Kollam News
അഞ്ചലിൽ പന്നിപ്പടക്കം കടിച്ച നായ ചത്തു; പോലീസ് അന്വേഷണം ആരംഭിച്ചു
കൊല്ലം അഞ്ചലിൽ പന്നിപ്പടക്കം കടിച്ചെടുത്ത വളർത്തുനായ ദാരുണമായി ചത്തു. മണലിൽ ഭാനു വിലാസത്തിൽ പ്രകാശിൻ്റെ വീട്ടിലെ വളർത്തു നായയാണ് അപകടത്തിൽപ്പെട്ടത്. വീട്ടുകാരുടെ പരാതിയിൽ ഏരൂർ പൊലീസ് അന്വേഷണം ആരംഭിച്ചു.
ആഭിചാരക്രിയക്ക് വിസമ്മതിച്ച ഭാര്യയുടെ മുഖത്ത് തിളച്ച മീൻകറി ഒഴിച്ചു; ഭർത്താവ് ഒളിവിൽ
കൊല്ലം ആയൂരിൽ ആഭിചാരക്രിയക്ക് തയ്യാറാവാത്തതിനെ തുടർന്ന് ഭാര്യയുടെ മുഖത്ത് ഭർത്താവ് തിളച്ച മീൻകറി ഒഴിച്ചു. ഗുരുതരമായി പൊള്ളലേറ്റ റജില ആശുപത്രിയിൽ ചികിത്സയിലാണ്. സംഭവത്തിൽ ഒളിവിൽപോയ ഭർത്താവ് സജീറിനായുള്ള അന്വേഷണം പോലീസ് ഊർജ്ജിതമാക്കി.
കൊല്ലം കടയ്ക്കലിൽ വീണ്ടും അമീബിക് മസ്തിഷ്ക ജ്വരം; 58 വയസ്സുകാരിക്ക് രോഗം സ്ഥിരീകരിച്ചു
കൊല്ലം കടയ്ക്കലിൽ 58 വയസ്സുകാരിക്കാണ് അമീബിക് മസ്തിഷ്ക ജ്വരം സ്ഥിരീകരിച്ചത്. ഇതേ തുടർന്ന് ആരോഗ്യവകുപ്പ് പ്രതിരോധ പ്രവർത്തനങ്ങൾ ഊർജ്ജിതമാക്കി. സംസ്ഥാനത്ത് 108 പേർക്ക് രോഗം സ്ഥിരീകരിക്കുകയും 24 മരണങ്ങൾ റിപ്പോർട്ട് ചെയ്യുകയും ചെയ്തു.
കരുനാഗപ്പള്ളിയിലെ വിഭാഗീയത അവസാനിപ്പിക്കാൻ എം.വി. ഗോവിവിന്ദൻ; സിപിഐഎം സംസ്ഥാന സെക്രട്ടറി നേരിട്ടെത്തും
കരുനാഗപ്പള്ളിയിലെ വിഭാഗീയത പരിഹരിക്കുന്നതിന് സിപിഐഎം സംസ്ഥാന സെക്രട്ടറി എം.വി. ഗോവിന്ദൻ നേരിട്ട് ഇടപെടും. തദ്ദേശ തിരഞ്ഞെടുപ്പിന് മുന്നോടിയായി പാർട്ടി കമ്മിറ്റികൾ പുനഃസംഘടിപ്പിക്കാനുള്ള ശ്രമങ്ങൾ ആരംഭിച്ചു. ഇതിന്റെ ഭാഗമായി എം.വി. ഗോവിന്ദൻ തന്നെ നേരിട്ട് രംഗത്തിറങ്ങുന്നത് അണികൾക്ക് പ്രതീക്ഷ നൽകുന്നു.
കൊല്ലം ക്ലാപ്പനയിൽ രക്തസമ്മർദ്ദത്തിനുള്ള ഗുളിക വിതരണം മരവിപ്പിച്ചു
കൊല്ലം ക്ലാപ്പന പഞ്ചായത്തിലെ കുടുംബാരോഗ്യ കേന്ദ്രം വഴി വിതരണം ചെയ്ത രക്തസമ്മർദ്ദത്തിനുള്ള ഗുളികകളുടെ വിതരണം മരവിപ്പിച്ചു. മരുന്ന് കഴിച്ചവർക്ക് ശാരീരിക അസ്വസ്ഥതകൾ ഉണ്ടായതിനെ തുടർന്നാണ് നടപടി. കെഎംഎസ്സിഎല്ലിന്റെ നിർദ്ദേശ പ്രകാരമാണ് ഇപ്പോൾ വിതരണം നിർത്തിവെച്ചിരിക്കുന്നത്.
കൊല്ലം ക്ലാപ്പനയിൽ വിതരണം ചെയ്ത രക്തസമ്മർദ്ദ ഗുളികകൾക്കെതിരെ പരാതി; വിതരണം നിർത്തിവെച്ചു
കൊല്ലം ക്ലാപ്പനയിൽ കുടുംബാരോഗ്യ കേന്ദ്രം വഴി വിതരണം ചെയ്ത രക്തസമ്മർദ്ദത്തിനുള്ള ഗുളികകൾക്കെതിരെ വ്യാപക പരാതി. ഗുളിക കഴിച്ച രോഗികൾക്ക് കടുത്ത ക്ഷീണം, അമിത ഉറക്കം, ശരീരവേദന തുടങ്ങിയ ബുദ്ധിമുട്ടുകൾ അനുഭവപ്പെട്ടതായി റിപ്പോർട്ട്. ഗുളികയുടെ ഗുണനിലവാരം ഉറപ്പുവരുത്തുന്നതിനായി കൂടുതൽ പരിശോധനകൾക്കായി ഡ്രഗ്സ് ലാബിലേക്ക് അയച്ചു.
തേവലക്കരയിലെ ബഡ്സ് സ്കൂൾ കെട്ടിടത്തിന് ഫിറ്റ്നസ്സില്ല; മന്ത്രി ഉദ്ഘാടനം ചെയ്യാനിരിക്കെ പ്രതിഷേധം
കൊല്ലം തേവലക്കര പഞ്ചായത്തിൽ മന്ത്രി എം.ബി. രാജേഷ് നാളെ ഉദ്ഘാടനം ചെയ്യാനിരിക്കുന്ന ബഡ്സ് സ്കൂൾ കെട്ടിടത്തിന് ഫിറ്റ്നസ് ഇല്ല. കെട്ടിടത്തിന്റെ മുകളിൽക്കൂടി വൈദ്യുതി ലൈൻ കടന്നുപോകുന്നുണ്ടെന്നും സുരക്ഷാക്രമീകരണങ്ങൾ പാലിക്കാതെ ധൃതിപിടിച്ച് ഉദ്ഘാടനം നടത്താനുള്ള നീക്കം ശരിയല്ലെന്നും പരാതിയുണ്ട്. ബ്ലോക്ക് പഞ്ചായത്ത് അസിസ്റ്റന്റ് എഞ്ചിനീയർ ഈ സ്ഥലം സന്ദർശിച്ച ശേഷം ഫിറ്റ്നസ് നൽകാൻ കഴിയില്ലെന്ന് അറിയിച്ചിരുന്നു.
ആയൂരിൽ 21 വയസ്സുകാരിയെ സുഹൃത്തിന്റെ വീട്ടിൽ തൂങ്ങിമരിച്ച നിലയിൽ കണ്ടെത്തി
കൊല്ലം ആയൂരിൽ 21 വയസ്സുകാരിയെ സുഹൃത്തിന്റെ വീട്ടിൽ തൂങ്ങിമരിച്ച നിലയിൽ കണ്ടെത്തി. കാരാളികോണം കൊമൺപ്ലോട്ടിലെ അഞ്ജനയാണ് മരിച്ചത്. ചടയമംഗലം പൊലീസ് കേസ് രജിസ്റ്റർ ചെയ്തു
മിഥുൻ ഷോക്കേറ്റ് മരിച്ച സംഭവം; സ്കൂൾ മാനേജരും കെഎസ്ഇബി അസിസ്റ്റന്റ് എഞ്ചിനീയറും പ്രതികൾ
കൊല്ലം തേവലക്കരയിൽ എട്ടാം ക്ലാസ് വിദ്യാർത്ഥി മിഥുൻ ഷോക്കേറ്റ് മരിച്ച സംഭവത്തിൽ കൂടുതൽ പേരെ പ്രതി ചേർത്തു. പ്രധാനാധ്യാപികയെ കൂടാതെ സ്കൂൾ മാനേജർ, കെ.എസ്.ഇ.ബി അസിസ്റ്റന്റ് എഞ്ചിനീയർ എന്നിവരെയും പ്രതിപ്പട്ടികയിൽ ഉൾപ്പെടുത്തി. അപകടകരമായ രീതിയിൽ വൈദ്യുതി ലൈൻ കടന്നുപോകുമ്പോൾ അസിസ്റ്റന്റ് എഞ്ചിനീയർ റിപ്പോർട്ട് ചെയ്യുന്നതിൽ വീഴ്ച വരുത്തിയെന്ന് ചീഫ് എഞ്ചിനീയറുടെ റിപ്പോർട്ടിൽ പറയുന്നു.
തേവലക്കരയിൽ മിഥുൻ മരിച്ച സംഭവം: അപകടകരമായ വൈദ്യുതി ലൈൻ മാറ്റി കെഎസ്ഇബി
കൊല്ലം തേവലക്കരയിൽ ഷോക്കേറ്റ് മരിച്ച മിഥുന്റെ മരണത്തെ തുടർന്ന് കെഎസ്ഇബി അപകടകരമായ രീതിയിൽ സ്ഥാപിച്ചിരുന്ന വൈദ്യുതി ലൈൻ മാറ്റി. ബാലവകാശ കമ്മീഷൻ ചെയർമാന്റെ സാന്നിധ്യത്തിൽ നടന്ന യോഗത്തിൽ ലൈൻ മാറ്റാൻ തീരുമാനിച്ചിരുന്നു. ഷെഡിന് മുകളിലൂടെയുള്ള ലൈനിന്റെ ഉയരം നിയമപ്രകാരമുള്ള മാനദണ്ഡങ്ങൾ പാലിക്കാതെയായിരുന്നു സ്ഥാപിച്ചിരുന്നത്.
തേവലക്കരയിൽ ഷോക്കേറ്റ് മരിച്ച മിഥുന്റെ സംസ്കാരം ഇന്ന്; വിദ്യാഭ്യാസ വകുപ്പ് നടപടി തുടങ്ങി
കൊല്ലം തേവലക്കര ബോയ്സ് സ്കൂളിൽ ഷോക്കേറ്റ് മരിച്ച മിഥുന്റെ സംസ്കാരം ഇന്ന് നടക്കും. മിഥുന്റെ കുടുംബത്തിന് അടിയന്തര ധനസഹായമായി മൂന്നു ലക്ഷം രൂപ നൽകുമെന്ന് വിദ്യാഭ്യാസമന്ത്രി വി. ശിവൻകുട്ടി അറിയിച്ചു. സംഭവത്തിൽ സ്കൂൾ പ്രധാനാധ്യാപികയെ സസ്പെൻഡ് ചെയ്തു.
തേവലക്കര ബോയ്സ് സ്കൂളിൽ വിദ്യാർത്ഥി മരിച്ച സംഭവം; പ്രധാനാധ്യാപികയെ സസ്പെൻഡ് ചെയ്തു
കൊല്ലം തേവലക്കര ബോയ്സ് സ്കൂളിൽ ഷോക്കേറ്റ് വിദ്യാർത്ഥി മരിച്ച സംഭവത്തിൽ പ്രധാനാധ്യാപികയെ സസ്പെൻഡ് ചെയ്തു. സ്കൂൾ മാനേജ്മെൻ്റേതാണ് നടപടി. പൊതുവിദ്യാഭ്യാസ വകുപ്പിന്റെ അന്തിമ റിപ്പോർട്ടിൽ പ്രധാനാധ്യാപികയ്ക്ക് ഗുരുതര വീഴ്ച സംഭവിച്ചതായി കണ്ടെത്തിയിരുന്നു.