Kerala News
മതസ്വാതന്ത്ര്യം ഭാരതത്തിന്റെ അനിവാര്യ ഘടകം; സീറോ മലബാർ സഭ സിനഡ്
മതസ്വാതന്ത്ര്യം ഭാരതത്തിന്റെ അനിവാര്യ ഘടകമാണെന്ന് സീറോ മലബാർ സഭാ സിനഡ് പ്രഖ്യാപിച്ചു. കന്യാസ്ത്രീകൾക്കും വൈദികർക്കും നേരെ നടക്കുന്ന അതിക്രമങ്ങൾ സിനഡ് ചർച്ച ചെയ്തു. എറണാകുളം അങ്കമാലി അതിരൂപതയിലെ കുർബാന തർക്കത്തിൽ സമവായം കണ്ടെത്താനുള്ള ശ്രമങ്ങൾ തുടരുമെന്നും സിനഡിൽ തീരുമാനമായി.
തിരുവനന്തപുരത്ത് ഓണാഘോഷത്തിനിടെ ലഹരി ഉപയോഗിച്ച് വിദ്യാർത്ഥികളുടെ സംഘർഷം; എട്ട് പേർ പിടിയിൽ
തിരുവനന്തപുരത്ത് ഓണാഘോഷത്തിനിടെ ലഹരി ഉപയോഗിച്ച് വിദ്യാർത്ഥികൾ തമ്മിൽ സംഘർഷമുണ്ടായി. തട്ടത്തുമല ഗവൺമെന്റ് ഹയർ സെക്കൻഡറി സ്കൂളിലാണ് സംഘർഷം നടന്നത്. എട്ട് പ്ലസ് ടു വിദ്യാർത്ഥികളെ പോലീസ് കസ്റ്റഡിയിലെടുത്തു.
ജോസ് പ്രകാശ് സുകുമാരൻ സെവൻത് ഡേ അഡ്വെൻറ്റിസ്റ്റ് സഭയുടെ കേരള അധ്യക്ഷൻ
പാസ്റ്റർ ജോസ് പ്രകാശ് സുകുമാരനെ സെവൻത് ഡേ അഡ്വെൻറ്റിസ്റ്റ് സഭയുടെ കേരള ഘടകം അധ്യക്ഷനായി തെരഞ്ഞെടുത്തു. പൂനെയിൽ നടന്ന സഭയുടെ തെക്കൻ ഏഷ്യാ പ്രതിനിധി സമ്മേളനത്തിലാണ് തിരഞ്ഞെടുപ്പ് നടന്നത്. അടുത്ത 5 വർഷത്തേക്കാണ് നിയമനം.
തിരുവനന്തപുരം ജനറൽ ആശുപത്രിയിലെ ചികിത്സാ പിഴവ്: നഷ്ടപരിഹാരവുമായി സുമയ്യയുടെ പ്രതിഷേധം
തിരുവനന്തപുരം ജനറൽ ആശുപത്രിയിലെ ശസ്ത്രക്രിയാ പിഴവുമായി ബന്ധപ്പെട്ട് കേസ് രജിസ്റ്റർ ചെയ്തതിന് പിന്നാലെ സുമയ്യ ആരോഗ്യ വകുപ്പ് ഡയറക്ടറേറ്റിൽ പ്രതിഷേധം ആരംഭിച്ചു. നഷ്ടപരിഹാരം ആവശ്യപ്പെട്ടാണ് സമരം ചെയ്യുന്നത്. ആരോഗ്യ വകുപ്പ് ഡയറക്ടർ സ്ഥലത്തില്ലാത്തതിനാൽ അദ്ദേഹമെത്തി തൃപ്തികരമായ ഒരു പരിഹാരം ഉണ്ടാക്കാതെ താൻ തിരികെ പോകില്ലെന്ന് സുമയ്യ വ്യക്തമാക്കി.
ജനറൽ ആശുപത്രിയിൽ യുവതിയുടെ നെഞ്ചിൽ ട്യൂബ് കുടുങ്ങിയ സംഭവം; ഡോക്ടർക്ക് മുൻകൂട്ടി പണം നൽകിയെന്ന് ബന്ധുക്കൾ
തിരുവനന്തപുരം ജനറൽ ആശുപത്രിയിൽ തൈറോയ്ഡ് ശസ്ത്രക്രിയക്കിടെ യുവതിയുടെ നെഞ്ചിൽ ട്യൂബ് കുടുങ്ങിയ സംഭവത്തിൽ ആരോഗ്യ മന്ത്രിയുടെ ഉറപ്പിന് നന്ദി അറിയിച്ച് സുമയ്യയുടെ ബന്ധു സബീർ. ശസ്ത്രക്രിയയ്ക്ക് മുൻപ് ഡോക്ടർക്ക് പണം നൽകിയിരുന്നുവെന്നും, സംഭവത്തിൽ പോലീസ് വിവരങ്ങൾ കൃത്യമായി അന്വേഷിക്കുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു. രണ്ട് വർഷം മുൻപ് ശസ്ത്രക്രിയ കഴിഞ്ഞിട്ടും എന്തുകൊണ്ട് നടപടിയുണ്ടായില്ലെന്നും സബീർ ചോദിച്ചു.
തൃശ്ശൂർ-കുറ്റിപ്പുറം പാതയിൽ ബസ് മറിഞ്ഞ് 17 പേർക്ക് പരിക്ക്
തൃശ്ശൂർ-കുറ്റിപ്പുറം സംസ്ഥാന പാതയിൽ പുലർച്ചെ ബസ് മറിഞ്ഞ് 17 പേർക്ക് പരിക്കേറ്റു. പുറ്റക്കര ഭാഗത്താണ് അപകടം നടന്നത്. പരിക്കേറ്റവരെ തൃശ്ശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.
രാഹുൽ മാങ്കൂട്ടത്തിലിനെതിരായ കേസ്: ക്രൈംബ്രാഞ്ച് ഇന്ന് മൊഴിയെടുക്കും
രാഹുൽ മാങ്കൂട്ടത്തിൽ എംഎൽഎയ്ക്കെതിരായ ലൈംഗികാരോപണ കേസിൽ ക്രൈംബ്രാഞ്ച് ഇന്ന് മൊഴിയെടുക്കൽ ആരംഭിക്കും. റിനി ആൻ ജോർജ്, അവന്തിക, ഹണി ഭാസ്കരൻ എന്നിവരുടെ മൊഴിയാണ് ആദ്യഘട്ടത്തിൽ രേഖപ്പെടുത്തുക. സംസ്ഥാന പൊലീസ് മേധാവിക്ക് ലഭിച്ച പരാതികളുടെ അടിസ്ഥാനത്തിലാണ് ക്രൈം ബ്രാഞ്ച് അന്വേഷണം നടത്തുന്നത്.
തിരുവനന്തപുരം ജനറൽ ആശുപത്രിയിൽ ചികിത്സാ പിഴവ്; ഡോക്ടർക്കെതിരെ കേസ് കൊടുത്ത് യുവതിയുടെ കുടുംബം
തിരുവനന്തപുരം ജനറൽ ആശുപത്രിയിലെ ചികിത്സാ പിഴവിൽ ഡോക്ടർക്കെതിരെ യുവതിയുടെ കുടുംബം പൊലീസിൽ പരാതി നൽകി. തൈറോയ്ഡ് ശസ്ത്രക്രിയക്കിടെ നെഞ്ചിൽ ട്യൂബ് കുടുങ്ങിയതാണ് പരാതിക്ക് ആധാരം. ട്യൂബ് നീക്കം ചെയ്യുന്നത് അപകടകരമാണെന്ന് ഡോക്ടർമാർ അറിയിച്ചെന്നും ബന്ധുക്കൾ പറയുന്നു.
ബിജെപി വനിതാ നേതാവിനെ ബലാത്സംഗം ചെയ്യാൻ ശ്രമിച്ച കേസിൽ ന്യൂനപക്ഷ മോർച്ചാ നേതാവ് അറസ്റ്റിൽ
മലപ്പുറത്ത് ബിജെപി വനിതാ നേതാവിനെ ബലാത്സംഗം ചെയ്യാൻ ശ്രമിച്ച കേസിൽ ബിജെപി ന്യൂനപക്ഷ മോർച്ചാ നേതാവ് സുബൈർ ബാപ്പു അറസ്റ്റിലായി. വണ്ടൂർ കൂരാട് സ്വദേശിയായ ഇയാളെ യുവതിയുടെ പരാതിയിലാണ് പോലീസ് കസ്റ്റഡിയിലെടുത്തത്. കഴിഞ്ഞ മാസം പത്തിനാണ് സംഭവം നടന്നത്.
കണ്ണൂരിൽ ദമ്പതികളെ പൊള്ളലേറ്റ് മരിച്ച നിലയിൽ കണ്ടെത്തി
കണ്ണൂർ അലവിലിൽ ദമ്പതികളെ പൊള്ളലേറ്റ് മരിച്ച നിലയിൽ കണ്ടെത്തി. കല്ലാളത്തിൽ പ്രേമരാജൻ, എ കെ ശ്രീലേഖ എന്നിവരാണ് മരിച്ചത്. മകൻ വിദേശത്തുനിന്ന് എത്തുന്നതിന് മണിക്കൂറുകൾക്ക് മുമ്പാണ് സംഭവം.
ഭൂപതിവ് നിയമം: മലയോര ജനതയ്ക്ക് ഓണസമ്മാനമെന്ന് മന്ത്രി റോഷി അഗസ്റ്റിൻ
ഭൂപതിവ് നിയമത്തിലെ പുതിയ ചട്ടങ്ങൾ മലയോര മേഖലയിലെ ജനങ്ങൾക്ക് സംസ്ഥാന സർക്കാർ നൽകുന്ന ഓണസമ്മാനമാണെന്ന് മന്ത്രി റോഷി അഗസ്റ്റിൻ അഭിപ്രായപ്പെട്ടു. വർഷങ്ങളായി ഈ വിഷയത്തിൽ നിലനിന്നിരുന്ന ജനങ്ങളുടെ ആശങ്കകൾക്ക് ഈ നിയമം പ്രാബല്യത്തിൽ വരുന്നതോടെ പരിഹാരമുണ്ടാകും. ഇടുക്കിയിലെ ജനങ്ങളുടെ ആശങ്കകൾക്ക് പരിഹാരം കാണാൻ ശ്രമിച്ച മുഖ്യമന്ത്രി പിണറായി വിജയനോടും റവന്യൂ മന്ത്രി കെ. രാജനോടുമുള്ള നന്ദി മന്ത്രി അറിയിച്ചു.
തിരുവനന്തപുരം ജനറൽ ആശുപത്രിയിലെ ചികിത്സാ പിഴവ്; ഡോക്ടർക്കെതിരെ നടപടിയുമായി ഡിഎംഒ
തിരുവനന്തപുരം ജനറൽ ആശുപത്രിയിൽ ചികിത്സാ പിഴവ് സംഭവിച്ചതിനെ തുടർന്ന് ഡിഎംഒ വിശദീകരണം തേടി. ശസ്ത്രക്രിയക്കിടെ രോഗിയുടെ ശരീരത്തിൽ സർജിക്കൽ വയർ കുടുങ്ങിയ സംഭവത്തിലാണ് നടപടി. കാട്ടാക്കട സ്വദേശി സുമയ്യയുടെ തൈറോയ്ഡ് ഗ്രന്ഥി നീക്കം ചെയ്യുന്ന ശസ്ത്രക്രിയക്കിടെയാണ് പിഴവ് സംഭവിച്ചത്.