Kerala Nuns
മലയാളി കന്യാസ്ത്രീകളുടെ ജാമ്യം: എൻഐഎ കോടതിയെ സമീപിക്കാൻ നീക്കം
ഛത്തീസ്ഗഡിലെ ജയിലിൽ കഴിയുന്ന മലയാളി കന്യാസ്ത്രീകളുടെ ജാമ്യത്തിനായി ഹൈക്കോടതിയെ സമീപിക്കുന്നതിന് മുന്നോടിയായി എൻഐഎ കോടതിയെ സമീപിക്കാൻ നീക്കം. മുതിർന്ന അഭിഭാഷകന്റെ ഉപദേശത്തെ തുടർന്നാണ് ഈ നീക്കം നടത്തുന്നത്. ഹൈക്കോടതി നാളെയും മറ്റന്നാളും അവധിയായതിനാലും എൻഐഎ കോടതി നാളെ പ്രവർത്തിക്കുമെന്നതും പരിഗണിച്ചാണ് ഈ തീരുമാനം. കന്യാസ്ത്രീകൾക്കെതിരെ മൊഴി നൽകാൻ ബജ്റംഗ് ദൾ നേതാവ് നിർബന്ധിച്ചെന്നും 21-കാരിയായ ആദിവാസി യുവതി കമലേശ്വരി പ്രഥാൻ വെളിപ്പെടുത്തി.
കന്യാസ്ത്രീകളുടെ ജാമ്യത്തിൽ ഇടപെടാമെന്ന് അമിത് ഷാ; ഛത്തീസ്ഗഢ് സർക്കാരുമായി ചർച്ച നടത്തിയെന്ന് സൂചന
മതപരിവർത്തന കേസിൽ അറസ്റ്റിലായ മലയാളി കന്യാസ്ത്രീകൾക്ക് ജാമ്യം ലഭിക്കുന്നതിന് ആവശ്യമായ സഹായം നൽകുമെന്ന് കേന്ദ്ര ആഭ്യന്തര മന്ത്രി അമിത് ഷാ ഉറപ്പ് നൽകി. കന്യാസ്ത്രീകൾ നിരപരാധികളാണെന്ന് അമിത് ഷായ്ക്ക് ബോധ്യമുണ്ടെന്നും എൻ.കെ. പ്രേമചന്ദ്രൻ എംപി പ്രതികരിച്ചു. കേന്ദ്രസർക്കാർ ഈ വിഷയത്തിൽ നേരിട്ട് ഇടപെടുന്നത് കന്യാസ്ത്രീകൾക്ക് ജാമ്യം ലഭിക്കാൻ സഹായകമാവുമെന്നാണ് വിലയിരുത്തൽ.
കന്യാസ്ത്രീകളുടെ മോചനം: ഹൈക്കോടതിയെ സമീപിക്കാൻ തീരുമാനം
ഛത്തീസ്ഗഡിൽ അറസ്റ്റിലായ കന്യാസ്ത്രീകളുടെ മോചനത്തിനായി ഹൈക്കോടതിയെ സമീപിക്കാൻ തീരുമാനം. നിലവിലുള്ള അഭിഭാഷകനെ മാറ്റി മുതിർന്ന അഭിഭാഷകരെ കേസ് ഏൽപ്പിക്കാനും ധാരണയായി. നിയമനടപടികൾ സങ്കീർണ്ണമാകുമെന്നതിനാൽ ഹൈക്കോടതിയെ സമീപിക്കുമെന്ന് സന്യാസ സമൂഹവുമായി ബന്ധപ്പെട്ട കേന്ദ്രങ്ങൾ അറിയിച്ചു.
മലയാളി കന്യാസ്ത്രീകളുടെ അറസ്റ്റ്: ന്യായീകരണവുമായി ബജ്റംഗ്ദൾ
ഛത്തീസ്ഗഢിൽ മലയാളി കന്യാസ്ത്രീകളെ അറസ്റ്റ് ചെയ്ത സംഭവം വിവാദമായിരിക്കെ, അറസ്റ്റിനെ ന്യായീകരിച്ച് ബജറംഗ്ദൾ പ്രവർത്തകർ രംഗത്ത്. കന്യാസ്ത്രീകൾ നുണ പറഞ്ഞതിനാലാണ് അവരെ പോലീസിൽ ഏൽപ്പിച്ചതെന്ന് ബജറംഗ്ദൾ പ്രവർത്തകർ അവകാശപ്പെട്ടു. മലയാളി കന്യാസ്ത്രീകളെ തടവിലാക്കിയ സംഭവം വലിയ പ്രതിഷേധങ്ങൾക്ക് വഴി തെളിയിക്കുകയാണ്.
കന്യാസ്ത്രീകളെ അറസ്റ്റ് ചെയ്ത സംഭവം; ന്യായീകരിച്ച് ഛത്തീസ്ഗഡ് മുഖ്യമന്ത്രി
മലയാളി കന്യാസ്ത്രീകളെ അറസ്റ്റ് ചെയ്ത സംഭവം രാഷ്ട്രീയവൽക്കരിക്കുന്നത് ദൗർഭാഗ്യകരമാണെന്ന് ഛത്തീസ്ഗഡ് മുഖ്യമന്ത്രി വിഷ്ണു ദേവ് സായി. പെൺകുട്ടികളുടെ സുരക്ഷയുമായി ബന്ധപ്പെട്ട വിഷയമാണിതെന്നും അദ്ദേഹം കൂട്ടിച്ചേർത്തു. വിഷയത്തിൽ പ്രതിപക്ഷ എംപിമാർ ഇടപെടൽ ആവശ്യപ്പെട്ട് കത്തയച്ചതിന് പിന്നാലെയാണ് മുഖ്യമന്ത്രിയുടെ പ്രതികരണം. നിർബന്ധിത മതപരിവർത്തനം, മനുഷ്യക്കടത്ത് എന്നീ കുറ്റങ്ങളാണ് കന്യാസ്ത്രീകൾക്കെതിരെ ചുമത്തിയിരിക്കുന്നത്.
കന്യാസ്ത്രീകളുടെ അറസ്റ്റ്: ഭരണഘടനയെ ബന്ദിയാക്കിയെന്ന് ദീപിക
ഛത്തീസ്ഗഡിൽ മലയാളി കന്യാസ്ത്രീകളെ അറസ്റ്റ് ചെയ്ത സംഭവത്തിൽ കത്തോലിക്ക സഭയുടെ മുഖപത്രമായ ദീപികയുടെ വിമർശനം. കന്യാസ്ത്രീകളല്ല, മതേതര ഭരണഘടനയാണ് ബന്ദിയാക്കപ്പെട്ടതെന്ന് മുഖപ്രസംഗം. ബിജെപി അധികാരത്തിൽ വന്ന ശേഷം 4316 ആക്രമണങ്ങൾ നടന്നുവെന്നും എഡിറ്റോറിയൽ കുറ്റപ്പെടുത്തുന്നു.