Kerala Olympics
സംസ്ഥാന സ്കൂൾ ഒളിമ്പിക്സിന് തിരുവനന്തപുരത്ത് ഗംഭീര തുടക്കം
സംസ്ഥാന സ്കൂൾ ഒളിമ്പിക്സിന് തിരുവനന്തപുരത്ത് തുടക്കമായി. മന്ത്രി കെ.എൻ ബാലഗോപാൽ കായികമേള ഉദ്ഘാടനം ചെയ്തു. എട്ട് ദിവസങ്ങളിലായി തലസ്ഥാനത്ത് കായിക മത്സരങ്ങൾ നടക്കും. ഈ വർഷത്തെ ഓവറോൾ ചാമ്പ്യൻമാർക്ക് മുഖ്യമന്ത്രിയുടെ പേരിലുള്ള സ്വർണക്കപ്പ് നൽകും.
സ്കൂൾ ഒളിമ്പിക്സിൽ സ്വർണ്ണക്കപ്പ്: മന്ത്രി വി. ശിവൻകുട്ടി പ്രഖ്യാപിച്ചു
2025-26 വർഷത്തിലെ കേരള സ്കൂൾ ഒളിമ്പിക്സിൽ ഏറ്റവും കൂടുതൽ പോയിന്റ് നേടുന്ന ജില്ലയ്ക്ക് മുഖ്യമന്ത്രിയുടെ സ്വർണ്ണക്കപ്പ് സമ്മാനിക്കുമെന്ന് മന്ത്രി വി. ശിവൻകുട്ടി അറിയിച്ചു. ഒക്ടോബർ 22 മുതൽ 28 വരെ തിരുവനന്തപുരത്ത് നടക്കുന്ന സ്കൂൾ ഒളിമ്പിക്സ് സംഘാടക സമിതി രൂപീകരണ യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കായികരംഗത്ത് ഒരു പുതിയ ദിശാബോധം നൽകുന്ന കായികമേളയായിരിക്കും ഇത്.
സ്കൂൾ ഒളിമ്പിക്സിന് സ്വർണ്ണക്കപ്പ് നൽകും; മുഖ്യമന്ത്രിയുടെ പേരിലുള്ള കപ്പ് ഏറ്റവും മുന്നിലെത്തുന്ന ജില്ലയ്ക്ക്
സംസ്ഥാന സ്കൂൾ ഒളിമ്പിക്സിന് ഇനി സ്വർണ്ണക്കപ്പ് നൽകും. മുഖ്യമന്ത്രിയുടെ പേരിലുള്ള സ്വർണ്ണക്കപ്പ് ഏറ്റവും കൂടുതൽ പോയിന്റ് നേടുന്ന ജില്ലയ്ക്ക് നൽകുമെന്ന് വിദ്യാഭ്യാസമന്ത്രി വി. ശിവൻകുട്ടി അറിയിച്ചു. കൂടാതെ, സ്കൂൾ ഉച്ചഭക്ഷണ പദ്ധതിയുടെ ഭാഗമായി എല്ലാ വിദ്യാർത്ഥികൾക്കും ഈ ഓണത്തിന് 4 കിലോഗ്രാം അരി നൽകാൻ തീരുമാനിച്ചിട്ടുണ്ട്. പ്രീ-പ്രൈമറി മുതൽ എട്ടാം ക്ലാസ് വരെയുള്ള 24,77,337 കുട്ടികൾക്ക് ഇതിന്റെ പ്രയോജനം ലഭിക്കും.