KSU
തിരുവനന്തപുരത്ത് നാളെ കെ.എസ്.യു വിദ്യാഭ്യാസ ബന്ദ്
ഗവർണർക്കെതിരെ പ്രതിഷേധിച്ച കെ.എസ്.യു പ്രവർത്തകരെ ആർ.എസ്.എസ് യുവമോർച്ച ഗുണ്ടകൾ ആക്രമിച്ചെന്ന് ആരോപിച്ചാണ് വിദ്യാഭ്യാസ ബന്ദിന് ആഹ്വാനം ചെയ്തിരിക്കുന്നത്. കേരള സർവകലാശാല സെനറ്റ് ഹാളിൽ ഗവർണർ പങ്കെടുത്ത പരിപാടിയിൽ കാവിക്കൊടിയേന്തിയ ഭാരതാംബയുടെ ചിത്രം വെച്ചതിനെ തുടർന്നാണ് സംഘർഷം ഉണ്ടായത്. പ്രതിഷേധം തുടരുന്നതിനിടെ ഗവർണർ രാജേന്ദ്ര വിശ്വനാഥ ആർലേക്കർ യോഗ വേദിയിലെത്തി വിവാദ ചിത്രത്തിൽ പുഷ്പാർച്ചന നടത്തി.
ബലിപെരുന്നാൾ അവധി റദ്ദാക്കിയ സർക്കാർ നടപടി പ്രതിഷേധാർഹമെന്ന് കെ.എസ്.യു
ബലിപെരുന്നാളിനോടനുബന്ധിച്ച് വെള്ളിയാഴ്ചത്തെ അവധി റദ്ദാക്കിയ സർക്കാർ നടപടിക്കെതിരെ കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യർ രംഗത്ത്. സർക്കാർ തീരുമാനം പ്രതിഷേധാർഹമാണെന്നും വിവിധ വിഭാഗങ്ങൾക്ക് ഉണ്ടാകുന്ന ബുദ്ധിമുട്ടുകൾ കണക്കിലെടുത്ത് സർക്കാർ വെള്ളിയാഴ്ച കൂടി അവധി നൽകണമെന്നും അദ്ദേഹം ആവശ്യപ്പെട്ടു. ഇസ്ലാ മതവിശ്വാസികൾക്കും സ്കൂൾ-കോളേജ് വിദ്യാർത്ഥികൾക്കും സർക്കാർ ജീവനക്കാർക്കും വെല്ലുവിളിയാണ് സർക്കാർ തീരുമാനം.
കെ.എസ്.യു നേതാക്കൾക്കെതിരെ കേസ്: പരാതിയുമായി ജനറൽ സെക്രട്ടറി
കെ.എസ്.യു ജനറൽ സെക്രട്ടറി ആക്ഷിക് ബൈജുവിന്റെ പരാതിയിൽ മൂന്ന് കെ.എസ്.യു നേതാക്കൾക്കെതിരെ ഇരവിപുരം പൊലീസ് കേസെടുത്തു. പ്രതികൾ ഭീഷണിപ്പെടുത്തി പണം തട്ടാൻ ശ്രമിച്ചെന്നും പൊതുജീവിതം തകർക്കാൻ ശ്രമിച്ചെന്നും പരാതിയിൽ പറയുന്നു. തിരുവനന്തപുരത്ത് വെച്ച് ബലാത്സംഗം ചെയ്തു എന്ന് ആരോപിക്കുന്ന വോയിസ് ക്ലിപ്പ് അയച്ചു കൊടുത്തുവെന്നും എഫ്.ഐ.ആറിൽ പറയുന്നു.
കേരള സർവകലാശാലയിൽ എസ്എഫ്ഐ – കെഎസ്യു സംഘർഷം
കേരള സർവകലാശാല യൂണിയൻ തിരഞ്ഞെടുപ്പിനെ തുടർന്ന് എസ്എഫ്ഐയും കെഎസ്യുവും തമ്മിൽ സംഘർഷം. വിജയാഘോഷത്തിനിടെയാണ് ഇരു വിദ്യാർത്ഥി സംഘടനകളും ഏറ്റുമുട്ടിയത്. സംഘർഷം രൂക്ഷമായതോടെ പോലീസ് ലാത്തിവീശി.
കെഎസ്യുവിലും കോൺഗ്രസ്സിലും കൂട്ട നടപടി; നേതാക്കൾക്ക് സസ്പെൻഷൻ
കെഎസ്യു എറണാകുളം ജില്ലാ പ്രസിഡന്റ് അടക്കം മൂന്ന് നേതാക്കൾക്ക് സസ്പെൻഷൻ. കൊല്ലം ജില്ലയിൽ എട്ട് മണ്ഡലം കോൺഗ്രസ് കമ്മിറ്റി പ്രസിഡന്റുമാരെയും നീക്കി. സംഘടനാ പ്രവർത്തനത്തിലെ വീഴ്ചയാണ് നടപടികൾക്ക് കാരണം.
കെഎസ്യു അക്രമം: വിദ്യാർത്ഥിക്ക് പരിക്ക്; നാല് പേർ റിമാൻഡിൽ
ഒറ്റപ്പാലം എൻഎസ്എസ് കോളേജിൽ കെഎസ്യു പ്രവർത്തകർ വിദ്യാർത്ഥിയെ മർദ്ദിച്ചു. യൂണിവേഴ്സിറ്റി യൂണിയൻ കൗൺസിലർ അടക്കം നാല് പേർ അറസ്റ്റിൽ. പ്രതികളെ റിമാൻഡ് ചെയ്തു.
കെഎസ്യു പ്രവർത്തകർ വിദ്യാർത്ഥിയെ മർദ്ദിച്ച കേസ്: നാല് പേർ അറസ്റ്റിൽ
ഒറ്റപ്പാലം എൻഎസ്എസ് കോളേജിലെ വിദ്യാർത്ഥിയെ മർദ്ദിച്ച കേസിൽ കെഎസ്യു പ്രവർത്തകർ അറസ്റ്റിൽ. കോളേജ് ഡേ വീഡിയോയിലെ കമന്റാണ് ആക്രമണത്തിന് കാരണമെന്ന് പോലീസ് പറയുന്നു. കഴുത്തിൽ കേബിൾ കുരുക്കി മുറുക്കിയാണ് മർദ്ദിച്ചതെന്ന് വിദ്യാർത്ഥിയുടെ മൊഴി.
കെഎസ്യു നേതാക്കൾക്ക് കഞ്ചാവ് എത്തിച്ചു നൽകിയെന്ന് വിദ്യാർത്ഥിയുടെ മൊഴി
കെഎസ്യു നേതാക്കൾക്ക് കഞ്ചാവ് എത്തിച്ചു നൽകിയതായി വിദ്യാർത്ഥി പോലീസിന് മൊഴി നൽകി. യുപിഐ ഇടപാടുകൾ വഴിയും നേരിട്ടും പണം കൈമാറിയതായി വിവരം. കൂടുതൽ അന്വേഷണം പുരോഗമിക്കുന്നു.
എസ്എഫ്ഐയുടെ ലഹരി വിരുദ്ധ പ്രവർത്തനങ്ങളെ തകർക്കാൻ ശ്രമം: കോൺഗ്രസിനെതിരെ എം ശിവപ്രസാദ്
കോൺഗ്രസും കെഎസ്യുവും എസ്എഫ്ഐയുടെ ലഹരി വിരുദ്ധ പ്രവർത്തനങ്ങളെ ദുർബലപ്പെടുത്താൻ ശ്രമിക്കുന്നതായി എസ്എഫ്ഐ സംസ്ഥാന പ്രസിഡന്റ് എം ശിവപ്രസാദ് ആരോപിച്ചു. ലഹരിമരുന്ന് കേസുകളിൽ നിരവധി യൂത്ത് കോൺഗ്രസ് പ്രവർത്തകർ അറസ്റ്റിലായിട്ടുണ്ടെന്നും അദ്ദേഹം ചൂണ്ടിക്കാട്ടി. കെഎസ്യുവിനെ പിരിച്ചുവിടണോ എന്ന് ബന്ധപ്പെട്ടവർ ആലോചിക്കണമെന്നും ശിവപ്രസാദ് പറഞ്ഞു.
കളമശ്ശേരി കഞ്ചാവ് വേട്ട: മാധ്യമങ്ങളെയും പ്രതിപക്ഷത്തെയും രൂക്ഷമായി വിമർശിച്ച് എസ്എഫ്ഐ
കളമശ്ശേരി പോളിടെക്നിക്കിലെ കഞ്ചാവ് വേട്ടയിൽ എസ്എഫ്ഐയെ മാധ്യമങ്ങൾ ബോധപൂർവം വേട്ടയാടുന്നുവെന്ന് എസ്എഫ്ഐ സംസ്ഥാന സെക്രട്ടറി പി എസ് സഞ്ജീവ്. പിടിയിലായവർ കെഎസ്യു പ്രവർത്തകരാണെന്നും എന്നാൽ മാധ്യമങ്ങൾ ഈ വസ്തുത മറച്ചുവെക്കുകയാണെന്നും അദ്ദേഹം ആരോപിച്ചു. വിഡി സതീശൻ ജനാധിപത്യ വിരുദ്ധമായി പെരുമാറുന്നുവെന്നും നിലവാരമില്ലാത്ത നേതാവാണെന്നും സഞ്ജീവ് വിമർശിച്ചു.
കളമശ്ശേരി പോളിടെക്നിക് കഞ്ചാവ് കേസ്: പ്രതിക്ക് KSU ബന്ധമെന്ന് എസ്എഫ്ഐ ആരോപണം
കളമശ്ശേരി പോളിടെക്നിക് കോളേജിലെ കഞ്ചാവ് കേസിലെ പ്രതിക്ക് KSU ബന്ധമുണ്ടെന്ന് എസ്എഫ്ഐ നേതാവ് പി എം ആർഷോ ആരോപിച്ചു. 2023-ലെ KSU അംഗത്വ വിതരണ ഉദ്ഘാടന ചടങ്ങിൽ പ്രതി പങ്കെടുത്തതായി ആർഷോ ചിത്രം സഹിതം ഫേസ്ബുക്കിൽ കുറിച്ചു. എന്നാൽ എസ്എഫ്ഐയുടെ ഈ ആരോപണം KSU നിഷേധിച്ചു.
കളമശ്ശേരി കഞ്ചാവ് കേസ്: കെഎസ്യു പ്രവർത്തകർ ഉൾപ്പെട്ടിട്ടില്ലെന്ന് അലോഷ്യസ് സേവ്യർ
കളമശ്ശേരി പോളിടെൿനിക് ഹോസ്റ്റലിൽ നടന്ന കഞ്ചാവ് വേട്ടയിൽ കെഎസ്യു പ്രവർത്തകർ ഉൾപ്പെട്ടിട്ടില്ലെന്ന് സംസ്ഥാന അധ്യക്ഷൻ അലോഷ്യസ് സേവ്യർ. കേസിൽ കെഎസ്യു ബന്ധമുള്ള ആരും ഉൾപ്പെട്ടിട്ടില്ലെന്ന് സ്ഥിരീകരിക്കാനാണ് പോലീസ് സ്റ്റേഷനിൽ എത്തിയതെന്നും അദ്ദേഹം പറഞ്ഞു. ലഹരിവിരുദ്ധ പോരാട്ടത്തിൽ സർക്കാരിനൊപ്പം കെഎസ്യു ഉണ്ടെന്നും അദ്ദേഹം കൂട്ടിച്ചേർത്തു.