Kerala News
പീച്ചി സ്റ്റേഷൻ മർദ്ദനം: എസ്എച്ച്ഒ പി.എം. രതീഷിന് സസ്പെൻഷൻ
പീച്ചി പൊലീസ് സ്റ്റേഷനിലെ കസ്റ്റഡി മർദനവുമായി ബന്ധപ്പെട്ട് എസ്എച്ച്ഒ പി.എം. രതീഷിനെ സസ്പെൻഡ് ചെയ്തു. ദക്ഷിണ മേഖല ഐ.ജി.യാണ് നടപടി സ്വീകരിച്ചത്. 2023 മെയ് 24-ന് ഹോട്ടൽ മാനേജരെ മർദിച്ച സംഭവത്തിലാണ് നടപടി.
ഇഷ്ട നമ്പറിനായി ലക്ഷങ്ങൾ മുടക്കി ആന്റണി പെരുമ്പാവൂർ
വാഹനത്തിന് ഇഷ്ടപ്പെട്ട നമ്പര് സ്വന്തമാക്കുന്നതിന് ലക്ഷങ്ങള് മുടക്കി ആന്റണി പെരുമ്പാവൂര്. KL 07 DH 2255 എന്ന നമ്പറിനുവേണ്ടി എറണാകുളം ആര്ടി ഓഫീസില് നടന്ന ലേലത്തില് 3,20,000 രൂപയാണ് അദ്ദേഹം നല്കിയത്. മോഹന്ലാല് അടുത്തിടെ സ്വന്തമാക്കിയ കാരavanന്റെ നമ്പറും 2255 ആയിരുന്നു.
കൊല്ലം അഞ്ചൽ ഗവൺമെന്റ് ജവഹർ ഹൈസ്കൂളിലെ വിദ്യാർത്ഥികളിൽ മഞ്ഞപ്പിത്തം പടരുന്നു. രോഗം ബാധിച്ച കുട്ടിയുടെ രക്ഷിതാവിനും മഞ്ഞപ്പിത്തം സ്ഥിരീകരിച്ചു. സ്കൂളിൽ നൽകിയിരുന്നത് കിണറ്റിലെ വെള്ളമാണെന്ന് കുട്ടികൾ പറയുന്നു.
ആഗോള അയ്യപ്പ സംഗമം: 4,864 അപേക്ഷകൾ; ഹർജി അടിയന്തരമായി പരിഗണിക്കുമെന്ന് സുപ്രീം കോടതി
തിരുവിതാംകൂർ ദേവസ്വം ബോർഡ് പ്രസിഡന്റ് അറിയിച്ചത് പ്രകാരം ആഗോള അയ്യപ്പ സംഗമത്തിനായി 4,864 അപേക്ഷകൾ ലഭിച്ചു, ആദ്യമെത്തിയ 3000 അപേക്ഷകൾ അംഗീകരിക്കും. സംഗമം തടയണമെന്ന ഹർജിയിൽ സുപ്രീം കോടതി അടിയന്തരമായി വാദം കേൾക്കും. ശബരിമല ദ്വാരപാലക പാളികളിൽ സ്വർണ്ണം പൂശിയ റിപ്പോർട്ടിൽ ഹൈക്കോടതി അവ്യക്തത കണ്ടെത്തി.
തിരുവനന്തപുരം ജില്ലാ ജയിലിൽ റിമാൻഡ് പ്രതിക്ക് ക്രൂര മർദ്ദനം; ജീവൻ വെന്റിലേറ്ററിൽ
തിരുവനന്തപുരം ജില്ലാ ജയിലിൽ റിമാൻഡ് പ്രതി ക്രൂരമായി മർദ്ദിക്കപ്പെട്ടു. പേരൂർക്കട മാനസികാരോഗ്യ കേന്ദ്രത്തിലെ മുൻ ജീവനക്കാരൻ ബിജുവിനാണ് മർദ്ദനമേറ്റത്. ഗുരുതരാവസ്ഥയിലായ ഇയാളെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
സുരേഷ് ഗോപിക്കെതിരെ കേസെടുക്കില്ല:തൃശ്ശൂരിലെ വോട്ടർ പട്ടിക ക്രമക്കേടിൽ പോലീസ് റിപ്പോർട്ട്
തൃശ്ശൂരിലെ വോട്ടർ പട്ടിക ക്രമക്കേട് വിവാദത്തിൽ സുരേഷ് ഗോപിക്കെതിരെ കേസെടുക്കേണ്ടതില്ലെന്ന് പോലീസ്. മതിയായ തെളിവുകളോ രേഖകളോ ലഭ്യമല്ലെന്ന് ചൂണ്ടിക്കാട്ടിയാണ് പോലീസ് ഈ തീരുമാനമെടുത്തത്. ടി.എൻ പ്രതാപനാണ് ഇതുമായി ബന്ധപ്പെട്ട് പരാതി നൽകിയത്.ടി.എൻ. പ്രതാപന് കോടതിയെ സമീപിക്കാനുള്ള സാധ്യതകളുണ്ട്.
രാഹുൽ മാങ്കൂട്ടത്തിലിനെതിരായ കേസ്: യുവനടിയുടെ മൊഴിയിൽ തുടർനടപടിയുണ്ടാകില്ല
യുവനടി നൽകിയ മൊഴിയിൽ രാഹുൽ മാങ്കൂട്ടത്തിനെതിരെ കേസെടുക്കേണ്ടതില്ലെന്ന് അന്വേഷണസംഘം. നിയമനടപടികളുമായി മുന്നോട്ട് പോകാൻ യുവനടിക്ക് താല്പര്യമില്ല. യുവനടിയെ കേസിലെ സാക്ഷിയാക്കാനുള്ള നീക്കമാണ് ഇപ്പോൾ നടക്കുന്നത്.
തൈറോയ്ഡ് ശസ്ത്രക്രിയക്കിടെ വയർ കുടുങ്ങിയ സംഭവം നിയമസഭയിൽ ഉന്നയിക്കാൻ പ്രതിപക്ഷം
തിരുവനന്തപുരം ജനറൽ ആശുപത്രിയിൽ തൈറോയ്ഡ് ശസ്ത്രക്രിയക്കിടെ ഗൈഡ് വയർ നെഞ്ചിൽ കുടുങ്ങിയ സംഭവം നിയമസഭയിൽ ഉന്നയിക്കാൻ പ്രതിപക്ഷം. ആരോഗ്യവകുപ്പ് മന്ത്രി മറുപടി നൽകണമെന്ന് പ്രതിപക്ഷം ആവശ്യപ്പെടും. 2023ൽ നടന്ന ശസ്ത്രക്രിയയെ തുടർന്നാണ് സുമയ്യയുടെ നെഞ്ചിൽ ഗൈഡ് വയർ കുടുങ്ങിയത്.
കുന്നംകുളത്ത് ആംബുലൻസ് ഡ്രൈവർമാർ തമ്മിൽ സംഘർഷം; ഒരാൾക്ക് പരിക്ക്
കുന്നംകുളത്ത് ആംബുലൻസ് ഡ്രൈവർമാർ തമ്മിൽ സംഘർഷമുണ്ടായി. പാലപ്പെട്ടി അൽഫാസ ആംബുലൻസ് ഡ്രൈവർ അണ്ടത്തോട് വീട്ടിൽ ഹനീഫക്കാണ് പരിക്കേറ്റത്. അണ്ടത്തോട് മുസ്തഫ ചാരിറ്റബിൾ ട്രസ്റ്റ് ആംബുലൻസ് ഡ്രൈവർ നിസാറാണ് ആക്രമിച്ചതെന്ന് ഹനീഫ പറഞ്ഞു. കുന്നംകുളം പോലീസ് അന്വേഷണം ആരംഭിച്ചു.
തിരുവനന്തപുരം താലൂക്ക് സഹകരണ സംഘത്തിൽ വ്യാപക ക്രമക്കേട്; 1.25 കോടി രൂപയുടെ തിരിമറി കണ്ടെത്തി
തിരുവനന്തപുരം താലൂക്ക് കോ-ഓപ്പറേറ്റീവ് എംപ്ലോയീസ് സഹകരണ സംഘത്തിൽ കൂടുതൽ ക്രമക്കേടുകൾ കണ്ടെത്തി. രജിസ്ട്രാർ ജനറലിന്റെ അനുമതിയില്ലാതെ 1.25 കോടി രൂപ കല്ലിയൂർ സഹകരണ ബാങ്കിലേക്ക് മാറ്റിയതായി കണ്ടെത്തി. വാഹന വായ്പ നൽകിയതിൽ രേഖകൾ സൂക്ഷിച്ചിട്ടില്ലെന്നും, സ്റ്റാഫ് ഹൗസിങ് ലോണിൽ പരിധി ലംഘിച്ചെന്നും റിപ്പോർട്ടിൽ പറയുന്നു.
കെഎസ്ആർടിസിയിൽ പ്രൊഫഷണൽ ഗാനമേള ട്രൂപ്പ്; ജീവനക്കാരിൽ നിന്ന് അപേക്ഷ ക്ഷണിച്ചു
കെഎസ്ആർടിസി പ്രൊഫഷണൽ ഗാനമേള ട്രൂപ്പ് ആരംഭിക്കുന്നു. ഇതിലേക്ക് ജീവനക്കാരിൽ നിന്നും അവരുടെ കുടുംബാംഗങ്ങളിൽ നിന്നും അപേക്ഷകൾ ക്ഷണിച്ചു. ഗാനമേളയിൽ പാടാനും സംഗീതോപകരണങ്ങൾ വായിക്കാനും കഴിവുള്ളവർക്ക് ട്രൂപ്പിന്റെ ഭാഗമാകാം. 2025 മെയ് 25-ന് ഉച്ചയ്ക്ക് 2 മണിക്ക് മുൻപായി അപേക്ഷകൾ സമർപ്പിക്കണം.
മുഖംമൂടി വിവാദം: ഷാജഹാനെതിരെ മനുഷ്യാവകാശ കമ്മീഷന് പരാതി
കെ.എസ്.യു പ്രവർത്തകരെ മുഖംമൂടി ധരിപ്പിച്ച് കോടതിയിൽ ഹാജരാക്കിയ സംഭവത്തിൽ മനുഷ്യാവകാശ കമ്മീഷന് പരാതി. എസ്എച്ച്ഒ ഷാജഹാനെതിരെ നടപടി ആവശ്യപ്പെട്ട് കെ.എസ്.യു ജില്ലാ ജനറൽ സെക്രട്ടറി അഡ്വ. നിഹാൽ റഹ്മാനാണ് പരാതി നൽകിയത്. ദേശീയ മനുഷ്യാവകാശ കമ്മീഷനും സംസ്ഥാന മനുഷ്യാവകാശ കമ്മീഷനുമാണ് പരാതി നൽകിയിട്ടുള്ളത്.