Kozhikode
മെഡിക്കൽ കോളേജ് ഐസിയു പീഡന കേസ്; പ്രതിയെ സർവീസിൽ നിന്ന് പിരിച്ചുവിട്ടു
കോഴിക്കോട് മെഡിക്കൽ കോളേജ് ഐസിയു പീഡനക്കേസിലെ പ്രതി അറ്റൻഡർ എ.എം. ശശീന്ദ്രനെ സർവീസിൽ നിന്ന് പിരിച്ചുവിട്ടു. ആഭ്യന്തര അന്വേഷണ റിപ്പോർട്ടിന്റെ അടിസ്ഥാനത്തിലാണ് നടപടി. പ്രതിയെ ജോലിയിൽ നിന്ന് പിരിച്ചുവിട്ടത് കൊണ്ട് മാത്രം താൻ തൃപ്തയല്ലെന്ന് അതിജീവിത വ്യക്തമാക്കി.
ലഹരി പരിശോധനക്കിടെ പോലീസിനെ ആക്രമിച്ച കേസ്; പി കെ ഫിറോസിൻ്റെ സഹോദരൻ ബുജൈറിൻ്റെ ജാമ്യാപേക്ഷ തള്ളി
ലഹരി പരിശോധനക്കിടെ പോലീസിനെ ആക്രമിച്ച കേസിൽ പി.കെ. ഫിറോസിൻ്റെ സഹോദരൻ പി.കെ. ബുജൈറിൻ്റെ ജാമ്യാപേക്ഷ കോടതി തള്ളി. കുന്ദമംഗലം കോടതിയാണ് ബുജൈറിൻ്റെ ജാമ്യാപേക്ഷ തള്ളിയത്. പ്രതി അന്വേഷണവുമായി സഹകരിക്കുന്നില്ലെന്ന് പോലീസ് കോടതിയെ അറിയിച്ചിരുന്നു.
ലഹരി കേസ്: ബുജൈർ അന്വേഷണവുമായി സഹകരിക്കുന്നില്ലെന്ന് പൊലീസ്
ലഹരി പരിശോധനയ്ക്കിടെ പൊലീസിനെ ആക്രമിച്ച കേസിൽ അറസ്റ്റിലായ പികെ ബുജൈർ അന്വേഷണവുമായി സഹകരിക്കുന്നില്ലെന്ന് പൊലീസ്. യൂത്ത് ലീഗ് ജനറൽ സെക്രട്ടറി പികെ ഫിറോസിൻ്റെ സഹോദരനാണ് ഇയാൾ. ബുജൈറിൻ്റെ ഫോൺ ഫോറൻസിക് ലാബിലേക്ക് അയക്കാൻ തീരുമാനിച്ചിരിക്കുകയാണ്.
കോഴിക്കോട് അപ്ലൈഡ് സയൻസ് കോളേജിൽ ബിരുദാനന്തര ബിരുദ കോഴ്സുകളിൽ ഒഴിവുകൾ
കോഴിക്കോട് കോളേജ് ഓഫ് അപ്ലൈഡ് സയൻസിൽ ബിരുദാനന്തര ബിരുദ കോഴ്സുകളിൽ സീറ്റ് ഒഴിവുണ്ട്. എം.എസ്.സി കമ്പ്യൂട്ടർ സയൻസ്, എം.എസ്.സി ഇലക്ട്രോണിക്സ്, എംകോം ഫിനാൻസ് കോഴ്സുകളിലാണ് ഒഴിവുള്ളത്. താല്പര്യമുള്ള വിദ്യാർത്ഥികൾ ഈ മാസം 8-ാം തീയതിക്ക് മുൻപായി കോളേജ് ഓഫീസിൽ അപേക്ഷ സമർപ്പിക്കുക.
ബോബിയുടെ ദുരൂഹ മരണം: അയൽവാസി കസ്റ്റഡിയിൽ
കോഴിക്കോട് പശുക്കടവിൽ വീട്ടമ്മ ബോബിയുടെ ദുരൂഹ മരണത്തിൽ അയൽവാസിയെ പൊലീസ് കസ്റ്റഡിയിലെടുത്തു. പന്നികളെ പിടിക്കാൻ വെച്ച വൈദ്യുതിക്കെണിയിൽനിന്ന് ഷോക്കേറ്റാണ് ബോബി മരിച്ചതെന്നാണ് പൊലീസിന്റെ പ്രാഥമിക നിഗമനം. സംഭവത്തിൽ കൂടുതൽ അന്വേഷണം നടക്കുകയാണെന്നും പൊലീസ് അറിയിച്ചു.
മീഞ്ചന്ത അപകടം: കോഴിക്കോട് കോർപറേഷൻ പരിധിയിലെ ബസ് സ്റ്റോപ്പുകളിൽ സുരക്ഷാ പരിശോധന നടത്താൻ തീരുമാനം
കോഴിക്കോട് കോർപറേഷൻ പരിധിയിലെ ബസ് സ്റ്റോപ്പുകളിൽ സുരക്ഷാ പരിശോധന നടത്താൻ കോർപറേഷൻ തീരുമാനിച്ചു. മീഞ്ചന്തയിൽ ബസ് സ്റ്റോപ്പ് തകർന്ന് വിദ്യാർത്ഥിനിക്ക് ഗുരുതരമായി പരുക്കേറ്റതിനെ തുടർന്നാണ് ഈ തീരുമാനം. കോർപറേഷന്റെ പൊതുമരാമത്ത് വിഭാഗം പരിശോധന നടത്തി സുരക്ഷ ഉറപ്പ് വരുത്തും.
ദേശീയ പവർലിഫ്റ്റിംഗ് ചാമ്പ്യൻഷിപ്പിന് കോഴിക്കോട്ട് തുടക്കം
ദേശീയ പവർലിഫ്റ്റിംഗ് ചാമ്പ്യൻഷിപ്പ് കോഴിക്കോട് ആരംഭിച്ചു. കേരള സ്റ്റേറ്റ് പവർലിഫ്റ്റിംഗ് അസോസിയേഷനും കോഴിക്കോട് ജില്ലാ പവർലിഫ്റ്റിംഗ് അസോസിയേഷനും സംയുക്തമായാണ് ഇത് സംഘടിപ്പിക്കുന്നത്. 24 സംസ്ഥാനങ്ങളിൽ നിന്നായി 360 പുരുഷന്മാരും 180 വനിതകളും മത്സരത്തിൽ പങ്കെടുക്കുന്നു.
മുക്കം ഇരുവഴിഞ്ഞി പുഴയിൽ വിദ്യാർത്ഥി ഒഴുക്കിൽപ്പെട്ടു; തിരച്ചിൽ ഊർജ്ജിതമാക്കി
കോഴിക്കോട് മുക്കം ഇരുവഴിഞ്ഞി പുഴയിലെ പതങ്കയം വെള്ളച്ചാട്ടത്തിൽ വിദ്യാർത്ഥി ഒഴുക്കിൽപ്പെട്ടു. മഞ്ചേരിയിൽ നിന്ന് വന്ന ആറംഗ സംഘത്തിലെ ഒരംഗമായ പ്ലസ് വൺ വിദ്യാർത്ഥി അലൻ അഷ്റഫിനെയാണ് കാണാതായത്. മുക്കം ഫയർഫോഴ്സും പൊലീസും നാട്ടുകാരും ചേർന്ന് തിരച്ചിൽ ഊർജിതമാക്കി.
കോഴിക്കോട് പൊലീസിന് നേരെ ആക്രമണം; യൂത്ത് ലീഗ് നേതാവിൻ്റെ സഹോദരൻ അറസ്റ്റിൽ
കോഴിക്കോട് പൊലീസിനെ ആക്രമിച്ച കേസിൽ യൂത്ത് ലീഗ് നേതാവ് പി.കെ. ഫിറോസിൻ്റെ സഹോദരൻ അറസ്റ്റിലായി. ലഹരി ഇടപാട് നടക്കുന്നുണ്ടെന്ന വിവരത്തെ തുടർന്ന് നടന്ന പരിശോധനക്കിടെയാണ് അക്രമം ഉണ്ടായത്. കുന്നമംഗലം സ്റ്റേഷനിലെ സിപിഒ ശ്രീജിത്തിന് ആക്രമണത്തിൽ പരിക്കേറ്റു.
കുഴിയിൽ വീണ് അപകടം; മനുഷ്യാവകാശ കമ്മീഷൻ കേസെടുത്തു
കോഴിക്കോട് കല്ലുത്താൻ കടവിൽ റോഡിലെ കുഴിയിൽ വീണ് ഓട്ടോറിക്ഷ ഡ്രൈവർക്ക് പരുക്കേറ്റ സംഭവത്തിൽ മനുഷ്യാവകാശ കമ്മീഷൻ കേസെടുത്തു. പൊതുമരാമത്ത് വകുപ്പ് അസിസ്റ്റന്റ് എക്സിക്യൂട്ടീവ് എഞ്ചിനീയറോട് 15 ദിവസത്തിനകം റിപ്പോർട്ട് സമർപ്പിക്കാൻ കമ്മീഷൻ ഉത്തരവിട്ടു. ഓഗസ്റ്റ് 26-ന് കേസ് പരിഗണിക്കും.
കൂടരഞ്ഞിയിൽ തേങ്ങ വെട്ടിയതിനെ ചൊല്ലി തർക്കം; ഒരു കുടുംബത്തിലെ 4 പേർക്ക് വെട്ടേറ്റു
കോഴിക്കോട് കൂടരഞ്ഞിയിൽ തേങ്ങ വെട്ടിയതിനെ ചൊല്ലിയുണ്ടായ തർക്കത്തിൽ ഒരു കുടുംബത്തിലെ നാല് പേർക്ക് വെട്ടേറ്റു. ജോണിയുടെ സഹോദര പുത്രൻ ജോബിഷ് ആണ് ആക്രമണം നടത്തിയത്. പരിക്കേറ്റവരെല്ലാം മുക്കം കെ.എം.സി.ടി ഹോസ്പിറ്റലിൽ ചികിത്സയിലാണ്.
കോഴിക്കോട് സബ് ജയിലിന് സമീപം കൂറ്റൻ പരസ്യ ബോർഡുകൾ; സുരക്ഷാ ഭീഷണി ഉയരുന്നു
കോഴിക്കോട് സബ് ജയിലിന് സമീപം സുരക്ഷാ ഭീഷണി ഉയർത്തുന്ന കൂറ്റൻ പരസ്യ ബോർഡുകൾ സ്ഥാപിച്ചു. ജയിൽ മതിലിനോട് ചേർന്ന് സ്ഥാപിച്ചിട്ടുള്ള ഹോർഡിംഗുകൾ സുരക്ഷാ മാനദണ്ഡങ്ങൾക്ക് വിരുദ്ധമാണെന്ന ആക്ഷേപം ഉയരുന്നു. മതിലിന് മുകളിലൂടെ ഒരാൾക്ക് എളുപ്പത്തിൽ താഴേക്ക് ഇറങ്ങാൻ സാധിക്കുന്ന രീതിയിലാണ് ബോർഡുകളുടെ നിർമ്മാണം.