Kottayam
കോട്ടയം നെല്ലാപ്പാറയിൽ വിനോദയാത്രാ ബസ് മറിഞ്ഞ് അപകടം; നിരവധി വിദ്യാർത്ഥികൾക്ക് പരിക്ക്
കോട്ടയം നെല്ലാപ്പാറയിൽ വിനോദയാത്രാ ബസ് അപകടത്തിൽപ്പെട്ടു. തിരുവനന്തപുരം തോന്നയ്ക്കൽ ഗവൺമെൻ്റ് ഹയർ സെക്കൻ്ററി സ്കൂളിലെ വിദ്യാർത്ഥികളാണ് അപകടത്തിൽപ്പെട്ടത്. അപകടത്തിൽ 36 പേർക്ക് പരിക്കേറ്റു, 6 പേരുടെ നില ഗുരുതരമാണ്. കൊടൈക്കനാലിൽ നിന്ന് മടങ്ങിവരുമ്പോഴായിരുന്നു അപകടം.
വാറണ്ട് നിലനിൽക്കെ തെരഞ്ഞെടുപ്പിൽ മത്സരിച്ച സ്ഥാനാർത്ഥി അറസ്റ്റിൽ
കോട്ടയത്ത് വാറണ്ട് നിലനിൽക്കെ തിരഞ്ഞെടുപ്പിൽ മത്സരിച്ച സ്വതന്ത്ര സ്ഥാനാർത്ഥി രാഹുൽ പി. രവിയെ പോലീസ് അറസ്റ്റ് ചെയ്തു. പ്രായപൂർത്തിയാകാത്ത പെൺകുട്ടിയെ തടങ്കലിൽ വെച്ച കേസിൽ നിലവിൽ ഇയാൾക്കെതിരെ അറസ്റ്റ് വാറണ്ട് നിലവിലുണ്ട്. നാമനിർദ്ദേശ പത്രിക സമർപ്പിച്ച് പ്രചാരണം തുടങ്ങിയതിന് പിന്നാലെയാണ് അറസ്റ്റ്.
രാഹുൽ ഈശ്വറിൻ്റെ ജാമ്യാപേക്ഷയെ എതിർത്ത് പോലീസ്; രാഹുൽ സ്ഥിരം കുറ്റവാളിയെന്ന് വാദം
രാഹുൽ മാങ്കൂട്ടത്തിലിനെതിരായ പരാതിക്കാരിയെ അധിക്ഷേപിച്ച കേസിൽ രാഹുൽ ഈശ്വറിനെ കോടതിയിൽ ഹാജരാക്കി. രാഹുൽ ഈശ്വറിൻ്റെ ജാമ്യാപേക്ഷയെ പോലീസ് എതിർത്തു. രാഹുൽ ഈശ്വർ സ്ഥിരം കുറ്റവാളിയാണെന്ന് പോലീസ് കോടതിയിൽ വാദിച്ചു.
ജോലി സമ്മർദ്ദം; ആത്മഹത്യാ ഭീഷണിയുമായി ബിഎൽഒ, ഇടപെട്ട് കളക്ടർ
കോട്ടയം ജില്ലയിൽ ജോലി സമ്മർദ്ദം മൂലം ബിഎൽഒ ആത്മഹത്യാ ഭീഷണി മുഴക്കിയ സംഭവത്തിൽ ജില്ലാ കളക്ടർ ഇടപെട്ടു. എല്ലാ ബിഎൽഒമാർക്കും ആവശ്യമായ വിശ്രമം നൽകുമെന്നും കളക്ടർ അറിയിച്ചു. പൊതുജനങ്ങൾ ഓൺലൈനായി അപേക്ഷകൾ സമർപ്പിക്കുകയാണെങ്കിൽ ബിഎൽഒമാരുടെ ജോലിഭാരം കുറക്കാമെന്നും കളക്ടർ അഭിപ്രായപ്പെട്ടു.
കോട്ടയം മാണിക്കുന്നം കൊലപാതകം: സിസിടിവി ദൃശ്യങ്ങൾ പുറത്ത്; പ്രതികൾ പിടിയിൽ
കോട്ടയം മാണിക്കുന്നത്ത് യുവാവിനെ കുത്തിക്കൊന്ന സംഭവത്തിലെ സിസിടിവി ദൃശ്യങ്ങൾ പുറത്തുവന്നു. സംഭവത്തിൽ കോട്ടയം നഗരസഭ മുൻ കൗൺസിലറും കോൺഗ്രസ് നേതാവുമായ അനിൽകുമാറിനെയും മകൻ അഭിജിത്തിനെയും പൊലീസ് കസ്റ്റഡിയിലെടുത്തു. കൊല്ലപ്പെട്ട ആദർശ് ലഹരി കേസിൽ പ്രതിയാണെന്നും വിവരങ്ങൾ പുറത്തുവരുന്നു.
ജോലി സമ്മർദ്ദം താങ്ങാനാവാതെ ബിഎൽഒയുടെ ആത്മഹത്യാ ഭീഷണി
കോട്ടയം മുണ്ടക്കയം സ്വദേശിയായ ബിഎൽഒ ആന്റണിയാണ് ആത്മഹത്യാ ഭീഷണിയുമായി രംഗത്തെത്തിയത്. തിരഞ്ഞെടുപ്പ് കമ്മീഷനും റവന്യൂ ഉദ്യോഗസ്ഥരും ചേർന്ന് ചൂഷണം ചെയ്യുന്നുവെന്ന് ആരോപിച്ചു. ജോലി സമ്മർദ്ദം താങ്ങാനാവാതെയാണ് ആത്മഹത്യാ ഭീഷണി മുഴക്കിയതെന്ന് അദ്ദേഹം പറയുന്നു.
കുമരകത്ത് ബാർ മാനേജർ 9.8 ലക്ഷവുമായി മുങ്ങി; പോലീസ് അന്വേഷണം ആരംഭിച്ചു
കോട്ടയം കുമരകം അച്ചിനകം ഹെറിറ്റേജ് ഹോട്ടലിലെ ബാർ മാനേജർ ഒൻപത് ലക്ഷത്തി എൺപതിനായിരം രൂപയുമായി കടന്നു കളഞ്ഞതായി പരാതി. തിരുവനന്തപുരം വർക്കല സ്വദേശി വൈശാഖനെ വെള്ളിയാഴ്ച രാവിലെ മുതൽ കാണാതായി. വൈക്കം പൊലീസ് കേസ് എടുത്ത് അന്വേഷണം ആരംഭിച്ചു.
പാർട്ടി മാറിയതിന് പിന്നാലെ കുറവിലങ്ങാട്ടെ ആശാ വർക്കറെ പുറത്താക്കി സിപിഐഎം
കോട്ടയം കുറവിലങ്ങാട്ടെ ആശാ പ്രവർത്തക സിന്ധു രവീന്ദ്രനെ സിപിഐഎം പുറത്താക്കി. സർക്കാർ നിലപാടിൽ പ്രതിഷേധിച്ച് ഇവർ യുഡിഎഫ് സ്ഥാനാർത്ഥിയായതിനെ തുടർന്നാണ് നടപടി. സിന്ധുവിന്റെ ഭർത്താവും ബ്രാഞ്ച് സെക്രട്ടറിയുമായ രവീന്ദ്രനെയും പുറത്താക്കിയിട്ടുണ്ട്.
കോട്ടയത്ത് സീറ്റ് വിഭജനം അവസാന ഘട്ടത്തിലെന്ന് തിരുവഞ്ചൂർ രാധാകൃഷ്ണൻ
തദ്ദേശ തിരഞ്ഞെടുപ്പിൽ കോട്ടയത്ത് സീറ്റ് വിഭജനം അവസാന ഘട്ടത്തിലെന്ന് തിരുവഞ്ചൂർ രാധാകൃഷ്ണൻ. മുന്നണിയിൽ പ്രശ്നങ്ങളില്ലെന്നും അസംതൃപ്തരായ ആളുകൾ ഉണ്ടാകില്ലെന്നും അദ്ദേഹം പറഞ്ഞു. സ്വർണ്ണപ്പാളി വിവാദം തിരഞ്ഞെടുപ്പിൽ ചർച്ചയാകുമെന്നും അദ്ദേഹം കൂട്ടിച്ചേർത്തു.
കോട്ടയം കുറിച്ചിയിൽ 80 വയസ്സുകാരിയുടെ വീട്ടിൽ പട്ടാപ്പകൽ കവർച്ച; മോഷ്ടാവ് വളകൾ കവരുന്നതിനിടെ കൈക്ക് പരിക്ക്
കോട്ടയം കുറിച്ചിയിൽ 80 വയസ്സുകാരിയുടെ വീട്ടിൽ പട്ടാപ്പകൽ കവർച്ച. വീട്ടുകാർ പള്ളിയിൽ പോയ സമയത്ത് മോഷ്ടാവ് അതിക്രമിച്ചു കയറി വളകൾ മോഷ്ടിക്കാൻ ശ്രമിച്ചു. വള മുറിച്ചെടുക്കുന്നതിനിടെ വയോധികയുടെ കൈക്ക് പരിക്കേറ്റു.
കൈക്കൂലി കേസിൽ മുൻ വില്ലേജ് ഓഫീസർക്ക് 7 വർഷം തടവ്
കോട്ടയം വിജിലൻസ് കോടതി, കൈക്കൂലി കേസിൽ മുൻ വില്ലേജ് ഓഫീസർക്ക് 7 വർഷം കഠിന തടവും 75,000 രൂപ പിഴയും വിധിച്ചു. കിടങ്ങൂർ മുൻ വില്ലേജ് ഓഫീസർ പി കെ ബിജു മോനെയാണ് ശിക്ഷിച്ചത്. സ്ഥലം പോക്കുവരവ് ചെയ്തു നൽകുന്നതിന് 3000 രൂപയും മദ്യകുപ്പിയും കൈക്കൂലി വാങ്ങിയ കേസിലാണ് നടപടി.
കോട്ടയം കുറവിലങ്ങാട് ടൂറിസ്റ്റ് ബസ് അപകടം; ഒരാൾ മരിച്ചു
കോട്ടയം കുറവിലങ്ങാട് ടൂറിസ്റ്റ് ബസ് മറിഞ്ഞ് പേരാവൂർ സ്വദേശി സിന്ധ്യ മരിച്ചു. കണ്ണൂരിൽ നിന്നുള്ള വിനോദസഞ്ചാരികൾ സഞ്ചരിച്ച ബസ്സാണ് അപകടത്തിൽപ്പെട്ടത്. പുലർച്ചെ 2 മണിയോടെ കുറവിലങ്ങാട് ഇറക്കത്തിലായിരുന്നു അപകടം.