Kerala Police
നടി റിനിക്കെതിരായ സൈബർ ആക്രമണം; കർശന നടപടിക്ക് ഡി.ജി.പി
നടി റിനി ആൻ ജോർജിനെ സാമൂഹ്യമാധ്യമങ്ങളിൽ അധിക്ഷേപിച്ച കേസിൽ കർശന നടപടിയെടുക്കാൻ ഡി.ജി.പി നിർദ്ദേശം നൽകി. രാഹുൽ ഈശ്വർ, ഷാജൻ സ്കറിയ, ക്രൈം നന്ദകുമാർ എന്നിവർക്കെതിരെ കേസ് രജിസ്റ്റർ ചെയ്യാൻ സാധ്യത. രാഹുൽ മാങ്കുട്ടത്തിലിനെതിരെ വെളിപ്പെടുത്തൽ നടത്തിയതിന് പിന്നാലെ റിനിക്കെതിരെ സൈബർ ആക്രമണം ശക്തമായിരുന്നു.
കിളിമാനൂരിൽ വയോധികനെ ഇടിച്ചുകൊന്നത് പൊലീസ് ഉദ്യോഗസ്ഥൻ; എസ്എച്ച്ഒയുടെ കാർ കസ്റ്റഡിയിൽ
തിരുവനന്തപുരം കിളിമാനൂരിൽ വയോധികനെ ഇടിച്ചു കൊലപ്പെടുത്തിയ കേസിൽ വഴിത്തിരിവ്. അപകടം നടന്ന വാഹനം ഓടിച്ചിരുന്നത് പൊലീസ് ഉദ്യോഗസ്ഥൻ തന്നെയെന്ന് കണ്ടെത്തൽ. പാറശാല എസ്എച്ച്ഒ പി. അനിൽ കുമാറിനെതിരെ വകുപ്പുതല നടപടിയുണ്ടാകും.
കെഎസ്യു പ്രവർത്തകരെ മുഖം മൂടി ധരിപ്പിച്ച് കോടതിയിൽ ഹാജരാക്കിയ സംഭവം: പ്രതിഷേധം കനക്കുന്നു
കെ.എസ്.യു പ്രവർത്തകരെ വിലങ്ങണിയിച്ച് മുഖം മൂടി ധരിപ്പിച്ച് കോടതിയിൽ ഹാജരാക്കിയ സംഭവത്തിൽ വടക്കാഞ്ചേരി പൊലീസിനെതിരെ പ്രതിഷേധം ശക്തമാകുന്നു. പ്രതിഷേധം ശക്തമായതോടെ പൊലീസ് ജലപീരങ്കിയും കണ്ണീർവാതകവും പ്രയോഗിച്ചു. തിങ്കളാഴ്ച എസ്.എച്ച്.ഒ ഷാജഹാൻ നേരിട്ട് കോടതിയിൽ ഹാജരാകണമെന്ന് ആവശ്യപ്പെട്ട് കോടതി കാരണം കാണിക്കൽ നോട്ടീസ് അയച്ചു.
നാദാപുരം പഞ്ചായത്ത് സെക്രട്ടറിയെ ഭീഷണിപ്പെടുത്തിയ കേസിൽ യു.ഡി.എഫ് നേതാക്കൾക്കെതിരെ കേസ്
നാദാപുരം പഞ്ചായത്ത് സെക്രട്ടറിയെയും ജീവനക്കാരെയും ഭീഷണിപ്പെടുത്തിയ സംഭവത്തിൽ യു.ഡി.എഫ് നേതാക്കൾക്കെതിരെ പൊലീസ് കേസെടുത്തു. കണ്ടാൽ അറിയാവുന്ന 20 ഓളം യു.ഡി.എഫ് പ്രവർത്തകർക്കെതിരെയാണ് നാദാപുരം പൊലീസ് ജാമ്യമില്ലാ വകുപ്പ് പ്രകാരം കേസ് രജിസ്റ്റർ ചെയ്തിരിക്കുന്നത്. പഞ്ചായത്ത് സെക്രട്ടറി പി.സി. രമേശൻ നൽകിയ പരാതിയിലാണ് കേസ് രജിസ്റ്റർ ചെയ്തത്.
വാട്സ്ആപ്പ് ഹാക്കിംഗ്: ജാഗ്രതാ നിർദ്ദേശവുമായി കേരള പോലീസ്
വാട്സ്ആപ്പ് അക്കൗണ്ടുകൾ ഹാക്ക് ചെയ്ത് വ്യാജ അക്കൗണ്ടുകൾ ഉപയോഗിച്ചുള്ള തട്ടിപ്പുകൾക്കെതിരെ കേരള പോലീസ് മുന്നറിയിപ്പ് നൽകി. 2-Step Verification ഉപയോഗിക്കാത്തവരുടെ അക്കൗണ്ടുകൾ ഹാക്ക് ചെയ്യപ്പെടാൻ സാധ്യത കൂടുതലാണ്. തട്ടിപ്പുകാർ സുഹൃത്തുക്കളോടും ബന്ധുക്കളോടും പണം ആവശ്യപ്പെട്ട് സാമ്പത്തിക തട്ടിപ്പ് നടത്താൻ സാധ്യതയുണ്ട്.
മുഖംമൂടി ധരിപ്പിച്ച സംഭവം: വടക്കാഞ്ചേരിയിൽ കെഎസ് യു മാർച്ച്; സംഘർഷം, ജലപീരങ്കിയും കണ്ണീർവാതകവും
കെ.എസ്.യു. നേതാക്കളെ മുഖംമൂടി ധരിപ്പിച്ച് കോടതിയിൽ ഹാജരാക്കിയ സംഭവത്തിൽ പ്രതിഷേധിച്ച് വടക്കാഞ്ചേരി പൊലീസ് സ്റ്റേഷനിലേക്ക് നടത്തിയ മാർച്ചിൽ സംഘർഷം. ബാരിക്കേഡ് മറികടക്കാൻ ശ്രമിച്ച പ്രവർത്തകർക്ക് നേരെ പോലീസ് ജലപീരങ്കിയും കണ്ണീർ വാതകവും പ്രയോഗിച്ചു. എസ്.എച്ച്.ഒ. ഷാജഹാനെതിരെ നടപടി ആവശ്യപ്പെട്ടായിരുന്നു പ്രതിഷേധം.
ഷെയർ മാർക്കറ്റിൽ ലാഭം വാഗ്ദാനം ചെയ്ത് 1.5 കോടി തട്ടി; പോലീസ് ഉദ്യോഗസ്ഥനെതിരെ കേസ്
ഷെയർ മാർക്കറ്റിൽ ലാഭം വാഗ്ദാനം ചെയ്ത് ഒരു പോലീസ് ഉദ്യോഗസ്ഥൻ ഒന്നര കോടി രൂപ തട്ടിയെടുത്തതായി പരാതി. തിരുവനന്തപുരം ബാലരാമപുരം സ്വദേശിയായ സി.പി.ഒ രവിശങ്കറിനെതിരെയാണ് പരാതി നൽകിയിരിക്കുന്നത്. ഭരതന്നൂർ സ്വദേശി വിജയൻ പിള്ളയും സഹോദരൻ മുരളീധരനും ചേർന്നാണ് പരാതി നൽകിയിരിക്കുന്നത്.
ആസീമിന്റെ മരണം: ദുരൂഹതയില്ലെന്ന് പൊലീസ്
കോഴിക്കോട് വെള്ളയിൽ സ്വദേശി ആസീമിന്റെ മരണത്തിൽ ദുരൂഹതയില്ലെന്ന് പൊലീസ്. തലയിലെ ആന്തരിക രക്തസ്രാവമാണ് മരണകാരണമെന്ന് പോസ്റ്റുമോർട്ടം റിപ്പോർട്ട്. ബന്ധുക്കളുടെ പരാതിയെ തുടർന്ന് മൃതദേഹം പുറത്തെടുത്ത് നടത്തിയ പോസ്റ്റ്മോർട്ടത്തിലാണ് കണ്ടെത്തൽ.
കേരള പോലീസ് പാർട്ടിക്ക് വേണ്ടി പ്രവർത്തിക്കുന്നു; ദാസ്യവേല അവസാനിപ്പിക്കണമെന്ന് ചെന്നിത്തല
കേരള പോലീസ് പാർട്ടി പറയുന്നത് അനുസരിച്ചാണ് പ്രവർത്തിക്കുന്നതെന്ന് രമേശ് ചെന്നിത്തല ആരോപിച്ചു. കസ്റ്റഡി മർദ്ദനങ്ങളിൽ കർശന നടപടിയുണ്ടാകുമെന്ന് റവാഡ ചന്ദ്രശേഖർ അറിയിച്ചു. പൊതുജനങ്ങളോടുള്ള പെരുമാറ്റത്തിൽ പൊലീസുകാർക്ക് കർശന നിർദ്ദേശങ്ങൾ നൽകുമെന്നും അദ്ദേഹം വ്യക്തമാക്കി.
വിജിലിന്റെ കൊലപാതകത്തിൽ വഴിത്തിരിവ്; സുഹൃത്തുക്കൾ കുഴിച്ചിട്ട ഷൂ കണ്ടെത്തി
കോഴിക്കോട് വെസ്റ്റ് ഹിൽ ചുങ്കം സ്വദേശി വിജിലിന്റെ കൊലപാതകത്തിൽ നിർണായക വഴിത്തിരിവ്. സരോവരം പാർക്കിന് സമീപമുള്ള ചതുപ്പിൽ നടത്തിയ തെരച്ചിലിലാണ് വിജിലിന്റെ ഷൂ സുഹൃത്തുക്കൾ കുഴിച്ചിട്ട നിലയിൽ കണ്ടെത്തിയത്. ലഹരി ഉപയോഗത്തിനിടെ വിജിൽ മരിച്ചെന്നും പിന്നീട് മൃതദേഹം സരോവരത്ത് ചതുപ്പിൽ കെട്ടിത്താഴ്ത്തിയെന്നുമാണ് പ്രതികൾ മൊഴി നൽകിയിരിക്കുന്നത്.
കസ്റ്റഡി മർദ്ദനം: കർശന നടപടിയെന്ന് ഡിജിപി റവാഡ ചന്ദ്രശേഖർ
പോലീസ് കസ്റ്റഡിയിലെ മർദ്ദനങ്ങളെ ഗൗരവമായി കാണുന്നുവെന്നും കർശന നടപടികൾ ഉണ്ടാകുമെന്നും സംസ്ഥാന പോലീസ് മേധാവി റവാഡ ചന്ദ്രശേഖർ അറിയിച്ചു. നിലവിലെ സാഹചര്യത്തിൽ ഉന്നത ഉദ്യോഗസ്ഥരുടെ യോഗം വിളിക്കുമെന്നും പോലീസ് സേനയെ തിരുത്തി മുന്നോട്ട് പോകുമെന്നും അദ്ദേഹം വ്യക്തമാക്കി. കുന്നംകുളം, പീച്ചി കസ്റ്റഡി മർദ്ദനങ്ങളെക്കുറിച്ച് പ്രതികരിക്കുകയായിരുന്നു അദ്ദേഹം.
ചങ്ങരംകുളത്ത് കാർ യാത്രക്കാരെ മർദിച്ച കേസിൽ കോൺഗ്രസ് അനുഭാവി അറസ്റ്റിൽ
മലപ്പുറം ചങ്ങരംകുളത്ത് കാർ യാത്രക്കാരെ കോൺഗ്രസ് അനുഭാവി മർദിച്ച സംഭവം വിവാദമാകുന്നു. വാഹനത്തിന് സൈഡ് കൊടുക്കാത്തതിനെ തുടർന്നുള്ള തർക്കമാണ് അക്രമത്തിൽ കലാശിച്ചത്. അറസ്റ്റിലായ പ്രതിയെ സ്റ്റേഷൻ ജാമ്യത്തിൽ വിട്ടയച്ചു.