KPCC
“പാർശ്വവൽക്കരിക്കപ്പെട്ടവരെ മാറ്റിനിർത്തരുത്”; കെപിസിസി നേതൃത്വത്തിനെതിരെ കൊടിക്കുന്നിൽ സുരേഷ്
കെപിസിസി അധ്യക്ഷനായി സണ്ണി ജോസഫ് എംഎൽഎ ചുമതലയേറ്റതിന് പിന്നാലെ, കേരളത്തിലെ പാർശ്വവൽക്കരിക്കപ്പെട്ട ജനവിഭാഗങ്ങൾക്ക് അർഹമായ പരിഗണന ലഭിക്കുന്നില്ലെന്ന പരാതികൾ പരിഹരിക്കണമെന്ന് കൊടിക്കുന്നിൽ സുരേഷ് എംപി ആവശ്യപ്പെട്ടു. കെപിസിസി ഓഫീസിലെ മീഡിയ റൂമിൽ സ്ഥാപിച്ചിട്ടുള്ള മുൻ പ്രസിഡന്റുമാരുടെ ഫോട്ടോകൾ ചൂണ്ടിക്കാട്ടി ഒരു പ്രത്യേക വിഭാഗത്തെ മാത്രം മാറ്റി നിർത്തുന്നത് ശരിയല്ലെന്നും അദ്ദേഹം വിമർശിച്ചു. പുതിയ നേതൃത്വത്തിന് എല്ലാ പിന്തുണയും കെ. സുധാകരൻ അറിയിച്ചു.
സണ്ണി ജോസഫ് ധീരനായ നേതാവ്, കെപിസിസിക്ക് പുതിയ ടീം; അഭിനന്ദിച്ച് കെ.സി. വേണുഗോപാൽ
കെപിസിസി പ്രസിഡന്റായി സ്ഥാനമേറ്റ സണ്ണി ജോസഫിനെ കെ.സി. വേണുഗോപാൽ അഭിനന്ദിച്ചു. സണ്ണി ജോസഫ് ധീരനായ നേതാവാണെന്നും കെപിസിസിയുടെ ചുമതല അദ്ദേഹം ഭംഗിയായി നിർവഹിക്കുമെന്നും കെ.സി. വേണുഗോപാൽ എം.പി പ്രസ്താവിച്ചു. പുതിയ കെപിസിസി ടീം ഉടൻ തന്നെ ഡൽഹിക്ക് പോകുമെന്നും അഖിലേന്ത്യാ നേതാക്കളുമായി ചർച്ചകൾ നടത്തുമെന്നും കെ.സി. വേണുഗോപാൽ അറിയിച്ചു.
പുതിയ നേതൃത്വത്തിൽ വിശ്വാസമെന്ന് എ.കെ. ആന്റണി; 2001-നേക്കാൾ വലിയ വിജയം പ്രതീക്ഷിക്കുന്നു
മുതിർന്ന കോൺഗ്രസ് നേതാവ് എ.കെ. ആന്റണി പുതിയ കെപിസിസി നേതൃത്വത്തിന് പിന്തുണ അറിയിച്ചു. നിയുക്ത അധ്യക്ഷൻ സണ്ണി ജോസഫ് ഉൾപ്പെടെയുള്ള നേതാക്കൾ എ.കെ. ആന്റണിയുടെ വസതിയിലെത്തി അനുഗ്രഹം തേടി. 2001-നേക്കാൾ വലിയ വിജയം പുതിയ നേതൃത്വത്തിലൂടെ നേടാൻ കഴിയുമെന്നാണ് പ്രതീക്ഷയെന്ന് എ.കെ. ആന്റണി പറഞ്ഞു.
കെപിസിസി അധ്യക്ഷനായിരുന്ന കാലത്തെ നേട്ടങ്ങൾ എണ്ണിപ്പറഞ്ഞ് കെ. സുധാകരൻ
കെപിസിസി അധ്യക്ഷനായിരുന്ന കാലത്ത് താൻ നടത്തിയ പ്രവർത്തനങ്ങൾ കെ. സുധാകരൻ വിശദീകരിച്ചു. പുതിയ കെപിസിസി നേതൃത്വം സ്ഥാനമേൽക്കുന്ന ചടങ്ങിലാണ് അദ്ദേഹം ഇക്കാര്യം പറഞ്ഞത്. തന്റെ രാഷ്ട്രീയ ജീവിതത്തിൽ തൃപ്തിയുണ്ടെന്നും എല്ലാ തിരഞ്ഞെടുപ്പുകളിലും മുന്നേറാൻ കഴിഞ്ഞുവെന്നും അദ്ദേഹം കൂട്ടിച്ചേർത്തു.
സുധാകരനെ ശക്തിപ്പെടുത്താനാണ് കെപിസിസി പ്രസിഡന്റാക്കിയതെന്ന് സണ്ണി ജോസഫ്
കെ. സുധാകരനെ തൃപ്തിപ്പെടുത്താനല്ല, അദ്ദേഹത്തെ ശക്തിപ്പെടുത്താനാണ് തന്നെ കെപിസിസി പ്രസിഡന്റാക്കിയതെന്ന് സണ്ണി ജോസഫ്. പുതിയ നേതൃനിര ഒരു ടീമായി പ്രവർത്തിക്കുമെന്നും പാർട്ടിയിൽ അച്ചടക്കം അത്യാവശ്യമാണെന്നും അദേഹം വ്യക്തമാക്കി. പിണറായി സർക്കാരിന്റെ ഏകാധിപത്യ പ്രവണതയ്ക്കെതിരെയും ജനദ്രോഹനയങ്ങൾക്കെതിരെയും ശക്തമായ പ്രവർത്തനം നടത്തുമെന്നും സണ്ണി ജോസഫ് അറിയിച്ചു.
കെപിസിസി അധ്യക്ഷസ്ഥാനം: ആൻ്റോ ആൻ്റണിക്ക് കടുത്ത അതൃപ്തി
കെപിസിസി അധ്യക്ഷ സ്ഥാനത്തേക്ക് പരിഗണിക്കാത്തതിൽ ആൻ്റോ ആൻ്റണിക്ക് കടുത്ത അതൃപ്തി. ഹൈക്കമാൻഡിന്റെ അപ്രതീക്ഷിത തീരുമാനത്തിൽ ആൻ്റോ ആൻ്റണിയും അദ്ദേഹത്തിന്റെ അനുയായികളും അമ്പരന്നിരിക്കുകയാണ്. തനിക്കെതിരെ ഒരു ഉപജാപക സംഘം പ്രവർത്തിച്ചുവെന്ന് ആൻ്റോ ആൻ്റണി പ്രതികരിച്ചു.
പുതിയ കെപിസിസി നേതൃത്വത്തിൽ ലീഗിന് പൂർണ്ണ തൃപ്തി: കുഞ്ഞാലിക്കുട്ടി
പുതിയ കെപിസിസി നേതൃത്വത്തിൽ മുസ്ലിം ലീഗിന് പൂർണ്ണ തൃപ്തിയുണ്ടെന്ന് പി.കെ. കുഞ്ഞാലിക്കുട്ടി പറഞ്ഞു. കോൺഗ്രസ് പാർട്ടിക്ക് അകത്തെ കാര്യങ്ങളിൽ അഭിപ്രായം പറയാനില്ലെന്നും അദ്ദേഹം വ്യക്തമാക്കി. സണ്ണി ജോസഫിനെ കെപിസിസി അധ്യക്ഷനായി തിരഞ്ഞെടുത്തതിനെയും അദ്ദേഹം പ്രശംസിച്ചു.
കെപിസിസി അധ്യക്ഷ സ്ഥാനത്ത് മാറ്റം: ആന്റോ ആന്റണി പുതിയ അധ്യക്ഷനാകുമെന്ന് റിപ്പോർട്ട്
കെ. സുധാകരനെ കെപിസിസി അധ്യക്ഷ സ്ഥാനത്ത് നിന്ന് മാറ്റാൻ ഹൈക്കമാൻഡ് തീരുമാനിച്ചു. ആരോഗ്യസ്ഥിതി മോശമായതാണ് കാരണമെന്ന് ഹൈക്കമാൻഡ് വ്യക്തമാക്കി. പത്തനംതിട്ട എംപി ആന്റോ ആന്റണിയെ പുതിയ അധ്യക്ഷനായി പരിഗണിക്കുന്നു.
കെപിസിസി അധ്യക്ഷൻ: രാഹുൽ ഗാന്ധി മുതിർന്ന നേതാക്കളുമായി ഫോണിൽ ബന്ധപ്പെട്ടു
കെപിസിസി അധ്യക്ഷ സ്ഥാനത്ത് മാറ്റം വരുത്തുന്ന കാര്യത്തിൽ കോൺഗ്രസ് ആശയക്കുഴപ്പത്തിലാണ്. മുതിർന്ന നേതാക്കളുമായി രാഹുൽ ഗാന്ധി ഫോണിൽ ചർച്ച നടത്തി. കെ. സുധാകരനെ മാറ്റേണ്ടതില്ലെന്ന് ഒരു വിഭാഗം നേതാക്കൾ അഭിപ്രായപ്പെട്ടു.
കെപിസിസി അധ്യക്ഷ സ്ഥാനം: പ്രതികരിക്കാനില്ലെന്ന് രമേശ് ചെന്നിത്തല
കെപിസിസി അധ്യക്ഷ സ്ഥാനമാറ്റ വിവാദത്തിൽ പ്രതികരിക്കാനില്ലെന്ന് രമേശ് ചെന്നിത്തല. സംസ്ഥാന ജനറൽ സെക്രട്ടറിയാണ് വിഷയത്തിൽ പ്രതികരിക്കേണ്ടതെന്ന് ചെന്നിത്തല പറഞ്ഞു. മഹാരാഷ്ട്രയിലെ പഞ്ചായത്ത് തെരഞ്ഞെടുപ്പുമായി ബന്ധപ്പെട്ട ചർച്ചകൾക്കായാണ് താൻ ഡൽഹിയിലെത്തിയതെന്നും അദ്ദേഹം വ്യക്തമാക്കി.
കെപിസിസി നേതൃമാറ്റം: രാഹുൽ മാങ്കൂട്ടത്തിലിന് ഷാഫി പറമ്പിലിന്റെ പിന്തുണ
കോൺഗ്രസ് നേതൃമാറ്റ വിവാദത്തിൽ രാഹുൽ മാങ്കൂട്ടത്തിലിന് പിന്തുണയുമായി ഷാഫി പറമ്പിൽ. യൂത്ത് കോൺഗ്രസിന്റെ സ്വതന്ത്ര അഭിപ്രായ പ്രകടനങ്ങൾ പാർട്ടിക്ക് ഗുണകരമാണെന്ന് ഷാഫി പറമ്പിൽ. മുതിർന്ന നേതാക്കൾ പക്വത കാണിക്കണമെന്ന് രാഹുൽ മാങ്കൂട്ടത്തിൽ.
കെപിസിസി അധ്യക്ഷ സ്ഥാനം: കെ. സുധാകരൻറെ പ്രതികരണം
കെപിസിസി അധ്യക്ഷ സ്ഥാനത്തെ ചൊല്ലിയുള്ള ചർച്ചകൾക്കിടെ മാധ്യമങ്ങളുടെ ചോദ്യങ്ങൾക്ക് മറുപടി നൽകി കെ. സുധാകരൻ. ഈ വിഷയത്തിൽ പറയേണ്ട കാര്യങ്ങൾ പറയാനുള്ള സമയം ഉചിതമായി വരുമെന്ന് അദ്ദേഹം വ്യക്തമാക്കി. കെ. സുധാകരനെ അനുനയിപ്പിക്കാൻ മുതിർന്ന നേതാക്കൾ നേരിട്ടെത്തുമെന്നും റിപ്പോർട്ടുകളുണ്ട്.