Kerala News
ഛത്തീസ്ഗഢ്: കന്യാസ്ത്രീകളുടെ അറസ്റ്റ്; ഉത്കണ്ഠയോടെ കാണുന്നുവെന്ന് കുടുംബം
ഛത്തീസ്ഗഢിൽ മലയാളി കന്യാസ്ത്രീകളെ അറസ്റ്റ് ചെയ്ത സംഭവം വേദനിപ്പിക്കുന്നതാണെന്ന് സിസ്റ്റർ പ്രീതി മേരിയുടെ കുടുംബം. പാവപ്പെട്ടവർക്ക് വേണ്ടി ജീവിതം ഉഴിഞ്ഞുവെച്ച കന്യാസ്ത്രീക്ക് നേരെയുണ്ടായ ഈ സംഭവം ഏറെ സങ്കടകരമാണെന്നും കുടുംബം കൂട്ടിച്ചേർത്തു. ഈ വിഷയത്തിൽ നീതിയുക്തമായ നടപടി ഉണ്ടാകണമെന്നും കുടുംബം ആവശ്യപ്പെട്ടു.
ഛത്തീസ്ഗഡിലെ കന്യാസ്ത്രീ അറസ്റ്റ്: നീതി ഉറപ്പാക്കണമെന്ന് സാദിഖലി ശിഹാബ് തങ്ങൾ
ഛത്തീസ്ഗഡിൽ മലയാളി കന്യാസ്ത്രീകളെ അറസ്റ്റ് ചെയ്ത സംഭവം പ്രതിഷേധാർഹമാണെന്ന് മുസ്ലിം ലീഗ് സംസ്ഥാന അധ്യക്ഷൻ സാദിഖലി ശിഹാബ് തങ്ങൾ അഭിപ്രായപ്പെട്ടു. ഭരണഘടന ഉറപ്പുനൽകുന്ന മതസ്വാതന്ത്ര്യത്തിന് എതിരായ കടന്നുകയറ്റമാണിതെന്നും അദ്ദേഹം കൂട്ടിച്ചേർത്തു. കന്യാസ്ത്രീകൾക്ക് നീതി ഉറപ്പാക്കാൻ മുഖ്യമന്ത്രി പിണറായി വിജയൻ പ്രധാനമന്ത്രിക്ക് കത്തയച്ചു.
അമരവിളയിൽ ആഡംബര ബസ്സിൽ കടത്തിയ ലഹരിവസ്തുക്കൾ പിടികൂടി; ഒരാൾ അറസ്റ്റിൽ
തിരുവനന്തപുരം അമരവിള ചെക്പോസ്റ്റിൽ ആഡംബര ബസ്സിൽ കടത്തിയ ലഹരിവസ്തുക്കൾ പിടികൂടി. വർക്കല സ്വദേശി അൽ അമീൻ (31) എന്നയാളാണ് അറസ്റ്റിലായത്. 1.904 ഗ്രാം ഹാഷിഷ് ഓയിൽ, 1.779 ഗ്രാം മെത്താഫിറ്റമിൻ എന്നിവയാണ് ഇയാളിൽ നിന്ന് കണ്ടെത്തിയത്.
സ്വകാര്യ ബസുകളുടെ മരണപ്പാച്ചിൽ: ഉടൻ ഉത്തരവിറക്കുമെന്ന് മന്ത്രി കെ.ബി. ഗണേഷ് കുമാർ
സ്വകാര്യ ബസുകളുടെ മത്സരയോട്ടം തടയുന്നതിന് ഉടൻ ഉത്തരവിറക്കുമെന്ന് ഗതാഗത മന്ത്രി കെ.ബി. ഗണേഷ് കുമാർ അറിയിച്ചു. നഗരങ്ങളിൽ 5 മിനിറ്റും ഗ്രാമങ്ങളിൽ 10 മിനിറ്റുമായി ബസുകൾ തമ്മിലുള്ള സമയദൈർഘ്യം നിജപ്പെടുത്തും. ലഹരി ഉപയോഗിക്കുന്നവരെയും ക്രിമിനൽ കേസ് പ്രതികളെയും ബസ് ജീവനക്കാരാക്കില്ലെന്നും മന്ത്രി കൂട്ടിച്ചേർത്തു.
കന്യാസ്ത്രീകളെ ജയിലിലടച്ച സംഭവം പ്രാകൃതമെന്ന് സണ്ണി ജോസഫ്
ഛത്തീസ്ഗഡിൽ പെൺകുട്ടികളെ ജോലിക്കായി കൊണ്ടുപോയ കന്യാസ്ത്രീകളെ ജയിലിലടച്ച സംഭവം പ്രതിഷേധാർഹമാണെന്ന് സണ്ണി ജോസഫ്. ക്രൈസ്തവർക്കെതിരായ അതിക്രമങ്ങൾ വർധിക്കുന്നു. കത്തോലിക്ക സഭയുടെ ആതുര സേവനങ്ങളെ തടസ്സപ്പെടുത്താനുള്ള ശ്രമങ്ങൾക്കെതിരെയും അദ്ദേഹം രംഗത്തെത്തി.
വിഎസിനെതിരായ ക്യാപിറ്റൽ പണിഷ്മെന്റ് പരാമർശം; തള്ളി ഡി.കെ മുരളി
വിഎസിനെതിരായ ക്യാപിറ്റൽ പണിഷ്മെന്റ് പരാമർശം സമ്മേളന പ്രതിനിധികൾ തള്ളി. സുരേഷ് കുറുപ്പിന്റേത് ഭാവനാസൃഷ്ടിയാണെന്ന് ഡി.കെ മുരളി എംഎൽഎ പറഞ്ഞു. വി.എസ്. സമ്മേളനത്തിൽ നിന്നും മടങ്ങിയെന്നും ക്യാപിറ്റൽ പണിഷ്മെന്റ് നൽകണമെന്ന പരാമർശത്തിന് പിന്നാലെ തലകുനിക്കാതെ അദ്ദേഹം പോയെന്നും സുരേഷ് കുറുപ്പ് പറഞ്ഞിരുന്നു.
തിരുവനന്തപുരം മൃഗശാലയിൽ കടുവയുടെ ആക്രമണം; സൂപ്പർവൈസർക്ക് പരിക്ക്
തിരുവനന്തപുരം മൃഗശാലയിൽ വെള്ളം കൊടുക്കുന്നതിനിടെ കടുവ ജീവനക്കാരനെ ആക്രമിച്ചു. സൂപ്പർവൈസർ രാമചന്ദ്രനാണ് പരിക്കേറ്റത്. തലയ്ക്ക് പരിക്കേറ്റ അദ്ദേഹത്തെ മെഡിക്കൽ കോളേജിൽ പ്രവേശിപ്പിച്ചു.
മിഥുൻ ഷോക്കേറ്റ് മരിച്ച സംഭവം: സുരക്ഷാ കമ്മീഷണറുടെ റിപ്പോർട്ട് തള്ളി മന്ത്രി
കൊല്ലം തേവലക്കരയിൽ എട്ടാം ക്ലാസ് വിദ്യാർത്ഥി മിഥുൻ ഷോക്കേറ്റ് മരിച്ച സംഭവത്തിൽ ചീഫ് സുരക്ഷാ കമ്മീഷണറുടെ റിപ്പോർട്ട് വൈദ്യുതി മന്ത്രി കെ കൃഷ്ണൻകുട്ടി തള്ളി. റിപ്പോർട്ടിൽ വീഴ്ച വരുത്തിയ ഉദ്യോഗസ്ഥരുടെ പേര് എടുത്തുപറയാത്തതിനെ മന്ത്രി വിമർശിച്ചു. വീഴ്ച വരുത്തിയ ഉദ്യോഗസ്ഥർക്കെതിരെ നടപടി എടുക്കാൻ കെഎസ്ഇബി ചെയർമാന് മന്ത്രി നിർദ്ദേശം നൽകി.
കണ്ണൂർ ജയിലിൽ ഗോവിന്ദച്ചാമി കിടന്ന സെല്ലിന്റെ ചിത്രം പുറത്ത്; സുരക്ഷാ വീഴ്ചകൾക്ക് തെളിവ്
കണ്ണൂർ സെൻട്രൽ ജയിലിൽ ഗോവിന്ദച്ചാമി കിടന്ന സെല്ലിന്റെ ചിത്രം പുറത്തുവന്നു. ജയിൽ ചാടാനായി ഗോവിന്ദച്ചാമി സെല്ലിന്റെ രണ്ട് ഇരുമ്പ് കമ്പികൾ മുറിച്ചുമാറ്റിയിരുന്നു. നാല് സഹതടവുകാർക്ക് ജയിൽചാട്ടത്തെക്കുറിച്ച് അറിയാമായിരുന്നുവെന്നും പൊലീസ് കണ്ടെത്തിയിട്ടുണ്ട്.
പ്ലാസ്റ്റിക് മാലിന്യം തള്ളിയെന്ന് കള്ളക്കേസ്; ഭിന്നശേഷിക്കുടുംബം ഒളിവില്, ഉദ്യോഗസ്ഥനെതിരെ ആരോപണം
പ്ലാസ്റ്റിക് മാലിന്യം വനത്തിൽ തള്ളിയെന്നാരോപിച്ച് ഭിന്നശേഷിയുള്ള കുടുംബത്തിനെതിരെ കള്ളക്കേസെടുത്ത സംഭവം ഉണ്ടായി. അറസ്റ്റ് ഭയന്ന് ഓട്ടിസം ബാധിച്ച മകളുമായി കുടുംബം ഒളിവിൽ കഴിയുകയാണ്. കേസൊഴിവാക്കാൻ ഉദ്യോഗസ്ഥൻ പണം ആവശ്യപ്പെട്ടെന്ന് കുടുംബം ആരോപിച്ചു.
സംസ്ഥാനത്ത് വൈദ്യുതി സുരക്ഷ ശക്തമാക്കുന്നു; ജില്ലാതല കമ്മിറ്റികൾ ഉടൻ
സംസ്ഥാനത്ത് തുടർച്ചയായി ഉണ്ടാകുന്ന വൈദ്യുതി അപകടങ്ങൾ ഒഴിവാക്കാൻ സംസ്ഥാന, ജില്ലാതല കമ്മിറ്റികൾ വിളിച്ചുചേർക്കാൻ തീരുമാനിച്ചു. അടുത്ത മാസം 15-നകം കമ്മിറ്റികൾ വിളിച്ചുചേർക്കാൻ വൈദ്യുതി മന്ത്രി നിർദ്ദേശം നൽകി. ഓഗസ്റ്റ് 15-ന് മുമ്പ് സുരക്ഷാ പരിശോധനകൾ പൂർത്തിയാക്കാനും നിർദേശമുണ്ട്.
സംസ്ഥാന തിരഞ്ഞെടുപ്പ് കമ്മീഷന്റെ വോട്ടർ പട്ടികയിൽ ക്രമക്കേടെന്ന് പ്രതിപക്ഷം
സംസ്ഥാന തിരഞ്ഞെടുപ്പ് കമ്മീഷൻ തയ്യാറാക്കിയ വോട്ടർ പട്ടികയിൽ വ്യാപക ക്രമക്കേടുകളുണ്ടെന്ന് പ്രതിപക്ഷം ആരോപിച്ചു. തെറ്റുകൾ തിരുത്തുന്നതിന് സമയം നീട്ടി നൽകിയില്ലെങ്കിൽ നിയമനടപടി സ്വീകരിക്കുമെന്നും മുന്നറിയിപ്പ് നൽകി. രാഷ്ട്രീയ താൽപര്യങ്ങൾക്കനുസരിച്ച് കമ്മീഷൻ പ്രവർത്തിക്കുന്നുവെന്നും പ്രതിപക്ഷം കുറ്റപ്പെടുത്തി.