Kerala Police
പൊലീസ് മർദനമുണ്ടായാൽ കർശന നടപടിയെന്ന് ഡിജിപി റവാഡ ചന്ദ്രശേഖർ
പൊലീസ് മർദനമുണ്ടായാൽ കർശന നടപടിയുണ്ടാകുമെന്ന് സംസ്ഥാന പൊലീസ് മേധാവി റവാഡ ചന്ദ്രശേഖർ വ്യക്തമാക്കി. എല്ലാ പൊലീസ് സ്റ്റേഷനുകളിലും സിസിടിവികൾ പ്രവർത്തിക്കണമെന്നും, കേടായവ ഉടൻ തന്നെ റിപ്പയർ ചെയ്യണമെന്നും അദ്ദേഹം നിർദ്ദേശിച്ചു. കേരളാ പൊലീസ് നല്ല രീതിയിൽ പ്രവർത്തിക്കുന്ന സേനയാണെന്നും, അച്ചടക്കം ഉറപ്പാക്കി മുന്നോട്ട് പോകുന്നുണ്ടെന്നും ഡിജിപി കൂട്ടിച്ചേർത്തു.
കെ ജെ ഷൈൻ അപകീർത്തി കേസ്: മെറ്റ വിവരങ്ങൾ കൈമാറിയെന്ന് പൊലീസ്
സിപിഐഎം നേതാവ് കെ ജെ ഷൈൻ നൽകിയ അപകീർത്തി കേസിൽ മെറ്റ, പൊലീസിന് വിവരങ്ങൾ കൈമാറി. 13 ലിങ്കുകളാണ് പൊലീസ് മെറ്റയ്ക്ക് കൈമാറിയത്. ഇതിൽ 5 ലിങ്കുകളുടെ വിവരങ്ങൾ മെറ്റ അന്വേഷണ സംഘത്തിന് നൽകി. മെറ്റ നൽകിയ വിവരങ്ങൾ പരിശോധിച്ച് കൂടുതൽ പേരെ ചോദ്യം ചെയ്ത് പ്രതി ചേർക്കാനാണ് അന്വേഷണ സംഘത്തിന്റെ തീരുമാനം.
താമരശ്ശേരിയിൽ മദ്യലഹരിയിൽ യുവാക്കളുടെ ആക്രമണം; രണ്ടുപേർക്ക് പരിക്ക്
താമരശ്ശേരിയിൽ മദ്യലഹരിയിൽ യുവാക്കൾ നടത്തിയ ആക്രമണത്തിൽ രണ്ടുപേർക്ക് പരുക്കേറ്റു. അടിവാരത്തെ ചുമട്ടുതൊഴിലാളി ബാബുവിനും, അടിവാരം സ്വദേശി ഫസലിനുമാണ് പരുക്കേറ്റത്. സംഭവത്തിൽ പൂവിലേരി ഷഫ്നാസ്, ടി കെ ഷമീർ എന്നിവരെ പൊലീസ് കസ്റ്റഡിയിൽ എടുത്തിട്ടുണ്ട്.
കൊല്ലം കടയ്ക്കലിൽ തെളിവെടുപ്പിനിടെ മോഷ്ടാക്കൾ പൊലീസ് കസ്റ്റഡിയിൽ നിന്ന് രക്ഷപ്പെട്ടു
കൊല്ലം കടയ്ക്കലിൽ തെളിവെടുപ്പിനിടെ മോഷണക്കേസ് പ്രതികൾ പൊലീസ് കസ്റ്റഡിയിൽ നിന്ന് രക്ഷപ്പെട്ടു. കൈവിലങ്ങുകളോടെയാണ് പ്രതികൾ പൊലീസിനെ കബളിപ്പിച്ച് ഓടിപ്പോയത്. പാലോട് പൊലീസ് സ്റ്റേഷനിലെ മോഷണക്കേസ് പ്രതികളായ സൈതലവി, അയ്യൂബ് ഖാൻ എന്നിവരാണ് രക്ഷപ്പെട്ടത്.
കാസർകോട്: ട്രെയിനിൽ ലാപ്ടോപ് മോഷ്ടിച്ച പ്രതി പിടിയിൽ
കാസർകോട് റെയിൽവേ സ്റ്റേഷനിൽ ട്രെയിനിൽ യാത്ര ചെയ്യുകയായിരുന്ന വിദ്യാർത്ഥിയുടെ ലാപ്ടോപ് അടങ്ങിയ ബാഗ് മോഷണം പോയ സംഭവത്തിൽ പ്രതിയെ പോലീസ് അറസ്റ്റ് ചെയ്തു. കുന്നംകുളം സ്വദേശി സഭീഷ് (42) ആണ് പിടിയിലായത്. മംഗളൂരുവിൽ വെച്ചാണ് ഇയാളെ പോലീസ് പിടികൂടിയത്.
കൊട്ടിയത്ത് വാഹനമോഷണക്കേസിൽ 18കാരൻ പിടിയിൽ
കൊട്ടിയത്ത് വാഹനമോഷണക്കേസിൽ 18 വയസ്സുകാരനായ പ്രതിയെ പോലീസ് അറസ്റ്റ് ചെയ്തു. മേവറത്തെ സ്വകാര്യ മെഡിക്കൽ കോളേജിന്റെ പാർക്കിംഗ് സ്ഥലത്ത് നിന്ന് മോഷണം പോയ ഇരുചക്രവാഹനവുമായി ബന്ധപ്പെട്ട അന്വേഷണത്തിലാണ് അറസ്റ്റ് നടന്നത്. കൊട്ടിയം, കണ്ണനല്ലൂർ, ചവറ സ്റ്റേഷനുകളിൽ ഇയാൾക്കെതിരെ നിരവധി കേസുകളുണ്ട്.
ഭൂട്ടാൻ വാഹനക്കടത്ത് കേസ്: കേരള പൊലീസിന്റെ സഹായം തേടി കസ്റ്റംസ്
ഭൂട്ടാൻ വാഹനക്കടത്ത് കേസിൽ കസ്റ്റംസ് കേരള പൊലീസിൻ്റെ സഹായം തേടി. ഇതുമായി ബന്ധപ്പെട്ട് കസ്റ്റംസ് പ്രിവന്റീവ് വിഭാഗം കമ്മീഷണർ ക്രമസമാധാന ചുമതലയുള്ള എ.ഡി.ജി.പിക്ക് കത്ത് നൽകി. കത്തിൽ വാഹനങ്ങളുടെ നമ്പറുകൾ ഉൾപ്പെടെയുള്ള വിവരങ്ങൾ കൈമാറിയിട്ടുണ്ട്.
ഭൂട്ടാൻ വാഹനക്കടത്ത്: കേരള പൊലീസിൻ്റെ സഹായം തേടി കസ്റ്റംസ്
ഭൂട്ടാനിൽ നിന്നുള്ള വാഹനക്കടത്ത് കേസിൽ കേരള പൊലീസിൻ്റെ സഹായം തേടി കസ്റ്റംസ്. കസ്റ്റംസ് പ്രിവന്റീവ് വിഭാഗം കമ്മീഷണർ ക്രമസമാധാന ചുമതലയുള്ള എഡിജിപിക്ക് കത്ത് നൽകി. സംസ്ഥാനത്ത് മാത്രം നികുതി വെട്ടിച്ച് എത്തിച്ചത് 150 ലേറെ കാറുകളെന്നാണ് കസ്റ്റംസ് കണ്ടെത്തൽ.
കാക്കനാട് സഖി കേന്ദ്രത്തിൽ നിന്ന് ചാടിപ്പോയ നൈജീരിയൻ യുവതികൾക്കായി തിരച്ചിൽ ഊർജ്ജിതമാക്കി പോലീസ്
കൊച്ചി കാക്കനാട്ടെ സഖി കെയർ സെന്ററിൽ നിന്ന് ചാടിപ്പോയ നൈജീരിയൻ യുവതികൾക്കായി പോലീസ് തിരച്ചിൽ ശക്തമാക്കി. തൃക്കാക്കര എ.സി.പി.യുടെ നേതൃത്വത്തിൽ പ്രത്യേക സംഘം രൂപീകരിച്ചാണ് അന്വേഷണം നടക്കുന്നത്. മാർച്ച് 20-ന് വിസ കാലാവധി കഴിഞ്ഞ യുവതികൾ വ്യാജരേഖകൾ ചമച്ച് അനധികൃതമായി ഇന്ത്യയിൽ താമസിക്കുകയായിരുന്നു.
കെ ജെ ഷൈൻ ടീച്ചർക്കെതിരായ അപവാദ പ്രചരണം: കെ എം ഷാജഹാന് ജാമ്യം
കെ ജെ ഷൈൻ ടീച്ചർക്കെതിരെ അപവാദ പ്രചരണം നടത്തിയ കേസിൽ അറസ്റ്റിലായ കെ എം ഷാജഹാനെ എറണാകുളം സി ജെ എം കോടതി ജാമ്യത്തിൽ വിട്ടു. കർശന ഉപാധികളോടെയാണ് കോടതി ജാമ്യം അനുവദിച്ചത്. 25,000 രൂപയുടെ ബോണ്ടും രണ്ട് ആൾ ജാമ്യത്തിലുമാണ് ജാമ്യം അനുവദിച്ചത്.
കുവൈറ്റ് ബാങ്ക് തട്ടിപ്പ്: ക്രൈംബ്രാഞ്ച് അന്വേഷണത്തിന് സാധ്യത
കുവൈറ്റിലെ ബാങ്കുകളിൽ നിന്ന് വൻ തുക വായ്പയെടുത്ത ശേഷം തിരിച്ചടയ്ക്കാതെ രാജ്യം വിട്ട സംഭവത്തിൽ കേരള ക്രൈംബ്രാഞ്ച് അന്വേഷണം ആരംഭിച്ചേക്കും. തട്ടിപ്പ് നടത്തിയ മലയാളികൾ ഉൾപ്പെടെയുള്ളവർ മറ്റ് രാജ്യങ്ങളിലേക്ക് കടന്നതായാണ് പൊലീസിന്റെ നിഗമനം. കോട്ടയത്തും എറണാകുളത്തുമായി 12 കേസുകളാണ് ഇതുവരെ രജിസ്റ്റർ ചെയ്തിട്ടുള്ളത്.
ശബരിമല സംരക്ഷണ സംഗമം: ജനപങ്കാളിത്തം കണക്കാക്കുന്നതിൽ പോലീസിന് വീഴ്ച; എസ്.പി മെമ്മോ നൽകി
പന്തളത്ത് നടന്ന ശബരിമല സംരക്ഷണ സംഗമത്തിലെ ജനപങ്കാളിത്തം കണക്കാക്കുന്നതിൽ പോലീസിന് വീഴ്ച സംഭവിച്ചെന്ന് കണ്ടെത്തൽ. ഇതിന്റെ അടിസ്ഥാനത്തിൽ പത്തനംതിട്ട എസ്.പി., ലോക്കൽ, സ്പെഷ്യൽ ബ്രാഞ്ച് ഉദ്യോഗസ്ഥർക്ക് മെമ്മോ നൽകി. ആഭ്യന്തരവകുപ്പ് സംഭവത്തിൽ റിപ്പോർട്ട് തേടിയിട്ടുണ്ട്.