Kerala Sports
കലൂർ സ്റ്റേഡിയം: നിർമ്മാണം പൂർത്തിയാക്കാതെ കൈമാറും
കരാർ കാലാവധി കഴിഞ്ഞിട്ടും കലൂർ അന്താരാഷ്ട്ര സ്റ്റേഡിയത്തിലെ നിർമ്മാണ പ്രവർത്തനങ്ങൾ പൂർത്തിയായില്ല. അർജന്റീന ടീമിന്റെ മത്സരത്തിനായി കൈമാറിയ സ്റ്റേഡിയത്തിലെ നിർമ്മാണ പ്രവർത്തനങ്ങൾ പാതിവഴിയിലാക്കി സ്റ്റേഡിയം ഇന്ന് GCDA ക്ക് കൈമാറും. നിർമ്മാണം പൂർത്തിയാക്കാൻ സ്പോൺസർക്ക് കൂടുതൽ സമയം അനുവദിച്ചേക്കും.
മലപ്പുറത്ത് സ്കൂൾ കായികമേളയിൽ വീണ്ടും പ്രായത്തട്ടിപ്പ്; നാവാമുകുന്ദ സ്കൂളിന് വിലക്ക്
മലപ്പുറം തിരുനാവായ നാവാമുകന്ദ സ്കൂളിലെ രണ്ട് കുട്ടികൾ കൂടി കായികമേളയിൽ പ്രായത്തട്ടിപ്പ് നടത്തിയതായി കണ്ടെത്തി. വ്യാജ ആധാർ കാർഡ് ഉപയോഗിച്ചാണ് കുട്ടികൾ ഒളിമ്പിക്സിൽ പങ്കെടുത്തത്. പ്രായത്തട്ടിപ്പിന് കൂട്ടുനിന്ന സ്കൂളിനെ കായികമേളയിൽ നിന്ന് വിലക്കാൻ സാധ്യതയുണ്ട്.
സംസ്ഥാന റോളർ സ്കൂട്ടർ ചാമ്പ്യൻഷിപ്പിൽ സ്വർണം; ദേശീയ ചാമ്പ്യൻഷിപ്പിലേക്ക് നാലാം തവണയും അദ്വൈത് രാജ്
കേരള സ്റ്റേറ്റ് റോളർ സ്കൂട്ടർ സ്കേറ്റിങ് ചാമ്പ്യൻഷിപ്പിൽ സ്വർണ മെഡൽ നേടി മാസ്റ്റർ അദ്വൈത് രാജ്. ഇത് നാലാം തവണയാണ് താരം ദേശീയ ചാമ്പ്യൻഷിപ്പിലേക്ക് തിരഞ്ഞെടുക്കപ്പെടുന്നത്. കഴിഞ്ഞ വർഷം ബാംഗ്ലൂരിൽ നടന്ന 62-ാമത് ദേശീയ റോളർ സ്കൂട്ടർ സ്കേറ്റിങ് ചാമ്പ്യൻഷിപ്പിൽ വെള്ളി മെഡൽ നേടിയിരുന്നു.
അണ്ടർ 19 ട്വന്റി 20 ചാമ്പ്യൻഷിപ്പിൽ കേരളത്തിന് തോൽവി
വുമൺസ് അണ്ടർ 19 ട്വന്റി 20 ചാമ്പ്യൻഷിപ്പിൽ കേരളം മഹാരാഷ്ട്രയോട് തോൽവി ഏറ്റുവാങ്ങി. എട്ട് വിക്കറ്റിനായിരുന്നു മഹാരാഷ്ട്രയുടെ വിജയം. ആദ്യ ബാറ്റിംഗ് നേടിയ കേരളം 20 ഓവറിൽ ഒൻപത് വിക്കറ്റ് നഷ്ടത്തിൽ 111 റൺസ് മാത്രമാണ് നേടിയത്.
കേരള സ്പോർട്സ് ജേർണലിസ്റ്റ് അസോസിയേഷൻ അവാർഡ്: പാലക്കാടും മലപ്പുറവും മികച്ച അത്ലറ്റുകൾ
കേരള സ്പോർട്സ് ജേർണലിസ്റ്റ് അസോസിയേഷൻ ഈ വർഷത്തെ മികച്ച അത്ലറ്റുകൾക്കുള്ള അവാർഡുകൾ പ്രഖ്യാപിച്ചു. പാലക്കാട് ജില്ലയിലെ ജെ. നിവേദ് കൃഷ്ണയ്ക്കും മലപ്പുറം ജില്ലയിലെ ആദിത്യ അജിക്കുമാണ് പുരസ്കാരം. ഒളിമ്പ്യൻ പി.ആർ. ശ്രീജേഷ് യുവ കായിക പ്രതിഭകൾക്ക് പുരസ്കാരങ്ങൾ സമ്മാനിച്ചു.
സംസ്ഥാന സ്കൂള് കായികമേള: അത്ലറ്റിക് വിഭാഗത്തില് ഐഡിയല് കടകശ്ശേരിക്ക് ഒന്നാം സ്ഥാനം
67-ാമത് സംസ്ഥാന സ്കൂൾ കായികമേളയിൽ അത്ലറ്റിക് വിഭാഗത്തിൽ മലപ്പുറം ഐഡിയൽ കടകശ്ശേരി മികച്ച സ്കൂളായി. 8 സ്വർണ്ണവും, 10 വെള്ളിയും, 8 വെങ്കലവുമായി 78 പോയിന്റാണ് ഐഡിയൽ കരസ്ഥമാക്കിയത്. മലപ്പുറം ജില്ല ഒന്നാം സ്ഥാനം നേടുന്നതിൽ ഐഡിയൽ കടകശ്ശേരി പ്രധാന പങ്കുവഹിച്ചു.
സംസ്ഥാന സ്കൂൾ കായികമേള വിജയകരം; മന്ത്രി വി. ശിവൻകുട്ടിയെ അഭിനന്ദിച്ച് ഗവർണർ
സംസ്ഥാന സ്കൂൾ കായികമേള വിജയകരമായി നടത്തിയ വിദ്യാഭ്യാസ മന്ത്രി വി. ശിവൻകുട്ടിയെ ഗവർണർ രാജേന്ദ്ര വിശ്വനാഥ് ആർലേക്കർ അഭിനന്ദിച്ചു. യൂണിവേഴ്സിറ്റി സ്റ്റേഡിയത്തിൽ നടന്ന സമാപന സമ്മേളനം ഗവർണർ ഉദ്ഘാടനം ചെയ്തു. 247 പോയിന്റ് നേടി അത്ലറ്റിക്സിൽ മലപ്പുറം കിരീടം ചൂടി.
സംസ്ഥാന സ്കൂൾ ഒളിമ്പിക്സ്: അത്ലറ്റിക്സിൽ മലപ്പുറം സുൽത്താന്മാർ, കിരീടം തുടർച്ചയായി രണ്ടാം തവണ
സംസ്ഥാന സ്കൂൾ ഒളിമ്പിക്സിൽ അത്ലറ്റിക്സിൽ മലപ്പുറം സുൽത്താന്മാരായി. 22 സ്വർണം ഉൾപ്പെടെ 247 പോയിന്റ് കരസ്ഥമാക്കിയാണ് കിരീടനേട്ടം. തിരുവനന്തപുരം യൂണിവേഴ്സിറ്റി സ്റ്റേഡിയത്തിൽ വൈകിട്ട് 4.30ന് സമാപന ചടങ്ങിൽ ഗവർണർ രാജേന്ദ്ര ആർലേക്കർ മുഖ്യമന്ത്രിയുടെ സ്വർണക്കപ്പ് സമ്മാനിക്കും.
കായികമേള താരങ്ങളെ ഏറ്റെടുത്ത് സഞ്ജു സാംസൺ; എല്ലാ പിന്തുണയും നൽകും
സംസ്ഥാന സ്കൂൾ കായികമേളയിൽ റെക്കോർഡ് നേടിയ ദേവപ്രിയ ഷൈബുവിനെയും അതുൽ ടി എമ്മിനെയും സഞ്ജു സാംസൺ ഏറ്റെടുത്തു. ഇരുവർക്കും ആവശ്യമായ എല്ലാ സഹായവും നൽകുമെന്നും സഞ്ജു അറിയിച്ചു. വിദ്യാഭ്യാസ മന്ത്രി വി. ശിവൻകുട്ടിയാണ് ഇക്കാര്യം ഫേസ്ബുക്കിലൂടെ അറിയിച്ചത്.
സ്കൂൾ കായികമേളയിൽ സ്വർണ്ണത്തിളക്കം; 117.5 പവന്റെ കപ്പ് സമ്മാനിക്കും
സംസ്ഥാന സ്കൂൾ കായികമേളയുടെ 67-ാമത് എഡിഷനിൽ എവറോളിങ്ങ് ചാമ്പ്യൻ ആകുന്ന ജില്ലയ്ക്ക് 117.5 പവൻ സ്വർണ്ണം കൊണ്ടുള്ള ചീഫ് മിനിസ്റ്റേഴ്സ് സ്വർണ്ണക്കപ്പ് സമ്മാനിക്കും. കായിക കേരളത്തിന്റെ ആവേശവും സംസ്കാരവും പ്രതിഫലിക്കുന്ന രീതിയിലാണ് സ്വർണ്ണക്കപ്പ് രൂപകൽപ്പന ചെയ്തിരിക്കുന്നത്. പഴവങ്ങാടിയിൽ നിന്ന് ആരംഭിച്ച സ്വർണ്ണക്കപ്പിൻ്റെ ഘോഷയാത്രയിൽ മന്ത്രിമാരായ വി.ശിവൻകുട്ടിയും, മുഹമദ് റിയാസും പങ്കെടുത്തു.
അണ്ടർ 19 ട്വന്റി 20 ചാമ്പ്യൻഷിപ്പിൽ ഛത്തീസ്ഗഢിനെ തകർത്ത് കേരളത്തിന് ആദ്യ വിജയം
വുമൺസ് അണ്ടർ 19 ട്വന്റി 20 ചാമ്പ്യൻഷിപ്പിൽ ഛത്തീസ്ഗഢിനെ ഏഴ് വിക്കറ്റിന് തകർത്ത് കേരളം ആദ്യ വിജയം നേടി. ആദ്യം ബാറ്റ് ചെയ്ത ഛത്തീസ്ഗഢ് 18 ഓവറിൽ 81 റൺസെടുത്തു. മഴയെ തുടർന്ന് കേരളത്തിന്റെ വിജയലക്ഷ്യം 12 ഓവറിൽ 65 റൺസായി പുനർനിശ്ചയിച്ചു, നാല് പന്തുകൾ ബാക്കിനിൽക്കെ കേരളം ലക്ഷ്യത്തിലെത്തി.
കാലിൽ സ്പൈക്ക് ഊരിപ്പോയിട്ടും തളരാതെ എഞ്ചൽ റോസ്; സ്വർണത്തേക്കാൾ വിലമതിക്കുന്ന വെങ്കലം
കണ്ണൂരിൽ നടന്ന കായികമേളയിൽ 800 മീറ്റർ മത്സരത്തിനിടെ എഞ്ചൽ റോസ് എന്ന വിദ്യാർത്ഥിനിയുടെ കാലിൽ നിന്ന് സ്പൈക്ക് ഊരിപ്പോയിരുന്നു. എന്നിട്ടും തളരാതെ ഒറ്റക്കാലിൽ കുതിച്ച് ഫിനിഷിങ് പോയിന്റിലെത്തി സ്വർണത്തേക്കാൾ വിലമതിക്കുന്ന വെങ്കലം അവൾ സ്വന്തമാക്കി. പകുതിക്ക് വെച്ച് പിന്മാറാതെ ലക്ഷ്യത്തിലേക്ക് കുതിക്കാനുള്ള ദൃഢനിശ്ചയത്തിൻ്റെ ഉദാഹരണമായി എഞ്ചലിൻ്റെ വിജയം.