KERALA
മൂവാറ്റുപുഴയിൽ അഞ്ചര കിലോ കഞ്ചാവുമായി രണ്ട് പേർ പിടിയിൽ
മൂവാറ്റുപുഴയിൽ അഞ്ചര കിലോ കഞ്ചാവുമായി രണ്ട് ഇതര സംസ്ഥാന തൊഴിലാളികൾ പിടിയിലായി. പശ്ചിമ ബംഗാൾ സ്വദേശികളായ ബപ്പറാജ് ഇസ്ലാം, മൈമോൻ മണ്ഡൽ എന്നിവരെയാണ് മൂവാറ്റുപുഴ പോലീസ് അറസ്റ്റ് ചെയ്തത്. മയക്കുമരുന്ന് വിൽപ്പന ലക്ഷ്യമാക്കിയാണ് ഇവർ കഞ്ചാവുമായി എത്തിയതെന്ന് പോലീസ് അറിയിച്ചു.
പഹൽഗാം ആക്രമണം: കേരളത്തിലെ പാക് പൗരന്മാർക്ക് തിരികെ പോകാൻ നിർദേശം
പഹൽഗാം ഭീകരാക്രമണത്തിന്റെ പശ്ചാത്തലത്തിൽ കേരളത്തിലെ 102 പാകിസ്താൻ പൗരന്മാരോട് രാജ്യം വിടാൻ നിർദേശം. ഈ മാസം 29നകം മടങ്ങണമെന്നാണ് കേന്ദ്രസർക്കാരിന്റെ നിർദേശം. കണ്ണൂർ ജില്ലയിലാണ് ഏറ്റവും കൂടുതൽ പാകിസ്താൻ പൗരന്മാരുള്ളത്.
വയനാട്ടിൽ കാട്ടാന ആക്രമണം: ഒരാൾ കൊല്ലപ്പെട്ടു
വയനാട് എരുമക്കൊല്ലിയിൽ കാട്ടാന ആക്രമണത്തിൽ ഒരാൾ കൊല്ലപ്പെട്ടു. അറുമുഖൻ എന്നയാളാണ് മരിച്ചത്. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകി.
മഹാത്മാ സാംസ്കാരിക വേദി : അഭിനന്ദന സദസ്സ് ഇന്ന്
നെയ്യാറ്റിൻകര മഹാത്മാ സാംസ്കാരിക വേദിയുടെ ആഭിമുഖ്യത്തിൽ അഭിനന്ദന സദസ്സ് സംഘടിപ്പിക്കുന്നു. 2025 ഏപ്രിൽ 25-ന് വെള്ളിയാഴ്ച വൈകുന്നേരം 3 മണിക്ക് നെയ്യാറ്റിൻകരയിലാണ് പരിപാടി. ജഗദീഷ് കോവളം, ശ്രീകല എഎസ്, സജൻ ജോസഫ് എന്നിവരെ ചടങ്ങിൽ അനുമോദിക്കും.
ഇടുക്കിയിൽ കോളേജ് ബസ് മറിഞ്ഞു; ഡ്രൈവർക്കും 12 വിദ്യാർത്ഥികൾക്കും പരിക്ക്
ഇടുക്കി പുള്ളിക്കാനത്ത് കോളജ് ബസ് മറിഞ്ഞ് ഡ്രൈവർ ഉൾപ്പെടെ 13 പേർക്ക് പരിക്കേറ്റു. കനത്ത മൂടൽമഞ്ഞ് മൂലം കാഴ്ച മറഞ്ഞതാണ് അപകടകാരണമെന്ന് റിപ്പോർട്ട്. പരിക്കേറ്റവരെ മൂലമറ്റത്തെ സ്വകാര്യ ആശുപത്രിയിൽ പ്രവേശിപ്പിച്ചു.
പോക്സോ കേസ്: ഗൂഢാലോചന ആരോപിച്ച് മുകേഷ് എം നായർ
പോക്സോ കേസിലെ ആരോപണങ്ങൾ നിഷേധിച്ച് വ്ളോഗർ മുകേഷ് എം നായർ. കരിയർ വളർച്ചയിൽ അസൂയയുള്ള മറ്റ് വ്ളോഗർമാരാണ് തനിക്കെതിരെ ഗൂഢാലോചന നടത്തിയതെന്ന് മുകേഷ് ആരോപിച്ചു. തെളിവുകൾ തന്റെ കൈവശമുണ്ടെന്നും അദ്ദേഹം പറഞ്ഞു.
മുഖ്യമന്ത്രിക്കെതിരെ കരിങ്കൊടി പ്രതിഷേധം; യൂത്ത് കോൺഗ്രസ് നേതാക്കൾ കരുതൽ തടങ്കലിൽ
പത്തനംതിട്ടയിൽ മുഖ്യമന്ത്രി പിണറായി വിജയനെതിരെ കരിങ്കൊടി പ്രതിഷേധവുമായി യൂത്ത് കോൺഗ്രസ് പ്രവർത്തകർ രംഗത്തിറങ്ങി. പ്രതിഷേധത്തിന്റെ ഭാഗമായി മൂന്ന് യൂത്ത് കോൺഗ്രസ് നേതാക്കളെ പോലീസ് കരുതൽ തടങ്കലിലാക്കി. യൂത്ത് കോൺഗ്രസ് പത്തനംതിട്ട ജില്ലാ സെക്രട്ടറി അൻസാർ മുഹമ്മദ്, നിയോജകമണ്ഡലം പ്രസിഡന്റ് നെജു മെഴുവേലി, കുമ്പഴ മണ്ഡലം പ്രസിഡന്റ് മുഹമ്മദ് റാഫി എന്നിവരെയാണ് പോലീസ് കസ്റ്റഡിയിലെടുത്തത്.
കെ-ഫോൺ പുതിയ താരിഫ് പ്ലാനുകൾ പ്രഖ്യാപിച്ചു
കെ-ഫോണിന്റെ പുതിയ താരിഫ് പ്ലാനുകൾ പ്രാബല്യത്തിൽ. 349 രൂപയുടെ പുതിയ ബേസിക് പ്ലസ് പാക്കേജ് ഉൾപ്പെടെ നിരവധി പ്ലാനുകൾ. നിലവിലുള്ള പ്ലാനുകളുടെ നിരക്കിൽ മാറ്റമില്ലെങ്കിലും ചില പ്ലാനുകളുടെ ഡാറ്റാ പരിധി വർധിപ്പിച്ചു.
എൽഡിഎഫ് സർക്കാരിന്റെ ഒമ്പത് വർഷത്തെ നേട്ടങ്ങൾ എണ്ണിപ്പറഞ്ഞ് മുഖ്യമന്ത്രി പിണറായി വിജയൻ
എൽഡിഎഫ് സർക്കാർ ഒമ്പത് വർഷം പൂർത്തിയാക്കി പത്താം വർഷത്തിലേക്ക് കടക്കുമ്പോൾ സംസ്ഥാനത്തിന്റെ വികസനത്തിൽ വലിയ മാറ്റങ്ങളാണ് ഉണ്ടായതെന്ന് മുഖ്യമന്ത്രി പിണറായി വിജയൻ പറഞ്ഞു. ആരോഗ്യം, വിദ്യാഭ്യാസം, റോഡ് വികസനം തുടങ്ങിയ മേഖലകളിൽ സർക്കാർ വലിയ നേട്ടങ്ങൾ കൈവരിച്ചു. കോവിഡ് മഹാമാരിയെ നേരിടുന്നതിലും ദുരന്തങ്ങളെ അതിജീവിക്കുന്നതിലും കേരളം മികച്ച പ്രകടനം കാഴ്ചവെച്ചുവെന്നും അദ്ദേഹം കൂട്ടിച്ചേർത്തു.
മദ്യപാന തർക്കത്തിൽ യുവാവ് കൊല്ലപ്പെട്ടു; ജ്യേഷ്ഠൻ ഒളിവിൽ
തൃശ്ശൂർ ആനന്ദപുരത്ത് മദ്യപാനത്തിനിടെയുണ്ടായ തർക്കത്തിൽ യുവാവ് കൊല്ലപ്പെട്ടു. യദുകൃഷ്ണൻ (26) ആണ് മരിച്ചത്. സംഭവത്തിൽ യദുകൃഷ്ണന്റെ ജ്യേഷ്ഠൻ വിഷ്ണു ഒളിവിലാണ്.
പഹൽഗാം ഭീകരാക്രമണം: എൻ. രാമചന്ദ്രന്റെ സംസ്കാരം നാളെ
പഹൽഗാമിലെ ഭീകരാക്രമണത്തിൽ കൊല്ലപ്പെട്ട എൻ. രാമചന്ദ്രന്റെ മൃതദേഹം നാളെ സംസ്കരിക്കും. എറണാകുളം റിനൈ മെഡിസിറ്റി ആശുപത്രി മോർച്ചറിയിലാണ് മൃതദേഹം. ഇടപ്പള്ളി ചങ്ങമ്പുഴ പാർക്കിൽ നാളെ രാവിലെ പൊതുദർശനം ഉണ്ടാകും.
സിപിഐഎം പുതിയ ആസ്ഥാന മന്ദിരം മുഖ്യമന്ത്രി ഉദ്ഘാടനം ചെയ്തു
തിരുവനന്തപുരത്ത് സിപിഐഎം സംസ്ഥാന സമിതിയുടെ പുതിയ ആസ്ഥാന മന്ദിരം മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. എകെജി സെന്റർ എന്ന് പേരിട്ടിരിക്കുന്ന ഈ ഒമ്പത് നില കെട്ടിടം എൻ.എസ് വാര്യർ റോഡിലാണ് സ്ഥിതി ചെയ്യുന്നത്. മുതിർന്ന നേതാവ് എസ്. രാമചന്ദ്രൻ പിള്ള പതാക ഉയർത്തിയ ചടങ്ങിൽ നിരവധി നേതാക്കളും പ്രവർത്തകരും പങ്കെടുത്തു.