Kerala News
മൂന്നാറിൽ ഹോട്ടൽ ഉടമയെ മരിച്ച നിലയിൽ കണ്ടെത്തി; വയനാട്ടിൽ യുവതി വെട്ടേറ്റ് മരിച്ചു
കൊച്ചിയിലെ ബാർ ഹോട്ടൽ ഉടമയെ മൂന്നാറിലെ ഹോട്ടലിൽ മരിച്ച നിലയിൽ കണ്ടെത്തി. കാക്കനാട് സ്വദേശി ജിനി ജോസഫിനെയാണ് (53) മരിച്ച നിലയിൽ കണ്ടെത്തിയത്. വയനാട് തിരുനെല്ലിയിൽ യുവതി വെട്ടേറ്റ് മരിച്ചു, തിരുനെല്ലി ചേകാടി വാകേരിയിൽ വാടകയ്ക്ക് താമസിക്കുന്ന എടയൂർ കുന്ന് സ്വദേശി പ്രവീണ (34) ആണ് മരിച്ചത്.
ഒമാനിൽ മലയാളി നഴ്സ് മാൻഹോളിൽ വീണ് മരിച്ചു
ഒമാനിലെ സലാലയിൽ മാൻഹോളിൽ വീണ് മലയാളി നഴ്സ് മരിച്ചു. കോട്ടയം പാമ്പാടി സ്വദേശി ലക്ഷ്മി വിജയകുമാർ (34) ആണ് മരിച്ചത്. മസ്യൂനയിൽ ആരോഗ്യ മന്ത്രാലയത്തിൽ നഴ്സായി ജോലി ചെയ്യുകയായിരുന്നു ലക്ഷ്മി. ജോലി കഴിഞ്ഞ് താമസസ്ഥലത്ത് എത്തിയ ശേഷം മാലിന്യം കളയാനായി പുറത്തേക്ക് പോയതായിരുന്നു ലക്ഷ്മി.
നിലമ്പൂർ ഉപതിരഞ്ഞെടുപ്പ്: ബിജെപിക്ക് ആശയക്കുഴപ്പം, തീരുമാനം വൈകും
നിലമ്പൂർ ഉപതിരഞ്ഞെടുപ്പിൽ മത്സരിക്കുന്ന കാര്യത്തിൽ ബിജെപി നേതൃത്വം ആശയക്കുഴപ്പത്തിൽ. സ്ഥാനാർത്ഥിയെ നിർത്തുന്നതിൽ സംസ്ഥാന നേതൃത്വത്തിന് താൽപര്യമില്ലെന്നാണ് സൂചന. ദേശീയ നേതൃത്വവുമായി ആലോചിച്ച ശേഷം അന്തിമ തീരുമാനമെടുക്കുമെന്ന് ബിജെപി അറിയിച്ചു.
നിലമ്പൂർ ഉപതിരഞ്ഞെടുപ്പ് ജൂൺ 19-ന്; വോട്ടെണ്ണൽ 23-ന്
നിലമ്പൂർ ഉപതിരഞ്ഞെടുപ്പ് ജൂൺ 19-ന് നടക്കും. തിരഞ്ഞെടുപ്പ് കമ്മീഷനാണ് തീയതി പ്രഖ്യാപിച്ചത്. വോട്ടെണ്ണൽ ജൂൺ 23-ന് നടക്കും. പി.വി. അൻവർ രാജിവെച്ചതിനെ തുടർന്നാണ് ഉപതിരഞ്ഞെടുപ്പ് വേണ്ടിവന്നത്.
ഇടുക്കി മലങ്കര ഡാം മുന്നറിയിപ്പില്ലാതെ തുറന്നു; ജാഗ്രതാ നിർദ്ദേശവുമായി ജില്ലാ ഭരണകൂടം
ഇടുക്കി ജില്ലയിലെ മലങ്കര ഡാമിന്റെ അഞ്ച് ഷട്ടറുകൾ മുന്നറിയിപ്പില്ലാതെ തുറന്നു. ജലനിരപ്പ് ക്രമീകരിക്കുന്നതിന്റെ ഭാഗമായാണ് ഷട്ടറുകൾ തുറന്നത്. തൊടുപുഴ, മൂവാറ്റുപുഴ ആറുകളുടെ തീരത്തുള്ളവർ ജാഗ്രത പാലിക്കണമെന്ന് ജില്ലാ ഭരണകൂടം നിർദ്ദേശം നൽകി.
ഷഹബാസ് കൊലപാതക കേസ്: കുറ്റപത്രം സമർപ്പിച്ചു; ആറ് വിദ്യാർത്ഥികൾ പ്രതികൾ
കോഴിക്കോട് താമരശ്ശേരി ഷഹബാസ് കൊലപാതക കേസിൽ പോലീസ് കുറ്റപത്രം സമർപ്പിച്ചു. ആറ് വിദ്യാർത്ഥികളെ പ്രതികളാക്കിയാണ് കുറ്റപത്രം സമർപ്പിച്ചത്. ജുവനൈൽ ജസ്റ്റിസ് ബോർഡ് മുമ്പാകെയാണ് കുറ്റപത്രം സമർപ്പിച്ചത്.
മണ്ണാർക്കാട് ബ്രൗൺ ഷുഗറുമായി അസം സ്വദേശി പിടിയിൽ; പത്തനംതിട്ടയിൽ 17കാരിയെ കൊലപ്പെടുത്തിയ കേസിൽ ആണ്സുഹൃത്തിന് ജീവപര്യന്തം
മണ്ണാർക്കാട് കുമരംപുത്തൂരിൽ 15 ഗ്രാം ബ്രൗൺ ഷുഗറും 10 ഗ്രാം കഞ്ചാവുമായി അസാം സ്വദേശി എക്സൈസിന്റെ പിടിയിലായി. ഇയാൾ വട്ടമ്പലത്ത് വാടകയ്ക്ക് താമസിക്കുകയായിരുന്നു. പത്തനംതിട്ടയിൽ 17 വയസ്സുകാരിയെ തീ കൊളുത്തിക്കൊന്ന കേസിൽ ആണ്സുഹൃത്തിന് ജീവപര്യന്തം തടവ് ലഭിച്ചു.
ഇഡി ഉദ്യോഗസ്ഥർ ചമഞ്ഞ് തട്ടിപ്പ്: ഒരാൾ അറസ്റ്റിൽ
ഇ.ഡി. ഉദ്യോഗസ്ഥർ ചമഞ്ഞ് പണം തട്ടിയ കേസിൽ ഒരാൾ അറസ്റ്റിലായി. കുന്നത്തുനാട് പൊലീസ് നടത്തിയ അന്വേഷണത്തിൽ ഇടക്കൊച്ചി സ്വദേശി അനന്തു കൃഷ്ണനാണ് പിടിയിലായത്. തട്ടിപ്പ് സംഘം സ്കൈപ്പ് വഴിയും ഫോൺ മുഖാന്തിരവും പരാതിക്കാരനുമായി ബന്ധപ്പെട്ട് പണം തട്ടുകയായിരുന്നു.
റാപ്പർ വേടന് പിന്തുണയുമായി സിപിഐഎം; വിമർശനം തുടരുമെന്ന് പ്രഖ്യാപനം
സംഘപരിവാർ ആക്രമണങ്ങൾക്കിടയിൽ റാപ്പർ വേടന് പിന്തുണയുമായി സിപിഐഎം രംഗത്ത്. നരേന്ദ്രമോദിയെ വിമർശിക്കാൻ ആർക്കാണ് അനുമതിയില്ലാത്തത് എന്ന് സിപിഐഎം ചോദിച്ചു. കലാകാരൻമാരുടെ സ്വാതന്ത്ര്യത്തിനൊപ്പം നിലകൊള്ളുമെന്നും സി.പി.ഐ.എം വ്യക്തമാക്കി.
തിരുവനന്തപുരം ജില്ലയിൽ അപകടകരമായ മരങ്ങൾ മുറിച്ചുമാറ്റാൻ കളക്ടർ നിർദ്ദേശം
കാലവർഷത്തെ തുടർന്ന് തിരുവനന്തപുരം ജില്ലയിൽ കനത്ത മഴയ്ക്കും കാറ്റിനും സാധ്യതയുള്ളതിനാൽ അപകടാവസ്ഥയിലുള്ള മരങ്ങൾ മുറിച്ചുമാറ്റാൻ ജില്ലാ കളക്ടർ നിർദ്ദേശം നൽകി. പൊതുസ്ഥലങ്ങളിലും സ്വകാര്യ പുരയിടങ്ങളിലുമുള്ള അപകടകരമായ മരങ്ങൾ മുറിച്ചുമാറ്റാൻ തദ്ദേശസ്ഥാപനങ്ങൾക്ക് നിർദ്ദേശം നൽകി. പൊതുജനങ്ങളുടെ സുരക്ഷ ഉറപ്പാക്കുന്നതിന് അടിയന്തര നടപടി സ്വീകരിക്കാൻ കളക്ടർ നിർദ്ദേശം നൽകി.
ആലത്തൂർ ദേശീയപാത തകർച്ച: നിർമ്മാണ കമ്പനിക്കെതിരെ വിമർശനവുമായി കെ. രാധാകൃഷ്ണൻ എം.പി
പാലക്കാട് ആലത്തൂർ സ്വാതി ജംഗ്ഷനിലെ ദേശീയപാത ഇടിഞ്ഞു താഴ്ന്ന സംഭവത്തിൽ ദേശീയപാത നിർമാണ കമ്പനിക്കെതിരെ വിമർശനവുമായി കെ രാധാകൃഷ്ണൻ എംപി. ബദൽ സൗകര്യങ്ങൾ ഒരുക്കാതെയാണ് ദേശീയപാതയിലെ അറ്റകുറ്റപ്പണികൾ നടത്തിയതെന്നും അദ്ദേഹം കുറ്റപ്പെടുത്തി. റോഡ് തകർന്ന സംഭവം ഗൗരവമായി കാണുന്നെന്നും ഉന്നതതല യോഗം വിളിക്കുമെന്നും എംപി അറിയിച്ചു.
കണ്ണൂരില് എട്ട് വയസുകാരിയെ അച്ഛൻ മർദിച്ച സംഭവം; സംരക്ഷണം ഉറപ്പാക്കുമെന്ന് മന്ത്രി വീണാ ജോർജ്
കണ്ണൂർ ചെറുപുഴയിൽ പിതാവിൻ്റെ മർദനമേറ്റ എട്ട് വയസ്സുകാരിയുടെ സംരക്ഷണം ഉറപ്പാക്കുമെന്ന് മന്ത്രി വീണാ ജോർജ്. സംഭവത്തിൽ കുറ്റക്കാർക്കെതിരെ കർശന നടപടി സ്വീകരിക്കുമെന്നും മന്ത്രി അറിയിച്ചു. ഈ വിഷയത്തിൽ അടിയന്തരമായി ഇടപെട്ട് ആവശ്യമായ നടപടികൾ സ്വീകരിക്കാൻ കണ്ണൂർ ജില്ലാ ശിശു സംരക്ഷണ ഓഫീസർക്ക് മന്ത്രി നിർദ്ദേശം നൽകി.