Kozhikode
പന്തീരാങ്കാവ് ബാങ്ക് കവർച്ച: കുഴിച്ചിട്ട 39 ലക്ഷം കണ്ടെത്തി
കോഴിക്കോട് പന്തീരാങ്കാവിൽ ബാങ്ക് ജീവനക്കാരിൽ നിന്ന് തട്ടിയെടുത്ത 39 ലക്ഷം രൂപ കണ്ടെത്തി. പ്രതി ഷിബിൻ ലാൽ കുഴിച്ചിട്ട പണമാണ് പോലീസ് കണ്ടെത്തിയത്. കമ്മീഷണർക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ പ്രതിയെ വീണ്ടും ചോദ്യം ചെയ്തപ്പോഴാണ് പണം ഒളിപ്പിച്ച വിവരം അറിയുന്നത്.
കുഞ്ഞില മാസിലാമണിയുടെ പരാതിയിൽ ഇടപെട്ട് മനുഷ്യാവകാശ കമ്മീഷൻ; കർശന നടപടിക്ക് നിർദ്ദേശം
കോഴിക്കോട് നഗരത്തിലെ ഓട്ടോ ഡ്രൈവറിൽ നിന്ന് തനിക്കുണ്ടായ ദുരനുഭവത്തിൽ സംവിധായിക കുഞ്ഞില മാസിലാമണി നൽകിയ പരാതിയിൽ മനുഷ്യാവകാശ കമ്മീഷൻ ഇടപെട്ടു. കുറ്റക്കാർക്കെതിരെ കർശന നടപടി സ്വീകരിക്കാൻ കമ്മീഷൻ നിർദ്ദേശം നൽകി. 120 രൂപയ്ക്ക് സമ്മതിച്ച ശേഷം കൂടുതൽ പണം ആവശ്യപ്പെടുകയും ഫോൺ പിടിച്ചു വാങ്ങാൻ ശ്രമിക്കുകയും വീട്ടിൽ കയറി ആക്രമിക്കുമെന്ന് ഭീഷണിപ്പെടുത്തുകയും ചെയ്തുവെന്നാണ് കുഞ്ഞിലയുടെ പരാതി.
ഹേമചന്ദ്രൻ വധക്കേസിലെ പ്രതി പിടിയിൽ; ട്രെയിനിൽ യാത്രക്കാരനെ എലി കടിച്ചു
വയനാട് ബത്തേരി സ്വദേശി ഹേമചന്ദ്രൻ വധക്കേസിലെ മുഖ്യ പ്രതി നൗഷാദിനെ വിസാ കാലാവധി കഴിഞ്ഞതിനെ തുടർന്ന് ബംഗളൂരു വിമാനത്താവളത്തിൽ വെച്ച് പോലീസ് പിടികൂടി. കോഴിക്കോട് മെഡിക്കൽ കോളേജ് പൊലീസ് നടത്തിയ അന്വേഷണത്തിലാണ് കേസ്സിന്റെ ചുരുളഴിഞ്ഞത്. കൂടാതെ, യശ്വന്ത്പൂർ - കണ്ണൂർ എക്സ്പ്രസ്സിലെ സ്ലീപ്പർ കോച്ചിൽ ഉറങ്ങുകയായിരുന്ന യാത്രക്കാരനെ എലി കടിച്ചു.
നാദാപുരത്ത് ഇരുനില കെട്ടിടം തകർന്ന് വീണു; ആളപായമില്ല
കോഴിക്കോട് നാദാപുരത്ത് കസ്തൂരിക്കുളത്ത് പഴക്കമേറിയ ഇരുനില കെട്ടിടം തകർന്ന് വീണു. കനത്ത മഴയെത്തുടർന്ന് പുലർച്ചെയായിരുന്നു അപകടം. കെട്ടിടത്തിൽ ഉഴിച്ചിൽ കേന്ദ്രം നടത്തിയിരുന്നയാൾ തലേദിവസം വീട്ടിൽ പോയതിനാൽ ദുരന്തം ഒഴിവായി.
വടകര വില്യാപ്പള്ളിയിൽ യുവതിയെയും കുഞ്ഞിനെയും തട്ടിക്കൊണ്ടുപോകാൻ ശ്രമം; പ്രതി അറസ്റ്റിൽ
വടകര വില്യാപ്പള്ളിയിൽ 28 കാരിയായ യുവതിയെയും കുഞ്ഞിനെയും ഓട്ടോറിക്ഷയിൽ തട്ടിക്കൊണ്ടുപോകാൻ ശ്രമിച്ച പ്രതി അറസ്റ്റിൽ. ആശുപത്രിയിലേക്ക് പോകും വഴി ഓട്ടോ ഡ്രൈവർ വഴി തെറ്റിച്ച് കൊണ്ടുപോയതിനെ തുടർന്ന് യുവതി ബഹളം വെച്ചപ്പോൾ ആളുകൾ കൂടുന്നത് കണ്ടു ആയഞ്ചേരിയിൽ ഇറക്കിവിട്ടു. പരാതി നൽകിയതിനെ തുടർന്ന് പ്രതിയെ പിടികൂടാൻ എത്തിയ പോലീസുകാരെ പ്രതി ആക്രമിച്ചു.
എസ്എഫ്ഐ ദേശീയ സമ്മേളനത്തിന് കോഴിക്കോട് മെഡിക്കൽ കോളജ് ക്യാമ്പസ് ഹയർ സെക്കൻഡറി സ്കൂളിന് അവധി നൽകിയ സംഭവത്തിൽ പ്രധാനാധ്യാപകന് അനുകൂലമായി എഇഒ റിപ്പോർട്ട്. സ്കൂളിൽ പ്രശ്നങ്ങളുണ്ടാകാതിരിക്കാനാണ് ക്ലാസുകൾക്ക് അവധി നൽകിയത്. എസ്എഫ്ഐ പഠിപ്പ് മുടക്കെന്ന് കാണിച്ച് കത്ത് നൽകിയിരുന്നു എന്നും റിപ്പോർട്ടിലുണ്ട്.
എസ്എഫ്ഐ സമ്മേളനത്തിന് സ്കൂളിന് അവധി നൽകിയത് പ്രതിഷേധാർഹമെന്ന് കെഎസ്യു
കോഴിക്കോട് ഗവൺമെൻ്റ് മെഡിക്കൽ കോളേജ് കാമ്പസ് ഹൈസ്കൂളിന് അവധി നൽകിയത് പ്രതിഷേധാർഹമെന്ന് കെഎസ്യു സംസ്ഥാന പ്രസിഡന്റ് അലോഷ്യസ് സേവ്യർ. വിദ്യാർത്ഥികളെ നിർബന്ധിതമായി രാഷ്ട്രീയ പരിപാടിയിൽ പങ്കെടുപ്പിക്കാൻ പ്രേരിപ്പിക്കുന്ന നടപടിയാണിതെന്നും അദ്ദേഹം ആരോപിച്ചു. വിഷയത്തിൽ വിദ്യാഭ്യാസ വകുപ്പ് മറുപടി പറയണമെന്നും കെഎസ്യു ആവശ്യപ്പെട്ടു.
മുഖ്യമന്ത്രിയുടെ വാഹനവ്യൂഹം പിന്തുടർന്നതിന് 5 പേർക്കെതിരെ കേസ്
മുഖ്യമന്ത്രിയുടെ വാഹനവ്യൂഹം പിന്തുടർന്നതിന് 5 പേർക്കെതിരെ കേസ് എടുത്തു. മലപ്പുറം സ്വദേശികളായ അഞ്ചുപേരെയാണ് അറസ്റ്റ് ചെയ്തത്. വാഹനത്തിൽ നിന്ന് വാക്കി ടോക്കിയും കണ്ടെത്തി.
വടകരയിൽ 13 വയസ്സുകാരനെ കാണാനില്ല; മാനന്തവാടിയിൽ സിസിടിവി ദൃശ്യങ്ങൾ
കോഴിക്കോട് വടകരയിൽ 13 വയസ്സുകാരനെ കാണാനില്ല. ആയഞ്ചേരി അഷ്റഫിന്റെ മകൻ റാദിൻ ഹംദാനെയാണ് കാണാതായത്. കുട്ടിക്കായി കോഴിക്കോടും വയനാടും ഊർജിതമായ തിരച്ചിൽ നടത്തുകയാണ് പൊലീസ്.
കോഴിക്കോട് 21 കിലോ കഞ്ചാവുമായി ഒഡീഷ സ്വദേശികൾ പിടിയിൽ
കോഴിക്കോട് നഗരത്തിൽ വൻ കഞ്ചാവ് വേട്ടയിൽ രണ്ട് ഒഡീഷ സ്വദേശികൾ പിടിയിലായി. 21.200 കിലോഗ്രാം കഞ്ചാവാണ് ഇവരിൽ നിന്നും കണ്ടെത്തിയത്. എക്സൈസ് എൻഫോഴ്സ്മെൻ്റ് ആൻഡ് ആൻ്റി നാർക്കോട്ടിക് സ്പെഷ്യൽ സ്ക്വാഡാണ് ഇവരെ പിടികൂടിയത്.
കോഴിക്കോട് കനത്ത മഴ: രണ്ട് മരണം; സംസ്ഥാനത്ത് 19 വരെ ശക്തമായ മഴയ്ക്ക് സാധ്യത
കോഴിക്കോട് ജില്ലയിൽ കനത്ത മഴയെ തുടർന്ന് രണ്ട് മരണം റിപ്പോർട്ട് ചെയ്തു. കല്ലൂട്ടിവയൽ സ്വദേശി ഷംസീർ (46), അന്നശ്ശേരി കുളങ്ങരത്തുതാഴം സ്വദേശി നക്ഷത്ര (രണ്ടര വയസ്സ്) എന്നിവരാണ് മരിച്ചത്. സംസ്ഥാനത്ത് അടുത്ത 5 ദിവസം വ്യാപകമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
കുഴിയിൽ വീണ് ബൈക്ക് യാത്രികൻ മരിച്ചു; ദേശീയപാതയിലെ അപകടം തുടർക്കഥയാവുന്നു
കോഴിക്കോട് വടകര ചോമ്പാല ദേശീയപാതയിൽ കുഴിയിൽ വീണ് ബൈക്ക് യാത്രികൻ മരിച്ചു. ചോമ്പാൽ സ്വദേശി ടി.ടി. നാണു (61) ആണ് മരിച്ചത്. മുക്കാളി കെ എസ് ഇ ബി ഓഫിസിന് സമീപമായിരുന്നു അപകടം. കനത്ത മഴയിൽ വെള്ളം കയറിയ കുഴിയിൽ ബൈക്ക് മറിഞ്ഞ് വിഴുകയായിരുന്നു.