kollam
കൊല്ലത്ത് വില കുറച്ച് മീൻ വിറ്റതിന് വ്യാപാരിക്ക് മർദ്ദനം; പോലീസ് അന്വേഷണം ആരംഭിച്ചു
കൊല്ലം ഭരണിക്കാവില് കുറഞ്ഞ വിലയ്ക്ക് മീന് വിറ്റതിന് വ്യാപാരിക്ക് മര്ദനമേറ്റു. ഇന്ന് പുലർച്ചെ നാല് മണിയോടെയായിരുന്നു സംഭവം. സമീപത്തെ കടകളേക്കാള് കുറഞ്ഞ വിലയ്ക്ക് മീന് വിറ്റതാണ് ആക്രമണത്തിന് പിന്നിലെ കാരണമെന്നാണ് സൂചന.
കൊല്ലത്ത് രാധാകൃഷ്ണപിള്ളയുടെ മൃതദേഹം തെരുവുനായ്ക്കൾ ഭക്ഷിച്ച നിലയിൽ
കൊല്ലം വടക്കൻ സോമവിലാസം മാർക്കറ്റിന് സമീപം രാധാകൃഷ്ണപിള്ളയുടെ മൃതദേഹം തെരുവുനായ്ക്കൾ ഭക്ഷിച്ച നിലയിൽ കണ്ടെത്തി. ഇദ്ദേഹം ഒറ്റയ്ക്ക് താമസിച്ചിരുന്ന ഷെഡിലാണ് മൃതദേഹം കണ്ടത്. തെരുവുനായ്ക്കളുടെ കടിയേറ്റു മരിച്ചതാണോ, അതോ മരിച്ചശേഷം നായ്ക്കൾ ഭക്ഷിച്ചതാണോയെന്ന് വ്യക്തമല്ല.
ശാസ്താംകോട്ട ക്ഷേത്രത്തിലെ സ്വർണക്കൊടിമരം വിവാദം: വിജിലൻസ് അന്വേഷണം എങ്ങുമെത്തിയില്ല
കൊല്ലം ശാസ്താംകോട്ട ദേവസ്വം ശ്രീ ധർമ്മശാസ്താ ക്ഷേത്രത്തിലെ സ്വർണക്കൊടിമരം ക്ലാവുപിടിച്ച സംഭവം വിവാദമാകുന്നു. 6 കിലോ സ്വർണം ഉപയോഗിച്ച് പണിത കൊടിമരം 3 മാസത്തിനുള്ളിൽ കറുത്ത് പോയിരുന്നു. പത്തുവർഷമായിട്ടും പരാതിയിൽ നടപടിയെടുക്കാത്ത ദേവസ്വം ബോർഡിന്റെ ഒളിച്ചുകളിയിൽ പ്രതിഷേധം ശക്തമാകുന്നു.
കൊല്ലത്ത് പബ്ലിക് ഹെൽത്ത് ഇൻസ്പെക്ടർ ഗ്രേഡ് 2 തസ്തികയുടെ ഇന്റർവ്യൂ ഈ മാസം
കൊല്ലം ജില്ലയിലെ തദ്ദേശസ്വയംഭരണ വകുപ്പിൽ പബ്ലിക് ഹെൽത്ത് ഇൻസ്പെക്ടർ ഗ്രേഡ് 2 തസ്തികയിലേക്ക് തിരഞ്ഞെടുക്കപ്പെട്ട ഉദ്യോഗാർത്ഥികൾക്കുള്ള അഭിമുഖം ഈ മാസം നടക്കും. 9, 10 തീയതികളിൽ കൊല്ലം ജില്ലാ പി.എസ്.സി ഓഫീസിൽ വെച്ചാണ് ഇന്റർവ്യൂ നടക്കുന്നത്. അറിയിപ്പ് ലഭിക്കാത്ത ഉദ്യോഗാർത്ഥികൾ 0474 2743624 എന്ന നമ്പറിൽ ബന്ധപ്പെടുക.
കരുനാഗപ്പള്ളിയിൽ തിരുമ്മൽ ചികിത്സക്കിടെ യുവതിയെ പീഡിപ്പിക്കാൻ ശ്രമം; ഒരാൾ അറസ്റ്റിൽ
കൊല്ലം കരുനാഗപ്പള്ളിയിൽ തിരുമ്മൽ ചികിത്സയുടെ മറവിൽ യുവതിയെ പീഡിപ്പിക്കാൻ ശ്രമിച്ച കേസിൽ ഒരാൾ അറസ്റ്റിലായി. ചേർത്തല തുറവൂർ സ്വദേശി സഹലേഷ് കുമാറിനെയാണ് കരുനാഗപ്പള്ളി പോലീസ് അറസ്റ്റ് ചെയ്തത്. സോഷ്യൽ മീഡിയ പരസ്യം കണ്ട് ചികിത്സ തേടിയെത്തിയ കണ്ണൂർ സ്വദേശിനിയെയാണ് ഇയാൾ പീഡിപ്പിക്കാൻ ശ്രമിച്ചത്.
കൊല്ലത്ത് വൻ ലഹരിവേട്ട; 300 ഗ്രാം എംഡിഎംഎയുമായി രണ്ട് പേർ പിടിയിൽ
കൊല്ലത്ത് 300 ഗ്രാം എംഡിഎംഎയുമായി രണ്ടുപേരെ പോലീസ് അറസ്റ്റ് ചെയ്തു. കണ്ണനല്ലൂർ സ്വദേശികളായ സാബിറ റൂഫ്, നജ്മൽ എന്നിവരെയാണ് കൊട്ടിയം മൈലപ്പൂരിൽ വെച്ച് അറസ്റ്റ് ചെയ്തത്. ചാത്തന്നൂർ എ.സി.പി.യുടെ നേതൃത്വത്തിലുള്ള സംഘമാണ് പരിശോധന നടത്തിയത്.
ഗാന്ധി ജയന്തി ദിനത്തിൽ മദ്യവിൽപന; സി.പി.ഐ.എം നേതാവ് പിടിയിൽ
കൊല്ലം കരുനാഗപ്പള്ളിയിൽ ഗാന്ധി ജയന്തി ദിനത്തിൽ വിദേശമദ്യം വിറ്റ സി.പി.ഐ.എം പ്രാദേശിക നേതാവ് പിടിയിലായി. കുലശേഖരപുരം സി.പി.ഐ.എം ബ്രാഞ്ച് കമ്മിറ്റിയംഗമായ ആദിനാട് സ്വദേശി രഞ്ജിത്തിനെയാണ് എക്സൈസ് അറസ്റ്റ് ചെയ്തത്. 40 കുപ്പി വിദേശ മദ്യവും 20 ലിറ്റർ മദ്യവും ഇയാളുടെ വീട്ടിൽ നിന്നും കണ്ടെടുത്തു.
പൊലീസ് ഉദ്യോഗസ്ഥരുടെ സ്വകാര്യ വിവരങ്ങൾ തേടി സർക്കുലർ; വിവാദത്തിലേക്ക്?
കൊല്ലം സിറ്റി പൊലീസ് ഉദ്യോഗസ്ഥരുടെ സ്വകാര്യ വിവരങ്ങൾ ശേഖരിക്കാൻ കമ്മീഷണർ സർക്കുലർ പുറത്തിറക്കി. വാട്സ്ആപ്പ്, ടെലിഗ്രാം ഗ്രൂപ്പുകളുടെ വിവരങ്ങൾ തേടിയതാണ് ഇതിന് പിന്നിലെ കാരണം. സ്വകാര്യ വിവരങ്ങൾ ചോർത്തുന്നത് സ്വകാര്യതയിലേക്കുള്ള കടന്നുകയറ്റമാണെന്ന് ഒരു വിഭാഗം പൊലീസുകാർ ആരോപിക്കുന്നു.
കൊല്ലത്ത് വിലങ്ങുകളുമായി രക്ഷപ്പെട്ട പിതാവും മകനും വയനാട്ടിൽ പിടിയിൽ
കൊല്ലത്ത് വിലങ്ങുകളുമായി രക്ഷപ്പെട്ട പിതാവും മകനും വയനാട്ടിൽ പിടിയിലായി. നെടുമങ്ങാട് സ്വദേശികളായ അയ്യൂബ് ഖാനും മകൻ സെയ്ദലവിയുമാണ് പിടിയിലായത്. നിരവധി മോഷണക്കേസുകളിൽ പ്രതികളായ ഇരുവരും സുൽത്താൻബത്തേരിയിൽ നിന്നാണ് രക്ഷപ്പെട്ടത്.
കണ്ണനല്ലൂർ കാഷ്യൂ ഫാക്ടറി കൊലക്കേസ്: പ്രതികൾക്ക് ജീവപര്യന്തം തടവ്
കണ്ണനല്ലൂർ എസ് എ കാഷ്യൂ ഫാക്ടറിയിൽ ബംഗ്ലാദേശ് സ്വദേശിയെ കൊലപ്പെടുത്തി കുഴിച്ചുമൂടിയ കേസിൽ പ്രതികൾക്ക് ജീവപര്യന്തം തടവ്. പശ്ചിമബംഗാൾ സ്വദേശികളായ അൻവർ ഇസ്ലാം, ബികാസ് സെൻ എന്നിവരെയാണ് കൊല്ലം അഡീഷണൽ സെഷൻസ് കോടതി ശിക്ഷിച്ചത്. അബു കലാമിനെ കൊലപ്പെടുത്തി പണം കവർന്ന ശേഷം കുഴിച്ചുമൂടുകയായിരുന്നു.
കൊല്ലം കടയ്ക്കലിൽ തെളിവെടുപ്പിനിടെ മോഷ്ടാക്കൾ പൊലീസ് കസ്റ്റഡിയിൽ നിന്ന് രക്ഷപ്പെട്ടു
കൊല്ലം കടയ്ക്കലിൽ തെളിവെടുപ്പിനിടെ മോഷണക്കേസ് പ്രതികൾ പൊലീസ് കസ്റ്റഡിയിൽ നിന്ന് രക്ഷപ്പെട്ടു. കൈവിലങ്ങുകളോടെയാണ് പ്രതികൾ പൊലീസിനെ കബളിപ്പിച്ച് ഓടിപ്പോയത്. പാലോട് പൊലീസ് സ്റ്റേഷനിലെ മോഷണക്കേസ് പ്രതികളായ സൈതലവി, അയ്യൂബ് ഖാൻ എന്നിവരാണ് രക്ഷപ്പെട്ടത്.
കൊല്ലത്ത് യുവാവിനെ തട്ടിക്കൊണ്ടുപോയ കേസിൽ പ്രതികൾ പിടിയിൽ
കൊല്ലത്ത് യുവാവിനെ തട്ടിക്കൊണ്ടുപോയ കേസിൽ പ്രതികൾ പിടിയിലായി. വാഹന വില്പനയുമായി ബന്ധപ്പെട്ട സാമ്പത്തിക തർക്കമാണ് തട്ടിക്കൊണ്ടുപോകാൻ കാരണമെന്ന് പോലീസ് അറിയിച്ചു. സംഭവത്തിൽ അഞ്ചുപേരെക്കൂടി പിടികൂടാനുണ്ടെന്നും പോലീസ് അറിയിച്ചു.