ksrtc
കെഎസ്ആർടിസി ബസും ബൈക്കും കൂട്ടിയിടിച്ചു; മദ്രസ അധ്യാപകൻ മരിച്ചു
കുന്ദമംഗലം പതിമംഗലത്തിനടുത്ത് കെഎസ്ആർടിസി ബസും ബൈക്കും കൂട്ടിയിടിച്ച് മദ്രസ അധ്യാപകനായ ജസിൽ സുഹുരി (22) മരിച്ചു. ഒപ്പമുണ്ടായിരുന്ന ഷഹബാസിന് (24) ഗുരുതരമായി പരിക്കേറ്റു. ഗുണ്ടൽപേട്ടിൽ നിന്നും കോഴിക്കോട്ടേക്ക് വരികയായിരുന്ന കെഎസ്ആർടിസി ബസാണ് അപകടത്തിൽപ്പെട്ടത്.
ബ്രത്ത് അനലൈസർ നടപടിക്രമങ്ങളിൽ കെഎസ്ആർടിസി മാറ്റം വരുത്തി
ഹോമിയോ മരുന്ന് കഴിച്ച ഡ്രൈവർക്ക് ബ്രത്ത് അനലൈസർ പരിശോധനയിൽ പോസിറ്റീവ് ആയതിനെത്തുടർന്ന് കെഎസ്ആർടിസി ബ്രത്ത് അനലൈസർ നടപടിക്രമങ്ങളിൽ മാറ്റം വരുത്തി. ആൽക്കഹോൾ ഉപയോഗിച്ചതായി സംശയിക്കുന്ന വ്യക്തികളെ വീണ്ടും പരിശോധനയ്ക്ക് വിധേയമാക്കണമെന്നാണ് പുതിയ നിർദ്ദേശം. രണ്ടാമത്തെ പരിശോധനയിലും പോസിറ്റീവ് ആയാൽ ഡ്യൂട്ടിക്ക് നിയോഗിക്കരുതെന്നും കെഎസ്ആർടിസി നിർദ്ദേശിച്ചു.
കെഎസ്ആർടിസി ഡ്രൈവറെ മർദ്ദിച്ച കേസിൽ മൂന്ന് യുവാക്കൾ അറസ്റ്റിൽ
കോട്ടയ്ക്കലിൽ കെഎസ്ആർടിസി ബസ് തടഞ്ഞുനിർത്തി ഡ്രൈവറെ മർദ്ദിച്ച കേസിൽ മൂന്ന് യുവാക്കളെ പോലീസ് അറസ്റ്റ് ചെയ്തു. പുത്തൂർ സ്വദേശികളായ സിയാദ്, സിനാൻ, ഫുഹാൻ സെനിൻ എന്നിവരാണ് അറസ്റ്റിലായത്. ഡ്രൈവർ മദ്യപിച്ചിട്ടുണ്ടെന്ന് ആരോപിച്ചായിരുന്നു ആക്രമണം.
കെഎസ്ആർടിസിയിൽ സിസിടിവി നിരീക്ഷണം ശക്തമാക്കും; റിസർവേഷൻ കൗണ്ടറുകൾ ഒഴിവാക്കും
കെഎസ്ആർടിസിയിലെ റിസർവേഷൻ കൗണ്ടറുകൾ പൂർണമായും ഒഴിവാക്കുമെന്ന് ഗതാഗത മന്ത്രി കെ. ബി. ഗണേഷ് കുമാർ. സിസിടിവി നിരീക്ഷണം ശക്തമാക്കാനും സുരക്ഷാ ജീവനക്കാരുടെ എണ്ണം കുറയ്ക്കാനും തീരുമാനം. ചെലവ് ചുരുക്കലിന്റെ ഭാഗമായാണ് നടപടിയെന്നും മന്ത്രി അറിയിച്ചു.
കെഎസ്ആർടിസി ജീവനക്കാർക്ക് ഒന്നാം തീയതി തന്നെ ശമ്പളം; 80 കോടി വിതരണം ചെയ്യും
കെഎസ്ആർടിസി ജീവനക്കാരുടെ മാർച്ച് മാസത്തെ ശമ്പള വിതരണം ഇന്ന് ആരംഭിച്ചു. 2020 ഡിസംബറിനു ശേഷം ആദ്യമായാണ് ഒന്നാം തീയതി തന്നെ ജീവനക്കാർക്ക് പൂർണമായി ശമ്പളം ലഭിക്കുന്നത്. 80 കോടി രൂപ ഇന്ന് തന്നെ ശമ്പള ഇനത്തിൽ വിതരണം ചെയ്യുമെന്ന് കെഎസ്ആർടിസി അറിയിച്ചു.
ഹോമിയോ മരുന്ന് കാരണം; കെഎസ്ആർടിസി ഡ്രൈവർ മദ്യപിച്ചിട്ടില്ലെന്ന് സ്ഥിരീകരണം
കോഴിക്കോട് കെഎസ്ആർടിസി ഡ്രൈവർ ഷിബീഷിനെതിരെ മദ്യപിച്ചെന്ന ആരോപണം തെറ്റെന്ന് തെളിഞ്ഞു. ഹോമിയോ മരുന്നാണ് ബ്രെത്ത് അനലൈസറിൽ തെറ്റായ ഫലം നൽകിയതെന്ന് കെഎസ്ആർടിസി സ്ഥിരീകരിച്ചു. ഷിബീഷിനെതിരെ നടപടി വേണ്ടെന്ന് കെഎസ്ആർടിസി തീരുമാനിച്ചു.
പൊട്ടിയ ചില്ലുമായി സർവ്വീസ്; കെഎസ്ആർടിസിക്ക് പിഴ
മുൻവശത്തെ ചില്ല് പൊട്ടിയ നിലയിൽ സർവീസ് നടത്തിയ കെഎസ്ആർടിസി ബസിന് മോട്ടോർ വാഹന വകുപ്പ് 250 രൂപ പിഴ ചുമത്തി. തിരുവല്ല ഡിപ്പോയിലെ ഒരു കെഎസ്ആർടിസി ഓർഡിനറി ബസിനാണ് പത്തനംതിട്ട മല്ലപ്പള്ളിയിലെ മോട്ടോർ വാഹന വകുപ്പ് ഉദ്യോഗസ്ഥർ പിഴ ചുമത്തിയത്. കെഎസ്ആർടിസി എംഡിയുടെ പേരിലാണ് നോട്ടീസ്.
കയറും മുൻപേ ബസ് മുന്നോട്ടെടുത്തു; സ്ത്രീയെ അൽപം ദൂരം വലിച്ചിഴച്ച ശേഷം നിർത്തി, സ്ത്രീ രക്ഷപ്പെട്ടത് അത്ഭുതകരമായി
തിരുവനന്തപുരത്ത് നിന്നും ഈരാറ്റുപേട്ടയിലേക്ക് പോകുകയായിരുന്ന കെഎസ്ആർടിസി ബസിൽ നിന്ന് യാത്രക്കാരി തെറിച്ചു വീണു. ബസിൽ കയറുന്നതിനിടെ ബസ് പെട്ടെന്ന് മുന്നോട്ടെടുത്തതാണ് അപകടത്തിന് കാരണം. കണ്ടക്ടറുടെയും ഡ്രൈവറുടെയും അനാസ്ഥയ്ക്കെതിരെ പരാതി ഉയർന്നിട്ടുണ്ട്.
നിയന്ത്രണം വിട്ട കെഎസ്ആർടിസി ബസ് വെയ്റ്റിംഗ് ഷെഡ്ഡിലേക്ക് ഇടിച്ചു കയറി; നാല് പേർക്ക് പരുക്ക്
നെടുമങ്ങാട് വാളിക്കോട് ബസ് കാത്തിരിപ്പ് കേന്ദ്രത്തിലേക്ക് കെഎസ്ആർടിസി ബസ് ഇടിച്ചുകയറി നാല് ഇരുചക്രവാഹനങ്ങൾ തകർന്നു. ബസിലുണ്ടായിരുന്ന നാല് യാത്രക്കാർക്ക് നിസ്സാര പരുക്കേറ്റു. ഡ്രൈവർക്ക് പെട്ടെന്ന് ബിപി കൂടിയതാണ് അപകടകാരണമെന്ന് റിപ്പോർട്ട്.
കെഎസ്ആർടിസി ബസ് മാങ്ങ ശേഖരിക്കുന്നവരുടെ നേരെ പാഞ്ഞുകയറി; മൂന്ന് പേർക്ക് പരിക്ക്
കോഴിക്കോട് താമരശ്ശേരിയിൽ ഇന്ന് പുലർച്ചെ കെഎസ്ആർടിസി സ്വിഫ്റ്റ് ബസ് മാങ്ങ ശേഖരിക്കുന്നവരുടെ നേരെ പാഞ്ഞുകയറി. മൂന്ന് പേർക്ക് ഗുരുതരമായി പരിക്കേറ്റു. ബംഗളൂരുവിൽ നിന്ന് കോഴിക്കോട്ടേക്ക് വരികയായിരുന്ന ബസാണ് അപകടത്തിൽപ്പെട്ടത്.
പോപ്പുലർ ഫ്രണ്ട് ഹർത്താൽ: കെഎസ്ആർടിസിക്ക് രണ്ടരക്കോടി നഷ്ടം
പോപ്പുലർ ഫ്രണ്ട് നടത്തിയ ഹർത്താലിൽ കെഎസ്ആർടിസിക്ക് ഏകദേശം രണ്ടരക്കോടി രൂപയുടെ നഷ്ടമുണ്ടായതായി റിപ്പോർട്ട്. ഈ തുക പോപ്പുലർ ഫ്രണ്ട് നേതാക്കളിൽ നിന്ന് ഈടാക്കണമെന്നും റിപ്പോർട്ടിൽ ശുപാർശ ചെയ്തിട്ടുണ്ട്. 2022 സെപ്റ്റംബർ 23നായിരുന്നു ഹർത്താൽ.
ചെലവ് ചുരുക്കാൻ നിർദ്ദേശങ്ങൾ ക്ഷണിച്ച് കെഎസ്ആർടിസി
കെഎസ്ആർടിസിയുടെ സാമ്പത്തിക പ്രതിസന്ധി മറികടക്കാൻ ചെലവ് ചുരുക്കൽ നടപടികൾ. ജീവനക്കാരിൽ നിന്നും ട്രേഡ് യൂണിയനുകളിൽ നിന്നും നിർദ്ദേശങ്ങൾ ക്ഷണിച്ചു. 2025 മാർച്ച് 14 ന് ഉത്തരവ് പുറപ്പെടുവിച്ചു.