Kozhikode
ഷാഫി പറമ്പിലിനെ അടിച്ചയാൾ പോക്സോ കേസ് പ്രതി; ഇ.പി. ജയരാജനെ പരിഹസിച്ച് പ്രവീൺ കുമാർ
ഷാഫി പറമ്പിൽ എം.പി.യെ അടിച്ച കേസിൽ പ്രതിയായ അഭിലാഷ് ഡേവിഡ് ഒരു പോക്സോ കേസ് പ്രതിയാണെന്ന് കെ. പ്രവീൺകുമാർ ആരോപിച്ചു. ഇ.പി. ജയരാജൻ സ്വന്തം പാർട്ടിയുടെ ഹിറ്റ് ലിസ്റ്റിൽ ഉൾപ്പെട്ട വ്യക്തിയാണെന്നും അദ്ദേഹം പരിഹസിച്ചു. യു.ഡി.എഫ്. പ്രവർത്തകർ പോലീസിനെതിരെ സ്ഫോടകവസ്തു എറിഞ്ഞെന്ന വാദം അടിസ്ഥാനരഹിതമാണെന്നും പ്രവീൺകുമാർ വ്യക്തമാക്കി.
കൊലക്കേസിൽ പിതാവും രണ്ടാനമ്മയും കുറ്റക്കാരെന്ന് കോടതി; പ്രതികൾ കസ്റ്റഡിയിൽ
കോഴിക്കോട് ഏഴു വയസ്സുകാരി അതിഥി എസ്. നമ്പൂതിരിയുടെ കൊലപാതകത്തിൽ പിതാവും രണ്ടാനമ്മയും കുറ്റക്കാരെന്ന് കോടതി കണ്ടെത്തി. ഹൈക്കോടതി വിധി പറയാനിരിക്കെ പ്രതികളെ നടക്കാവ് പൊലീസ് കസ്റ്റഡിയിലെടുത്തു. 2013-ൽ നടന്ന കേസിൽ അതിഥിയെ മർദിക്കുകയും പട്ടിണിക്കിടുകയും പൊള്ളലേൽപ്പിക്കുകയും ചെയ്തതിലൂടെ കൊലപാതകം നടത്തിയെന്നാണ് കണ്ടെത്തൽ.
ഫ്രഷ് കട്ട് സംഘർഷം: ഗൂഢാലോചനയുണ്ടെന്ന് ആവർത്തിച്ച് ഉടമ സുജീഷ് കൊളത്തോടി
കോഴിക്കോട് ഫ്രഷ് കട്ട് സ്ഥാപനത്തിലെ സംഘർഷത്തിൽ ഗൂഢാലോചനയുണ്ടെന്ന് ഉടമ സുജീഷ് കൊളത്തോടി.സ്ഥാപനം മാറ്റുന്നതിനെക്കുറിച്ച് ആലോചനയില്ലെന്നും ആക്രമണം ആസൂത്രിതമാണെന്നും അദ്ദേഹം പറഞ്ഞു.സമരസമിതിയുടെ ആരോപണങ്ങൾ അടിസ്ഥാനരഹിതമാണെന്നും കോടതി ഉത്തരവ് പ്രകാരമാണ് സ്ഥാപനം പ്രവർത്തിക്കുന്നതെന്നും ഉടമ ആവർത്തിച്ചു.
താമരശ്ശേരി ഫ്രഷ് കട്ട് സംഘർഷം; പുറത്തുനിന്നുള്ളവർ നുഴഞ്ഞുകയറിയെന്ന് ദൃശ്യങ്ങൾ
താമരശ്ശേരി ഫ്രഷ് കട്ട് സംഘർഷത്തിന്റെ കൂടുതൽ ദൃശ്യങ്ങൾ പുറത്ത്. മുഖം മറച്ച് എത്തിയവർ കല്ലെറിയുന്ന ദൃശ്യങ്ങൾ പ്രതിഷേധത്തിൽ പുറത്തുനിന്നുള്ളവർ നുഴഞ്ഞുകയറിയെന്ന പോലീസ് വാദത്തിന് ശക്തി പകരുന്നു. 365 പേർക്കെതിരെ കേസ് എടുത്തതിൽ 10 പേർ അറസ്റ്റിലായി, മഞ്ചേരി സ്വദേശിയുടെ അറസ്റ്റിനെതിരെ സി.പി.ഐ.എം വിമർശനവുമായി രംഗത്ത് എത്തിയിട്ടുണ്ട്.
സൽമാൻ ഖാൻ കോഴിക്കോട്ടേക്ക്; ബൈക്ക് റേസ് ഉദ്ഘാടനം ചെയ്യും: മന്ത്രി വി.അബ്ദുറഹിമാൻ
അടുത്ത ദിവസം കോഴിക്കോട് സ്റ്റേഡിയത്തിൽ നടക്കുന്ന ബൈക്ക് റേസ് സൽമാൻ ഖാൻ ഉദ്ഘാടനം ചെയ്യുമെന്ന് മന്ത്രി വി. അബ്ദുറഹിമാൻ അറിയിച്ചു. അർജന്റീന ഫുട്ബോൾ ടീമിൻ്റെ കേരളത്തിലേക്കുള്ള വരവിനായി ശ്രമം തുടരുകയാണെന്നും മന്ത്രി വ്യക്തമാക്കി. അർജന്റീന ടീമില്ലാതെ ലിയോണൽ മെസ്സി മാത്രം കേരളത്തിലേക്ക് വരാൻ തയ്യാറാണെന്നും എന്നാൽ അത് തൽക്കാലം വേണ്ടെന്ന് വെച്ചെന്നും മന്ത്രി വെളിപ്പെടുത്തി.
ഫ്രഷ് കട്ട് വിഷയം: 29ന് സർവ്വകക്ഷിയോഗം വിളിച്ചു ചേർക്കാൻ കളക്ടർ
താമരശ്ശേരി കട്ടിപ്പാറയിലെ ഫ്രഷ് കട്ട് അറവുമാലിന്യ സംസ്കരണ കേന്ദ്രവുമായി ബന്ധപ്പെട്ട വിഷയത്തിൽ ഒക്ടോബർ 29ന് സർവ്വകക്ഷിയോഗം വിളിച്ചു ചേർക്കാൻ ജില്ലാ കളക്ടർ തീരുമാനിച്ചു. യോഗത്തിന് മുമ്പ് മാലിന്യ സംസ്കരണ കേന്ദ്രം സന്ദർശിച്ച് റിപ്പോർട്ട് സമർപ്പിക്കാൻ ശുചിത്വമിഷൻ, മലിനീകരണ നിയന്ത്രണ ബോർഡ് ഉദ്യോഗസ്ഥർക്ക് നിർദ്ദേശം നൽകി. ഫ്രഷ് കട്ട് സംഘർഷം ആസൂത്രിതമാണെന്ന നിലപാടിലാണ് സമരസമിതി മുന്നോട്ട് പൊയ്ക്കൊണ്ടിരിക്കുന്നത്.
ലഹരിവില്പ്പന: കല്ലായി സ്വദേശിയുടെ 18 ലക്ഷം രൂപയുടെ അക്കൗണ്ട് കണ്ടുകെട്ടി
കോഴിക്കോട് കല്ലായിൽ മയക്കുമരുന്ന് കച്ചവടം നടത്തി ഉണ്ടാക്കിയ പണം നിക്ഷേപിച്ച അക്കൗണ്ട് പോലീസ് കണ്ടുകെട്ടി. ചക്കാലക്കൽ വീട്ടിൽ മുഹമ്മദ് അൻസാരിയുടെ (32 വയസ്സ്) Kotak Mahindra ബാങ്കിലെ അക്കൗണ്ടാണ് കണ്ടുകെട്ടിയത്. സ്മഗ്ളേഴ്സ് ആൻഡ് ഫോറിൻ എക്സ്ചേഞ്ച് മാനിപ്പുലേറ്റേഴ്സ് അതോറിറ്റിയുടെ (SAFEMA) ഉത്തരവ് പ്രകാരമാണ് നടപടി.
അമ്പായത്തോട് ഫ്രഷ് കട്ട്: കലാപം നടത്തിയവരെ നിയമത്തിനു മുന്നിൽ കൊണ്ടുവരണം; സി.പി.ഐ.എം
കോഴിക്കോട് അമ്പായത്തോട്ടിലെ ഫ്രഷ് കട്ട് അറവുമാലിന്യ സംസ്കരണത്തിനെതിരായ ജനകീയ പ്രതിഷേധത്തിൽ നുഴഞ്ഞുകയറി കലാപം നടത്തിയവരെ നിയമത്തിനു മുന്നിൽ കൊണ്ടുവരണമെന്ന് സി.പി.ഐ.എം ജില്ലാ സെക്രട്ടറിയേറ്റ് ആവശ്യപ്പെട്ടു. ഹൈക്കോടതി ഉത്തരവിന്റെ പിൻബലത്തിൽ പ്രവർത്തിക്കുന്ന ഫ്രഷ്കട്ട് അറവ് മാലിന്യ പ്ലാന്റിനെതിരെ ജനങ്ങൾ നടത്തിവരുന്ന സമരങ്ങളെല്ലാം സമാധാനപരമായിരുന്നു. ചൊവ്വാഴ്ച നടന്ന സമരത്തിൽ, എസ്ഡിപിഐ അക്രമികൾ നുഴഞ്ഞുകയറി കലാപം അഴിച്ചുവിടുകയായിരുന്നുവെന്ന് സി.പി.ഐ.എം ജില്ലാ സെക്രട്ടറിയേറ്റ് പ്രസ്താവനയിൽ പറയുന്നു.
കോഴിക്കോട് നഗരത്തിൽ ലഹരി വേട്ട; 40 ഗ്രാം എംഡിഎംഎയുമായി മൂന്ന് യുവാക്കൾ പിടിയിൽ
കോഴിക്കോട് നഗരത്തിൽ വീണ്ടും ലഹരി വേട്ടയിൽ മൂന്ന് യുവാക്കൾ പിടിയിലായി. 40 ഗ്രാം എംഡിഎംഎയുമായി കോഴിക്കോട് അടിവാരം സ്വദേശി സാബിത്ത് ടി ആർ, ഈങ്ങാപുഴ സ്വദേശി ജാസിൽ സലിം, മലപ്പുറം സ്വദേശി സതീദ് എന്നിവരെയാണ് ഡാൻസാഫ് സംഘവും മെഡിക്കൽ കോളേജ് പൊലീസും ചേർന്ന് പിടികൂടിയത്. സംഭവത്തിൽ കൂടുതൽ അന്വേഷണങ്ങൾ നടക്കുകയാണ്.
താമരശ്ശേരി കട്ടിപ്പാറയിലെ മാലിന്യ ഫാക്ടറിക്ക് തീയിട്ടു; പ്രതിഷേധം അക്രമാസക്തം, ലാത്തിച്ചാർജ്
കോഴിക്കോട് താമരശ്ശേരി കട്ടിപ്പാറയിലെ മാലിന്യ സംസ്കരണ ഫാക്ടറിക്ക് നാട്ടുകാർ തീയിട്ടു. ഫാക്ടറിയിൽ നിന്ന് വരുന്ന ദുർഗന്ധവും പാരിസ്ഥിതിക പ്രശ്നങ്ങളും ചൂണ്ടിക്കാട്ടിയാണ് നാട്ടുകാരുടെ സമരം. പ്രതിഷേധം കനത്തതോടെ പൊലീസ് ലാത്തിച്ചാർജ് നടത്തി.
മുന്നിലുള്ള നേട്ടങ്ങൾ പ്രതിപക്ഷം കണ്ടില്ലെന്ന് നടിക്കുന്നു; വിമർശനവുമായി മുഖ്യമന്ത്രി
കൺമുന്നിലുള്ള നേട്ടങ്ങൾ പ്രതിപക്ഷം കണ്ടില്ലെന്ന് നടിക്കുകയാണെന്ന് മുഖ്യമന്ത്രി പിണറായി വിജയൻ. നല്ല കാര്യങ്ങൾക്ക് പിന്തുണ നൽകണമെന്നും അദ്ദേഹം ആവശ്യപ്പെട്ടു. കോഴിക്കോട് കല്ലുത്താൻ കടവിലെ പുതിയ മാർക്കറ്റ് കെട്ടിടം ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി.
കോഴിക്കോട് രണ്ട് ഡിവൈഎസ്പിമാർക്ക് സ്ഥലംമാറ്റം
കോഴിക്കോട് ജില്ലയിലെ രണ്ട് ഡിവൈഎസ്പിമാർക്ക് സ്ഥലം മാറ്റം. വടകര ഡിവൈഎസ്പി ഹരിപ്രസാദിനെയും പേരാമ്പ്ര ഡിവൈഎസ്പി സുനിൽ കുമാറിനെയുമാണ് സ്ഥലം മാറ്റിയത്. പേരാമ്പ്രയിൽ ഷാഫി പറമ്പിലിന് മർദ്ദനമേറ്റ സംഭവത്തിൽ ഇരുവർക്കുമെതിരെ ആക്ഷേപം ഉയർന്നിരുന്നു.