Kottayam
കോട്ടയം മെഡിക്കൽ കോളജ് അപകടം ദൗർഭാഗ്യകരം; സർക്കാരിന് എല്ലാ പിന്തുണയുമെന്ന് എം.വി. ഗോവിന്ദൻ
കോട്ടയം മെഡിക്കൽ കോളജ് അപകടം ദൗർഭാഗ്യകരമാണെന്നും മരിച്ചവരുടെ കുടുംബത്തിൻ്റെ ദുഃഖം ഏവരെയും വേദനിപ്പിക്കുന്നതാണെന്നും സി.പി.ഐ.എം സംസ്ഥാന സെക്രട്ടറി എം.വി. ഗോവിന്ദൻ പറഞ്ഞു. അപകടത്തിൽ മരിച്ചവരുടെ കുടുംബത്തിന് ആവശ്യമായ സഹായങ്ങൾ സർക്കാർ അടിയന്തരമായി നൽകണമെന്നും അദ്ദേഹം കൂട്ടിച്ചേർത്തു. മന്ത്രിമാരായ വീണാ ജോർജിനും വി.എൻ. വാസവനുമെതിരെ ചില കേന്ദ്രങ്ങൾ കെട്ടിച്ചമച്ച പ്രചാരവേലകൾ നടത്തുകയാണെന്നും അദ്ദേഹം കുറ്റപ്പെടുത്തി.
കോട്ടയം മെഡിക്കൽ കോളേജ് അപകടം; മന്ത്രി കസേരയിലിരിക്കാൻ വീണ ജോർജ് അർഹയല്ലെന്ന് ചാണ്ടി ഉമ്മൻ
കോട്ടയം മെഡിക്കൽ കോളേജിലെ പുതിയ ബ്ലോക്കിന്റെ ഉദ്ഘാടനം വൈകിപ്പിച്ചത് മനഃപൂർവമാണെന്ന് ചാണ്ടി ഉമ്മൻ എംഎൽഎ ആരോപിച്ചു. ബിന്ദുവിന്റെ കുടുംബത്തിന് 25 ലക്ഷം രൂപ ധനസഹായം നൽകണമെന്നും, നവമിയുടെ ചികിത്സാചെലവ് സർക്കാർ ഏറ്റെടുക്കണമെന്നും അദ്ദേഹം ആവശ്യപ്പെട്ടു. സംഭവത്തിൽ ജുഡീഷ്യൽ അന്വേഷണം വേണമെന്നും ചാണ്ടി ഉമ്മൻ ആവശ്യപ്പെട്ടു.
മെഡിക്കൽ കോളജ് അപകടം; പ്രതികരണങ്ങളെ തെറ്റായി വ്യാഖ്യാനിച്ചെന്ന് മന്ത്രി വി.എൻ. വാസവൻ
കോട്ടയം മെഡിക്കൽ കോളജ് അപകടത്തിൽ താനും ആരോഗ്യമന്ത്രിയും നടത്തിയ പ്രതികരണങ്ങളെ തെറ്റായി വ്യാഖ്യാനിച്ചെന്ന് മന്ത്രി വി.എൻ. വാസവൻ. അപകടത്തിൽ മരിച്ച ബിന്ദുവിന്റെ കുടുംബത്തിന് ധനസഹായം നൽകുമെന്നും മന്ത്രി അറിയിച്ചു. കുടുംബത്തിലെ ഒരാൾക്ക് ജോലി നൽകുന്നതുൾപ്പെടെയുള്ള കാര്യങ്ങൾ മന്ത്രിസഭായോഗത്തിൽ ചർച്ച ചെയ്യുമെന്നും അദ്ദേഹം കൂട്ടിച്ചേർത്തു.
മെഡിക്കൽ കോളേജ് അപകടം: അധികൃതരുടെ വാദം തള്ളി ബിന്ദുവിന്റെ ഭർത്താവ്
കോട്ടയം മെഡിക്കൽ കോളേജിൽ അപകടത്തിൽ മരിച്ച ബിന്ദുവിന്റെ ഭർത്താവ് വിശ്രുതൻ, അധികൃതരുടെയും മന്ത്രിമാരുടെയും വാദങ്ങളെ തള്ളി രംഗത്ത്. അപകടം നടന്നത് ആളില്ലാത്ത കെട്ടിടത്തിലാണെന്ന വാദം അദ്ദേഹം നിഷേധിച്ചു. ബിന്ദുവിനെ രക്ഷിക്കുന്നതിൽ അനാസ്ഥയുണ്ടായെന്നും, ആംബുലൻസ് വൈകിയെത്തിയെന്നും അദ്ദേഹം ആരോപിച്ചു.
കോട്ടയം മെഡിക്കൽ കോളേജ് കെട്ടിടം അപകടം: തിരച്ചിൽ വൈകിയതിന്റെ ഉത്തരവാദിത്തം ഏറ്റെടുത്ത് സൂപ്രണ്ട്
കോട്ടയം മെഡിക്കൽ കോളേജ് കെട്ടിടം തകർന്ന സംഭവത്തിൽ പ്രതികരണവുമായി സൂപ്രണ്ട്. തിരച്ചിൽ വൈകിയതിന്റെ പൂർണ്ണ ഉത്തരവാദിത്തം താൻ ഏറ്റെടുക്കുന്നതായി അദ്ദേഹം പറഞ്ഞു. പകരം സംവിധാനം ഒരുക്കാതെ കെട്ടിടം അടച്ചിടാൻ സാധിക്കുമായിരുന്നില്ലെന്നും സൂപ്രണ്ട് വ്യക്തമാക്കി.
കോട്ടയം മെഡിക്കൽ കോളേജിൽ വാർഡുകൾ മാറ്റി; പഴയ കെട്ടിടം വേണ്ടെന്ന് ആരോഗ്യവകുപ്പ് നിർദ്ദേശം
കോട്ടയം മെഡിക്കൽ കോളജിലെ 12, 13, 15 വാർഡുകൾ പുതിയ സർജിക്കൽ ബ്ലോക്കിലേക്ക് മാറ്റി. ആരോഗ്യവകുപ്പ് നേരത്തെ തകർന്ന കെട്ടിടത്തിൽ പ്രവർത്തനം പാടില്ലെന്ന് നിർദ്ദേശം നൽകിയിരുന്നു. അപകടത്തെക്കുറിച്ച് അന്വേഷിച്ച് റിപ്പോർട്ട് നൽകാൻ ജില്ലാ കളക്ടറെ ചുമതലപ്പെടുത്തി.
കോട്ടയം മെഡിക്കൽ കോളേജിൽ അപകടം: ഡിഎംഇയുടെ മുന്നറിയിപ്പ് അവഗണിച്ചെന്ന് ആക്ഷേപം
കോട്ടയം മെഡിക്കൽ കോളേജിൽ അപകടം നടക്കുന്നതിന് മുന്നേ ഡിഎംഇ മുന്നറിയിപ്പ് നൽകിയിരുന്നു. പഴയ കെട്ടിടത്തിൽ പ്രവർത്തനം നടത്തരുതെന്ന് കത്തിൽ പറഞ്ഞിരുന്നു. മുന്നറിയിപ്പ് അവഗണിച്ചതാണ് അപകടത്തിന് കാരണമായതെന്നുള്ള ആക്ഷേപം ശക്തമാവുകയാണ്.
കോട്ടയം മെഡിക്കൽ കോളേജിൽ ശുചിമുറി സമുച്ചയം തകർന്ന് ഒരാൾ മരിച്ചു; മൂന്ന് പേർക്ക് പരിക്ക്
കോട്ടയം മെഡിക്കൽ കോളേജിൽ വാർഡ് കെട്ടിടത്തിന്റെ ശുചിമുറി സമുച്ചയം തകർന്നു വീണ് അപകടം. അപകടത്തിൽ ഒരാൾ മരിക്കുകയും മൂന്ന് പേർക്ക് പരിക്കേൽക്കുകയും ചെയ്തു. ആരോഗ്യ മന്ത്രി വീണാ ജോർജും മന്ത്രി വി.എൻ വാസവനും ഉൾപ്പെടെയുള്ളവർ സ്ഥലത്തെത്തി.
കോട്ടയം മെഡിക്കൽ കോളേജ് ദുരന്തം; സർക്കാരിന് വീഴ്ച പറ്റിയെന്ന് സണ്ണി ജോസഫ്
കോട്ടയം മെഡിക്കൽ കോളേജ് കെട്ടിടം തകർന്ന സംഭവം സർക്കാരിന്റെ അനാസ്ഥയാണെന്ന് കെ.പി.സി.സി പ്രസിഡന്റ് സണ്ണി ജോസഫ് എം.എൽ.എ ആരോപിച്ചു. ആരോഗ്യമന്ത്രി രാജി വെക്കണമെന്നും അദ്ദേഹം ആവശ്യപ്പെട്ടു. ജൂലൈ 4-ന് കോൺഗ്രസ് പ്രതിഷേധ പ്രകടനം നടത്തും.
കോട്ടയം മെഡിക്കൽ കോളജിൽ മുഖ്യമന്ത്രിയുടെ സന്ദർശനം; അപകടസ്ഥലം സന്ദർശിക്കാതെ മടങ്ങി
കോട്ടയം മെഡിക്കൽ കോളജിൽ കെട്ടിടം തകർന്ന് സ്ത്രീ മരിച്ച സംഭവത്തിൽ മുഖ്യമന്ത്രി പിണറായി വിജയൻ ആശുപത്രി സന്ദർശിച്ചു. ആരോഗ്യ മന്ത്രി വീണാ ജോർജ്, മന്ത്രി വി എൻ വാസവൻ എന്നിവരുമായി കൂടിക്കാഴ്ച നടത്തി. അപകടസ്ഥലം സന്ദർശിക്കാതെയാണ് മുഖ്യമന്ത്രി മടങ്ങിയത്, ഇതിനെതിരെ വ്യാപക പ്രതിഷേധം ഉയർന്നു.
കോട്ടയം മെഡിക്കൽ കോളേജ് അപകടം; മന്ത്രിമാർക്ക് ഉത്തരവാദിത്തം, വിമർശനവുമായി വി.ഡി. സതീശൻ
കോട്ടയം മെഡിക്കൽ കോളേജിൽ കെട്ടിടം ഇടിഞ്ഞുവീണ് സ്ത്രീ മരിച്ച സംഭവത്തിൽ പ്രതികരണവുമായി വി.ഡി. സതീശൻ. രക്ഷാപ്രവർത്തനം വൈകാൻ കാരണം മന്ത്രിമാരുടെ പ്രസ്താവനയാണെന്ന് അദ്ദേഹം ആരോപിച്ചു. സംഭവത്തിൽ മന്ത്രിമാർക്ക് ഉത്തരവാദിത്തമുണ്ടെന്നും സതീശൻ കുറ്റപ്പെടുത്തി.
കോട്ടയം മെഡിക്കൽ കോളേജിൽ കെട്ടിടം തകർന്ന് മരണം: ജില്ലാ കളക്ടർ അന്വേഷിക്കും, മന്ത്രിയുടെ പ്രതികരണം
കോട്ടയം മെഡിക്കൽ കോളേജ് ആശുപത്രി കെട്ടിടം തകർന്ന് സ്ത്രീ മരിച്ച സംഭവത്തിൽ ജില്ലാ കളക്ടർ അന്വേഷണം നടത്തും. ആരോഗ്യ മന്ത്രി വീണാ ജോർജ് ആണ് ഇക്കാര്യം അറിയിച്ചത്. 68 വർഷം മുൻപ് നിർമ്മിച്ച കെട്ടിടത്തിന്റെ ഭാഗമാണ് തകർന്നുവീണത്.