Landslide
അടിമാലി മണ്ണിടിച്ചിൽ: അപകടകാരണം ദേശീയപാത നിർമ്മാണം തന്നെയെന്ന് നാട്ടുകാർ
ഇടുക്കി അടിമാലിയിൽ ദേശീയപാത നിർമ്മാണത്തിനിടെ മണ്ണിടിച്ചിലുണ്ടായ സംഭവത്തിൽ നിർമ്മാണത്തിലെ അശാസ്ത്രീയതയാണ് അപകടകാരണമെന്ന് നാട്ടുകാർ ആരോപിച്ചു. മണ്ണിന്റെ ഘടന മനസ്സിലാക്കാതെ നിർമ്മാണ കമ്പനി വ്യാപകമായി മണ്ണെടുത്തതാണ് അപകടത്തിന് കാരണമായതെന്നാണ് പ്രധാന ആരോപണം. അപകടത്തിൽ ഒരാൾ മരിക്കുകയും ഒരാൾക്ക് ഗുരുതരമായി പരിക്കേൽക്കുകയും ചെയ്തു.
ഇടുക്കി അടിമാലിയിൽ മണ്ണിടിച്ചിലിൽ രണ്ട് വീടുകൾ തകർന്നു; ഒരാൾ മരിച്ചു
ഇടുക്കി അടിമാലിക്കടുത്ത് ദേശീയപാത നിർമ്മാണത്തിനിടെ മണ്ണിടിഞ്ഞ് രണ്ട് വീടുകൾ തകർന്നു. അപകടത്തിൽ സിമന്റ് പാളികൾക്കിടയിൽ കുടുങ്ങിയ ബിജു മരിച്ചു. സന്ധ്യയെ ഗുരുതരമായ പരുക്കുകളോടെ ആശുപത്രിയിൽ പ്രവേശിപ്പിച്ചു.
ഇടുക്കി അടിമാലി മണ്ണിടിച്ചിലിൽ ഒരാൾ മരിച്ചു; മണിക്കൂറുകൾ നീണ്ട രക്ഷാപ്രവർത്തനം വിഫലം
ഇടുക്കി അടിമാലിക്കടുത്ത് കൂമന്പാറയിലുണ്ടായ മണ്ണിടിച്ചിലിൽ വീടിനുള്ളിൽ കുടുങ്ങിയ ബിജു മരിച്ചു. രക്ഷാപ്രവർത്തകർ മണിക്കൂറുകൾ നീണ്ട പരിശ്രമത്തിനൊടുവിൽ ബിജുവിനെ പുറത്തെത്തിച്ചെങ്കിലും ജീവൻ രക്ഷിക്കാനായില്ല. മണ്ണിടിച്ചിൽ സാധ്യത കണക്കിലെടുത്ത് മാറിത്താമസിക്കാൻ അധികൃതർ നിർദ്ദേശം നൽകിയിരുന്നെങ്കിലും, ഇവർ അത് അവഗണിച്ചു.
അടിമാലി മണ്ണിടിച്ചിൽ: മണിക്കൂറുകൾ നീണ്ട രക്ഷാപ്രവർത്തനത്തിനൊടുവിൽ ബിജുവിനെയും രക്ഷിച്ചു; സന്ധ്യയെ ആശുപത്രിയിലേക്ക് മാറ്റി
അടിമാലി ലക്ഷം വീട് കോളനിയിലുണ്ടായ മണ്ണിടിച്ചിലിൽ വീടിനുള്ളിൽ കുടുങ്ങിയ ബിജുവിനെ രക്ഷാപ്രവർത്തകർ രക്ഷപ്പെടുത്തി. എൻഡിആർഎഫും ഫയർഫോഴ്സും മണിക്കൂറുകൾ നീണ്ട പരിശ്രമം നടത്തിയാണ് ഇദ്ദേഹത്തെ രക്ഷിച്ചത്. അപകടത്തിൽ പരിക്കേറ്റ ബിജുവിൻ്റെ ഭാര്യ സന്ധ്യയെ നേരത്തെ രക്ഷപ്പെടുത്തി കൊച്ചി രാജഗിരി ആശുപത്രിയിലേക്ക് മാറ്റിയിരുന്നു.
അടിമാലി മണ്ണിടിച്ചിൽ: വീടിനുള്ളിൽ കുടുങ്ങിയ സന്ധ്യയെ രക്ഷപ്പെടുത്തി
അടിമാലി ലക്ഷം വീട് കോളനിയിൽ മണ്ണിടിച്ചിലുണ്ടായതിനെ തുടർന്ന് വീടിനുള്ളിൽ കുടുങ്ങിയ സന്ധ്യയെ രക്ഷാപ്രവർത്തകർ പുറത്തെത്തിച്ചു. ഇവരെ ആശുപത്രിയിലേക്ക് മാറ്റി. സന്ധ്യയുടെ ഭർത്താവ് ബിജു ഇപ്പോഴും വീടിനുള്ളിൽ കുടുങ്ങിക്കിടക്കുകയാണ്.
അടിമാലി മണ്ണിടിച്ചിൽ: ഒരാളുടെ നില ഗുരുതരം, രക്ഷാപ്രവർത്തനം തുടരുന്നു
അടിമാലി ലക്ഷം വീട് കോളനിയിൽ മണ്ണിടിച്ചിലുണ്ടായതിനെ തുടർന്ന് ഒരാളുടെ നില ഗുരുതരമായി തുടരുന്നു. സന്ധ്യയുടെ ആരോഗ്യനില തൃപ്തികരമാണെന്ന് ഡോക്ടർമാർ അറിയിച്ചു. രക്ഷാപ്രവർത്തനം ഇപ്പോഴും പുരോഗമിക്കുകയാണ്.
അടിമാലിയിൽ മണ്ണിടിച്ചിൽ: രക്ഷാപ്രവർത്തനം തുടരുന്നു, മന്ത്രി റോഷി അഗസ്റ്റിൻ സ്ഥലത്തേക്ക്
ഇടുക്കി അടിമാലിയിലുണ്ടായ മണ്ണിടിച്ചിലിൽ കുടുങ്ങിക്കിടക്കുന്നവരെ രക്ഷിക്കാനുള്ള പ്രവർത്തനങ്ങൾ ഊർജ്ജിതമായി നടക്കുകയാണെന്ന് മന്ത്രി റോഷി അഗസ്റ്റിൻ അറിയിച്ചു. മണ്ണിടിച്ചിൽ സാധ്യത കണക്കിലെടുത്ത് ആളുകളെ നേരത്തെ മാറ്റിപ്പാർപ്പിച്ചിരുന്നുവെങ്കിലും ചിലർ വീടുകളിലേക്ക് മടങ്ങിയതാണ് അപകടകാരണമായത്. ദേശീയ ദുരന്ത നിവാരണ സേനയും സ്ഥലത്തെത്തി രക്ഷാപ്രവർത്തനത്തിന് നേതൃത്വം നൽകുന്നു.
അടിമാലിയിൽ വീണ്ടും മണ്ണിടിച്ചിൽ; ഒരു കുടുംബം വീടിനുള്ളിൽ കുടുങ്ങി
അടിമാലിയിൽ വീണ്ടും മണ്ണിടിച്ചിലുണ്ടായി. ആളുകളെ ഒഴിപ്പിച്ച ഭാഗത്താണ് മണ്ണിടിച്ചിലുണ്ടായത്. വീടുകൾക്ക് മുകളിൽ മണ്ണിടിഞ്ഞ് വീണു. ഒരു കുടുംബം വീടിനുള്ളിൽ കുടുങ്ങിക്കിടക്കുന്നു.
അടിമാലിയിൽ കൊച്ചി-ധനുഷ്കോടി ദേശീയപാതയിൽ ഗർത്തം; 22 കുടുംബങ്ങളെ മാറ്റിപ്പാർപ്പിക്കുന്നു
കൊച്ചി-ധനുഷ്കോടി ദേശീയപാതയിൽ അടിമാലി ലക്ഷംവീട് കോളനിക്ക് സമീപം ഗർത്തം രൂപപ്പെട്ടു. മണ്ണിടിച്ചിലിന് സാധ്യതയുള്ളതിനാൽ 22 കുടുംബങ്ങളെ ക്യാമ്പിലേക്ക് മാറ്റാൻ തീരുമാനിച്ചു. മൂന്നാറിലേക്കുള്ള വാഹനങ്ങൾ കല്ലാർകുട്ടി വഴി തിരിച്ചുവിടുന്നു.
ഇടുക്കി അടിമാലിയിൽ മണ്ണിടിച്ചിൽ; ഒരാളെ രക്ഷപ്പെടുത്തി
ഇടുക്കി അടിമാലി മച്ചിപ്ലാവ് ചൂരക്കട്ടൻകുടിയിൽ കനത്ത മണ്ണിടിച്ചിൽ. വൈകുന്നേരം മൂന്ന് മണി മുതൽ അടിമാലിയിൽ ശക്തമായ മഴ പെയ്യുന്നതിനിടെയാണ് അപകടം സംഭവിച്ചത്. അപകടത്തിൽപ്പെട്ട ഒരാളെ രക്ഷപ്പെടുത്തി.
ചൂരൽമല ഉരുൾപൊട്ടൽ: ദുരിതബാധിതരുടെ വായ്പ എഴുതിത്തള്ളില്ലെന്ന് കേന്ദ്രം
മുണ്ടക്കൈ-ചൂരൽമല ഉരുൾപൊട്ടൽ ദുരന്തബാധിതരുടെ ബാങ്ക് വായ്പകൾ എഴുതിത്തള്ളില്ലെന്ന് കേന്ദ്ര സർക്കാർ ഹൈക്കോടതിയെ അറിയിച്ചു. വായ്പ എഴുതിത്തള്ളുന്നത് കേന്ദ്രത്തിന്റെ അധികാര പരിധിക്ക് പുറത്തുള്ള കാര്യമാണെന്നും കേന്ദ്രം വ്യക്തമാക്കി. ഇതുമായി ബന്ധപ്പെട്ട് കേന്ദ്ര ആഭ്യന്തര മന്ത്രാലയം സത്യവാങ്മൂലം നൽകി.
ഡാർജിലിംഗിൽ കനത്ത മണ്ണിടിച്ചിൽ; 7 കുട്ടികളടക്കം 23 മരണം
ഡാർജിലിംഗിൽ കനത്ത മഴയെത്തുടർന്നുണ്ടായ മണ്ണിടിച്ചിലിൽ 23 പേർ മരിച്ചു. ഇതിൽ ഏഴ് പേർ കുട്ടികളാണ്. നിരവധി വീടുകൾ ഒലിച്ചുപോവുകയും ഗതാഗതമാർഗ്ഗങ്ങൾ തകരുകയും ചെയ്തതിനെ തുടർന്ന് നിരവധി ഗ്രാമങ്ങൾ ഒറ്റപ്പെട്ടു. 2015-ൽ 40-ഓളം ആളുകൾ മരിച്ച മണ്ണിടിച്ചിലിന് ശേഷം ഡാർജിലിംഗിൽ ഉണ്ടായ ഏറ്റവും വലിയ ദുരന്തമാണിതെന്ന് അധികൃതർ അറിയിച്ചു.