KERALA
സർവകലാശാല നിയമങ്ങളിൽ സിൻഡിക്കേറ്റ് യോഗം; പുതിയ വ്യവസ്ഥകളുമായി സർക്കാർ
സംസ്ഥാനത്തെ സർവകലാശാല നിയമങ്ങളിൽ സിൻഡിക്കേറ്റ് യോഗം വിളിക്കുന്നതുമായി ബന്ധപ്പെട്ട് പുതിയ വ്യവസ്ഥകൾ ചേർക്കുന്നതിനുള്ള കരട് ബില്ലിന് മന്ത്രിസഭായോഗം അംഗീകാരം നൽകി. താൽക്കാലിക വിസിമാർ യോഗം വിളിക്കാൻ വിസമ്മതിക്കുന്ന സാഹചര്യത്തിലാണ് ഈ നിയമനിർമ്മാണം. രണ്ട് മാസത്തിൽ ഒരിക്കൽ സിൻഡിക്കേറ്റ് യോഗം വിളിക്കണമെന്നതായിരുന്നു നിലവിലെ ചട്ടം, ഇത് പലപ്പോഴും പാലിക്കപ്പെടുന്നില്ല.
ഡ്യൂട്ടി വെട്ടിച്ച് ആഡംബര കാറുകൾ; പിടിച്ചെടുത്ത വാഹനങ്ങൾ ഉടമകൾക്ക് വിട്ടുനൽകും, ദുൽഖറിന്റെ നിസ്സാൻ പട്രോൾ പിടിച്ചെടുക്കും
കസ്റ്റംസ് പിടിച്ചെടുത്ത വാഹനങ്ങൾ ഉടമകൾക്ക് തിരികെ നൽകും. നിയമനടപടികൾ കഴിയുന്നത് വരെ വാഹനങ്ങൾ ഉപയോഗിക്കാൻ അനുമതിയില്ല. രേഖകൾ ഹാജരാക്കാൻ ദുൽഖർ സൽമാന് കസ്റ്റംസ് നോട്ടീസ് നൽകി.
മെസ്സിയെ കാണാൻ അവസരമൊരുക്കുമെന്ന് മന്ത്രി വി. അബ്ദുറഹിമാൻ
മെസ്സിയെ കാണാൻ ഏവർക്കും അവസരമൊരുക്കുമെന്ന് മന്ത്രി വി. അബ്ദുറഹിമാൻ അറിയിച്ചു. കൊച്ചിയിലെ സൗഹൃദ മത്സരത്തിൽ മെസ്സിയും സംഘവും കങ്കാരുപ്പടയുമായി കൊമ്പുകോർക്കും. മത്സരം നവംബറിൽ തന്നെ നടക്കുമെന്നും മന്ത്രി കൂട്ടിചേർത്തു.
ഭൂട്ടാനിൽ നിന്ന് നികുതി വെട്ടിച്ച് ആഡംബര വാഹനങ്ങൾ; സിനിമാ നടൻമാരും വ്യവസായികളും ഉൾപ്പടെ കസ്റ്റംസ് വലയിൽ
ഭൂട്ടാൻ സൈന്യം കുറഞ്ഞ വിലയ്ക്ക് വിറ്റ വാഹനങ്ങൾ നികുതി വെട്ടിച്ച് ഇന്ത്യയിൽ എത്തിച്ച് അഞ്ചിരട്ടി വിലയ്ക്ക് വിറ്റഴിച്ച സംഭവത്തിൽ കസ്റ്റംസ് അന്വേഷണം ഊർജ്ജിതമാക്കി. ഓപ്പറേഷൻ നംഖോർ എന്ന പേരിൽ രാജ്യവ്യാപകമായി നടക്കുന്ന പരിശോധനയിൽ, കേരളത്തിൽ മാത്രം 20ഓളം വാഹനങ്ങൾ ഇത്തരത്തിൽ വിറ്റഴിച്ചതായി കണ്ടെത്തി. ലാൻഡ് ക്രൂസർ, ലാൻഡ് റോവർ, ടാറ്റ എസ്.യു.വികൾ, മഹീന്ദ്ര – ടാറ്റ ട്രക്കുകൾ തുടങ്ങിയ 150-ഓളം വാഹനങ്ങളാണ് ഭൂട്ടാനിൽ നിന്ന് ഇന്ത്യയിലേക്ക് കടത്തിയത്.
കേരളത്തിൽ സ്വർണവില റെക്കോർഡ് ഭേദിച്ച് മുന്നോട്ട്; ഒരു പവൻ 82,560 രൂപ
സംസ്ഥാനത്ത് സ്വര്ണവില റെക്കോര്ഡുകള് ഭേദിച്ച് മുന്നേറുകയാണ്. ഇന്ന് ഒരു പവൻ സ്വർണത്തിന് 320 രൂപ കൂടി വർധിച്ചു. ഈ മാസത്തിന്റെ തുടക്കത്തിൽ 77,640 രൂപയായിരുന്നത് ഇപ്പോള് 82,560 രൂപയിലെത്തി നില്ക്കുന്നു.
ജിഎസ്ടി പരിഷ്കരണം: സംസ്ഥാനത്തിന് 8,000 കോടിയുടെ വരുമാന നഷ്ടം വരുമെന്ന് ധനമന്ത്രി
സംസ്ഥാനത്ത് ജിഎസ്ടി നിരക്കുകൾ പുതുക്കിയതോടെ വലിയ വരുമാന നഷ്ടം ഉണ്ടാകുമെന്ന് ധനമന്ത്രി കെ.എൻ. ബാലഗോപാൽ അറിയിച്ചു. ഏകദേശം 8,000 കോടി രൂപയുടെ കുറവാണ് പ്രതീക്ഷിക്കുന്നത്. ഈ സാമ്പത്തിക വർഷം അവസാനിക്കുമ്പോൾ 4000 കോടി രൂപയുടെ നഷ്ടമാണ് സർക്കാർ കണക്കുകൂട്ടുന്നത്.
മെഡിക്കൽ കോളേജ് വിഷയങ്ങളിൽ കെജിഎംസിടിഎ പ്രക്ഷോഭത്തിലേക്ക്
വിവിധ ആവശ്യങ്ങൾ ഉന്നയിച്ച് കെജിഎംസിടിഎ പ്രക്ഷോഭത്തിലേക്ക്. അധ്യാപകരുടെ കുറവ്, ശമ്പളത്തിലെ അപാകതകൾ തുടങ്ങിയ വിഷയങ്ങൾ ഉന്നയിച്ചാണ് പ്രതിഷേധം. ആവശ്യങ്ങൾ അംഗീകരിച്ചില്ലെങ്കിൽ ഒപി സേവനങ്ങൾ നിർത്തിവെക്കുമെന്നും മുന്നറിയിപ്പ്.
കേരളത്തെ വാനോളം പുകഴ്ത്തി കര്ണാടക മന്ത്രി
ആരോഗ്യ-വിദ്യാഭ്യാസ രംഗങ്ങളിൽ കേരളം ഒന്നാമതാണെന്നും രാജ്യം തന്നെ കേരളത്തെ പിന്തുടരണമെന്നും കര്ണാടക റവന്യൂ മന്ത്രി കൃഷ്ണ ബൈര ഗൗഡ. കെസി വേണുഗോപാൽ എംപി ആലപ്പുഴയിൽ സംഘടിപ്പിച്ച മെറിറ്റ് അവാർഡ് വിതരണ വേദിയിലായിരുന്നു മന്ത്രിയുടെ പ്രശംസ. തിരഞ്ഞെടുപ്പുകൾ അടുത്തിരിക്കെ സംസ്ഥാന സർക്കാരിനെതിരെ വലിയ സമരങ്ങൾക്ക് പ്രതിപക്ഷം ഒരുങ്ങുകയാണ്.
കാട്ടാക്കടയിൽ തെങ്ങ് വീണ് 2 തൊഴിലുറപ്പ് തൊഴിലാളികൾ മരിച്ചു; നിരവധി പേർക്ക് പരിക്ക്
കാട്ടാക്കട കുന്നത്തുകാൽ ചാവടിനടയിൽ തെങ്ങ് വീണ് 2 തൊഴിലുറപ്പ് തൊഴിലാളികൾ മരിച്ചു. കാപ്പി കുടിച്ച് വിശ്രമിച്ചിരുന്ന തൊഴിലാളികളുടെ തലയിലേക്കാണ് തെങ്ങ് കടപുഴകി വീണത്. കൂടെയുണ്ടായിരുന്ന 5 തൊഴിലാളികൾക്ക് ഗുരുതര പരുക്കേറ്റിട്ടുണ്ട്.
മലപ്പുറത്ത് മദ്യലഹരിയിൽ ജ്യേഷ്ഠൻ അനുജനെ കുത്തിക്കൊന്നു; പ്രതി അറസ്റ്റിൽ
മലപ്പുറം വഴിക്കടവിൽ മദ്യലഹരിയിലുണ്ടായ തർക്കത്തെ തുടർന്ന് ജ്യേഷ്ഠൻ അനുജനെ കുത്തിക്കൊന്നു. വർഗീസ് (53) ആണ് കൊല്ലപ്പെട്ടത്, ജ്യേഷ്ഠൻ രാജുവിനെ (57) പൊലീസ് അറസ്റ്റ് ചെയ്തു. ഇരുവരും തമ്മിൽ സാമ്പത്തിക ഇടപാടുകളുണ്ടായിരുന്നുവെന്നും, ഇതിനെച്ചൊല്ലിയുള്ള തർക്കമാണ് കൊലപാതകത്തിൽ കലാശിച്ചതെന്നും പൊലീസ് സംശയിക്കുന്നു.
ആഗോള അയ്യപ്പ സംഗമം ഇന്ന് പമ്പയിൽ; ഡൽഹിയിലും ബദൽ സംഗമം
ആഗോള അയ്യപ്പ സംഗമം ഇന്ന് പമ്പാതീരത്ത് നടക്കും. മുഖ്യമന്ത്രി പിണറായി വിജയൻ രാവിലെ 10.30ന് പരിപാടി ഉദ്ഘാടനം ചെയ്യും. ശബരിമലയുടെ അടിസ്ഥാന സൗകര്യ വികസനം പ്രധാന ചർച്ചാ വിഷയമാകുന്ന സംഗമത്തിൽ 3000 പ്രതിനിധികൾ പങ്കെടുക്കും.
നെൽകർഷകരെ അവഗണിക്കുന്നതിൽ സർക്കാരിനെതിരെ വിമർശനവുമായി കൃഷ്ണപ്രസാദ്
നെൽകർഷകരോടുള്ള അവഗണനയിൽ പ്രതിഷേധിച്ച് കേരള സംയുക്ത കർഷകവേദി സപ്ലൈക്കോ ഹെഡ് ഓഫീസ് ഉപരോധിച്ചു. കർഷകരുടെ ദുരിതങ്ങൾ സർക്കാർ കണ്ടില്ലെന്ന് നടിക്കുന്നുവെന്ന് കൃഷ്ണപ്രസാദ് വിമർശിച്ചു. കർഷക വിരുദ്ധ നയങ്ങൾക്കെതിരെ ശക്തമായ പ്രതിഷേധം ഉയർത്തുമെന്നും അദ്ദേഹം മുന്നറിയിപ്പ് നൽകി.