Kozhikode
സുഹൃത്തിന്റെ വീട്ടിൽ 36 പവൻ സ്വർണം കവർന്ന യുവതി പിടിയിൽ
കോഴിക്കോട്: സുഹൃത്തിന്റെ വീട്ടിൽ 36 പവൻ സ്വർണം കവർന്ന ആന്ധ്രാപ്രദേശ് സ്വദേശിനിയെ ബേപ്പൂർ പോലീസ് അറസ്റ്റ് ചെയ്തു. വിജയവാഡ സ്വദേശി സൗജന്യയാണ് അറസ്റ്റിലായത്. പ്രോജക്ട് തയ്യാറാക്കാൻ സുഹൃത്തിന്റെ വീട്ടിൽ താമസിക്കുന്നതിനിടെയാണ് യുവതി സ്വർണം കവർന്നത്.
പേരാമ്പ്ര സംഘർഷം: മൂന്ന് യുഡിഎഫ് പ്രവർത്തകർ കൂടി അറസ്റ്റിൽ
പേരാമ്പ്രയിലെ സംഘർഷത്തിൽ മൂന്ന് യുഡിഎഫ് പ്രവർത്തകരെ കൂടി പോലീസ് അറസ്റ്റ് ചെയ്തു. ഇതോടെ അറസ്റ്റിലായവരുടെ എണ്ണം എട്ടായി ഉയർന്നു. പേരാമ്പ്രയെ കലാപഭൂമിയാക്കാനുള്ള ശ്രമത്തിനിടെ പൊലീസുകാർക്ക് പരുക്കേറ്റെന്നും റിപ്പോർട്ടുകളുണ്ട്.
പൊട്ടിപൊളിഞ്ഞ ട്രാക്കിൽ കോഴിക്കോട് റവന്യൂ ജില്ലാ സ്കൂൾ കായികമേള; ആശങ്കയിൽ കായികതാരങ്ങൾ
കോഴിക്കോട് റവന്യൂ ജില്ലാ സ്കൂൾ കായികമേള മെഡിക്കൽ കോളജിലെ തകർന്ന ട്രാക്കിൽ നടക്കുന്നത് അധ്യാപകരെയും വിദ്യാർത്ഥികളെയും ആശങ്കയിലാഴ്ത്തുന്നു. അറ്റകുറ്റപ്പണികൾ നടത്താത്ത ട്രാക്കിലാണ് മത്സരങ്ങൾ നടക്കുന്നത്. ട്രാക്ക് ഉപയോഗിക്കുന്നതിന് ദിവസവും 14500 രൂപ ഫീസ് ഈടാക്കുന്നുണ്ടെങ്കിലും ട്രാക്ക് നവീകരിക്കാത്തത് പ്രതിഷേധത്തിന് ഇടയാക്കുന്നു.
കോഴിക്കോട് സൗത്ത് ബീച്ചിൽ ഉൾവലിഞ്ഞ കടൽ പൂർവ്വസ്ഥിതിയിലേക്ക്
കോഴിക്കോട് സൗത്ത് ബീച്ചിൽ ഇന്നലെ വൈകിട്ട് കടൽ 200 മീറ്ററോളം ഉൾവലിഞ്ഞു. ഇത് കള്ളക്കടൽ പ്രതിഭാസമാണെന്ന് സൂചനയുണ്ടായിരുന്നു. രാത്രിയിൽ ശക്തമായ തിരമാല ഉണ്ടാകാൻ സാധ്യതയുണ്ടെന്ന മുന്നറിയിപ്പിനെ തുടർന്ന് പരിസരവാസികൾക്ക് ജാഗ്രതാ നിർദ്ദേശം നൽകി.
എലത്തൂർ പോലീസ് സ്റ്റേഷൻ ആക്രമണം; സർക്കാർ ജീവനക്കാരൻ അറസ്റ്റിൽ
കോഴിക്കോട് എലത്തൂർ പോലീസ് സ്റ്റേഷന്റെ മുൻവാതിലും ഗ്രില്ലും തകർത്ത സംഭവത്തിൽ സർക്കാർ ജീവനക്കാരൻ അറസ്റ്റിലായി. ഹോമിയോ കോളേജ് ജീവനക്കാരനും മുകവൂർ സ്വദേശിയുമായ ബിനോയ് ആണ് അറസ്റ്റിലായത്. ഇയാൾക്കെതിരെ പൊലീസിൻ്റെ ഔദ്യോഗിക കൃത്യനിർവഹണം തടസ്സപ്പെടുത്തിയതിനും കേസ് എടുത്തിട്ടുണ്ട്.
പൊറോട്ട കച്ചവടത്തിനിടയിലും എംഡിഎംഎ വില്പന; ഒരാൾ പിടിയിൽ
കോഴിക്കോട് ഫ്രാൻസിസ് റോഡിൽ പൊറോട്ട വില്പനയുടെ മറവിൽ എംഡിഎംഎ കച്ചവടം നടത്തിയ ആളെ ടൗൺ പൊലീസ് അറസ്റ്റ് ചെയ്തു. രഹസ്യവിവരത്തെ തുടർന്ന് നടത്തിയ പരിശോധനയിൽ 30 ഗ്രാം എംഡിഎംഎ കണ്ടെടുത്തു. പിടികൂടിയ മയക്കുമരുന്നിന് ഒരു ലക്ഷത്തിലധികം രൂപ വിലമതിക്കും.
പി. നിഖിൽ കോഴിക്കോട് ജില്ലാ സ്പോർട്സ് കൗൺസിൽ പ്രസിഡന്റ്
കോഴിക്കോട് ജില്ലാ സ്പോർട്സ് കൗൺസിൽ പ്രസിഡന്റായി പി. നിഖിലിനെ തെരഞ്ഞെടുത്തു. വൈസ് പ്രസിഡന്റായി ഡോ. റോയ് ജോൺ വി-യെയും സംസ്ഥാന സ്പോർട്സ് കൗൺസിൽ പ്രതിനിധിയായി ടി.എം. അബ്ദുറഹിമാനെയും ഐക്യകണ്ഠേന തെരഞ്ഞെടുത്തു. 65 അംഗ ജനറൽ കൗൺസിലിൽ 61 പേർ പങ്കെടുത്തു.
താമരശ്ശേരിയിൽ സ്കൂട്ടറിന് മുന്നിൽ തെരുവുനായ കുറുകെ ചാടി; 2 യുവതികൾക്ക് പരിക്ക്
കോഴിക്കോട് കൊല്ലഗൽ ദേശീയ പാതയിൽ താമരശ്ശേരിക്ക് സമീപം നെരൂക്കും ചാലിലാണ് അപകടം നടന്നത്. പേരാമ്പ്ര സ്വദേശികളായ ആർദ്ര, ആതിര എന്നിവർക്കാണ് പരുക്കേറ്റത്. തെരുവുനായ കുറുകെ ചാടിയതിനെ തുടര്ന്ന് സ്കൂട്ടര് നിയന്ത്രണംവിട്ട് മറിയുകയായിരുന്നു.
പേരാമ്പ്രയിലെ സംഘർഷം; ഷാഫി പറമ്പിലിന്റേത് പോലീസ് യുദ്ധ പ്രഖ്യാപനമെന്ന് സി.പി.ഐ.എം ജില്ലാ സെക്രട്ടറി
പേരാമ്പ്രയിൽ നടന്ന സംഭവങ്ങളിൽ പ്രതികരണവുമായി സി.പി.ഐ.എം കോഴിക്കോട് ജില്ലാ സെക്രട്ടറി എം. മെഹബൂബ് രംഗത്ത്. ഷാഫി പറമ്പിലിന്റെ നേതൃത്വത്തിലുള്ള പ്രതിഷേധം പോലീസിനെതിരെ യുദ്ധം പ്രഖ്യാപിക്കുന്നതിന് തുല്യമായിരുന്നുവെന്നും ഇത് ഒരിക്കലും സംഭവിക്കാൻ പാടില്ലാത്തതായിരുന്നുവെന്നും അദ്ദേഹം അഭിപ്രായപ്പെട്ടു. കോഴിക്കോട് ജില്ലയിൽ സമാധാനപരമായ രാഷ്ട്രീയ പ്രവർത്തനം തടസ്സപ്പെടുത്താനുള്ള ശ്രമമാണ് നടക്കുന്നതെന്നും അദ്ദേഹം കൂട്ടിച്ചേർത്തു.
കോഴിക്കോട് മോഷണം നടത്തിയ ബംഗാൾ സ്വദേശിയെ ബംഗാളിൽ ചെന്ന് പിടികൂടി കേരളാ പൊലീസ്
കോഴിക്കോട് ചേവായൂരിൽ ഡോക്ടറുടെ വീട്ടിൽ മോഷണം നടത്തിയ പ്രതിയെ ബംഗാളിൽ ചെന്ന് പിടികൂടി. 45 പവനോളം സ്വർണ്ണാഭരണങ്ങളും 10,000 രൂപയുമാണ് ഇയാൾ മോഷ്ടിച്ചത്. വെസ്റ്റ് ബംഗാൾ സ്വദേശി തപസ് കുമാർ സാഹയാണ് അറസ്റ്റിലായത്.
താമരശ്ശേരിയിൽ ഡോക്ടർക്ക് വെട്ടേറ്റ സംഭവം: കോഴിക്കോട് ജില്ലയിൽ ഡോക്ടർമാരുടെ പ്രതിഷേധം, രോഗികൾ ദുരിതത്തിൽ
താമരശ്ശേരി താലൂക്ക് ആശുപത്രിയിൽ ഡോക്ടർക്ക് വെട്ടേറ്റ സംഭവത്തിൽ പ്രതിഷേധിച്ച് ഡോക്ടർമാർ നടത്തിയ സമരം രോഗികളെ ദുരിതത്തിലാഴ്ത്തി. ജില്ലയിലെ ഒ.പി.കൾ പൂർണ്ണമായി ബഹിഷ്കരിച്ചുകൊണ്ടായിരുന്നു ഡോക്ടർമാരുടെ പ്രതിഷേധം. ആവശ്യങ്ങൾ പരിഗണിക്കുന്നതുവരെ സമരം തുടരുമെന്ന് ഡോക്ടർമാരുടെ സംഘടനകൾ അറിയിച്ചു.
താമരശ്ശേരിയിൽ ഡോക്ടർക്ക് വെട്ടേറ്റ സംഭവം: ഇന്ന് ഡിഎംഒ അന്വേഷണ റിപ്പോർട്ട് സമർപ്പിക്കും
കോഴിക്കോട് താമരശ്ശേരിയിൽ ഡോക്ടർക്ക് വെട്ടേറ്റ സംഭവത്തിൽ ഡിഎംഒ ഇന്ന് അന്വേഷണ റിപ്പോർട്ട് സമർപ്പിക്കും. ആരോഗ്യവകുപ്പ് ഡയറക്ടർക്കാണ് റിപ്പോർട്ട് സമർപ്പിക്കുക. കെജിഎംഒഎ സംസ്ഥാന വ്യാപകമായി പ്രതിഷേധ ദിനം ആചരിക്കും.