ksrtc
ശബരിമല: കെഎസ്ആർടിസി 800 ബസ്സുകളുമായി മണ്ഡല-മകരവിളക്ക് ഉത്സവത്തിന്!
ശബരിമല മണ്ഡല-മകരവിളക്ക് ഉത്സവത്തിനായി കെഎസ്ആർടിസി 800 ബസ്സുകൾ സർവീസ് നടത്തും. കൂടാതെ, ബജറ്റ് ടൂറിസം സെൽ 1600 ട്രിപ്പുകൾ ഒരുക്കിയിട്ടുണ്ട്. തീർത്ഥാടകർക്ക് കൂടുതൽ സൗകര്യങ്ങൾ നൽകുന്നതിനായി വിവിധ പാക്കേജുകളും കെഎസ്ആർടിസി അവതരിപ്പിക്കുന്നു.
കെഎസ്ആർടിസി പെൻഷന് 74.34 കോടി രൂപ അനുവദിച്ച് സർക്കാർ
കെഎസ്ആർടിസി ജീവനക്കാരുടെ പെൻഷൻ വിതരണത്തിന് 74.34 കോടി രൂപ അനുവദിച്ചതായി ധനമന്ത്രി കെ.എൻ. ബാലഗോപാൽ അറിയിച്ചു. ഈ വർഷം ഇതുവരെ 933.34 കോടി രൂപ കെഎസ്ആർടിസിക്ക് നൽകി. ഒന്നാം പിണറായി സർക്കാരും രണ്ടാം പിണറായി സർക്കാരും ചേർന്ന് ആകെ 12,906 കോടി രൂപ കോർപറേഷന് സഹായമായി നൽകി.
കെഎസ്ആർടിസി മാനേജ്മെൻ്റിന്റേത് ഏകപക്ഷീയ നിലപാട്; വിമർശനവുമായി ടി.പി. രാമകൃഷ്ണൻ
കെഎസ്ആർടിസി മാനേജ്മെൻ്റിൻ്റെത് ഏകപക്ഷീയമായ സമീപനമാണെന്ന് എൽഡിഎഫ് കൺവീനർ ടി.പി. രാമകൃഷ്ണൻ പറഞ്ഞു. തൊഴിലാളികളെയോ, തൊഴിലാളി സംഘടനകളെയോ മാനേജ്മെന്റ് പരിഗണിക്കുന്നില്ല. മാനേജ്മെന്റ് നിലപാട് തിരുത്തിയില്ലെങ്കിൽ കേരളത്തിലുടനീളം സമരം തുടരുമെന്നും അദ്ദേഹം മുന്നറിയിപ്പ് നൽകി.
കെഎസ്ആർടിസിയിൽ വീണ്ടും സിഐടിയു സമരം; ജീവനക്കാരെ തിരിച്ചെടുക്കണമെന്നും ഡ്യൂട്ടി വെട്ടിക്കുറച്ച നടപടി പിൻവലിക്കണമെന്നും ആവശ്യം
കെഎസ്ആർടിസിയിൽ സിഐടിയു വീണ്ടും സമരത്തിലേക്ക്. 2025 ഏപ്രിൽ മുതൽ മാറ്റിനിർത്തപ്പെട്ട മുഴുവൻ ബദൽ ജീവനക്കാരെയും തിരിച്ചെടുക്കണമെന്നാണ് പ്രധാന ആവശ്യം. സൂപ്പർക്ലാസ് സർവീസുകളിലെ ഡ്യൂട്ടികൾ വെട്ടിക്കുറച്ച നടപടി പിൻവലിക്കണമെന്നും സിഐടിയു ആവശ്യപ്പെടുന്നു.
നെടുമങ്ങാട്ട് കെ.എസ്.ആർ.ടി.സി ബസ്സിന്റെ ടയർ ഊരിത്തെറിച്ച് അപകടം; ഡ്രൈവറുടെ സമയോചിത ഇടപെടൽ മൂലം ദുരന്തം ഒഴിവായി
നെടുമങ്ങാട് എട്ടാംകല്ലിൽ ഓടിക്കൊണ്ടിരുന്ന കെ.എസ്.ആർ.ടി.സി ബസ്സിന്റെ ടയർ ഊരിത്തെറിച്ചു. കിഴക്കേകോട്ടയിൽ നിന്ന് നെടുമങ്ങാട്ടേക്ക് വരികയായിരുന്ന ബസ്സാണ് അപകടത്തിൽപ്പെട്ടത്. ഡ്രൈവറുടെ സമയോചിതമായ ഇടപെടൽ മൂലം വൻ ദുരന്തം ഒഴിവായി.
വയനാട് കെഎസ്ആർടിസി ഡിപ്പോയിൽ ഡീസൽ ക്ഷാമം; നാല് സർവീസുകൾ മുടങ്ങി
വയനാട് കെഎസ്ആർടിസി കൽപ്പറ്റ ഡിപ്പോയിൽ ഡീസൽ ക്ഷാമം രൂക്ഷം. നാല് സർവീസുകൾ റദ്ദാക്കിയതിനെ തുടർന്ന് കൽപ്പറ്റയിൽ 18 ഓളം ബസ്സുകൾ ഓട്ടം നിർത്തി. വടുവൻഞ്ചാൽ, മാനന്തവാടി, വൈത്തിരി ഭാഗത്തേക്കുള്ള സർവ്വീസുകളാണ് മുടങ്ങിയത്. ജില്ലയിൽ 20 സർവീസുകൾ ഇതുവരെ തടസപ്പെട്ടു.
ഗണേഷ് കുമാറിനെതിരെ രൂക്ഷ വിമർശനവുമായി എം. വിൻസെന്റ്
കെഎസ്ആർടിസി ബസ്സുകളിൽ ഗതാഗത വകുപ്പ് മന്ത്രി കെ.ബി. ഗണേഷ് കുമാർ നടത്തുന്ന മിന്നൽ പരിശോധനകൾക്കെതിരെ വിമർശനവുമായി എം. വിൻസെന്റ് എംഎൽഎ രംഗത്ത്. മന്ത്രിയുടെ ധാർഷ്ട്യം നിറഞ്ഞ നടപടികൾക്കുള്ള തിരിച്ചടിയാണ് ഹൈക്കോടതിയുടെ ഭാഗത്ത് നിന്നും ഉണ്ടായതെന്നും അദ്ദേഹം കൂട്ടിച്ചേർത്തു. ജീവനക്കാരോട് മോശമായി പെരുമാറിയ മന്ത്രി മാപ്പ് പറയണമെന്നും അദ്ദേഹം ആവശ്യപ്പെട്ടു.
പ്ലാസ്റ്റിക് കുപ്പി: ഡ്രൈവറെ മാറ്റിയ മന്ത്രിയുടെ നടപടി ഹൈക്കോടതി റദ്ദാക്കി
ബസ്സിൽ പ്ലാസ്റ്റിക് കുപ്പി സൂക്ഷിച്ചതിന് ഡ്രൈവറെ സ്ഥലം മാറ്റിയ സംഭവത്തിൽ ഗതാഗത മന്ത്രിക്കും കെഎസ്ആർടിസിക്കും ഹൈക്കോടതിയുടെ വലിയ തിരിച്ചടി. മന്ത്രി കെ.ബി.ഗണേഷ് കുമാറിൻ്റെ ഇടപെടലിനെ തുടർന്ന് ഡ്രൈവർ ജയ്മോൻ ജോസഫിനെ സ്ഥലം മാറ്റിയത് ഹൈക്കോടതി റദ്ദാക്കി. മതിയായ കാരണം ഇല്ലാതെയാണ് സ്ഥലം മാറ്റം എന്ന് നിരീക്ഷിച്ചാണ് കോടതിയുടെ ഈ നടപടി.
കാസർഗോഡ് കെഎസ്ആർടിസി ബസ് തടഞ്ഞ് ആക്രമണം; ഡ്രൈവർക്ക് പരിക്ക്
കാസർഗോഡ് പള്ളിക്കരയിൽ കെഎസ്ആർടിസി ബസ് തടഞ്ഞുനിർത്തി ആക്രമണം. കാസർഗോഡ് - കോട്ടയം ബസ്സിന് കുറുകെ കാർ നിർത്തിയായിരുന്നു അക്രമം. സംഭവത്തിൽ ബേക്കൽ പൊലീസ് കേസെടുത്തു, ഡ്രൈവർക്ക് പരുക്കേറ്റു.
കാസർകോട് കെഎസ്ആർടിസി ബസ് തടഞ്ഞ് ആക്രമണം; ഡ്രൈവർക്ക് പരിക്ക്
കാസർകോട് പള്ളിക്കരയിൽ കെഎസ്ആർടിസി ബസ് തടഞ്ഞുനിർത്തി ആക്രമണം. ബുധനാഴ്ചയായിരുന്നു സംഭവം. സംഭവത്തിൽ ഡ്രൈവർക്ക് പരിക്കേറ്റു.
കാൻസർ രോഗികൾക്ക് കെഎസ്ആർടിസി ബസുകളിൽ സൗജന്യ യാത്ര; പ്രഖ്യാപനവുമായി ഗതാഗത മന്ത്രി
സ്വകാര്യ ആശുപത്രികളിലടക്കം ചികിത്സയ്ക്ക് പോകുന്ന കാൻസർ രോഗികൾക്ക് കെഎസ്ആർടിസി ബസുകളിൽ സൗജന്യ യാത്ര. സൂപ്പർ ഫാസ്റ്റ് ഉൾപ്പെടെ താഴോട്ടുള്ള എല്ലാ ബസുകളിലും സൗജന്യ യാത്ര ലഭിക്കും. ചികിത്സിക്കുന്ന ഡോക്ടറുടെ സർട്ടിഫിക്കറ്റ് കാണിച്ച് യാത്ര ചെയ്യാമെന്ന് മന്ത്രി നിയമസഭയിൽ അറിയിച്ചു.
സ്വിഫ്റ്റ് ബസ് വൃത്തിയായി സൂക്ഷിക്കാത്തതിന് കെഎസ്ആർടിസി അസിസ്റ്റന്റ് എഞ്ചിനീയർക്കെതിരെ നടപടി
കെഎസ്ആർടിസി സ്വിഫ്റ്റ് ബസ് വൃത്തിയായി സൂക്ഷിക്കാത്തതിന് അസിസ്റ്റന്റ് ഡിപ്പോ എഞ്ചിനീയർക്കെതിരെ നടപടി. ആലുവ ഡിപ്പോയിലെ സ്വിഫ്റ്റ് സൂപ്പർ ഫാസ്റ്റ് ബസ് സർവീസിനിടെ വൃത്തിയില്ലാത്ത നിലയിൽ കണ്ടെത്തി. കെ.ടി. ബൈജുവിനെ അഞ്ച് ദിവസത്തെ തിരുത്തൽ പരിശീലനത്തിന് അയക്കാൻ തീരുമാനിച്ചു.