹം കൂട്ടിച്ചേർത്തു. വിഎസിൻ്റെ വേർപാടിൽ അനുശോചനം രേഖപ്പെടുത്തുന്നതായും ടി.പി. രാമകൃഷ്ണൻ അറിയിച്ചു.
കേരളാ കോൺഗ്രസ് എമ്മിന്റെ സമ്മർദ്ദം; എൽഡിഎഫിൽ ഭിന്നത രൂക്ഷം
വന്യജീവി ആക്രമണങ്ങളുടെ പശ്ചാത്തലത്തിൽ പ്രത്യേക നിയമസമ്മേളനം വിളിക്കണമെന്ന കേരളാ കോൺഗ്രസ് എമ്മിന്റെ ആവശ്യം എൽഡിഎഫിൽ തർക്കത്തിന് കാരണമാകുന്നു. വനം വകുപ്പിന്റെ പ്രവർത്തനത്തിനെതിരെ കേരളാ കോൺഗ്രസ് എം രംഗത്തെത്തി. മുന്നണി മര്യാദകൾ പാലിക്കുന്നില്ലെന്ന് ആരോപിച്ച് മന്ത്രി എ.കെ. ശശീന്ദ്രൻ പ്രതിഷേധിച്ചു.
എല്ഡിഎഫില് ഹാപ്പിയെന്ന് ജോസ് കെ. മാണി; മുന്നണി മാറ്റ ചര്ച്ചകള് തള്ളി
എല്ഡിഎഫില് സന്തോഷമുണ്ടെന്നും രാഷ്ട്രീയ സാഹചര്യം മാറിയിട്ടില്ലെന്നും ജോസ് കെ. മാണി പറഞ്ഞു. മുന്നണി മാറ്റ ചര്ച്ചകള് അന്തരീക്ഷത്തില് മാത്രം ഒതുങ്ങുന്ന കാര്യമാണ്. തദ്ദേശ തിരഞ്ഞെടുപ്പില് സ്വാധീനത്തിനനുസരിച്ച് സീറ്റുകള് ആവശ്യപ്പെടുമെന്നും അദ്ദേഹം വ്യക്തമാക്കി.
നിലമ്പൂരിൽ ആര്യാടൻ ഷൗക്കത്ത് ജയിക്കും; എൽഡിഎഫിന്റേത് സമയനഷ്ടം മാത്രമെന്ന് സണ്ണി ജോസഫ്
നിലമ്പൂരിലെ ഉപതിരഞ്ഞെടുപ്പിൽ യുഡിഎഫ് സ്ഥാനാർത്ഥി ആര്യാടൻ ഷൗക്കത്ത് മികച്ച ഭൂരിപക്ഷത്തിൽ വിജയിക്കുമെന്ന് കെപിസിസി അധ്യക്ഷൻ സണ്ണി ജോസഫ്. എൽഡിഎഫ് സ്ഥാനാർത്ഥി എം. സ്വരാജ്, വി.വി. പ്രകാശന്റെ വീട്ടിൽ പോയത് വെറും സമയം കളയൽ മാത്രമാണെന്നും അദ്ദേഹം കൂട്ടിച്ചേർത്തു. തിരഞ്ഞെടുപ്പ് പ്രചാരണത്തിൽ യുഡിഎഫ് മുന്നോട്ടുവെച്ച വിഷയങ്ങൾ ചർച്ചയായെന്നും ആര്യാടൻ ഷൗക്കത്ത് പറഞ്ഞു.
വർഗീയ ശക്തികളെ തലയുയർത്താൻ അനുവദിക്കില്ലെന്ന് മുഖ്യമന്ത്രി പിണറായി വിജയൻ
വർഗീയ ശക്തികളെ തലയുയർത്താൻ LDF സർക്കാർ അനുവദിക്കില്ലെന്ന് മുഖ്യമന്ത്രി പിണറായി വിജയൻ പറഞ്ഞു. ഭരണത്തുടർച്ച ഉണ്ടാകേണ്ടത് അനിവാര്യമാണെന്നും സ്വരാജിനെ കൂടുതൽ വോട്ട് നൽകി വിജയിപ്പിക്കണമെന്നും മുഖ്യമന്ത്രി ആവശ്യപ്പെട്ടു. നിലമ്പൂരിൽ എൽഡിഎഫ് തിരഞ്ഞെടുപ്പ് പ്രചാരണത്തിന് തുടക്കമിട്ടത് സ്വരാജിന്റെ കൈപിടിച്ചുയർത്തിക്കൊണ്ടാണ് മുഖ്യമന്ത്രി പിണറായി വിജയൻ.
പി വി അൻവറിൻ്റെ സ്ഥാനാർത്ഥിത്വം എൽഡിഎഫിനെ ബാധിക്കില്ലെന്ന് എം സ്വരാജ്
പി.വി. അൻവറിൻ്റെ സ്ഥാനാർത്ഥിത്വത്തിൽ പ്രതികരണവുമായി എം സ്വരാജ്. ആർക്കും തിരഞ്ഞെടുപ്പിൽ മത്സരിക്കാമെന്നും അദ്ദേഹം അഭിപ്രായപ്പെട്ടു. യുഡിഎഫ് കക്ഷിയുടെ സംസ്ഥാന നേതാവ് ബിജെപി സ്ഥാനാർത്ഥിയായി മത്സരിക്കുന്നത് വിചിത്രമായ കാര്യമാണെന്നും സ്വരാജ് കൂട്ടിച്ചേർത്തു.
നിലമ്പൂരിൽ എൽഡിഎഫിന് തിളക്കമാർന്ന വിജയം ഉറപ്പെന്ന് എം സ്വരാജ്
നിലമ്പൂരിൽ ഇടതുപക്ഷ ജനാധിപത്യ മുന്നണിക്ക് തിളക്കമാർന്ന വിജയം നേടാൻ സാധിക്കുമെന്ന് എൽഡിഎഫ് സ്ഥാനാർത്ഥി എം സ്വരാജ് പ്രഖ്യാപിച്ചു. സർക്കാരിന്റെ ജനക്ഷേമ പ്രവർത്തനങ്ങൾക്കും വികസനപദ്ധതികൾക്കുമുള്ള അംഗീകാരമായിരിക്കും ഈ ഉപതിരഞ്ഞെടുപ്പിൽ പ്രതിഫലിക്കുകയെന്നും അദ്ദേഹം കൂട്ടിച്ചേർത്തു. നാളെ നടക്കുന്ന തിരഞ്ഞെടുപ്പ് കൺവെൻഷന്റെ ഉദ്ഘാടനത്തിനായി മുഖ്യമന്ത്രിയും മണ്ഡലത്തിൽ എത്തും.
നിലമ്പൂരിൽ എൽഡിഎഫ് വൻ വിജയം നേടുമെന്ന് ടി.പി. രാമകൃഷ്ണൻ
നിലമ്പൂരിൽ എൽഡിഎഫ് വലിയ വിജയം നേടുമെന്ന് എൽഡിഎഫ് കൺവീനർ ടി.പി. രാമകൃഷ്ണൻ പ്രസ്താവിച്ചു. ഒന്നാം തീയതി നടക്കുന്ന എൽഡിഎഫ് തിരഞ്ഞെടുപ്പ് കൺവെൻഷൻ മുഖ്യമന്ത്രി ഉദ്ഘാടനം ചെയ്യും. എല്ലാത്തരം വർഗീയതക്കുമെതിരെയും എൽഡിഎഫ് ഉറച്ച നിലപാട് സ്വീകരിക്കുമെന്നും അദ്ദേഹം കൂട്ടിച്ചേർത്തു.
നിലമ്പൂർ യുഡിഎഫ് തിരിച്ചുപിടിക്കും, ആര് സ്ഥാനാർഥിയായാലും ജയം ഉറപ്പ്: ആര്യാടൻ ഷൗക്കത്ത്
നിലമ്പൂർ മണ്ഡലം യുഡിഎഫ് തിരിച്ചുപിടിക്കുമെന്നും ആര് സ്ഥാനാർഥിയായാലും വിജയം ഉറപ്പാണെന്നും ആര്യാടൻ ഷൗക്കത്ത് പറഞ്ഞു. രാഷ്ട്രീയ പോരാട്ടത്തിൽ എല്ലാ സ്ഥാനാർഥികളും ശക്തരാണെന്നും ആരെയും മോശമായി കാണാനാവില്ലെന്നും അദ്ദേഹം കൂട്ടിച്ചേർത്തു. എൽഡിഎഫ് സ്ഥാനാർത്ഥിയുടെ പ്രഖ്യാപനം വൈകിയാണ് നടന്നതെന്നും എം സ്വരാജ് നല്ല സുഹൃത്താണെങ്കിലും തിരഞ്ഞെടുപ്പിൽ സൗഹൃദം ബാധകമാകില്ലെന്നും അദ്ദേഹം വ്യക്തമാക്കി.
നിലമ്പൂർ എൽഡിഎഫ് നിലനിർത്തും; അൻവർ വിഷയം ഉന്നയിക്കില്ലെന്ന് എം.വി. ഗോവിന്ദൻ
നിലമ്പൂർ സീറ്റ് എൽഡിഎഫ് നിലനിർത്തുമെന്ന് സിപിഐഎം സംസ്ഥാന സെക്രട്ടറി എം.വി. ഗോവിന്ദൻ. തിരഞ്ഞെടുപ്പിൽ അൻവർ വിഷയം ഉന്നയിക്കില്ല. വെള്ളിയാഴ്ച എൽഡിഎഫ് സ്ഥാനാർഥിയെ പ്രഖ്യാപിക്കുമെന്നും എം.വി. ഗോവിന്ദൻ അറിയിച്ചു.
നിലമ്പൂരില് ആര് സ്ഥാനാര്ത്ഥിയായാലും എല്ഡിഎഫിന് ഉത്കണ്ഠയില്ലെന്ന് ടി.പി. രാമകൃഷ്ണന്
നിലമ്പൂരിൽ ആര് സ്ഥാനാർത്ഥിയായാലും എൽഡിഎഫിന് ആശങ്കയില്ലെന്ന് ടി.പി. രാമകൃഷ്ണൻ അഭിപ്രായപ്പെട്ടു. യുഡിഎഫ് സ്ഥാനാർത്ഥിയെ തീരുമാനിച്ചതുകൊണ്ട് പ്രത്യേകമായ നേട്ടങ്ങളൊന്നും ഉണ്ടാകാൻ പോകുന്നില്ലെന്നും അദ്ദേഹം കൂട്ടിച്ചേർത്തു. രാഷ്ട്രീയ സാഹചര്യങ്ങൾ എൽഡിഎഫിന് അനുകൂലമാണെന്നും അദ്ദേഹം അഭിപ്രായപ്പെട്ടു.