Kozhikode
മീഞ്ചന്ത അപകടം: കോഴിക്കോട് കോർപറേഷൻ പരിധിയിലെ ബസ് സ്റ്റോപ്പുകളിൽ സുരക്ഷാ പരിശോധന നടത്താൻ തീരുമാനം
കോഴിക്കോട് കോർപറേഷൻ പരിധിയിലെ ബസ് സ്റ്റോപ്പുകളിൽ സുരക്ഷാ പരിശോധന നടത്താൻ കോർപറേഷൻ തീരുമാനിച്ചു. മീഞ്ചന്തയിൽ ബസ് സ്റ്റോപ്പ് തകർന്ന് വിദ്യാർത്ഥിനിക്ക് ഗുരുതരമായി പരുക്കേറ്റതിനെ തുടർന്നാണ് ഈ തീരുമാനം. കോർപറേഷന്റെ പൊതുമരാമത്ത് വിഭാഗം പരിശോധന നടത്തി സുരക്ഷ ഉറപ്പ് വരുത്തും.
ദേശീയ പവർലിഫ്റ്റിംഗ് ചാമ്പ്യൻഷിപ്പിന് കോഴിക്കോട്ട് തുടക്കം
ദേശീയ പവർലിഫ്റ്റിംഗ് ചാമ്പ്യൻഷിപ്പ് കോഴിക്കോട് ആരംഭിച്ചു. കേരള സ്റ്റേറ്റ് പവർലിഫ്റ്റിംഗ് അസോസിയേഷനും കോഴിക്കോട് ജില്ലാ പവർലിഫ്റ്റിംഗ് അസോസിയേഷനും സംയുക്തമായാണ് ഇത് സംഘടിപ്പിക്കുന്നത്. 24 സംസ്ഥാനങ്ങളിൽ നിന്നായി 360 പുരുഷന്മാരും 180 വനിതകളും മത്സരത്തിൽ പങ്കെടുക്കുന്നു.
മുക്കം ഇരുവഴിഞ്ഞി പുഴയിൽ വിദ്യാർത്ഥി ഒഴുക്കിൽപ്പെട്ടു; തിരച്ചിൽ ഊർജ്ജിതമാക്കി
കോഴിക്കോട് മുക്കം ഇരുവഴിഞ്ഞി പുഴയിലെ പതങ്കയം വെള്ളച്ചാട്ടത്തിൽ വിദ്യാർത്ഥി ഒഴുക്കിൽപ്പെട്ടു. മഞ്ചേരിയിൽ നിന്ന് വന്ന ആറംഗ സംഘത്തിലെ ഒരംഗമായ പ്ലസ് വൺ വിദ്യാർത്ഥി അലൻ അഷ്റഫിനെയാണ് കാണാതായത്. മുക്കം ഫയർഫോഴ്സും പൊലീസും നാട്ടുകാരും ചേർന്ന് തിരച്ചിൽ ഊർജിതമാക്കി.
കോഴിക്കോട് പൊലീസിന് നേരെ ആക്രമണം; യൂത്ത് ലീഗ് നേതാവിൻ്റെ സഹോദരൻ അറസ്റ്റിൽ
കോഴിക്കോട് പൊലീസിനെ ആക്രമിച്ച കേസിൽ യൂത്ത് ലീഗ് നേതാവ് പി.കെ. ഫിറോസിൻ്റെ സഹോദരൻ അറസ്റ്റിലായി. ലഹരി ഇടപാട് നടക്കുന്നുണ്ടെന്ന വിവരത്തെ തുടർന്ന് നടന്ന പരിശോധനക്കിടെയാണ് അക്രമം ഉണ്ടായത്. കുന്നമംഗലം സ്റ്റേഷനിലെ സിപിഒ ശ്രീജിത്തിന് ആക്രമണത്തിൽ പരിക്കേറ്റു.
കുഴിയിൽ വീണ് അപകടം; മനുഷ്യാവകാശ കമ്മീഷൻ കേസെടുത്തു
കോഴിക്കോട് കല്ലുത്താൻ കടവിൽ റോഡിലെ കുഴിയിൽ വീണ് ഓട്ടോറിക്ഷ ഡ്രൈവർക്ക് പരുക്കേറ്റ സംഭവത്തിൽ മനുഷ്യാവകാശ കമ്മീഷൻ കേസെടുത്തു. പൊതുമരാമത്ത് വകുപ്പ് അസിസ്റ്റന്റ് എക്സിക്യൂട്ടീവ് എഞ്ചിനീയറോട് 15 ദിവസത്തിനകം റിപ്പോർട്ട് സമർപ്പിക്കാൻ കമ്മീഷൻ ഉത്തരവിട്ടു. ഓഗസ്റ്റ് 26-ന് കേസ് പരിഗണിക്കും.
കൂടരഞ്ഞിയിൽ തേങ്ങ വെട്ടിയതിനെ ചൊല്ലി തർക്കം; ഒരു കുടുംബത്തിലെ 4 പേർക്ക് വെട്ടേറ്റു
കോഴിക്കോട് കൂടരഞ്ഞിയിൽ തേങ്ങ വെട്ടിയതിനെ ചൊല്ലിയുണ്ടായ തർക്കത്തിൽ ഒരു കുടുംബത്തിലെ നാല് പേർക്ക് വെട്ടേറ്റു. ജോണിയുടെ സഹോദര പുത്രൻ ജോബിഷ് ആണ് ആക്രമണം നടത്തിയത്. പരിക്കേറ്റവരെല്ലാം മുക്കം കെ.എം.സി.ടി ഹോസ്പിറ്റലിൽ ചികിത്സയിലാണ്.
കോഴിക്കോട് സബ് ജയിലിന് സമീപം കൂറ്റൻ പരസ്യ ബോർഡുകൾ; സുരക്ഷാ ഭീഷണി ഉയരുന്നു
കോഴിക്കോട് സബ് ജയിലിന് സമീപം സുരക്ഷാ ഭീഷണി ഉയർത്തുന്ന കൂറ്റൻ പരസ്യ ബോർഡുകൾ സ്ഥാപിച്ചു. ജയിൽ മതിലിനോട് ചേർന്ന് സ്ഥാപിച്ചിട്ടുള്ള ഹോർഡിംഗുകൾ സുരക്ഷാ മാനദണ്ഡങ്ങൾക്ക് വിരുദ്ധമാണെന്ന ആക്ഷേപം ഉയരുന്നു. മതിലിന് മുകളിലൂടെ ഒരാൾക്ക് എളുപ്പത്തിൽ താഴേക്ക് ഇറങ്ങാൻ സാധിക്കുന്ന രീതിയിലാണ് ബോർഡുകളുടെ നിർമ്മാണം.
പേരാമ്പ്രയിൽ സ്വർണമില്ലെന്ന് പരിഹസിച്ച് ഗാർഹിക പീഡനം; ഭർത്താവിനെതിരെ കേസ്
കോഴിക്കോട് പേരാമ്പ്രയിൽ സ്വർണ്ണവും സൗന്ദര്യവുമില്ലെന്ന് പറഞ്ഞ് യുവതിക്ക് ഗാർഹിക പീഡനം. പേരാമ്പ്ര കൂത്താളി സ്വദേശി അജിനെതിരെയാണ് യുവതി പരാതി നൽകിയത്. സംഭവത്തിൽ പേരാമ്പ്ര പൊലീസ് കേസെടുത്തു. അജിനും കുടുംബവും ചേർന്ന് യുവതിയുടെ സ്വർണ്ണം തട്ടിയെടുത്തതായി പരാതിയിൽ പറയുന്നു.
പാസ് നിഷേധിച്ചു; കോഴിക്കോട് പെരിങ്ങത്തൂരിൽ സ്വകാര്യ ബസ് കണ്ടക്ടർക്ക് ക്രൂരമർദ്ദനം
കോഴിക്കോട് പെരിങ്ങത്തൂരിൽ സ്വകാര്യ ബസ് കണ്ടക്ടർക്ക് ക്രൂരമായ മർദ്ദനമേറ്റു. തലശ്ശേരി - തൊട്ടിൽപ്പാലം റൂട്ടിലോടുന്ന ജഗനാഥ് ബസ്സിലെ കണ്ടക്ടറായ വിഷ്ണുവിനാണ് മർദ്ദനമേറ്റത്. കുറ്റ്യാടിയിൽ നിന്ന് തലശ്ശേരിയിലേക്ക് പോവുകയായിരുന്ന ബസ്സിൽ വെച്ചാണ് ഒരു സംഘം ആളുകൾ കണ്ടക്ടറെ ആക്രമിച്ചത്. സ്വകാര്യ സ്ഥാപനത്തിൽ പഠിക്കുന്ന യുവതിക്ക് പാസ് അനുവദിക്കാത്തതിനെ തുടർന്നുള്ള തർക്കമാണ് അക്രമത്തിൽ കലാശിച്ചത്.
കോഴിക്കോട് മീഞ്ചന്തയിൽ ബസ് സ്റ്റോപ്പ് തകർന്ന് വീണ് വിദ്യാർത്ഥിക്ക് പരിക്ക്
കോഴിക്കോട് മീഞ്ചന്തയിൽ ബസ് സ്റ്റോപ്പ് തകർന്ന് വീണ് വിദ്യാർത്ഥിക്ക് പരുക്കേറ്റു. മീഞ്ചന്ത ആർട്സ് സയൻസ് കോളേജിന് സമീപമുള്ള ബസ് സ്റ്റോപ്പാണ് തകർന്ന് വീണത്. രണ്ടാം വർഷ ബിരുദവിദ്യാർത്ഥിക്ക് കാലിന് പരുക്കേറ്റു.
ഭർത്താവിന്റെ പീഡനം സഹിക്കവയ്യാതെ ഷിംന ജീവനൊടുക്കിയെന്ന് സഹോദരൻ; കേസ് എടുത്ത് പോലീസ്
കോഴിക്കോട് മാറാട് ഭർതൃവീട്ടിൽ ഷിംന ജീവനൊടുക്കിയ സംഭവം ദാരുണമാണ്. ഭർത്താവിന്റെ ഉപദ്രവം സഹിക്കാനാവാതെയാണ് ഷിംന ആത്മഹത്യ ചെയ്തതെന്ന് സഹോദരൻ വെളിപ്പെടുത്തി. സംഭവത്തിൽ മാറാട് പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.
മേഖലാ രാജ്യാന്തര ഫിലിം ഫെസ്റ്റിവൽ: ഡെലിഗേറ്റ് രജിസ്ട്രേഷൻ നാളെ ആരംഭിക്കും
ചലച്ചിത്ര അക്കാദമിയുടെ ആഭിമുഖ്യത്തിൽ കോഴിക്കോട് നടക്കുന്ന മേഖലാ രാജ്യാന്തര ഫിലിം ഫെസ്റ്റിവലിൻ്റെ ഡെലിഗേറ്റ് രജിസ്ട്രേഷൻ നാളെ ആരംഭിക്കും. കോഴിക്കോട് ദേവഗിരി സെൻ്റ് ജോസഫ്സ് കോളേജിൽ രാവിലെ 11 മണിക്ക് നടക്കുന്ന ചടങ്ങിൽ സന്തോഷ് കീഴാറ്റൂർ ഡെലിഗേറ്റ് രജിസ്ട്രേഷൻ ഉദ്ഘാടനം ചെയ്യും. 2018 ന് ശേഷം കോഴിക്കോട്ടെത്തുന്ന റീജിയണൽ ഐ.എഫ്.എഫ്.കെയിൽ ലോക സിനിമയുടെ സമകാലിക പരിച്ഛേദമായ 58 സിനിമകളാണ് പ്രദർശിപ്പിക്കുന്നത്.