Kerala News
നെയ്യാറ്റിൻകരയിൽ വീട്ടമ്മയുടെ ആത്മഹത്യ: കോൺഗ്രസ് കൗൺസിലർക്കെതിരെ ഗുരുതര ആരോപണവുമായി മകൻ
നെയ്യാറ്റിൻകരയിൽ സലീല കുമാരി എന്ന വീട്ടമ്മയുടെ ആത്മഹത്യയിൽ കോൺഗ്രസ് കൗൺസിലർ ജോസ് ഫ്രാങ്ക്ളിനെതിരെ മകൻ രാഹുൽ ഗുരുതര ആരോപണങ്ങൾ ഉന്നയിച്ചു. ജോസ് ഫ്രാങ്ക്ളിൻ അമ്മയെ ലൈംഗികമായി ഉപദ്രവിക്കുകയും ഭീഷണിപ്പെടുത്തുകയും ചെയ്തുവെന്ന് രാഹുൽ ആരോപിച്ചു. ഇതിന്റെ മനോവിഷമത്തിലാണ് അമ്മ ആത്മഹത്യ ചെയ്തതെന്നും രാഹുൽ പറയുന്നു.
ഗഡ്കരിയുമായുള്ള കൂടിക്കാഴ്ച ഗുണകരം; ദേശീയപാത 66-ൻ്റെ ഉദ്ഘാടനം ജനുവരിയിൽ
കേന്ദ്ര ഗതാഗത വകുപ്പ് മന്ത്രി നിതിൻ ഗഡ്കരിയുമായുള്ള മുഖ്യമന്ത്രി പിണറായി വിജയൻ്റെ കൂടിക്കാഴ്ചയിൽ ദേശീയപാത 66-ലെ നിർമ്മാണ പുരോഗതി വിലയിരുത്തി. സംസ്ഥാനത്ത് നിർമ്മാണം പൂർത്തിയാക്കിയ റീച്ചുകളുടെ ഉദ്ഘാടനം ജനുവരിയിൽ നടക്കും. കൂടാതെ, കോഴിക്കോട് സിറ്റി റോഡിന്റെ ഭാഗമായുള്ള പനാത്ത് താഴം - നേതാജി നഗറിൽ എലിവേറ്റഡ് ഹൈവേയ്ക്ക് ഫണ്ട് നൽകാൻ നിതിൻ ഗഡ്കരി നിർദ്ദേശം നൽകി.
തിരുവനന്തപുരത്ത് യുവതി ജീവനൊടുക്കിയ സംഭവം: കോൺഗ്രസ് നേതാവിനെതിരെ ഗുരുതര ആരോപണങ്ങളുമായി ആത്മഹത്യാക്കുറിപ്പ്
തിരുവനന്തപുരത്ത് യുവതി ജീവനൊടുക്കിയ സംഭവത്തിൽ കോൺഗ്രസ് നേതാവിനെതിരെ ഗുരുതര ആരോപണങ്ങൾ. നെയ്യാറ്റിൻകര ഡി സി സി ജനറൽ സെക്രട്ടറി ജോസ് ഫ്രാങ്ക്ളിനെതിരെയാണ് ആരോപണം ഉയർന്നത്. സുനിതയുടെ ആത്മഹത്യാക്കുറിപ്പിൽ ഫ്രാങ്ക്ളിനെതിരെ ഗുരുതര ആരോപണങ്ങളുണ്ട്.
ശബരിമലയിലെ തീവെട്ടിക്കൊള്ള: പിണറായിക്കെതിരെ കെ.സി. വേണുഗോപാൽ
കോൺഗ്രസിൻ്റെ വിശ്വാസ സംഗമം കെ.സി. വേണുഗോപാൽ ശരണം വിളിയോടെ ഉദ്ഘാടനം ചെയ്തു. ശബരിമലയിൽ നടന്നത് തീവെട്ടിക്കൊള്ളയാണെന്നും ഈങ്ക്വിലാബ് വിളിക്കും പോലെ ശരണം വിളിക്കുന്നവരിൽ നിന്നും കൂടുതൽ പ്രതീക്ഷിക്കാനില്ലെന്നും അദ്ദേഹം വിമർശിച്ചു. പിണറായി വിജയൻ ദൈവങ്ങളോട് കളിച്ചാൽ അത് അവസാന കളിയായിരിക്കുമെന്നും അയ്യപ്പന്റെ സ്വത്തിൽ കണ്ണ് വെച്ചതിൻ്റെ പരിണിതഫലങ്ങളാണ് ഇപ്പോഴത്തേതെന്നും വേണുഗോപാൽ കൂട്ടിച്ചേർത്തു.
എഐയുടെ മൂന്നാമത് അന്താരാഷ്ട്ര സമ്മേളനം തിരുവനന്തപുരത്ത് വെച്ച് നടത്തും
കേരള സർക്കാർ സ്ഥാപനമായ ഐഎച്ച്ആർഡിയുടെയും ഉന്നത വിദ്യാഭ്യാസ വകുപ്പിന്റെയും സംയുക്താഭിമുഖ്യത്തിൽ ആർട്ടിഫിഷ്യൽ ഇന്റലിജൻസിന്റെ (AI) മൂന്നാമത് അന്താരാഷ്ട്ര സമ്മേളനം തിരുവനന്തപുരം കനകക്കുന്നിൽ നടക്കും. വിദ്യാഭ്യാസ മേഖലയിൽ ആർട്ടിഫിഷ്യൽ ഇന്റലിജൻസ് ചെലുത്തുന്ന സ്വാധീനവും വെല്ലുവിളികളും ചർച്ച ചെയ്യേണ്ടതിൻ്റെ ആവശ്യകത പരിഗണിച്ച് ഉന്നത വിദ്യാഭ്യാസ വകുപ്പാണ് കോൺക്ലേവ് സംഘടിപ്പിക്കുന്നത്. ICGAIFE 3.0 എന്ന് പേരിട്ടിരിക്കുന്ന മൂന്നാമത് എഐ അന്താരാഷ്ട്ര കോൺക്ലേവിൻ്റെ ലോഗോ പ്രകാശനം ചെയ്തു.
ശബരിമല സ്വര്ണപ്പാളി വിവാദം: അന്വേഷണത്തിന് പ്രത്യേക സംഘത്തെ നിയോഗിച്ച് സര്ക്കാര്
ശബരിമലയിലെ സ്വര്ണപ്പാളി വിവാദത്തില് അന്വേഷണത്തിന് പ്രത്യേക സംഘത്തെ നിയോഗിച്ച് സര്ക്കാര് ഉത്തരവിറക്കി. ഹൈക്കോടതിയുടെ മേല്നോട്ടത്തില് എഡിജിപി എച്ച്. വെങ്കിടേശിന്റെ നേതൃത്വത്തിലുള്ള സംഘമാണ് കേസ് അന്വേഷിക്കുക. സ്വര്ണ്ണ കവര്ച്ചയില് നാളെ ദേവസ്വം വിജിലന്സ് ഹൈക്കോടതിയില് റിപ്പോര്ട്ട് സമര്പ്പിക്കും.
താമരശ്ശേരിയിൽ ഡോക്ടർക്ക് വെട്ടേറ്റ സംഭവം: കോഴിക്കോട് ജില്ലയിൽ ഡോക്ടർമാരുടെ പ്രതിഷേധം, രോഗികൾ ദുരിതത്തിൽ
താമരശ്ശേരി താലൂക്ക് ആശുപത്രിയിൽ ഡോക്ടർക്ക് വെട്ടേറ്റ സംഭവത്തിൽ പ്രതിഷേധിച്ച് ഡോക്ടർമാർ നടത്തിയ സമരം രോഗികളെ ദുരിതത്തിലാഴ്ത്തി. ജില്ലയിലെ ഒ.പി.കൾ പൂർണ്ണമായി ബഹിഷ്കരിച്ചുകൊണ്ടായിരുന്നു ഡോക്ടർമാരുടെ പ്രതിഷേധം. ആവശ്യങ്ങൾ പരിഗണിക്കുന്നതുവരെ സമരം തുടരുമെന്ന് ഡോക്ടർമാരുടെ സംഘടനകൾ അറിയിച്ചു.
ആർസിസിക്ക് മരുന്ന് മാറിയെത്തി: ഗുജറാത്ത് കമ്പനിക്കെതിരെ കേസ്
തിരുവനന്തപുരം ആർസിസിക്ക് നൽകിയ മരുന്ന് പാക്കിങ്ങിൽ പിഴവ് സംഭവിച്ച് മാറിയെത്തി. ഗുജറാത്ത് ആസ്ഥാനമായ ഗ്ലോബല ഫാർമ കമ്പനിക്കെതിരെ സംസ്ഥാന ഡ്രഗ്സ് കൺട്രോൾ വകുപ്പ് കേസ് എടുത്തു. തലച്ചോറിലെ കാൻസറിന് ചികിത്സയിലുള്ളവർക്ക് ശ്വാസകോശ കാൻസർ ബാധിതർക്കുള്ള കീമോതെറാപ്പി ഗുളികകളാണ് നൽകിയത്.
ശബരിമല സ്വർണപ്പാളി വിവാദം: കളക്ടറേറ്റുകളിലേക്ക് ബിജെപി മാർച്ച്; പലയിടത്തും സംഘർഷം
ശബരിമല സ്വർണപ്പാളി വിവാദത്തിൽ പ്രതിഷേധം ശക്തമാക്കി ബിജെപി. വിവിധ ജില്ലകളിലെ കളക്ടറേറ്റുകളിലേക്ക് ബിജെപി പ്രതിഷേധം നടത്തി.അയ്യപ്പന്റെ സ്വത്ത് സർക്കാർ കൊള്ളയടിക്കുന്നു എന്ന് ആരോപിച്ചാണ് പ്രതിഷേധം സംഘടിപ്പിച്ചത്. കാസർകോട്, കോഴിക്കോട്, പാലക്കാട് എന്നിവിടങ്ങളിൽ പ്രതിഷേധം സംഘർഷത്തിൽ കലാശിച്ചു.
സ്വർണ്ണവില കുതിക്കുന്നു; പവൻ 91,000 കടന്നു
സംസ്ഥാനത്ത് സ്വർണ്ണവില റെക്കോർഡുകൾ ഭേദിച്ച് മുന്നേറുകയാണ്. ഇന്ന് പവന് 160 രൂപ കൂടി വർധിച്ചു. ഒരു പവൻ സ്വർണ്ണത്തിന്റെ ഇന്നത്തെ വില 91,040 രൂപയാണ്.
എയിംസ് സ്ഥാപിക്കാൻ സ്ഥലം രേഖാമൂലം അറിയിക്കണം; മന്ത്രിയുടെ വാക്ക് പോര: സുരേഷ് ഗോപി
ആലപ്പുഴയിൽ എയിംസ് സ്ഥാപിക്കുന്നതുമായി ബന്ധപ്പെട്ട് കേന്ദ്രമന്ത്രി സുരേഷ് ഗോപി വീണ്ടും പ്രതികരിക്കുന്നു. രേഖാമൂലം സ്ഥലം ഏറ്റെടുത്ത് അറിയിച്ചാൽ പദ്ധതിക്ക് വേണ്ട നടപടികൾ സ്വീകരിക്കാമെന്ന് അദ്ദേഹം പറഞ്ഞു. മന്ത്രി സജി ചെറിയാൻ വാക്കാൽ പറഞ്ഞതുകൊണ്ട് കാര്യമില്ലെന്നും സുരേഷ് ഗോപി കൂട്ടിച്ചേർത്തു.
സ്വർണ വിവാദം: വി.ഡി. സതീശനെതിരെ ആഞ്ഞടിച്ച് പി.എസ്. പ്രശാന്ത്
സ്വർണ മോഷണ വിവാദത്തിൽ പ്രതികരണവുമായി തിരുവിതാംകൂർ ദേവസ്വം ബോർഡ് പ്രസിഡന്റ് പി.എസ്. പ്രശാന്ത് രംഗത്ത്. തനിക്കെതിരായ ആരോപണങ്ങൾക്ക് പിന്നിൽ ഗൂഢാലോചന നടന്നിട്ടുണ്ടെന്നും ശബരിമലയെ സുവർണാവസരമായി കണ്ടുകൊണ്ട് പ്രതിപക്ഷ നേതാവ് രാഷ്ട്രീയം കളിക്കുകയാണെന്നും അദ്ദേഹം ആരോപിച്ചു. അന്വേഷണ റിപ്പോർട്ട് വരുന്നതുവരെ പ്രതിപക്ഷം ക്ഷമയോടെ കാത്തിരിക്കണമെന്നും പി.എസ്. പ്രശാന്ത് ആവശ്യപ്പെട്ടു.