KERALA
ദുബായിൽ മലയാളി യുവതി കുത്തേറ്റ് മരിച്ചു; ആൺസുഹൃത്ത് പിടിയിൽ
ദുബായിൽ മലയാളി യുവതി കുത്തേറ്റ് മരിച്ച സംഭവത്തിൽ ആൺസുഹൃത്ത് അറസ്റ്റിലായി. തിരുവനന്തപുരം സ്വദേശിയായ പ്രതി അബുദാബിയിലെ ആശുപത്രി ജീവനക്കാരനാണ്. യുവതിയെ ഇയാൾ ഇൻസ്റ്റഗ്രാമിലൂടെ പരിചയപ്പെട്ട് യുഎഇയിൽ എത്തിച്ചതാണെന്ന് സുഹൃത്തുക്കൾ പറയുന്നു.
കൊഴുപ്പ് നീക്കൽ ശസ്ത്രക്രിയ: നിയമപോരാട്ടം തുടരുമെന്ന് കുടുംബം ; മുഖ്യമന്ത്രിയുടെ ഇടപെടൽ തേടി
കൊഴുപ്പ് മാറ്റൽ ശസ്ത്രക്രിയയെ തുടർന്ന് യുവതിയുടെ വിരലുകൾ മുറിച്ചു മാറ്റേണ്ടി വന്ന സംഭവത്തിൽ നിയമപോരാട്ടം തുടരുമെന്ന് കുടുംബം അറിയിച്ചു. വിഷയത്തിൽ മുഖ്യമന്ത്രി പിണറായി വിജയൻ ഇടപെടണമെന്ന് കുടുംബം ആവശ്യപ്പെട്ടിട്ടുണ്ട്. കഴക്കൂട്ടത്തെ കോസ്മെറ്റിക് ക്ലിനിക്കിനെതിരെ ഗുരുതരമായ ആരോപണങ്ങളാണ് യുവതിയുടെ കുടുംബം ഉന്നയിക്കുന്നത്.
എം.ജി സർവകലാശാലയിൽ സ്വാശ്രയ വിദ്യാർത്ഥികൾക്ക് ഫെല്ലോഷിപ്പ് നിഷേധിച്ചെന്ന് പരാതി
എം.ജി സർവകലാശാലയിലെ സ്വാശ്രയ വിദ്യാർത്ഥികൾക്ക് ജൂനിയർ റിസർച്ച് ഫെല്ലോഷിപ്പ് നിഷേധിച്ചതിനെതിരെ പരാതി. 2023-24 വർഷത്തെ ഫെല്ലോഷിപ്പിൽ നിന്ന് സ്വയംഭരണ കോളേജുകളിലെ വിദ്യാർത്ഥികളെ ഒഴിവാക്കിയെന്നാണ് ആരോപണം. ഫണ്ട് ലഭ്യമല്ലാത്തതിനാലാണ് ഫെല്ലോഷിപ്പ് നൽകാത്തതെന്നും ഫണ്ട് ലഭിക്കുമ്പോൾ നൽകുമെന്നും സർവകലാശാല അറിയിച്ചു.
വടകരയില് കാറും ട്രാവലറും കൂട്ടിയിടിച്ച് നാല് മരണം
കോഴിക്കോട് വടകര മൂരാട് പാലത്തിന് സമീപം ദേശീയ പാതയില് ട്രാാവലറും കാറും കൂട്ടിയിടിച്ച് നാല് മരണം. കാർ യാത്രക്കാരായ ന്യൂ മാഹി സ്വദേശിനി റോജ, പുന്നോൽ സ്വദേശിനി ജയവല്ലി, അഴിയൂർ സ്വദേശിനി രഞ്ജി, മാഹി സ്വദേശി ഷിഗിൻ ലാൽ എന്നിവരാണ് മരിച്ചത്. കാറിലുണ്ടായിരുന്ന മറ്റ് രണ്ട് പേരെ ഗുരുതരമായ പരിക്കുകളോടെ ആശുപത്രിയില് പ്രവേശിപ്പിച്ചു.
മലപ്പുറം വളാഞ്ചേരിയിൽ നിപ: സമ്പർക്കപട്ടികയിലെ 8 പേരുടെ ഫലം നെഗറ്റീവ്; രോഗിയുടെ നില ഗുരുതരം
മലപ്പുറം വളാഞ്ചേരിയിൽ നിപ സ്ഥിരീകരിച്ച യുവതിയുടെ സമ്പർക്കപട്ടികയിലുള്ള എട്ടു പേരുടെ പരിശോധനാഫലം കൂടി നെഗറ്റീവ് ആയി. ഇതോടെ ആകെ നെഗറ്റീവ് ആയവരുടെ എണ്ണം 25 ആയി. നിപ സ്ഥിരീകരിച്ച യുവതിയുടെ നില ഗുരുതരമായി തുടരുന്നു.
ഓപ്പറേഷൻ ഡി ഹണ്ട്: സംസ്ഥാനത്ത് 86 പേർ അറസ്റ്റിൽ; ലഹരിവസ്തുക്കൾ പിടിച്ചെടുത്തു
സംസ്ഥാനത്ത് ഓപ്പറേഷൻ ഡി ഹണ്ടിന്റെ ഭാഗമായി നടത്തിയ പരിശോധനയിൽ 86 പേരെ അറസ്റ്റ് ചെയ്തു. മയക്കുമരുന്ന് ഉപയോഗിക്കുന്നവരെയും വില്പന നടത്തുന്നവരെയും ലക്ഷ്യമിട്ടായിരുന്നു ഈ പ്രത്യേക പരിശോധന. വിവിധയിടങ്ങളിൽ നിന്നായി എംഡിഎംഎ, കഞ്ചാവ് തുടങ്ങിയ മാരക ലഹരി വസ്തുക്കൾ പിടിച്ചെടുത്തു.
മലപ്പുറം വളാഞ്ചേരിയിൽ ആശ്വാസം; നിപ ലക്ഷണങ്ങൾ കാണിച്ച ആറുപേർക്കും നെഗറ്റീവ്
മലപ്പുറം വളാഞ്ചേരിയിൽ നിപ ലക്ഷണങ്ങൾ പ്രകടിപ്പിച്ച ആറുപേരുടെയും പരിശോധനാഫലം നെഗറ്റീവ് ആയി. രോഗം സ്ഥിരീകരിച്ച വ്യക്തിയുമായി സമ്പർക്കത്തിൽ ഉണ്ടായിരുന്ന 49 പേരെ നിരീക്ഷണത്തിൽ വെച്ചിരിക്കുകയാണ്. രോഗം സ്ഥിരീകരിച്ച 42 വയസ്സുള്ള സ്ത്രീയുടെ ആരോഗ്യനില ഗുരുതരമായി തുടരുകയാണ്.
രാജ്യത്ത് ആവശ്യത്തിന് ഇന്ധന സ്റ്റോക്കുണ്ടെന്ന് ഇന്ത്യൻ ഓയിൽ
രാജ്യത്ത് ആവശ്യത്തിന് ഇന്ധന സ്റ്റോക്കുണ്ടെന്നും ആളുകൾ പരിഭ്രാന്തരാകേണ്ടതില്ലെന്നും ഇന്ത്യൻ ഓയിൽ അറിയിച്ചു. എല്ലാ ഔട്ട്ലെറ്റുകളിലും മതിയായ ഇന്ധനവും എൽപിജിയും ലഭ്യമാണ്. തെറ്റായ വിവരങ്ങൾക്കെതിരെ ജാഗ്രത പാലിക്കണമെന്ന് പിഐബി അറിയിച്ചു.
സംസ്ഥാനത്ത് വീണ്ടും നിപ: സ്ഥിരീകരിച്ചത് വളാഞ്ചേരി സ്വദേശിക്ക്; മന്ത്രി മലപ്പുറത്തേക്ക്
സംസ്ഥാനത്ത് വീണ്ടും നിപ വൈറസ് സ്ഥിരീകരിച്ചു. വളാഞ്ചേരി സ്വദേശിയായ 42കാരിക്കാണ് രോഗം സ്ഥിരീകരിച്ചത്. നിലവിൽ പെരിന്തൽമണ്ണയിലെ ആശുപത്രിയിൽ ചികിത്സയിലാണ്. രോഗി ഗുരുതരാവസ്ഥയിലാണെന്നാണ് വിവരം.
വയനാട്ടിൽ മകൻ അച്ഛനെ വെട്ടിക്കൊന്നു; പ്രതി റോബിൻ കസ്റ്റഡിയിൽ
വയനാട് എടവകയിൽ പുലർച്ചെ മകൻ അച്ഛനെ വെട്ടിക്കൊലപ്പെടുത്തി. മലേക്കുടി ബേബി (63) ആണ് കൊല്ലപ്പെട്ടത്. സംഭവത്തിൽ മകൻ റോബിനെ പോലീസ് കസ്റ്റഡിയിലെടുത്തു, കുടുംബ വഴക്കാണ് കൊലപാതകത്തിന് കാരണം.
കോന്നി ആനക്കൂട് അപകടം: സസ്പെൻഷൻ പിൻവലിച്ച് വനംവകുപ്പ്
കോന്നി ആനക്കൂട് സന്ദർശനത്തിനിടെ തൂൺ വീണ് നാല് വയസ്സുകാരൻ മരിച്ച സംഭവത്തിൽ സസ്പെൻഡ് ചെയ്ത ഉദ്യോഗസ്ഥരെ തിരിച്ചെടുത്തു. ജീവനക്കാരുടെ കുറവ് പരിഗണിച്ചാണ് നടപടിയെന്ന് വനംവകുപ്പ് അറിയിച്ചു. സുരക്ഷാ വീഴ്ച കണ്ടെത്തിയതിനെ തുടർന്നാണ് ബീറ്റ് ഫോറസ്റ്റ് ഓഫീസർമാർക്കെതിരെ നടപടിയെടുത്തത്.
അതിഥി തൊഴിലാളികളുടെ കുട്ടികൾക്ക് വിദ്യാഭ്യാസം; ‘ജ്യോതി’ പദ്ധതിക്ക് തുടക്കമിട്ട് സംസ്ഥാന സർക്കാർ
സംസ്ഥാനത്തെ അതിഥി തൊഴിലാളികളുടെ കുട്ടികളുടെ വിദ്യാഭ്യാസം ഉറപ്പാക്കുന്നതിനായി സംസ്ഥാന സർക്കാർ "ജ്യോതി" പദ്ധതിക്ക് തുടക്കം കുറിച്ചു. സൗജന്യ വിദ്യാഭ്യാസം കുട്ടികൾക്ക് ഉറപ്പുവരുത്തുന്ന ഈ പദ്ധതി, സർക്കാരിന്റെ നാലാം വാർഷികാഘോഷങ്ങളുടെ ഭാഗമായി കാക്കനാട് കിൻഫ്ര കൺവെൻഷൻ സെന്ററിൽ നടന്ന ജില്ലാതല അവലോകന യോഗത്തിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. എല്ലാ കുട്ടികൾക്കും വിദ്യാഭ്യാസം ലഭ്യമാക്കുക എന്നതാണ് സർക്കാരിന്റെ ലക്ഷ്യം.