Kerala Police
ശബരിമല സ്വര്ണക്കൊള്ള: സന്നിധാനത്ത് പ്രത്യേക അന്വേഷണ സംഘത്തിന്റെ മിന്നല് പരിശോധന
ശബരിമലയിലെ സ്വർണക്കൊള്ളയുമായി ബന്ധപ്പെട്ട് ഉണ്ണികൃഷ്ണൻ പോറ്റിയെ SIT ചോദ്യം ചെയ്യുകയാണ്. ഇതിന്റെ ഭാഗമായി സന്നിധാനത്ത് പ്രത്യേക അന്വേഷണ സംഘം പരിശോധന നടത്തുന്നു. ദേവസ്വം എക്സിക്യൂട്ടീവ് ഓഫീസറുടെ മുറിയിൽ ഫയലുകൾ പരിശോധിച്ചു വരികയാണ്.
കൊടുവള്ളിയിൽ ക്ഷേത്രത്തിൽ കവർച്ച നടത്തിയ പ്രതി പിടിയിൽ
കൊടുവള്ളി വാവാട് തെയ്യത്തിൻ കാവ് ഭഗവതി ക്ഷേത്രത്തിൽ കവർച്ച നടത്തിയ വയനാട് സ്വദേശി അറസ്റ്റിലായി. ക്ഷേത്രത്തിലെ ഓഫീസിൽ സൂക്ഷിച്ചിരുന്ന 20,000 രൂപയും 10 ഗ്രാം സ്വർണവും പ്രതി കവർന്നു. വയനാട്ടിൽ നടന്ന മറ്റൊരു കേസിൽ പിടിയിലായ ഇയാൾ ചോദ്യം ചെയ്യലിലാണ് കുറ്റം സമ്മതിച്ചത്.
ആലപ്പുഴയിൽ വനിതാ കൗൺസിലർ നിയമനം: അപേക്ഷകൾ ഒക്ടോബർ 23-ന് മുൻപ്
ആലപ്പുഴ ജില്ലയിലെ പൊലീസ് സബ് ഡിവിഷണൽ ഓഫീസുകളിൽ വനിതാ കൗൺസിലർമാരെ നിയമിക്കുന്നു. താൽക്കാലിക നിയമനത്തിന് മൂന്ന് ഒഴിവുകളാണുള്ളത്. അപേക്ഷകൾ ഒക്ടോബർ 23-ന് വൈകുന്നേരം അഞ്ച് മണിക്കകം സമർപ്പിക്കണം.
മുല്ലപ്പെരിയാർ അണക്കെട്ട് തകർക്കുമെന്ന ഭീഷണിക്കേസിൽ അന്വേഷണം ഊർജ്ജിതമാക്കി പോലീസ്
മുല്ലപ്പെരിയാർ അണക്കെട്ട് ബോംബ് സ്ഫോടനത്തിലൂടെ തകർക്കുമെന്ന വ്യാജ ഇമെയിൽ സന്ദേശത്തിന്റെ ഉറവിടം കണ്ടെത്താൻ പോലീസ് അന്വേഷണം ആരംഭിച്ചു. തൃശൂർ ജില്ലാ കോടതിയുടെ മെയിൽ ഐഡിയിലേക്കാണ് ഭീഷണി സന്ദേശം എത്തിയത്. മുല്ലപ്പെരിയാർ ഡിവൈഎസ്പിയുടെ നേതൃത്വത്തിലുള്ള എട്ടംഗ സംഘത്തെയാണ് ജില്ലാ പൊലീസ് മേധാവി ഇതിനായി നിയോഗിച്ചിരിക്കുന്നത്.
പേരാമ്പ്ര സംഘർഷം: പൊലീസുകാർക്ക് നേരെ സ്ഫോടകവസ്തു എറിഞ്ഞ കേസിൽ യുഡിഎഫ് പ്രവർത്തകർക്കെതിരെ എഫ്ഐആർ
കോഴിക്കോട് പേരാമ്പ്രയിൽ സംഘർഷത്തിനിടെ പൊലീസുകാർക്ക് നേരെ സ്ഫോടകവസ്തു എറിഞ്ഞ സംഭവത്തിൽ യുഡിഎഫ് പ്രവർത്തകർക്കെതിരെ പേരാമ്പ്ര പൊലീസ് പുതിയ എഫ്ഐആർ രജിസ്റ്റർ ചെയ്തു. ഏകദേശം 700 ഓളം ആളുകളെ പൊലീസ് തടഞ്ഞു വെച്ചിരുന്നു, അവരിൽ ഒരാൾ പൊലീസ് ഉദ്യോഗസ്ഥരുടെ ജീവൻ അപായപ്പെടുത്താനും കൃത്യനിർവഹണം തടസ്സപ്പെടുത്താനും ഉദ്ദേശിച്ച് സ്ഫോടക വസ്തു എറിഞ്ഞു. സ്ഫോടക വസ്തു നിരോധന നിയമപ്രകാരമാണ് കേസ് രജിസ്റ്റർ ചെയ്തിരിക്കുന്നത്.
ബാലുശ്ശേരിയിൽ അതിഥി തൊഴിലാളി കൊലക്കേസിൽ 2 പേർ കൂടി അറസ്റ്റിൽ
കോഴിക്കോട് ബാലുശ്ശേരിയിൽ അതിഥി തൊഴിലാളിയെ കൊലപ്പെടുത്തിയ കേസിൽ രണ്ട് പേർ കൂടി അറസ്റ്റിലായി. ജാർഖണ്ഡ് സ്വദേശി പരമേശ്വറിനൊപ്പം താമസിക്കുന്ന സുനിൽ ഒറോൺ, ഘനശ്യാം ഓറോൺ എന്നിവരെയാണ് പോലീസ് അറസ്റ്റ് ചെയ്തത്. വാക്കുതർക്കമാണ് കൊലപാതകത്തിലേക്ക് നയിച്ചതെന്ന് പോലീസ് പറഞ്ഞു.
ശബരിമല സ്വര്ണ്ണമോഷണം: സെക്രട്ടറിയേറ്റ് മാര്ച്ചില് യുവമോര്ച്ചയുടെ സംഘര്ഷം, പോലീസ് ജലപീരങ്കി പ്രയോഗിച്ചു
ശബരിമല ശില്പപാളിയിലെ സ്വര്ണമോഷണവുമായി ബന്ധപ്പെട്ട് യുവമോര്ച്ച നടത്തിയ സെക്രട്ടറിയേറ്റ് മാര്ച്ചില് സംഘര്ഷം ഉണ്ടായി. സെക്രട്ടറിയേറ്റ് വളപ്പിലേക്ക് ചാടിക്കടക്കാന് പ്രവര്ത്തകര് ശ്രമിച്ചതാണ് സംഘര്ഷത്തിന് തുടക്കമിട്ടത്. മാര്ച്ച് സംഘര്ഷത്തിലേക്ക് നീങ്ങിയതിനെ തുടര്ന്ന് പോലീസ് ജലപീരങ്കി പ്രയോഗിച്ചു.
ഭാര്യയുടെ നഗ്നചിത്രം വാട്സാപ്പിലിട്ടു; യുവാവ് അറസ്റ്റിൽ
ഭാര്യയുടെ നഗ്നചിത്രം വാട്സാപ്പിൽ പ്രൊഫൈൽ പിക്ച്ചറായി ഇട്ട യുവാവിനെ പെരുമ്പാവൂർ പൊലീസ് അറസ്റ്റ് ചെയ്തു. എറണാകുളം കളമശ്ശേരി സ്വദേശി 28 വയസുള്ള ഷാരൂഖ് ആണ് പിടിയിലായത്. ഭാര്യ നൽകിയ പരാതിയുടെ അടിസ്ഥാനത്തിൽ പെരുമ്പാവൂർ പൊലീസ് കേസെടുത്ത് അന്വേഷണം നടത്തി വരികയായിരുന്നു.
ഷാഫി പറമ്പിലിന് പൊലീസ് മർദ്ദനമേറ്റ സംഭവം; എം.വി ഗോവിന്ദന്റെ ന്യായീകരണത്തിനെതിരെ വിമർശനം, ദൃശ്യങ്ങൾ പുറത്ത്
ഷാഫി പറമ്പിലിന് ലാത്തിച്ചാർജ്ജിൽ പരിക്കേറ്റ സംഭവത്തിൽ സിപിഐഎം സംസ്ഥാന സെക്രട്ടറി എം.വി ഗോവിന്ദൻ്റെ പ്രതികരണം വിവാദമായി. സംഘർഷത്തിന് പോകുമ്പോൾ ഇത് പ്രതീക്ഷിക്കണമെന്നും അത് നേരിടാൻ തന്റേടം വേണമെന്നും ഗോവിന്ദൻ പറഞ്ഞു. അതേസമയം, ഷാഫി പറമ്പിലിന് മർദ്ദനമേറ്റതിൻ്റെ ദൃശ്യങ്ങൾ പുറത്തുവന്നിട്ടുണ്ട്. ഷാഫി പറമ്പിൽ കോഴിക്കോട് ബേബി മെമ്മോറിയൽ ആശുപത്രിയിൽ ചികിത്സയിലാണ്.
കോഴിക്കോട് മോഷണം നടത്തിയ ബംഗാൾ സ്വദേശിയെ ബംഗാളിൽ ചെന്ന് പിടികൂടി കേരളാ പൊലീസ്
കോഴിക്കോട് ചേവായൂരിൽ ഡോക്ടറുടെ വീട്ടിൽ മോഷണം നടത്തിയ പ്രതിയെ ബംഗാളിൽ ചെന്ന് പിടികൂടി. 45 പവനോളം സ്വർണ്ണാഭരണങ്ങളും 10,000 രൂപയുമാണ് ഇയാൾ മോഷ്ടിച്ചത്. വെസ്റ്റ് ബംഗാൾ സ്വദേശി തപസ് കുമാർ സാഹയാണ് അറസ്റ്റിലായത്.
എറണാകുളത്ത് ഭാര്യയെ ബ്ലേഡ് കൊണ്ട് വരഞ്ഞ് ഭർത്താവ്; പോലീസ് അന്വേഷണം ആരംഭിച്ചു
എറണാകുളത്ത് ഭർത്താവ് ഭാര്യയെ ബ്ലേഡ് കൊണ്ട് വരഞ്ഞ് ഗുരുതരമായി പരുക്കേൽപ്പിച്ചു. അല്ലപ്ര വേലൂരാംകുന്ന് വീട്ടിൽ സ്വാതിക്കാണ് പരുക്കേറ്റത്. സംഭവ ശേഷം പ്രതി അനൂപ് സ്വയം കൈത്തണ്ട മുറിച്ച് ജീവനൊടുക്കാൻ ശ്രമിച്ചു.
സൈനികനെ ആക്രമിച്ച കേസിൽ പ്രതി പിടിയിൽ
കൊല്ലത്ത് സൈനികനെ ആക്രമിച്ച ശേഷം ഒളിവിൽ പോയ പ്രതിയെ പോലീസ് അറസ്റ്റ് ചെയ്തു. മുൻ വൈരാഗ്യം കാരണമാണ് പ്രതി സൈനികനെ ആക്രമിച്ചത്. പോലീസ് പ്രതിക്കെതിരെ കൂടുതൽ അന്വേഷണം നടത്തും.